Бір жігіт таңертеңнен кешке дейін балық аулап отырады. Қармағына еш балық түспейді. Тек
кетерде бір алабұға қармағына түседі. Жігіт алабұғаға:
-Сені бәрібір асып жеймін -дейді. Алабұға:
-Оған бәрібір тоймайсың ғой.- дейді. Жігіт:
-Еңбегім еш кетпесін деп… Содан жігіт алабұғаны асып жеп отырғанда қылқаны тамағына
тұрып қалып, жедел жәрдем шақыртады. Жігіттің тамағынан қылқанды хирургтер алып беріпті.
Жігіт үйіне келіп, алабұғаның басына:
-Енді сендей балықтың мыңы түсседе жемеймін -дейді. Алабұғаның басы:
-Одан біздің мүйізіміз қисаймайды
-Сендерде мүйіз жоқ қой?
-Ендеше қылшығымыз қисаймайды.
-Сендерде қылшық жоқ қой?
-Ендеше құйрығымыз қисаймайды.
-Рас сендерде құйрық жағы бар -дептіде жігіт алабұғаның басы мен омыртқа сүйегін қайтадан
өзенге лақтырып жіберіпті. Сол кезде алабұғаға қайтадан жан бітіп, Алтын алабұғаға айналып,
судан басын шығарып:
-Жігітім, сен ақылсыздығыңнан басыңа қонатын бақтан айрылдың. " Көзі тоймастың, қарны
тоймас" деген" деп суға қайтадан сүңгіп кетіпті.

"БІЗГЕ ҚАСЕКЕҢНІҢ ЖАМБАСЫНА БАТАТЫН
СЫН АЙТУҒА БОЛМАЙДЫ" (мысал)

Қасқыр үлкен бастық. Түлкі -тілші. Соған зорман келіп:

-Әй, сен осы қу даланың ең көп тұрғындары екенімізді білесің бе?
-Білем ғой.
-Білсең, күн көрісіміздің нашар екенін, қор өмір сүріп жатқанымызды
неге жазбайсың!?
-Ойбай, сен көп нәрсені білмейсің. Біз сын айтсақ та, ешкімнің ашуына
тимейтіндей етіп айтамыз. Ептеп шымшимыз, қыршимыз дегендей.
Бізде тендер деген бар, Тендер!. Біз соның ақшасын кеміріп күн көріп
жатырмыз. Сол қаржыны бөлетін кім?- Қасекең! Сондықтан Қасекеңнің
жамбасына бататын сын айтуға бізге болмайды!- депті тілші түлкі.

"МЕН ЖОҚТА ҚАБЫЛДАҒАН ШЕШІМІНЕ
КӨМЕКШІМ ӨЗІ ЖАУАП БЕРЕТІН БОЛСЫН"
Әкім аудан тұрғындарымен жиналыс өткізіп жатады.
Залдан біреу тұрып:,
-Қазір "көмекші деген мода болды.Сізде көмекшіңіз бар ма? деп сұрапты.
-Бар ғой -деп мүңк ете қалады әкім.
Сосын залдан тағы біреу тұра қалып:
-Біздің ауылдың әкімі үнемі орнында отырмайды. Оған көмекші беріңіз" деп өтініш жасапты.
Сонда бір ауылдың әкімі орнынан тұрып:
-Егер маған көмекші бөлсеңіз, мен ауданға, облысқа кеткен кезде көмекшім өзі қабылдаған
шешіміне өзі жауап беретін болсын!"- депті.
Тағы біреу залдан:
-Көмекшінің көмекшісі деген штат бар дейді, Сол штатқа мені алмайсыз ба? деп сұрапты.
-Қазір ондай штат бөлінген жоқ.Егер бөліне қалса, оған конкурспен аламыз депті әkім.

"АҚШАНЫҢ ИІСІН ЕКІ КҮН БҰРЫН СЕЗЕМ"
Ауданның есепшісі бүгін ертерек тұрған. Тұра салып, әйелін тұқыртып жатыр
-Шалбарымды үтіктедің бе
-көйлегім үтіктеліп пе еді?,

-Қазір дайын болады
-Галстугым мен қол орамалы ше>
-Ойбай ай, ойбай, не болды бүгін саған, жұмысқа ерте жиналдың ғой?
-Үлкен жиналыс болады
-Жиналыс болса ше, сонша мұрныңнан сүрініп не болды?
-Ойпырмай, шашы ұзынның ақылы қысқа болады деген рас па екен. Маңызды жиналыс дедім
ғой, үлкендер қатысатын.Маңызды болғасын, "ақша түседі "деген сөз.Мен ондай жиналыста
сөйлемеймін, тек сөйлегендерді шала тыңдап, кейде қалғып, мызғып алам. Маған тек,
"қаржыны бөлеміз" десе болды.Есепке ақша түсетінін мен ылғи екі күн бұрын сезем депті-
есепші

Ұлықбек Есдәулет ағамен әуежайда кездесіп қалдық. Ұшақтағы орнымыз да қатар болып шықты. Енді бас қалаға жеткенше елдің жағдайын бірге ойласып баратын шығармыз.

Айтпақшы:
Бас жазушы құлағына телефонын жабыстырып, кіммен сөйлесіп жатыр деп ойлайсыз(дар)?

(КҮЛДІР- ДҮЛДІР , Жұматтың әзіл қалжыңдары, мысалдар)

«Сендер семіре тұрыңдар» (мысал)

Ымырт түсе бастаған кез. Бір жерге сары шегіртке, далашегіртке, қоңыршегіртке, қалашегіртке, бидайшегіртке, шөпшегіртке бас қосып, әңгіме шертісіп отырыпты. Сол кезде қастарына қараторғай келіп қонады. Сол кезде шегірткелер қорқып кетіп, ұшып кетейін деп жатқанда Қараторғай

“Қорықпаңдар! Мен сендерге жақсы пиғылмен келдім. Араларыңда домбыра тартатын, ұйқас құрай алатындарың бар ма?” -деп сұрайды. Шегірткелердің көңілдері орнына түсіп, арасынан бір ересегі:

“Енді керемет болмағанмен қамысты шертіп, ән айтамыз, сосын ұйқас құрудегенде бізге жат емес”- депті.Қараторғай:

“Онда тамаша! Сендердің араларыңда Айтыс ұйымдастырамыз! Бірінші орынға10-мың Биткоин!Екінші, үшінші орындарға да бәйгеміз жаман емес!

Шегірткелер шексіз қуанып:,

“Біз бұрын айтысып көрген жоқпыз, сол жағы қалай болады?”

“Ол жағы сендер ойлағандай қиын емес. Ертең кешке дейін айтысқа қатысатындар үшін кастинг болады. Соған айтыста бір біріңе айтатын сөздеріңді ұйқаспен жазып келесіңдер. Репетиция кезінде жазып әкелгендеріңді орындап, айтысып көресіңдер. Сол жерде жюри мүшелері ең жақсы айтыс сөзін жазғандарды таңдап алады”.дейді. Шегірткелер, қараторғайдың ұсынысын қабыл алып, айтысқа дайындалуға кетеді. Содан ертеңіне кастинг кезінде біраз шегірткелер сыннан өтіп, айтысқа қатысатын болады. Содан кейінгі шегірткелер арасындағы үлкен айтыста бәрінен басым түсіп, Далашегірткесі бірінші орынға ие болып, 10 мың биткоин сыйлық беріліпті. Екінші орынға Шөпшегіртке ие болып, ол да ақшалай сыйлыққа ие болады. Қараторғай үшінші, төртінші орын алғандарға да сыйлық беріп:, “Сендер бәріңде өте арық екенсіңдер, пока семіріп, менің кәдеме жарағанша мына жерде отыра тұрыңдар” деп, темір тордың ішіне сыйлық алғандардың бәрін тыға салыпты. Сосын ең соңғы орынға ие болған Бидайшегіркені Қараторғай уысында ұстап тұрып, “Сен бидай әлі піспей тұрып, семіріп кеткен екенсің” деп, аузына салып жіберген екен.

“БАЯҒЫ ДӘУ ПІСПЕКТІ САҒЫНДЫМ” (мысал)

Бір үйде ертеден келе жатқан күбі бар екен. Иесі соған күнде қымыз құяды. Пісілмеген қымыз қымыз ба! Үй иесі күбідегі қымызды басында шағын темір қалақшасы бар КІШКЕНЕ піспекшемен қымызды біраз піседі екен. Бірақ қымыздың ашуы, әлде пісуі келіспеген бе, күбідегі қымыз тамақты қырып жібереді екен.

Сонда баяғыдан келе жатқан күбі: “Қымыздың жақсы болмағаны менен емес, жаман піспектен ғой” деп іштей ашуланады екен. Сосын қасында жатқан ағаш табаққа: “Баяғыда мен жас едім, қымызға толғанда екі бүйірім шығып тұратын еді. Ол кезде піспегімде шоқпардай басы бар дәу еді. Мені сол піспекпен піскенде, ой жаным рахат табатын еді ғой. Сол дәу піспекті сағындым” деп мұңайыпты.

“АҚЫЛДЫ ӨЛШЕЙТІН ГІР ЖОҚ ПА?”

Бір спорткомплексте салмағы көптер таласып, гірге салмақтарын өлшетіп жатыр:.

-90!

-95!

-100!

-120! Оған сол жерде салмақпен тең түсетін адам табылмайды.

Сонда солардың арасында тұрған кішкентай жігіт гірге жұртты салып тұрғаннан:

-Ақылдыларды өлшейтін гір жоқ па?- деп сұраған екен.

ӘУЛИЕ МЕ”, “ҚУ”ма?(мысал)

Қиян далада түлкі мен суыр кездесіп, әңгімелесіп қапты. Түлкі бір сөзінде суырға: “мен аңдардың ішіндегі әулиесімін” деп мақтаныпты. Оған суыр таңданып:, “Сен қалай аңдардың әулиесі” боласың?” деп сұрапты. Түлкi: “Солай!, Нанбасаң біздің үйге барып арнаулы ТАРАЗЫ бар, соған түсіп көрейік” дейді. Содан екеуі аяңдап түлкінің үйіне келеді. Онда айтқандай ТАРАЗЫ тұр екен. Ол таразыда “адал”, “қу”,”данышпан”, “әулие” деген графалар жазылған екен. Түлкі суырға қарап:,”Мен қазір осы таразыға тұрамын, ол менің “әулие” екенімді көрсетуге тиіс” дейді де таразының үстіне тұра қалады. Түлкі айтқандай таразы ” данышпан” деген көрсеткіштен өтіп барып, “әулие” деген графаға барып тоқтайды. Түлкі таразыны көрсетіп: “Айттым ғой, жаңа! Мен әулиемін деп” дейді. Суыр оған сенбей түлкіге: “таразыға қайта тұр” дейді. Түлкі таразыға қайта мінеді. Таразының тілі тағы “ӘУЛИЕ” деген нүктені көрсетеді. Суыр сонда да түлкіге сенбей , таразының қақпағын ашып қалса, оған түлкі арнаулы тас салып қойвпты. Суыр тасты алып тастап, түлкіге: “Таразыға қайта тұр” дейді. Түлкі таразыға шықса, таразының стрелкасы “Қу” деген нүктеге барып тоқтапты. Сонда суыр: “Міне, енді сенің кім екенің анықталды” деген екен.

“НЕ ҚҰЛЫ БОЛАСЫҢ, НЕ ЖЕМІ БОЛАСЫҢ” (мысал)

Орманның ортасындағы дөңде әйдік арыстан жатыр маңғазданып, дөңкиіп. Оған қызыққан қасқыр түлкіден:

-Арыстанға жақындап дос болсам, менің де дәрежем, атағым өсетін шығар? -деп ақыл сұрапты. Сонда түлкі:

-Арыстанның аты арыстан. Ол сені дос қылып, уақытын зая кетірмейді. Сені ол НЕ ҚҰЛ ҚЫЛАДЫ, НЕ ЖЕМ ҚЫЛАДЫ- деген екен.

«Аштан өлсек те, үй қояны болмаймыз» (мысал)

Ақ  қоян, көк қоян, ала қоян, қара  қоян, дала және тау қояндарының арасында жиналыс өтіп жатады. Жиынның тқрағасы

Бізде оппозициялық партия юар ма деп сұрайды:

-Жооқ! -деп жауап беріпті. Сосын бірі:

-Бізде осы оппозициялық газет бар ма?- деп сұрапты. Сонда төрде отырғандардың бірі:

-Бір екеуі бар сияқты, бірақ олардың өзі кім жем береді соның сөзін айтады ғой- деген екен. Сосын мәжілісте отырған тағы бір қоян:

-Біздің арамызда елдің қамын жейтін шын ұлтшыл қоян бар ма?- деп сұрайды. Залда бәрі тым тырыс ,бір біріне қарап, сол сұраққа жауап таба алмапты. Ақыры болмағасын бірі:

-Арамызда ондай ұлтшыл қоян жOқ!”- депті.Сонда жиынды басқарушы сұр қоян:

-Біз осы жиналысқа ” басымызды қосып, қалай ел боламыз?” деп келіп отырмыз. Сонда оппозиция болмасa, ұлтшылдарымыз жоқ болса біздің басымызды кім қосады дейді. Сонда залдан жиналысқа қатысып отырған үй қояны:

-Сендер оппозицияны, ұлтшылдарды іздеп қайтесіңдер. ОНАНДА БІЗ СИЯҚТЫ ҮЙ ҚОЯНЫ БОЛЫҢДАР, тамақтарың тоқ, кигендерің көк болады -деп ұсыныс айтыпты. Сонда бірігуден үміті үзілген даланың сұр қояны:

-Аштан өлсекте, торға түсіп, үй қояны бола алмаспыз -деген екен.

Сөйтіп, дала қояндары, тау қояндары, орман қояндары және үй қояндары бас қосқан жиналыс бір мәмілеге келе алмай тарқасқан екен.

“СІЗ ҚАЛАЙ ЫМДАСАҢЫЗ, СОЛАЙ АЙТАМ»

Азан шаұырып қойған аты Өмірбай, елдің қойған кличкасы “Қысқаш”. Өйткені жиналыс сайын жоғарғы жақты сынап жүруді әдетке айналдырған.. Сол Қысқаш үйінде не істерін білмей ерігіп, жақын маңдағы сыраханада сыра сораптап отырған. Сол сәтте үш қара машина сырахананың алдына бір ерек салтанатпен тоқтай қалды.

Қысқаштың “өзі сынап жүрген бастықтардың бірі ме?” деп іші қылп ете қалған. Неде болса, мәшинеден шығатындарды асыға күтті.

Ортадағы қара мәшинеден бір маңғаз шығып Қысқаштың өзіне қарай бет алды. Қысқаш бұл маңғазды ептеп таниды. Осы аймақтағы аса байлардың бірі.

Маңғаз байыппен аяғын басып, Қысқаштың тура жанына кеп отырды.Ол сыраға тапсырыс берді. Асықпай оны ішіп отыр. Сосын көзін сығырайтып, Қысқашқа қарап,

“Сен осы ауылдың атақты ділмары Қысқашпысың?” деп сұрады. Қысқаш ” бұл мені қайдан біледі” дегендей түрмен, оның сөзіне сасып қап:

“Иә” деп жауап берген.

“Онда мәселе былай. Мен меценат ретінде осы аймақтағы белгілі адам болса, соған “қамқорлық көрсетейін деген оймен, бір мәшина сыйламақ едім.

Ел адамдарының тізімін қарап отырып, сенен басқа адам таппадым..

“А,а, не дейді құдай ау!?”

“Иә, сенен басқа аты шыққан адам тізімде болмады».

Бірақ, саған мәшине сыйлайын десем, жұрт сені ” тілі шаянның тілінен жаман” деп сөгіп жатыр.

“Ойбай, байеке! Соның бәрі жоқтықтан ғой…”деп Қысқаш ақтала бастаған.

Сонда маңғаз бай Қысқашқа салмақтап қарап:

“Ақыл тоқтататын жасқа келген екесің. Менімен жақсы қарым қатынаста болған адам ойына келгенді айта беруге тиісті емес!.”.

“Басеке, конешно!”

“Ендеше, мында кел. Мына су жаңа мәшиненің есігін аш.!”

Қысқаш мәшиненің есігін ашады. Анау бай бұдан:

“Мәшине қалай?” деп сұрайды. Анау мәшиненің ішін көзімен шолып:

“Керемет!” дейді.. Маңғаз бай Қысқашқа:

“Онда мәшинең құтты болсын! Бірақ, бір нәрсені есіңнен шығарма. Бұдан былай мен не десем, соны айтасың! “депті. Сонда Қысқаш:

“Ойбай, басеке! Мені бір әумесер көресіз бе. Бұдан былай сіз не десеңіз соны айтам” дейді де , қунышы қойнына сыймаған Қысқаш сыйға алған мәшиненің рөліне асығыс отырадыда, кілтін қосып, от алдырады.

Су жаңа мәшине зыңылдап тұр, жүрегі орнына сыймай лүпілдеп тұр. Сол қуаныш лүпілмен Қысқаш газды басып қалғанда, мәшине ытқып барып, алдыңғы мәшинеге соғылады. Қысқаштың не істерін білмегеннен екі көзі шарасынан шығып кеткен.

Сол кезде мәшина берген маңғаз келіп, Қысқашқа

“Саған мына мәшинені сыйладым ғой, иә?”

“Иә”

“Ендеше мына мәшиненің құнының сұрауы жоқ, ал бірақ, ана мәшинеге қарыз боласың” деп маңғаз бай соны айтты да, артына қарамай тартып отырды.

Қысқаштың басы дың -дың.

“Ана мәшиненің құнын қашан төлеп бітірем?” Қысқаштың басты “проблемасы” сол боп қалды!!!  Ананы мәңгілік мақтау және бар.

Жұмат ӘНЕСҰЛЫ, жазушы сатирик
kerey.kz

Исрафил періште кернейін ойнап, дүниеге заман ақырдың орнағанын хабарласа, қазақтар ғана оның сөзінен соң аза тұтпай, керісінше жаңа бір қызу талқылау бастап кетіпті. У да шу, айғай-ұйғайға таң қалған Исрафил көктен жақындап келіп тыңдаса, қазақтар “ақырет” деп айтқан дұрыс па, жоқ әлде “ахират” деген дұрыс па” деген мәселені шеше алмай жағаласып жатқан көрінеді.

Ғалым БОҚАШтың facebook парақшасынан алынды

Қалтай Мұхамеджанов ағамыз жұмысқа келгенде:
– Қалай, джігіттер, джағдайларың джақсы ма? – дейтін сол кезде «ж»-ға «д»-ны қосып айтатындарды кекетіп.
Бір күні «Араның» жауапты хатшысы, марқұм Сайлаубек Жұмабековтің бөлмесінде жұмыстың соңында кішігірім «жетім қыздың» тойын жасап жатқанбыз.
– Есікті жаптыңыз ба? – деген сұрағыма «қорықпа, қатырдым» дегендей Сәкең екі көзін бірдей жұмып, басын шұлғып, бас бармағын қайқайта шошайтты.
Апыл-ғұпыл боп жатқанымызда кенет есік сарт етіп ашылды да, ар жағынан Қал-ағаң көрінді. Не істерімізді білмей қатты сасқалақтадық. Ауыздағыны жұта алмай, қақалып-шашалып тұрған пұшайман түрімізді көріп, Қал-ағаң сыр алдырмай әдеттегідей қалжыңға басты.
– Қалай, джігіттер, джуан колбасаны джонып джеп джатырсыңдар ма? – деді түк болмағандай газет-дастарханымыздағы шала туралған, шынында, жуандау шұжыққа көзін тоқтатып. Сол кезде «ж»-ның алдына «д»-ны қосып айтатын шала қазақтарды кекетіп.
– Келіңіз, Қал-аға, келіңіз, дәм алыңыз, – деп, барымызды ұсына беріппіз бәріміз ыңғайсыздықты жуып-шаюдың ретін таппай.
– Жарайды, ала беріңдер. Әй, Толымбек, бері келіп кетші, – деді де, мені соңына ілестірді.
Дәлізге шыққан соң маған:
– Біз сендердей кезімізде бұл бәлеге нан турап жеген адамбыз. Оған ештеңе айта алмаймын. Ең болмаса есіктеріңді бекітіп алсаңдар қайтеді… Айналаның барлығы адам аңдыған анталаған арыз ғой, абай болсаңдаршы, – деп лифтіге қарай беттеді.
Шын мәнінде қатты ұялып қалдық.

«Ара» жабылғаны – қазақ күлкісінің қара жамылғаны»
Газет-журналдар жаппай жабылып жатқан кез. Қағаз жоқ, қаржы жоқ. «Араға» да тықыр таянды. «Әне жабылады, міне жабылады» деген қауесетпен оянып, қайғымен ұйықтаймыз. Бас редакторымыз – Қалтай Мұхамеджанов. Бір жағынан, ол кісінің бедел-абыройын ойлаймыз да, «Араны» жаптырмайтын шығар деген үмітке жүгінеміз.
Бір күні Қал-ағаң осы мәселеге байланысты «не бүк қылам, не шік қылам» деп артынып-тартынып, орталық комитетке кетті. Тақымды қысып редакцияда біз қалдық. Келді түс қайта. Менің кабинетім 12-қабатта лифтінің тура қарама-қарсысында болатын. Есік ылғи ашық. Кімнің келіп, кімнің кетіп жатқаны көрініп тұрады.
Қал-ағаң келді. Жүзінде жеңістің белгісі бар. Көзінде қуақы күлкі ойнайды. Сөзінде де жеңімпаздықтың желі еседі. Шұбап кабинетіне кірдік.
«Ара» жабылмайтын бопты. Сонда Қал-ағаң не айтқан дейсіз ғой.
– Қағаз жоқ дейсіңдер, бізге жай сары қағаз де жетеді. Анау дүкендердегі май орайтын, ет орайтын сары қағаздар да жарайды бізге. Сонымен-ақ журналды шығара береміз. Бізге сол қағаздарды беріңіздер, бәрібір оны орайтын ет те, май да жоқ қой. Ал «Ара» жабылғаны қазақ күлкісінің қара жамылғаны емес пе? – депті.
Осылай бір ауыз сөзбен «Араны» аман алып қалған еді.

Толымбек ӘЛІМБЕКҰЛЫ                                       zhasalash.kz

Марат Токашбаев

Менің Әділбай Жаниязов деген рухани жақын адай інім бар. (Иә,иә, тап сол, «Гауһартасты» айтатын дударбас сері). Ұзақ жылдардан бері қолымнан келгенше қамқорлық жасап жүремін. Өзі Айды қолыңа алып беретін асаба, әуенімен жүрек қылын шертетін әнші, мықты музыкант, сырбаз сазгер, әруақты домбырашы, әзілдерін қосып айналасына шуақ шашып отыратын әңгімешіл. Мінезі бар, міні кем азамат. Аяқ астынан тауып сөйлегенде орысты омақастырып, қазақты қақалдырып жібереді. Соның бір әңгімесі есіме түсіп кетті.

ҚУ- ҚУ, ДУ- ДУ

( Жұматтың әзілдері мен қалжыңдары)

 
«Беті бес елі қалың ұятсыз өсекші арамызда жүр екен ғой!»
Ауылдағы жаңалықтарды үйден үйге жеткізіп отыратын бір ақ әйел бар. Оны жұрт “Қаражорға” деп атайды. Aуылға бір “жаңалық тараса “Кім айтыпты” деп сұрағанда, “Қаражорға” айтты” десе, бітті, “Ә,ә! Қаражорға айтса, қалт айтпайды” дейді екен жұрт.
Содан ойда жоқта Қаражорғаға бір бәсекелес шығады. Соңғы кезде көрші қаладан жеткен “жаңалықтар” пайда бола бастайды. Сосын Қаражорға өзінен басқада “жаңалық” айтушыны іздеп, көршісінен: “Кім айтып жүр бұл әңгімені?” деп сұрайды. Көршісі: “Ауылсоветтің қатыны жексенбі сайын қалаға барып келеді, сол айтты” десе, Қаражорға: “Көтек! Беті бес елі қалың ұятсыз өсекші өзіміздің арамызда жүр екен ғой!”деп бетін шымшылаған екен.
«Менікі автобустың газынан тазарақ!»
Бір жігіт артымен де, аузымен де САСЫҚ ЖЕЛ шығарғыш екен.
Замандасы: “айналаңды сасытып бара жатсың ғой” десе, анау:
“Менікі автобустың газынан тазарақ!” деп құтылған екен.

«Бір шекілген қант әрі қарай шекіле береді»
Ерте заманда біздің Торғай жақтағылар қант, шәй және тұрмысқа қажетті ол пұл заттарды Атбасар, Қарқаралы базарына барып, малға айырбастап әкелген. Ол кездегі қант ат басынанда үлкен, шетінен шекіп жейтіндей ірі болған. Сол базаршылап келген бір жігіт ағасы үлкен шаруа бітіріп келгеніне ырза болып, төрде көрпенің үстінде, жастыққа жантайып,маңызданып жатады. Алдына дастархан жайылып, құрт, ірімшік, маймен шәй ішу басталса керек, сонда базардан келген жігіт ағасы:
-Қатын ау, дастарханға анау Атбасардан әдейі әкелген ат басындай қантты қойсай, аузымыздың дәмін алып, рахаттанып бір шәй ішейік”- десе, бәйбішесі:
-Алда наурыз келе жатыр, одан кейін жайлауға шығамыз. Жазға дейін жетсін деп жүрген ғой менікі. Қант дегенің шетінен бір шекіліп кесе, әрі қарай шекіле береді ғой!- депті. Сонда күйеуі
-Қатына ай, бұрын аузыңа түспеген ұлағатты сөз айттың ғой!
Жарайды, сонда да әкел бері,көршімен бірге тәтті шәй ішіп бір көрейік -депті.

«Келесі жолы екі миллион берсе, өзім ақ жығыла салам!»
Екі мықты боксшы Төрт миллион үшін рингте ұзақ шекіседі. Ақырында біреуі ұпай санымен жеңіп шығады. Ұпаймен жеңгені 2,5 миллион алып, жеңілгені 1,5 миллион сыйақы алады. Сонда жеңілген боксшы доллармен сыйақы алып тұрып: “Келесі жолғы шайқаста маған екі миллион берсе, өзім ақ жығыла салам!” деген екен.

 
«Мұның денесін шыныға салып, ғылым үшін сақтау керек»
Көл жағасында тасбақа мен жылан қыдырып келе жатады. Бір кезде алдарынан төрт аяғы көкке көтеріліп өліп жатқан жасыл қоңыз кездеседі. Жылан әп дегенде жасыл қоңызды жұтып жіберейін деп ,
тілін сумаңдатып жатқанда, оған тасбақа:
-Тоқта! Бұл өліп жатқан әлемге атағы шыққан дүниедегі ең ҚУ ЖУЧОК еді. Бұл көп өмір сүреді деуші еді, неғып өліп қалған?
-Енді, ажалы жеткен шығар.
-Иманды болсын. Мұны лақтырмау керек. Бұл өте сирек кездесетін қу ҚОҢЫЗ. Бізде кунсткамера бар ма?
Жоқ
Ал, ғылыми лаборотория бар ма?.
-Ондай бар ғой.
-Бар болса, сондағы шыныға салып, мұның басының ерекшелігін , денесін ғалымдарға зерттеуге беру керек.Ал, саған жемтік любой уақытта табылады ғой- депті тасбақа жыланға.

 
«Ойбай, онда мұныңды алып кет, мен бұл столға отырмаймын!»
Бір жігіт телеарнаның бастығы қызметінен босап, орнына бiр құрдасы келіпті. Кетіп бара жатқан экс бастыққа құрдасы:
-Мына жерде қимайтын затың болса, қалдырма, алып кетсейшi- деп күледі.
-Иә, әсіресе, мына столды қимаймын. Бұл столдың менің кезімде көрмегені жоқ. Талайға ыстық төсек те болды ғой- депті. Сонда Жаңа келген бастық шошып кетіп:
-Ойбай, олай болса, мұныңды қазір алып кет! Мен бұл столға отырмаймын! -депті.
 

Жұмат ӘНЕСҰЛЫ,жазушы