جانار دۇعالوۆا
تۇركۆيجن بايقاۋىنىڭ جەڭىمپازى، قازاقستاننىڭ ەڭبەك سىڭىرگەن قايراتكەرى جانار دۇعالوۆا مۇنداي الەمدىك كاسىپقوي بوكس كەشىندە ءان ايتۋ مەن ءۇشىن ۇلكەن باقىت دەيدى.
«كوك تۋدى جەلبىرەتىپ، قازاقتىڭ اتىن شىعارىپ جۇرگەن قانات يسلامدى وتە قاتتى قۇرمەتتەيمىن. ونىڭ ۇلتجاندىلىعى ءار جاسقا ۇلگى. ءار قازاق قاناتتىڭ جانكۇيەرى. جەكپە-جەگىن كورىپ، جەڭىس تىلەپ، تاقىم قىسىپ وتىرادى. نازىك جاندى بولسام دا مەن دە باتىرىمىزدىڭ جەكپە-جەكتەرىن كورەمىن، جانكۇيەر بولامىن. ول تەك بوكس ەمەس. ول جەردە قازاعىمىزدىڭ نامىسى مەن ابىرويى تۇرادى. ەلدىڭ اتىن الەمگە تانىتىپ، كاسىپقوي بوكستا ءالى جەڭىلمەگەن قانات يسلامنىڭ جەكپە-جەگىندە ءان ايتۋ مەن ءۇشىن ۇلكەن باقىت. قازىر ارنايى كيىم تىكتىرىپ جاتىرمىن. ارينە، قازاقى ستيلدە. بۇيىرتسا 10 كۇننىڭ ىشىندە اقش-قا ۇشىپ، 1-2 كۇن شوۋدىڭ الدىن الا دايىندىقتارىنا قاتىسپاقپىن. جەڭىستى كۇندەرىمىز كوپ بولسىن! مەن بۇل جولى دا قاناتتىڭ جەڭەتىنىنە سەنەمىن» – دەيدى ءانشى.
ەستەرىڭىزگە سالا كەتەيىك قانات يسلام الەمگە ايگىلى روۋ دجونستىڭ جەكپە-جەگىنىڭ الدىندا ونەر كورسەتەدى. جەكپە-جەك اقش-تىڭ ۋيلمينگتون قالاسىندا وتەدى. جەكپە-جەكتى قازاقستان ارناسى تىكەلەي ەفيردەن كورسەتەدى دەپ جوسپارلانعان.
پىكىر قالدىرۋ