Qazaq tilin 6 ayda meñgeruge uäde bergen almatılıq Vyaçeslav Jeli qoldanuşıların tänti etti
kerey.kz
Almatınıñ 32 jastağı twrğını Vyaçeslav Popov Facebook jelisindegi paraqşasında bir kezderi “ukrain jäne evrey babaların” öz jerinde qabıldağan halıqqa qwrmet retinde jartı jıldıñ işinde qazaq tilin üyrenuge uäde berdi. Bwl turalı Tengrinews.kz tilşisi habarlaydı.
“Qazaq tiline, yağni tildi bilmeytinime qarsı şığamın! Deklaraciya! Soñğı äri qaytarımsız türde qazaq tilin bilmeuime qarsı şığamın! KSRO kezinde düniege keldim dep aqtalmaymın da, internatta, keyin mektepte naşar bilim berdi demeymin de… Qazaq tilin bilmeuim – bwl meniñ jauapkerşiligim! Naqtısı jauapsızdığım! Özim üyrenbedim, qalamadım, qajet demedim, qiın dep qorıqtım!
Qazir özime jäne aynalamdağılarğa, barlıq qazaqqa, orısqa jäne Qazaqstan jerinde twrıp jatqan barlıq halıqqa şın Qalauıñ bolsa äri dästürdi, mädenietti halıqtar dostastığın qwrmettese meñgeruge bolatının däleldegim keledi. Qazaqstan meniñ ukrain jäne evrey babalarımdı öz jerinde, 1927 jılı Türksib qwrılısı kezinde qabıldap, keyin 1941-45 jıldardağı soğısta as bergen, iıqtasıp faşizmge qarsı şayqasqan. Bwl mağan jäne meniñ otbasıma, balalarıma osı jerde tınış äri bolaşağı bar ömirdi süruge mümkindik berdi!
Osığan jäne özge de jağdaylarğa qwrmetim retinde qazaq tilin 6 ay işinde, qazaq tilinde erkin söylep, qazaq tilinde ädebi şığarmaşalardı oqitın deñgeyge, tereñ mağınasın tüsinuge uäde beremin. Biz – ağayınbız! Bizdiñ qanımız bir! Bir iske jwmılamız! Osı bilimsizdikpen küreste kömektese alar oqıtuşılar bar ma?”, – dep jazdı Vyaçeslav. Almatılıqtıñ bwl jazbasına bir täulik işinde 1,8 mıñ layk qoyıldı jäne 200-den asa pikir jazıldı. Qoldanuşılardıñ basım böligi avtordı qoldap, tilge degen qwrmetine tänti boldı. Endigi qoldanuşılar oğan qazaq tilin meñgerudiñ qır-sırın aytıp, keñes beruge köşti.
tengrinews.kz
Pikir qaldıru