Талантты жас әнші Динара Қырықбаева осы жылы , яғни 24 — мамыр күні ұзатылды. Динараның таңдауы 1985 жылы туған Талдықорған қаласының тумасы Олжас есімді азаматқа түскен.

21 жасар әнші Динараға 5- мамыр күні сүйгені ұсыныс білдіріпті. Бұл жайында өзінің инстагрымнда «05.05.2015» деген атпен сүйіктісі ұсынған гүлдер мен жүзігін салған.

Сондай-ақ, 10- мамыр күні әншіге қазақтың салтымен сырға салынған. Бұл жайында әнші Гүлнұр Оразымбетова әлеуметтік желісінде сүйінші сұрады. Себебі, Динара Гүлнұр ханымға әрі келін, әрі абысын болып келеді. Екеуі де Талдықорғандық ұлы жүздерге келін болған.

Кеше, яғни 24- мамыр күні Динара Алматы қаласының бір үлкен ресторанында ұзату тойын жасады. Той залы Динараның сүйікті түсі сия көк (фиолетовый) түсімен сәнделді. Тойды азулы асабаның бірі Азамат Сатыбалды мен Гүлжан ханым басқарса, қазақи салтты насихаттап жүрген «Дариға шоу» орталығы тойдың сәнін келтіріп бимен-жырдан шашу шашқан.

Тойды әнші қыз өз жары Олжаспен бірге «Держи Меня» әнімен бастаған. Тойға бас құдағи болып келген Гүлнұр Оразымбетовадан бастап, Құралай мен Мирас, Меруерт Түсіпбаева, Әділет Жеңіс, Қайрат Түнтеков, Сейфуллин Жолбарыс, «Ринго» тобы сынды танымал адамдар келді. Тойды ұйымдастыруға танымал асабалардың біріРуслан Ысқақ көмектескен екен.

Өмірдің жаңа парағын ашқан әнші Динара Қырықбаеваға неке.кз сайты бақыт тілейді! Аттаған қадамыңызға нұр жаусын, еліміздің мақтаулы бір отбасы болуларыңызға тілектеспіз!

neke.kz