JANAR DWĞALOVA
Türkvijn bayqauınıñ jeñimpazı, Qazaqstannıñ eñbek siñirgen qayratkeri Janar Dwğalova mwnday älemdik käsipqoy boks keşinde än aytu men üşin ülken baqıt deydi.
«Kök tudı jelbiretip, qazaqtıñ atın şığarıp jürgen Qanat Islamdı öte qattı qwrmetteymin. Onıñ wltjandılığı är jasqa ülgi. Är qazaq Qanattıñ janküyeri. Jekpe-jegin körip, jeñis tilep, taqım qısıp otıradı. Näzik jandı bolsam da men de batırımızdıñ jekpe-jekterin köremin, janküyer bolamın. Ol tek boks emes. Ol jerde qazağımızdıñ namısı men abıroyı twradı. Eldiñ atın älemge tanıtıp, käsipqoy boksta äli jeñilmegen Qanat Islamnıñ jekpe-jeginde än aytu men üşin ülken baqıt. Qazir arnayı kiim tiktirip jatırmın. Ärine, qazaqı stilde. Bwyırtsa 10 künniñ işinde AQŞ-qa wşıp, 1-2 kün şoudıñ aldın ala dayındıqtarına qatıspaqpın. Jeñisti künderimiz köp bolsın! Men bwl jolı da Qanattıñ jeñetinine senemin» – deydi änşi.
Esteriñizge sala keteyik Qanat Islam älemge äygili Rou Djonstıñ jekpe-jeginiñ aldında öner körsetedi. Jekpe-jek AQŞ-tıñ Uilmington qalasında ötedi. Jekpe-jekti Qazaqstan arnası tikeley efirden körsetedi dep josparlanğan.
Pikir qaldıru