|  |  |  |  | 

ەزۋتارتار كوز قاراس سۋرەتتەر سويلەيدى شوۋ-بيزنيس

وپاسىز بەن يبالىنىڭ ۇياتى.

Jamanqul
(شەدەۆر ەمەس،ەرتەدەن بار اڭىز عوي، شىدامدىلىق تانىتىپ، وقىپ شىقساڭىز دەگەن ءوتىنىش)

وپاسىز بەن يبالىنىڭ ۇياتى كەزدەسىپ قالىپتى.
- قالايسىڭ؟ – دەيدى يبالىنىڭ ۇياتى.
- سۇراما! – دەپ، ەكىنىشىسى ەڭىرەپ جىبەرىپتى. – مەنىڭ يەم ۇياتتى ۇمىتتى. وزىنەن باسقانى ويلاۋدى قويدى. سەزىم دەگەننىڭ ءبارىن جەرلەپ، وزگەنىڭ قامىن ويلاۋ دەگەنمەن جۇمىسى جوق، قارىنى توقتىق، كويلەگى كوكتىك قانا كوكسەگەنى. وزگەنى وكشەمەن ەزىپ، كەۋدەسىن جانشىپ، باسىنان اتتاپ كەتۋ وعان تۇك ەمەس. ولە الامي ءجۇرمىن!
- جۇرەگىن ءجىبىتىپ، ساناسىن سىيپالاپ كورمەدىڭ بە؟
- ابدەن تىرىستىم. بايقاتپاي جاقسىلىق پەن جاماندىقتىڭ پارقىن ايىرار كىتاپتاردى دا تىقپالاپ كوردىم. يماندى، سالاۋاتتى ادامدارمەن دە جولىقتىردىم. پايدا جوق! كەرىسىنشە، اشكوزدىگى اسقىنىپ، زۇلىمدىعى ۋشىعىپ كەتتى. ونىڭ بەتىنە دە، ارتىنان دا ايتىلعان «ۇياتسىزسىڭ!» – دەگەندى ەستىگەن سايىن ودان باز كەشىپ كەتكىم كەلەدى. كەتە المايمىن. سانانىڭ ءبىر بۇرىشىندا بۇك ءتۇسىپ جاتىرمىن. مىناۋىڭ ادام بولمايدى! تەك ءوزىن عانا كورەدى. باسقادان اقشانىڭ كوزىن عانا كورەدى. جايلى جەردە جامباسى جاتسا بولدى، جوعارىعا ۇمتىلعان جولىندا جولىنداعىنىڭ ءبارىن باسا كوكتەپ، وڭمەڭدەپ بارادى. ۇلكەنگە قۇرمەت، كىشىگە ىزەت جوق. تەك قازىنانىڭ قۇلى، بايلىقتىڭ ۇممەتى. «السام، جەسەم» دەپ قانا تۇرادى.
- ءىممم، سولاي دە. وندا سەن بىلاي ىستە – دەپ، يبالىنىڭ ۇياتى سىبىرلايدى. ەكەۋى ەزۋ تارتا جىميىپ ەكى جاققا كەتەدى.
ەرتەسى وپاسىز ويانسا، تۇرا المايدى. ايەلى اس ءۇيدى باسىنا كوتەرىپ ءجۇر ەكەن. «وسى قاتىننان تويعانىم-اي!» – دەپ، ىشىنەن ويلاپتى.
- نەمەنە؟ مەنەن تويدىڭ با؟ – دەپ ايەلى جەتىپ كەلەدى. «ويباي، مىناۋ ىشىمدەگىنى قايدان ءبىلىپ قويدى؟» – دەپ وپاسىزدىڭ ەسى كەتەدى. ايعايدان قاشىپ، ۇيىنەن اتىپ شىعىپ، جۇمىسىنا بارادى. لاۋازىمدى جۇرت جۇمىس ىستەيتىن ءزاۋلىم مەكەمەگە كىرە بەرە، وزىنەن ۇلكەن باستىقتى كورىپ قالادى. وتىرىك كۇلىپ، امانداسىپ تۇرىپ «وسى قىزىل كوز بالە قاشان قۇرىر ەكەن؟» – دەپ، ويلاپ قالعانى سول ەكەن، اناۋ «وڭباعان، كىمنىڭ ارقاسىندا تالتاڭداپ جۇرگەنىڭدى ۇمىتقان ەكەنسىڭ!» – دەپ، جاعىنان سالىپ قالادى. سول كۇنى كەش باتقانشا ويىنىڭ ويرانى شىعادى. كوپتەن بەرى وزىنەن باسقانى جاقسى دەپ ويلامايتىن بۇزىلعان ساناسى سىر بەرىپ، كەزدەسەكەننىڭ ءبارى جايلى ىشكى ويىن سىرتقا جايىپ سالادى. ەڭ سوراقىسى سونداي ويدى قالاي وزگەرتۋ جولىن بىلمەي قينالادى. مۇلدەم وي ويلامايىن دەسە قولىنان كەلمەيدى. قانشاما جىلدان بەرى ويى ايتقاندى اۋزى ايتپاي، ەلدى وتىرىكپەن ەمىزىپ كەلگەن جاننىڭ باسىنا وزىنەن باسقانى جاقسى دەيتىن جارقىن وي كەلە قويمايدى ەكەن. بۇعان دەيىن قىزمەتتەسكە قىرسىق تىلەپ، كورشىگە اۋرۋ تىلەپ، باۋىرعا بەزگەك تىلەپ كەلگەن ادام عوي. كوكسەگەنى پارانىڭ كەسەگى، بىرەۋدىڭ ايەلىنىڭ توسەگى. ءوز باسىنا كەرەكتى الۋ ءۇشىن بەرگەنى پارا، كەدەرگىنى جويۋ ءۇشىن ايتقانى جالا. بىرەۋدەن كەك السام، قازىنانى جەپ السام دەپ، الشاڭ باسىپ كەلە جاتقان ادامنىڭ اياق استىنان بۇتى كوكتەن كەلدى. ەندى قايتپەك؟ بۇگىندىككە وزىنە قاراتا ەلدىڭ ايتقان ءسوزى: «ۇياتسىز نەمە، ارسىز ەكەنسىڭ!» – عانا. «ۇيات، ار» دەگەن نە بالە؟ ولار قايدا تۇرادى، قايدا ساتىلادى؟ نە بولسا دا، قانشا تۇرسا دا سول ۇياتتى تاۋىپ الماي بولماس!
- مەن وسىندامىن! قينالما، سۋ تەگىن جانىڭدا ءجۇرمىن – دەيدى سول كەزدە ۇيات.
- اينانايىن، ۇياتجان، كەتپەشى، وتىرا تۇر، مىنا بالەدەن قالاي قۇتىلام، جولىن ايت، اقىسىن بەرەم! – دەيدى وپاسىز.
- اقىسىز قۇتىلۋعا بولادى، تەك ءوزىڭ وزگەرۋىڭ كەرەك! ازىرشە مەن سەنەن كەتەم! – دەپ ۇيات ارتىنا قاراماي تايىپ تۇرادى.
- ويباي توقتا، قالاي وزگەرەم؟ جاڭا ماشينە ساتىپ الام با؟ شاشىمدى تۇزەيمىن بە؟ كيىم اۋىستىرام با؟ ۇيات، توقتاشى؟! – دەپ يەسى قالا بەرەدى.
امال جوق، وزگەرۋگە بەل بۋادى. ول وڭايعا تۇسپەيدى. ءوزىنىڭ ەلگە ىستەگەن قىساستىعى وزىنە ون ەسە قايتا كەلەدى. ەندى ءوز باسىنا قارسى ىستەلگەن ساتقىندىق پەن زۇلىمدىقتى كورەدى. كەلەكە مەن كەكەسىندى، اشكوزدىك پەن اجىراسۋدى، كوڭىل قيماي قوشتاسۋدى كوزىمەن كورەدى. اتتاپ باسقان سايىن جاناشىرلىق، اياۋشىلىق دەگەندى ۇيرەنۋگە تۋرا كەلەدى. جالعىزدىقتى جانىنا سەرىك ەتەدى. كۇندەردىڭ كۇنىندە كەشەگى وپاسىز ەندى يماندى پەندەگە اينالادى.
باياعى ەكى ۇيات قايتا كەزدەسەدى. يبالىنىڭ ۇياتى:
- قالايسىڭ؟ – دەگەندە،
- كورىپ تۇرسىڭ عوي! – دەپ، ەكىنشى ۇيات قۋانا جاۋاپ بەرەدى. ەكى ۇيات ەزۋ تارتا يەلەرىنە كەتە بارادى.
***
P/S: جانى جايساڭ، جاماندىق ويلاۋدان بەتى اۋلاق، يگى جاقسىلار! بۇل اڭىزدى اۋىزعا العانداعى ايتپاعىم باسقا. كوبىمىز ىشتەن تىنىپ، ءالىپتىڭ ارتىن باعىپ، «سەن تيمەسەڭ مەن تيمە» بولىپ وتىرمىز عوي. كەشە عانا كەزەكتى سوت وتىرىسى ءوتتى. مەنىڭ ارداقتى ۇستازىم، تۇڭعىشباي جامانقۇلوۆ بۇل جولى ايقاسقا بەل بۋدى. مويىنداۋدان باس تارتتى. كىم ءبىلسىن، بىلەكتىلەر ءبارىبىر ونى كىنالى عىپ، ايىپتاپ، تاعى دا اسقاق باسىن تومەن يگىزەر.كۇشتىنىڭ كىم ەكەنىن بىلگىزەر. ءتىپتى سوت شەشىمى الدىن الا دايار تۇرعان دا شىعار.ول ءوز كەزەگىمەن بولا بەرەر… ءدال قازىر مەنى تۇرشىكتىرگەن ءىس مىناۋ: قاشاننان بەرى ءبىز جىعىلعاندى جۇدىرىقتاي بەرەتىن بولعامىز؟ مەن ايىپتاۋشى جاققا قارسى شاپ دەپ وتىرعامىن جوق. سوتقا بارىپ سويقان شىعار دەۋدەن دە اۋلاقپىن. كەشە عانا ءبىرىمىزدىڭ ارقا سۇيەرىمىز، ءبىرىمىزدىڭ اقىلشىمىز، ءبىرىڭىزدىڭ سۇيىكتى اكتەرىڭىز، ءبىرىڭىزدىڭ ماقتان تۇتارىڭىز، ءبىرىڭىزدىڭ جەرلەسىڭىز، ءبىرىڭىزدىڭ قۇرداسىڭىز ەدى عوي. جابىققان كوڭىلىن جەبەي قوياتىن جىلى لەبىزدەرىڭىز قالعان شىعار؟ «جاقسى ءسوز – جارىم ىرىس» ەمەس پە ەدى؟ «اناۋ ولاي دەدى، ءوزى بىلاي دەدىنى» قويا تۇرىپ، وسىنداعى اۋزىنا ەل قاراعان اعايىن ەندى بىرگە تىلەۋ تىلەگەننەن باسقا قايران جوق. تالانعاندى تابالاي بەرمەي، اعامىزددى جىگەرلەندىرەر، قولتىعىنا دەمەۋ بولار اعالىق، ىنىلىك، باۋىرلىق اق نيەتتەرىڭىزدى كوپتىڭ الدىندا، وسى جەلىدە بىلدىرسەڭىزدەر ەكەن. جەلىنىڭ دە جەلى كەيدە داۋىلدان كەم سوقپايتىن ەدى عوي. مۇمكىن سىزدەردىڭ سوزدەرىڭىزدەن تابالاعاندار دا ءتاۋباسىنا كەلەر…
مەنىكى ءوتىنىش، وزدەرىڭىز بىلەرسىزدەر.
جوعارىداعى اڭىزداعىداي ۇياتىم تاستاپ كەتپەسىن، ونسىز دا وزىمە ارەڭ سيىپ جۇرگەن سىڭايى بار…

اسقار نايمانتاەۆتىڭ facebook پاراقشاسىنان الىندى

Related Articles

  • قازاقستان رەسپۋبليكاسىنىڭ پرەزيدەنتى ق. ك. توقاەۆ مىرزاعا

    قازاقستان رەسپۋبليكاسىنىڭ پرەزيدەنتى ق. ك. توقاەۆ مىرزاعا قۇرمەتتى قاسىم-جومارت كەمەلۇلى! وزىڭىزگە ءمالىم، ەلدىڭ كينو قاۋىمداستىعىندا جىككە بولىنۋشىلىك بولىپ جاتىر. ءبىر جىلدان بەرى داۋ-داماي مەن تەكەتىرەستەر باسىلماي كەلەدى. كاسىبي كينوگەرلەر داۋ-دامايدان ارىلماي وتىر. ناعىز شىعارماشىلىققا ورىن قالمادى. ءبىز مۇنىڭ ءبارى وسى سالا مينيسترلىگىنىڭ ويلانباي جاساعان ارەكەتتەرىنىڭ سالدارى دەپ سانايمىز. 2019 جىلدىڭ ناۋرىزىندا، "ۇلتتىق كينونى قولداۋ مەملەكەتتىك ورتالىعى" كاق قۇرىلىپ، وعان رەسپۋبليكالىق كينو ءوندىرىسىنىڭ بارلىق نەگىزگى ماسەلەلەرىن شەشۋ قۇزىرى بەرىلدى. اقىرىندا "قازاقفيلم" ۇلتتىق كينوستۋدياسىنا قاجەتتى نازار اۋدارىلماي قالدى، ال سىبايلاس جەمقورلىقپەن كۇرەس اگەنتتىگى ۇلتتىق كينونى قولداۋ ورتالىعىنىڭ جەتەكشىلەرىنە قارسى قىلمىستىق ءىس قوزعادى. ونىڭ قالاي اياقتالاتىنى ازىرگە بەلگىسىز، تەرگەۋ جالعاسىپ جاتىر. دەسە دە وسىنىڭ ءوزى ناعىز سوراقىلىق بولىپ وتىر. "قازاقفيلم" ۇلتتىق كينوستۋدياسىنا كەلەر

  • شەتەلدىك كومپانيا الماتىنىڭ اۋرۋحانالارىنا 15 ينگالياتور تارتۋ ەتتى

    شەتەلدىك قۇندى اپپاراتتار پنەۆمونيا جانە Covid-19 اۋىرىپ جاتقان ناۋقاستاردى ەمدەۋگە ارنالعان دەپ حابارلايدى Kerey.kz اقپاراتتىق پورتالى. QNET حالىقارالىق تىكەلەي ساۋدا كومپانياسى 15 ينگالياتوردى فتيزيوپۋلمونولوگيا ورتالىعىنا جەتكىزدى. پنەۆمونيا جانە Covid-19 ۆيرۋسىمەن اۋىرىپ جاتقان ناۋقاستار اتالعان اپپاراتتاردىڭ كومەگى ارقىلى دارىلىك زاتتاردى دەم ارقىلى جۇتادى. «بۇل كومپانيانىڭ رەسپۋبليكامىزداعى سوڭعى ايلارداعى العاشقى قايىرىمدىلىق اكتسياسى ەمەس. كوكتەمدە بيزنەستى دامىتۋ بويىنشا كوپبالالى كاسىپكەرلەرگە ارنالعان ونلاين ۆەبينارلار وتكىزدىك. از قامتىلعان وتباسىلار 50 ازىق-تۇلىك جيىنتىعىن الدى. جازدا نۇر-سۇلتان قالاسىنداعى №1 جانە №3 اۋرۋحانالارىنا دا قايىرىمدىلىق شاراسى جاسالدى. ول جەردەگى مەدقىزمەتكەرلەر مەن ەمدەلۋشىلەردىڭ تازا سۋ ىشۋىنە مۇمكىندىك جاسالدى. سۋدى تازارتۋعا ارنالعان «HomePure Nova» جانە اۋانى تازارتۋعا ارنالعان «AirPure» فيلترلارى مەن بەتپەردەنى ۇزاق ۋاقىت تاققاننان زارداپ شەككەن دارىگەرلەردىڭ تەرىسىنە ارنالعان

  • شونجىنىڭ گەو-ستراتەگيالىق شىندىعى (ساراپتامالىق ماقالا)

    بۇل اۋدان (شونجى) قاراساڭىز شەكاراعا ءتيىپ تۇر. شەكارانىڭ كۇنشىعىس بەتىندە اتى قاززاققا بەرىلگەن ىلە قازاق اۆتونوميالى وبلىسى بار (ەكىنشى سۇگىرەت). وندا جەر قايىسقان قالىڭ قازاق تۇرادى. اۆتونرميالى وبلىس شۋار’دان بۇرىن قۇرىلعان. ورتالىعى قۇلجا قالاسى ء(ۇشىنشى سۇگىرەتتەگى 1-گە قاراڭىز). وسى اۆتونوميالى قازاق وبلىسىنا قازىر سەگىز اۋدان، ءبىر قالا توتە قارايدى. ولار: كۇنەس، نىلقى، توعىزتاراۋ اۋداندارى ء(ۇشىنشى سۇگىرەتتەگى 5,6,9-عا قاراڭىز). بۇل ءۇش اۋدان ىلە اڭعارى مەن ىلە دارياسىنىڭ باسىنا ورنالاسقان قازاق ەڭ كوپ، ەڭ ىرگەلى قونىس تەپكەن، تاريحى وتە تەرەڭ، بايىرعى قازاق جەرى. وسى ءۇش اۋدان قازاقتارى 20- عاسىر باسىندا ورىنبورعا ارنايى حات جازىپ، الاش ءباسپاسوزىن قولداپ قارجى جولداپ، وزدەرىن دە الاشتىڭ الىستاعى ءبىر بولشەگى ساناعان-تىن. وسى ءۇش اۋدان تىڭ يگەرىپ، تام

  • ەلدەس وردا: شونجى تارانشىلارىنىڭ “ايعايى” (شاعىن ساراپتاما)

    ءبىرىنشى، ۇيعىرستان دەگەن اتاۋ قاتەلەسپەسەم العاش رەت 1928-1935 جج اراسىندا حاتقا تۇسە باستادى. ەۋروپانىڭ حريستيان ميسسيونەرلەرى قاشقاريادا باسپا قۇرعان. باسپادان ۇيعىرلاردىڭ قاشقار اكتسەنتىندە حريستيان ءدىنىن ۋاعىزدايتىن كىتاپتار، قيسسالار، كۇنتىزبەلەر باسىپ شىعاردى. سول كوپ كىتاپتىڭ بىرىندە “ۇيعىرستان” اتاۋى العاش رەت قولدانىلعان. بىراق بۇنداعى ۇيعىرستان اتاۋى قاشقارياداعى التى ۇلكەن شاھاردى كورسەتەدى. ۇيعىرستان اتاۋى ودان سوڭ 1951-1955 جىلدارى تاعى كوتەرىلدى، بىراق اتاۋدى كوتەرۋشىلەر حريستيان ميسسيونەرلەرى ەمەس، ۇيعىردىڭ بەلسەندى ساياسي توپ، ەليتاسى بولدى. 1951-1955 جىلدارى قازىرگى شۋار’دا ۇلتتىق اۆتونوميانى انىقتاۋ، شەكاراسىن بەكىتۋ جۇمىستارى قاۋرت ءجۇردى، سول كەزدە قىتاي ورتالىق پارتيا كوميتەتىنە “ۇيعىرستان اۆتونوميالى رەسپۋبيليكاسى” دەيتىن ۇسىنىس جولدانعان. ارينە، بۇل سول كەزدەگى كوپ ۇسىنىستىڭ ءبىرى، “شارقي تۇركىستان اۆتونوميالى رەسپۋبيليكاسى” دەگەن ۇسىنىس دا بولدى. وسى اۆتونوميالى

  • مارات ءبايدىلداۇلى (توقاشباەۆ): قارادالا اتاۋى قالپىنا كەلتىرىلسە…

    جازۋشى-پۋبليتسيست ۇيعىر اۋدانىندا قازاق-ۇيعىر جاستارى اراسىندا جانجال شىعىپ، توبەلەسكە ۇلاسقانىن، اراسىندا جاراقات العاندار بار ەكەندىگىن ەستىپ وتە قاپا بولدىم. بۇل ءسوز جوق، يدەولوگيالىق جۇمىستاردىڭ ولقىلىعى دەپ ويلايمىن. جالپى ۇيعىر حالقىنا جاپپاي قارا بوياۋ جاعۋعا بولمايدى. ولار دا وزىنشە ءبىر حالىق، تۋىس حالىق، تۇركى حالقى، مۇسىلمان حالقى. نەگىزگى مەكەنى قازىرگى قىتاي جەرىندە. ۇيعىر حالقى بىرنەشە عاسىردان بەرى ءوز تاۋەلسىزدىگى ءۇشىن كۇرەسىپ كەلەدى. ساياسي تۇرعىدان اشىقتان اشىق ولاردى قولداۋعا قۇقىمىز جوق بولسا دا، ءوز باسىم ىشتەي مۇسىلمان باۋىرلارىمىز عوي، ءوز الدىنا ەل بولىپ كەتسە عوي دەپ تىلەيمىن. ۇيعىر حالقىنىڭ ەڭبەكقورلىعى مەن مادەنيەتىنە، ءتىلى مەن داستۇرىنە قۇرمەتىمىز ۇلكەن. بىرقاتار ۇيعىر قالامگەرلەرىنىڭ شىعارمالارىن قازاق تىلىنە اۋدارۋعا اتسالىسقاننان بولار ۇيعىرشا دا ءتاپ-ءتاۋىر سويلەي الامىن. بىراق

پىكىر قالدىرۋ

ەلەكتورندى پوشتاڭىز سىرتقا جاريالانبايدى. بەلگى قويىلعان ءورىستى تولتىرۋ مىندەتتى *

اتى-ءجونى *

Email *

سايتى

Kerey.kz/كەرەي.كز

ءبىز تۋرالى:

تەل: +7 7071039161
Email: kerey.qazaq@gmail.com

Kerey.kz ءتىڭ بۇرىنعى نۇسقاسىن http://old.kerey.kz تەن وقي الاسىزدار!

KEREY.KZ

سايت ماتەريالدارىن پايدالانعاندا دەرەككوزگە سىلتەمە كورسەتۋ مىندەتتى. اۆتورلار پىكىرى مەن رەداكتسيا كوزقاراسى سايكەس كەلە بەرمەۋى مۇمكىن. جارناما مەن حابارلاندىرۋلاردىڭ مازمۇنىنا جارناما بەرۋشى جاۋاپتى.

سايت ساناعى: