«Кселл» акционерлік қоғамына (Kcell және Activ сауда маркалары) 3,171 млн теңге көлемінде айыппұл салынып, әкімшілік жауапкершілікке тартылды.

«Алматы қаласы мамандандырылған ауданаралық әкімшілік сотының 2015 жыл 13 мамырындағы №9-19 қаулысымен «Әкімшілік бұзушылықтар туралы» Кодекстің 162 бабында қарастырылған әкімшіліктік құқықбұзушылықтарды жасағаны үшін «Кселл» АҚ 3 171 200  теңге сомаға 1600 АЕК көлемінде айыппұл төлеуге міндеттелді», — деп көрсетілген жұма күні Қазақстан қор биржасының сайтындағы ақпарда.

«Кселл» АҚ Kcell және Activ сауда маркаларымен ұялы байланыс қызметтерін ұсынады.

Компанияның акционерлері Fintur Holdings B.V (Роттердам, Нидерланд Корольдігі) – 51% акция, Sonera Holding B.V. (Роттердам, Нидерланд Корольдігі) — 24% акция.

Kaztag.info