Kerey.kz/Керей.кз » Назарбаев

Бішкек: Назарбаев өз үкіметіне шекарадағы жағдайды реттеуді тапсырды

kerey.kz — Thu, 12 Oct 2017 04:27:55 +0000

Қазақстан президенті Нұрсұлтан Назарбаев. Сочи, 11 қазан 2017 жыл.

Қырғызстан премьер-министрі Сапар Исаков Қазақстан президенті Нұрсұлтан Назарбаевпен қырғыз-қазақ шекарасындағы жағдайды талқылады деп хабарлады Қырғызстан үкіметінің баспасөз қызметі.

Кездесу Ресейдің Сочи қаласында өткен Еуразия экономикалық кеңесінің жиынында болған. Исаков Назарбаевқа шекарадағы жағдайды айтқан. Ол шекарадағы жағдайдың нашарлауынан қырғызстандықтар ғана емес, Қазақстан мен өзге елдің азаматтары да зардап шегетінін де айтқан.

Қырғызстан үкіметінің хабарауынша, келіссөзден соң Нұрсұлтан Назарбаев үкіметке шекарада туындаған мәселелерді шешуді тапсырған.

Қазақстан мен Қырғызстан арасындағы шекарадан өту 10 қазаннан қиындаған. Қырғызстан мемлекеттік шекара қызметінің мәліметінше, Қазақстан шекарадан өту тәртібі мен тексеруді күшейткен. Бұның салдарынан шекарадан өту бекеттерінде кезек пайда болған.

Қазақстан президентінің баспасөз қызметі Назарбаевтың Қырғызстан үкімет басшысымен кездескені немесе үкіметке шекарадағы жағдайды реттеуді тапсырғаны туралы әзірге хабарламады.

Азат Еуропа / Азаттық радиосы

Саясаттанушы Назарбаевтың орнына кім келуі мүмкін екенін болжады

kerey.kz — Mon, 30 Jan 2017 04:06:30 +0000

Танымал қазақстандық саясаттанушы Досым Сәтпаев Қазақстанда басталған саяси реформаға қатысты пікір білдірді әрі Назарбаевтың орнына кім келуі мүмкін екенін болжады. Бұл туралы Sputnik Қазақстанға сілтеме жасап NUR.KZ порталы хабарлайды.F

ДОСЫМ СӘТПАЕВ. ЖЕКЕ МҰРАҒАТТАН ФОТО

“Назарбаев өзіне ізбасар ретінде кімді қояды деген сұрақ бәрін мазалауда… Екінші президент кім болса да, оның қазіргі президентпен салыстырғанда құзіреті азырақ болады деп болжай аламыз… Болашақта президенттің құзыреті одан әрі азая түсетін болуы керек”, – дейді Сәтпаев.

Саясаттанушы президенттің орнына кім келуі мүмкін екенін тізбектеді.

“Тұлғаларға келетін болсақ, олардың тізімі күрт өзгеріп тұрады. Соңғы жылдары бұл тұрғыда тұрақтылық жоқ. Тізімге президенттің отбасының кей мүшелері, ескі гвардаия және президенттік ортадағы адамдар кіреді. Мүмкін деп қарастырылып отырған үміткерлер саны айтарлықтай көп емес. Бұл оның қызы – Дариға Назарбаева, күйеу баласы Тимур Құлыбаев, ҰҚК төрағасының орынбасары Самат Әбіш те бар”, – деп болжамдарымен бөлісті Досым Сәтпаев.

“Ортасындағы адамдарына келетін болсақ, онда бірнеше адамның есімін атауға болады. Иманғали Тасмағамбетов – қоғамда өте танымал саяси элитаның жалғыз өкілі деуге келеді… Тасмағамбетов саяи элита ішінде бәсекелестері көп болғанына қарамастан, өте үлкен танымалдыққа ие”, – деп түйді саясаттанушы.

Дереккөз: Nur.kz

Назарбаевтың Баянауылға барған кезде түсірілген ескі суреті жарияланды

kerey.kz — Wed, 25 Jan 2017 05:56:20 +0000

Нұрсұлтан Назарбаевтың жұбайымен Баянауылға демалысқа барған архив суреті жарияланды, – деп хабарлайды Tengrinews.kz тілшісі.

Суретті Павлодар тұрғыны Дәулет Закарьянов жариялады.

“Досым Арман Алинның фотоальбомынан алынған сурет. Сурет 70-жылдары Баянауылда түсірілген. Назарбаев отбасымен Арманның ата-анасының (Алин Ысқақ Нұрғалиұлы – Назарбаевтың жанында отыр және әйелі Камила – ол сол жақта, Сара Алпысқызының жанында тұр) отбасына бірнеше күнге қонаққа келген. Сол уақытта әкесі Жаңатілек орта мектебінің директоры еді. Бұған дейін ол Алексеевка орта мектебінде директор болған және сол мектептің табалдырығын мен аттағанмын. Керемет педагог әрі тамаша адам еді, ҰОС-на қатысқан. Назарбаевпен бірге академик, Социалистік Еңбек ері Әбілқас Сағынов та келген еді”, – деп жазды Закарьянов.

Kaz.tengrinews.kz

Назарбаев: балаларымды мұрагер ретінде қарастырмаймын

kerey.kz — Thu, 24 Nov 2016 04:17:16 +0000

Қазақстан президенті Нұрсұлтан Назарбаев Bloomberg сайтына сұхбат берді. 23 қарашада жарияланған сұхбатта Назарбаев мұрагерлік туралы айтқан.

“Билікті табыстау Қазақстан конституциясында жазылған. Барлығы заң негізінде болады. Балаларымды президенттікке мұрагер ретінде қарастырмаймын. Бұл бізге сай емес” деді Назарбаев өз сұхбатында.

Бұған қоса ол 2020 жылға дейін жұмыс істеуге күш қуаны мен энергиясы жететінін де айтты.

23 қараша Астанада парламенттің біріккен жиынында депутаттар Назарбаевтың Қазақстанды дамытуға қосқан үлесін конституцияда көрсетуді, Астана қаласының атауын Назарбаевтың есімімен байланыстыруды ұсынған.

76 жастағы Назарбаев Қазақстанды 1991 жылдан бері басқарып келеді. 2010 жылы қабылданған “ұлт көшбасшысы” заңына сай Қазақстанның бірінші президенті қызметінен кеткеннен кейін қызмет еткен жылдарда жасаған әкімшілік және қылмыстық істері үшін ұсталмайды, қамалмайды, мүлкі тәркіленбейді және жауапқа тартылмайды.

Азат Еуропа / Азаттық радиосы

Назарбаев атындағы көшелер

kerey.kz — Thu, 28 May 2015 03:16:53 +0000

Жуырда Түркияда Қазақстан президенті Нұрсұлтан Назарбаевтың құрметіне тағы бір көше аталды. Бұл – көшеcіне Назарбаев есімі берілген Түркияның төртінші қаласы.

Түркиядағы «Адана хаберлери» агенттігінің Нұрсұлтан Назарбаев атында көше ашылғаны жайлы жаңалығынан алынған фотокопия.

Түркияның Адана қаласындағы орталық даңғылдардың біріне Назарбаев есімі берілді.

Түріктің «Адана хабарлары» ақпараттық агенттігінің хабарлауынша, губернатор Мұстафа Буюк даңғылдың ашылу салтанатында «Назарбаев -халықаралық деңгейде танылған тұлға. Оның елін дамыту стратегиясын Түркияның іргесін қалаған Мұстафа Кемал Ататүріктің жоспарымен салыстыруға болады. Нұрсұлтан Назарбаевтың басшылығымен Қазақстан әлемнің көптеген халықтары үшін өркендеудің, бейбітшілік пен тұрақтылықтың символына айналғанын атап өткім келеді» деп мәлімдеген.

Бұл – орталық көшелерінің біріне Назарбаевтың аты берілген Түркияның төртінші қаласы. 2011 жылдың сәуірінде Назарбаевтың құрметіне Невшехир қаласы көшелерінің бірін атаған. 2012 жылдың қазанында Назарбаев есімі Қыршехир қаласындағы, ал 2013 жылы Гебзе қаласындағы көшеге берілген.

ШЕШЕНСТАНДА БАСТАЛҒАН

2010 жылдың маусымында Түркия астанасында Назарбаевқа ескерткіш орнатылды. Оны ашу салтанатында сол кездегі Түркия президенті Абдулла Гүл «бұл – оның күллі түркі әлемі үшін жасап жатқан игі істеріне ризашылық белгісі» деді.

Қазақстан парламенті депутаты Айгүл Соловьева түрік қаласы көшесіне президент есімін беру туралы шешімді заң шығарушы орган қабылдағандықтан, оның заңдылығы мен жариялылығына күмән жоқ деп санайды.

- Еліміз тәуелсіздік алған алғашқы күннен бастап Қазақстан-Түркия қатынастарын дамытуға Назарбаевтың қосқан үлесі өлшеусіз әрі ол кісінің қолдауымен қазақ-түрік достығы нығая беретініне сенімдімін, – дейді ол.

Түркия билігі шешімін тәуелсіз журналист Сергей Дуванов та орынды санайды. Ол Азаттыққа «Қазақстан-Түркия қарым-қатынасын дамытуға Нұрсұлтан Назарбаев шынымен зор үлес қосты» дейді.

Қазақстаннан тысқары жерлерде президент Назарбаевтың құрметіне аталған тұңғыш көше 2007 жылы Шешен Республикасының Грозный қаласында пайда болған. Кейін Назарбаев есімі қаладағы бір мектепке де берілді.

2010 жылдан бері Иордания астанасы Амман қаласында да Назарбаев атындағы көше бар. Ал Қырғызстандағы Шолпан Ата қаласында Нұрсұлтан Назарбаевқа қола мүсін орнатылған. Қазір Ош қаласында Назарбаев атындағы саябақ пен мектеп салынып жатыр. БАҚ-тың хабарлауынша, мектеп құрылысын Қазақстан қаржыландырады.

ҚАЗАҚСТАНДА НАЗАРБАЕВ КӨШЕСІ ЖОҚ

Назарбаевқа алғашқы ескерткіш Украинаның Днепродзержинск қаласында орнатылған. 1958-1960 жылдары Қазақстанның болашақ президенті осы елде жергілікті кәсіптік училищеде оқыған.

Ал Қазақстанның өзінде Назарбаевтың есімімен аталатын көше жоқ. Соңғы жылдары шенеуніктер мен парламент депутаттары Астана әуежайы мен ел астанасын Нұрсұлтан деп атауды талай ұсынған, бірақ президент бұл ұсыныстарды қабылдамады.

Астанадағы жаңа университет Назарбаевтың есімімен аталады. Қазақстандағы «Назарбаев зияткерлік мектебі» аталатын мемлекеттік элиталық мектептер желісі ғылым, экономика және саяси саладағы дарынды балаларды оқытуға арналған.

2010 жылдың шілдесі – Нұрсұлтан Назарбаевтың туған күні қарсаңында Алматыда дендропарк ашылып, президент құрметіне аталды. Оның есімімен аталатын саябақтар Астана, Ақтөбе қалаларында да бар.

2001 жылы президент Нұрсұлтан Назарбаевтың құрметіне «Қазақстан Республикасының Тұңғыш Президенті – Елбасы Нұрсұлтан Назарбаев» ордені тағайындалған. Наградалар жүйесіндегі дәрежесі – үшінші орында.

Іле Алатауының Тян-Шань жотасының солтүстік беткейіндегі Комсомол шыңы атауы 1998 жылы «Нұрсұлтан шыңы» деп өзгертілген.

2015 жылы Нидерланд Назарбаевтың бейнесі салынған пошта маркасы мен «президент Назарбаев» қызғалдағының жаңа сортын таныстырды.

Гүлбану ӘБЕНОВА

azattyq.org