Kerey.kz/Керей.кз » украина дағдарысы

Трамп Германия мен Францияның Украина дағдарысын реттеу әрекетін қолдады

kerey.kz — Tue, 25 Apr 2017 06:34:12 +0000

АҚШ президенті Дональд Трамп пен Германия канцлері Ангела Меркель.

АҚШ президенті Дональд Трамп Германия мен Францияның Украинаның шығысындағы қақтығысты реттеу жөніндегі талпыныстарын қолдайды деп мәлімдеді Ақ үйдің баспасөз қызметі.

Дональд Трамп 24 сәуірде Германия канцлері Ангела Меркельмен телефонмен сөйлескенінде оның Франция президенті Франсуа Олландпен бірге Ресей және Украинамен “Донбастағы қақтығысты Минск келісімі негізінде бейбіт реттеу” жөнінде мәміле жүргізу әрекетін қолдайтынын білдірді.

2015 жылы ақпанда жасалған Минск келісімі Украина үкіметі мен Ресей қолдайтын сепаратистер арасында бітім орнатуға тиіс еді, бірақ тараптар оның шарттарын әлі күнге толық орындамай отыр.

Трамп пен Меркель Украина дағдырысынан өзге Сирия мен Йемендегі қақтығыстарды да талқылап, “Солтүстік Корея тарапынан төтеннен қауіп төніп тұрғанын” айтты.

Елбасы Украина Президенті Петр Порошенкомен телефон арқылы сөйлесті

kerey.kz — Sat, 20 Jun 2015 19:02:01 +0000

Әңгімелесу барысында П.Порошенко қол жеткізілген бұрынғы уағдаластықтарға сәйкес Украина Қазақстанның ДСҰ-ға кіру үдерісін қолдағанын айтты. Нұрсұлтан Назарбаев көрсеткен қолдауы үшін Украина Президентіне ризашылық білдірді-деп хабарлайды Ақорда баспа сөз қызметі.

Екі елдің көшбасшылары екіжақты ынтымақтастықтың өзекті мәселелеріне қатысты пікір алмасып, алдағы уақытта өтетін Қазақстан-Украина экономикалық ынтымақтастық мәселелері жөніндегі бірлескен мемлекетаралық комиссия отырысында жемісті нәтижелерге қол жеткізіледі деп үміттенетіндерін айтты.

Қазақстан мен Украина президенттері П.Порошенконың Астанаға жасайтын алдағы сапарын да талқылады.

Телефон арқылы сөйлесуге Украина жағы бастамашы болды.

Саакашвилиді Одесса губернаторы қызметіне ұсынды

kerey.kz — Sat, 30 May 2015 07:47:16 +0000

Грузия экс-президенті Михаил Саакашвили Киевтегі жиында сөйлеп тұр. 29 наурыз 2014 жыл.

Украина үкіметі ел президенті Петр Порошенкоға Грузияның экс-президенті Михаил Саакашвилиді Одесса облысының губернаторы қызметіне тағайындауды ұсынған. Бұл туралы жұма күні «Интер» телеарнасына Украина президенті әкімшілігі басшысының орынбасары Валерий Чалый мәлімдеген. Ол президент үкімет ұсынысын қараған соң шешім қабылдайтынын айтқан-деп хабарлайды Азаттық радиосы.

Бұған дейін Украинаның экология және табиғи ресурстар министрі Игорь Шевченко Facebook-тегі парақшасында Саакашвилидің Одесса облысының губернаторы болып тағайындалғаны туралы жазған еді.

Бірақ, Украина президентінің сайтында Саакашвилидің Одесса губернаторы болып тағайындалғаны жөнінде ресми ақпарат жоқ. Былтыр мамырдың 6-сы күні Одесса облыстық әкімдігі басшысы болып Игорь Палица тағайындалған.

Жұма күні Грузияда Тбилиси қалалық соты елдің экс-президенті Михаил Саакашвили, экс-премьері Вано Мерабишвили, Тбилисидің бұрынғы мэрі Гиги Угулава, бұрынғы қорғаныс министрі Давид Казерашвили және бұрынғы әділет министрі Зураб Адеишвилиге қатысты қозғалған қылмыстық істерді қысқарту туралы олардың қорғаушылары берген өтініштерді қанағаттандырмай тастады деп хабарлады «Интерфакс». Грузияның бұрынғы басшылығына қарсы 2007 жылы қарашада Тбилисиде өткен бейбіт шеруді күшпен басу, «Имеди» телекомпаниясын талқандау және марқұм, миллиардер Бадри Патаркацишвилидің дүние-мүлкін иеленіп алған деген айыптаулар бойынша қылмыстық істер қозғалған.

Михаил Саакашвили өзіне тағылған айыптардың барлығын «саяси қудалау» деп санайды. Ол қазір Украина президенті жанындағы реформалар кеңесіне жетекшілік етеді. Бұған дейін Киев Саакашвилиді Отанына мәжбүрлеп қайтаруды сұраған Тбилисидің ресми өтінішін орындаудан бас тартқан.