WLTTIQ QWNDILIĞIN SAQTAĞAN, BAYAN-ÖLGEYİMMEN MAQTANAM
«Är qazaq meniñ jalğızım» – dep aqın Sadır Aday aytqanday, bwl künderi älemniñ 50-ge juıq elderinde qazaqtar ömir süredi. Sonıñ işinde öziniñ wlttıq qwndılıqtarın köziniñ qaraşığınday saqtap, ädet-ğwrıp, salt-dästürin joymay kelgen, az bolsa da köpke ülgi bolğan ör ruhtı – Moñğoliya qazaqtarı.
Moñğoliya qazaqtarınıñ basım böligi şoğırlanğan Bayan-Ölgey aymağında qazir 100 mıñnan astam qandastarımız ömir süredi. Qazaqi ädet-ğwrıpı men dästürin saqtağan bayan-ölgeylikter ärqaşan bizdiñ maqtanışımız. Wlttıq mereke Naurız meyramın da qandastarımız saltanattı türde toylaydı. Biılğı Wlıstıñ wlı küni naurız meyramına oray Bayan-Ölgey aymağınıñ ortalıq alañında 1000 dombıraşı büldirşin qatar twrıp küy tartqanı turalı beynebayandı qandas bauırımız zertteuşi, jurnalis Şınarbek Seyithanwlı öziniñ (Seytkhan Shinarbek) ğalamtor paraqşasına jariyalağan bolatın.
«Nağız qazaq qazaq emes, nağız qazaq dombıra» degendeyin 1000 büldirşinniñ qatar twrıp, birdey küy tartqanı tarihi oqiğa boluımen qatar, külli qazaqtıñ ruhın köterip, internet jelilerinde qızu talqığa tüsip, qandas bauırımız jariyalağan beynebayandı 1 künniñ işinde 30 mıñnan astam adam körip ülgerdi. Wlttıq salt-dästürin wlıqtap jürgen qandas bauırlarğa alğıs bildiremiz.
Qazaqtıñ qara dombırasınıñ şanağınan tögilgen küyler är şañıraqta köptep estilsin!
https://www.facebook.com/seytkhan.shinarbek/videos/1292230327563016/ kerey.kz
Pikir qaldıru