Айда соңғы рет 1972 жылы “Аполлон-17″ ғарыш кемесі экипажының астронавтары болған. SpaceX ғарыш кемесін Ай бетіне қондырмай, оның орбитасы арқылы ұшыруды жоспарлап отыр. Алдағы он жылда АҚШ, Жапония, Ресей және Қытайдың Марсқа ұшу миссиясы аясында Айға адам ұшыру жоспары бар.

SpaceX туристерді ғарышқа өзінің NASA-ға арнап Халықаралық ғарыш станциясына экипаж жеткізу үшін жасаған Dragon ғарыш кемесімен ұшырмақ ниетте. Компания ғарыш орбитасына жүк жеткізген, бірақ NASA-ның келесі жылдың ортасына дейін ғарышқа адам ұшыру жоспары жоқ.

Азат Еуропа / Азаттық радиосы

АҚШ-тың жекеменшік SpaceX компаниясы жасаған Falcon-9 зымыран-тасығышы ақпанның 19-ы күні Канаверал мүйісіндегі ұшыру алаңынан Dragon жүк кемесін халықаралық ғарыш станциясына алып ұшты. Кемені орбитаға шығарғаннан кейін зымыранның алғашқы сатысы жерге оралып, ұшу алаңына сәтті қонды.

Алғашында сенбіге жоспарланған ұшыру мерзімі зымыранның екінші сатысындағы ақауға байланысты сәл кейінге шегерілген. Бұл жолы Falcon-9 зымыран-тасығышы 2011 жылы «Спейс Шаттл» бағдарламасы аяқталғалы бері пайдаланылмаған LC-39 кешенінен ғарышқа ұшырылған.

Dragon жүк кемесі халықаралық ғарыш станциясымен ақпанның 22-і күні түйіседі деп жоспарланған.

Америкалық кәсіпкер Илон Масктің иелігіндегі SpaceX компаниясы АҚШ ғарыш агенттігімен (NASA) халықаралық ғарыш станциясына жүк жеткізу туралы келісім жасасқан жеке меншік екі кәсіпорынның бірі. Көп рет пайдаланылатын Falcon-9 зымыраны ғарыш аппараттарын ұшыру құнын едәуір азайтуға мүмкіндік береді.

Азат Еуропа / Азаттық радиосы