Kerey.kz/Керей.кз » НАРТАЙ ДҮТБАЕВ http://kerey.kz Ақпараттық, танымдық порталы Tue, 07 Apr 2026 04:08:34 +0000 en-US hourly 1 http://wordpress.org/?v=3.9.8 Мемлекеттік құпияны ашқаны үшін қанша қазақстандық сотталды? http://kerey.kz/?p=10094 http://kerey.kz/?p=10094#comments Wed, 08 Feb 2017 19:27:54 +0000 http://kerey.kz/?p=10094 © Тұрар Қазанғапов

Соңғы төрт жылда Қазақстанда 16 адам мемлекеттік құпияны жариялағаны үшін сотталған, – деп хабарлайды Tengrinews.kz тілшісі.

ҚР Бас прокуратурасының Құқықтық статистика және арнайы есепке алу жөніндегі комитеті “Мемлекеттік құпияны заңсыз жинау, тарату, жария ету” бойынша (ҚР ҚК 185-бабы, 2014 жылы түзетулер енгізілген) сотталған тұлғалар туралы мәлімет берді.

Комитет мәліметі бойынша, елімізде 2013-16 жылдар аралығы осы бап бойынша 16 қазақстандық сотталды, 2013 жылы 3 адам, 2014 жылы 1 адам, 2015 жылы 5 адам және 2016 жылы 7 адам. Соталғандар арасында бір әйел адам бар, ол 2014 жылы шартты жаза алды.

“Жеке мәліметтер және оларды қорғау” туралы заң бойынша тұлғалар туралы және істің мән-жайы жарияланбайтынын атап өтті ведомство өкілдері.

Еске салайық, биыл қаңтарда ҚР ҰҚК бұрынғы басшысы Нартай Дүтбаев және ҚР Президент Әкімшілігі басшысының бұрынғы орынбасары Бағлан Майлыбаевтың ұсталғаны хабарланған. Олар мемлекеттің құпияны жария етті деген күдікке ілінді.

Бағлан Майлыбаев 2017 жылдың 12 қаңтарында қызметінен босатылған болатын. Ол Президент Әкімшілігі басшысының орынбасары қызметінде 2011 жылдың қазанынан бері істеп келген.

Нартай Дүтбаев 2001 жылдың желтоқсанынан 2006 жылдың ақпанына дейін ҚР Ұлттық қауіпсіздік комитетінің төрағасы қызметін атқарған.

 Kaz.tengrinews.kz 

]]> http://kerey.kz/?feed=rss2&p=10094 0 Ұлттық қауіпсіздік комитетінің бұрынғы төрағасы ұсталды http://kerey.kz/?p=9712 http://kerey.kz/?p=9712#comments Wed, 28 Dec 2016 13:58:39 +0000 http://kerey.kz/?p=9712

ҰҚК бұрынғы төрағасы ұсталды деп хабарлайды Ұлттық қауіпсіздік комитетінің баспасөз қызметіне сілтеме жасап NUR.KZ.

Ұлттық қауіпсіздік комитетінің бұрынғы төрағасы ұсталды

НАРТАЙ ДҮТБАЕВ. ФОТО: KNB.KZ

Қазақстан Республикасының Ұлттық қауіпсіздік комитеті мемлекеттік органдардың бірқатар лауазымдық тұлғаларына қатысты сотқа дейінгі тергеп-тексеру жұмыстарын жүзеге асыруда.

Жүргізілген жедел іздестіру іс-шаралары барысында 2016 жылдың 26 желтоқсанында Қылмыстық кодекстің 185-бабының 3-бөлімінде («Мемлекеттік құпияларды жария ету») және 362-бабының 3-бөлімінде («Билікті немесе лауазымдық өкілеттіктерді асыра пайдалану») көзделген қылмыстарды жасауға күдіктілігі бойынша Дүтбаев Нартай Нұртайұлы, Хасен Нұрлан Болатұлы және Нұртаев Ерлан Сүйімбайұлы ұсталды.

Көрсетілген тұлғалар Қазақстан Республикасы Қылмыстық-процессуалдық кодексінің 128-бабына сәйкес ҰҚК тергеу изоляторына қамалды.

Күдіктілердің және олардың туыстарының тұрғылықты жерлері бойынша тінтулер жүргізілді, заттай дәлелдемелер алынды.

Тергеп-тексеру жалғастырылуда, оның барысы және нәтижелері туралы қосымша хабарланады.

Айта кетейік, Нартай Дүтбаев 2001-2006 жылдар аралығында ҰҚК төрағасы қызметін атқарған болатын.

]]> http://kerey.kz/?feed=rss2&p=9712 0