Ресейдің сыртқы істер министрлігі БҰҰ-дағы елшісі Виталий Чуркиннің 65-ке қараған шағында 20 ақпан күні Нью-Йоркте мезгілсіз қайтыс болғанын хабарлады. Министрлік дипломаттың неден өлгенін анықтап хабарлаған жоқ, тек марқұмның туыстары мен жақындарына көңіл айтты. ТАСС агенттігі БҰҰ-ның бас хатшысы Антониу Гуттерештің “жай түскендей болды” деген сөзін келтірген.

“Рейтерз” агенттігінің жазуынша, БҰҰ бас хатшысы кеңсесінің өкілі Фархан Хақ: “[Чуркин] үнемі көз алдымызда жүруші еді. Қайран қалдым. Отбасына, достары мен үкіметіне көңіл айтамыз” деген.

Чуркин Ресейдің сыртқы саясатын барынша қорғауға тырысқан өкіл ретінде танылған. Ол былтыр Сирия президенті Башар Асадқа қарсы оппозиция жасақтарын біржола талқандай үшін Алеппоны бомбалауды жақтап шыққан.                                                                                        Азат Еуропа / Азаттық радиосы