|  | 

جاھان جاڭالىقتارى

مەتروداعى جارىلىسقا قاتىستى اتالعان قازاقستاندىقتان حابار جوق

مەترونىڭ "سەننايا پلوششاد" ستانتسياسىنىڭ كىرەبەرىسىندە تۇرعان شۇعىل قىزمەت كولىكتەرى. پەتەربۋرگ، 3 ءساۋىر 2017 جىل.

مەترونىڭ “سەننايا پلوششاد” ستانتسياسىنىڭ كىرەبەرىسىندە تۇرعان شۇعىل قىزمەت كولىكتەرى. پەتەربۋرگ، 3 ءساۋىر 2017 جىل.

رەسەيدىڭ Cانكت-پەتەربۋرگ قالاسىنداعى مەترودا جارىلىس بولىپ، وقيعادان سوڭ قازاقستاندىق ماكسيم ارىشەۆ تۋرالى ءتۇرلى مالىمەت تارادى. رەسەيلىك باق-تىڭ كەيبىرى ونى قۇرباندار قاتارىنا جاتقىزسا، كۇدىكتى رەتىندە بولجام جاساعاندارى دا بار. قازاقستان سىرتقى ىستەر مينيسترلىگى اسىعىس اقپاراتتارعا سەنبەۋگە شاقىردى. ازاتتىق ازىرگە ارىشەۆتىڭ تۋىستارى پەتەربۋرگكە اتتانعانىن، ونىڭ جارالىلار مەن قازا تاپقاندار تىزىمىندە جوق ەكەنىن انىقتادى.

سانكت-پەتەربۋرگ قالاسىنىڭ مەتروپوليتەنىندەگى جارىلىس ءساۋىردىڭ 3-ءى كۇندىز «تەحنولوگيالىق ينستيتۋت» جانە «سەننايا پلوششاد» ستانتسيالارىنىڭ اراسىندا بولعان. 11 ادامنىڭ قازا تاپقانى، 50-دەي ادامنىڭ زارداپ شەككەنى تۋرالى اقپار تارادى. رەسەي بيلىگى وقيعانى «تەراكت» دەپ اتادى. ازىرگە جارىلىستى ەشقانداي ۇيىم موينىنا المادى.

جارىلىستان كەيىن باق بەتتەرىندە پەتەربۋرگتە وقيتىن قازاقستاندىق ستۋدەنت ماكسيم ارىشەۆ تۋرالى ءتۇرلى مالىمەت تارادى. كەيبىر رەسەيلىك اقپارات قۇرالدارى جارىلىس كەزىندە ۆاگوندا 22 جاستاعى قازاقستاندىق ماكسيم ارىشەۆتىڭ بولعانىن حابارلادى. ەندى ءبىر اقپارات قۇرالدارى ماكسيم ارىشەۆتىڭ جارىلىس بولعان ساتتەن كەيىن حابارسىز كەتكەنىن، ونى تۋىستارى ىزدەي باستاعانىن جازدى. جارىلىستى «ورتا ازيادان شىققان 23 جاستاعى ادامنىڭ جاساعانى» تۋرالى دا حابارلاندى.

“ارىشەۆ تۋرالى اقپارات جوق”

ازاتتىق پەتەربۋرگ مەتروسىنداعى جارىلىستان كەيىن حابارسىز كەتكەن ماكسيم ارىشەۆتىڭ الماتىداعى اتا-اناسى يرينا جانە ۆيتالي ارىشەۆتارمەن سويلەسۋگە تىرىسقان ەدى. الايدا تەلەفون تۇتقاسىن كوتەرگەن، ءوزىن «ماكسيمنىڭ تاتەسى» رەتىندە تانىستىرعان ەلەنا ارىشەۆا يرينا جانە ۆيتالي ارىشەۆتاردىڭ پەتەربۋرگكە ءساۋىردىڭ 4-ءى ۇشىپ كەتكەنىن ايتتى. ونىڭ سوزىنە قاراعاندا، ماكسيم ارىشەۆتىڭ قايدا ەكەنى تۋرالى ءالى ناقتى دەرەك جوق.

- اعام مەن جەڭگەم بۇگىن ۇشىپ كەتتى، ءبىز ەشتەڭە بىلمەيمىز، – دەيدى ەلەنا ارىشەۆا.

فوتوگلاەرەيا: پەتەربۋرگ. مەتروداعى جارىلىس

​ازاتتىق ءتىلشىسى سانكت-پەتەربۋرگ قالاسىنداعى قازاقستان باس كونسۋلدىعىنىڭ «تىكەلەي جەلىسىنە» دە حابارلاسقان ەدى. تەلەفون تۇتقاسىن كوتەرگەن، ءوزىن «يلياسوۆ يلياس» دەپ تانىستىرعان قىزمەتكەر پەتەربۋرگتەگى «جارىلىستان قازا تاپقان قازاقستاندىقتار تۋرالى اقپارات جوق» ەكەنىن ايتتى.

- تىزىمدە قازاقستاندىقتار جوق. ارىشەۆ تۋرالى دا اقپارات جوق. ءبىز ءتىزىمدى رەسەي تجم-ءنىڭ سولتۇستىك-باتىس بولىمىنەن الىپ وتىرمىز، – دەيدى يلياسوۆ.

قازاقستان سىرتقى ىستەر مينيسترلىگىنىڭ رەسمي وكىلى ءانۋار جايناقوۆ ماكسيم ارىشەۆ جونىندەگى اقپاراتتارعا قاتىستى اسىعىس قورىتىندى جاساماۋعا شاقىردى. ونىڭ ازاتتىققا ايتۋىنشا، ماكسيم ارىشەۆتىڭ قايدا ەكەنى جايلى ازىرگە ناقتى مالىمەت جوق. ول «قازا تاپقان ادامدار ءمايىتىن تانۋ جۇمىستارى ءجۇرىپ جاتىر. مەرت بولعانداردىڭ قاي ەلدىڭ ازاماتتارى ەكەنى جونىندەگى ءتىزىم ءالى جاسالىپ جاتىر. رەسمي اقپارات ءازىر بولعان بەتتە ءبىز ونى باق-تا جاريالايمىز» دەدى.

الەۋمەتتىك جەلىدەگى اككاۋنتاردا «ماكسيم ارىشەۆ» دەگەن اتپەن تىركەلگەن ينتەرنەت قولدانۋشى «سانكت-پەتەربۋرگ مەملەكەتتىك ەكونوميكالىق ۋنيۆەرسيتەتىنىڭ ينفورماتيكا جانە قولدانبالى ماتەماتيكا فاكۋلتەتىنىڭ 3-كۋرسىندا «اقپاراتتىق جۇيەلەر جانە تەحنولوگيالار» ماماندىعى بويىنشا وقيتىنىن» جازعان.

ۇقك بولجامى

ال قازاقستان ۇلتتىق قاۋىپسىزدىك كوميتەتى (ۇقك) توراعاسىنىڭ ورىنباسارى نۇرعالي بىلىسبەكوۆ “بۇعان دەيىن تەراكتىگە 1996 جىلى تۋعان ارىشەۆ ماكسيم ۆيتالەۆيچتىڭ قاتىسى بولۋى مۇمكىن ەكەنى تۋرالى اقپاراتتار تارادى. بۇل اقپارات شىندىققا سايكۋەس كەلمەيدى دەر ەدى. ول كوميتەت نازارىنا ىلىكپەگەن، ەسەپتە تۇرعان جوق. رەسەي ارنايى قىزمەت وكىلدەرى ونى ورىنداۋشى رەتىندە قارىستىرىپ وتىرعان جوق. بىزدىڭشە، ول – جارىلىس ەپيتسەنترىندە بولعان قۇربان. ءبىز اقپارات الماسىپ جاتىرمىز، جاقىن ارادا بەلگىلى بولادى” دەگەن.

نۇرعالي بىلىسبەكوۆتىڭ سوزىنە قاراعاندا، قازىر رەسەي قاۋىپسىزدىك قىزمەتى تەراكتىگە رەسەي نەمەسە قازاقستاننىڭ ازاماتى ەمەس، ورتالىق ازيادان شىققان ادامنىڭ قاتىسى بار دەگەن بولجامدى تەكسەرىپ جاتىر.

“تەراكت”

مەترودا جارىلىس بولعان ساتتە بەلارۋس پرەزيدەنتى الەكساندر لۋكاشەنكومەن كەزدەسىپ وتىرعان رەسەي پرەزيدەنتى ۆلاديمير پۋتين «بيلىك جارىلىسقا سەبەپ بولارلىق بارلىق نۇسقالاردى قاراستىراتىنىن، تەراكت بولۋى مۇمكىن ەكەنىن دە جوققا شىعارمايتىنىن» مالىمدەگەن.

رەسەي باس پروكۋراتۋراسى وكىلى بۇل وقيعانى «تەراكت» دەپ اتادى. «ينتەرفاكس» اگەنتتىگى سانكت-پەتەربۋرگ مەتروسىنىڭ «پلوششاد ۆوسستانيا» ستانتسياسىنان دا جارىلعاش زات تابىلىپ، ساپەرلەر ونى زالالسىزداندىرعانىن حابارلادى.

قازىر پەتەربۋرگ مەتروسىنىڭ ستانتسيالارىندا تەكسەرىس كۇشەيىپ، جولاۋشىلار كەزەگى پايدا بولعان. الماتى مەتروسىندا دا قاۋىپسىزدىك شارالارى كۇشەيتىلگەنى حابارلاندى.     ازات ەۋروپا / ازاتتىق راديوسى

Related Articles

  • اقش سەناتى ۋكرايناعا قارجىلاي كومەك قاراستىرىلعان زاڭ جوباسىن ماقۇلدادى

    اقش كونگرەسى.  اقش سەناتى 13 اقپاندا ۋكراينا، يزرايل جانە تايۆانعا 95 ملرد دوللار بولاتىن قارجىلاي كومەك بەرۋ تۋرالى زاڭ جوباسىن ماقۇلدادى. سەناتتا دەموكراتتار باسىم ورىنعا يە. ەندى زاڭ جوباسىن رەسپۋبليكالىق پارتيا باسىم وكىلدەر پالاتاسى قارايدى. وكىلدەر پالاتاسىندا جوبانىڭ زاڭ ستاتۋسىن الۋعا مۇمكىندىگى از دەگەن بولجام دا ايتالادى. پرەزيدەنت-دەموكرات دجو بايدەن ءبىراز ۋاقىتتان بەرى ەكى پالاتانى ۋكراينا مەن اقش-تىڭ ءۇندى-تىنىق مۇحيت اۋماعىنداعى سەرىكتەستەرىنە كومەك بەرۋدى جىلدامداتۋعا شاقىرىپ كەلەدى. ۋكراينا بيلىگى باستى وداقتاسى اقش-تان قولداۋ ازايعان تۇستا قارۋ-جاراق جەتپەي جاتقانىن بىرنەشە رەت مالىمدەگەن. ۋكراينا پرەزيدەنتى ۆلاديمير زەلەنسكي بۇگىن، 13 اقپاندا اقش سەناتىنىڭ بۇل زاڭ جوباسىن ماقۇلداعانىنا العىس ايتتى. قۇجاتتا كيەۆكە 61 ملر دوللار بەرۋ قاراستىرىلعان. “امەريكانىڭ كومەگى ۋكرايناعا بەيبىت ءومىردى جاقىنداستىرىپ، الەمدىك

  • اقش سەناتى ۋكراينا مەن يزرايلگە كومەك بەرۋ تۋرالى زاڭ جوباسىن ماقۇلدادى

    ازات ەۋروپا / ازاتتىق راديوسى اقش سەناتى ۋكراينا مەن يزرايلگە 118 ميلليارد دوللار قوسىمشا قارجى كومەگىن بەرۋ تۋرالى ەكى پارتيا ۇسىنعان زاڭ جوباسىن جانە اقش-تىڭ وڭتۇستىك شەكاراسىن نىعايتۋ تۋرالى زاڭ جوباسىن ماقۇلدادى. بىلتىر قازان ايىنان بەرى جالعاسىپ كەلە جاتقان “ۇلتتىق قاۋىپسىزدىككە بايلانىستى قوسىمشا قارجىلاندىرۋ تۋرالى” داۋعا نۇكتە قوياتىن كومپروميستىك ءماتىن اقش سەناتىنىڭ سايتىنا شىققان. زاڭ جوباسى بويىنشا، سەناتورلار 60 ميلليارد دوللاردى ۋكراينانى قولداۋعا، 14 ميللياردتى يزرايلگە كومەككە، 20 ميللياردتان استام دوللاردى اقش-تىڭ مەكسيكامەن شەكاراسىن قاۋىپسىزدەندىرۋگە، شامامەن بەس ميللياردتى اقش-تىڭ تىنىق مۇحيت ايماعىنداعى سەرىكتەرىن قارجىلاندىرۋعا، ەكى جارىم ميللياردقا جۋىق دوللاردى “قىزىل تەڭىزدەگى” وپەراتسيانى قولداۋعا، تاعى دا سونداي قارجىنى اقش-تىڭ ورتالىق قولباسشىلىعىنا ءبولۋدى جوسپارلاعان. اقش پرەزيدەنتى دجو بايدەن كونگرەسستەن ۋكراينا، يزرايل جانە تايۆانعا

  • ماسكەۋ توقاەۆتان پريگوجيننىڭ بۇلىگىن باسۋعا كومەكتەسۋدى سۇرادى ما؟

    ەلنۇر ءالىموۆا قازاقستان پرەزيدەنتى قاسىم-جومارت توقاەۆ جانە رەسەي باسشىسى ۆلاديمير پۋتين. بۇل اپتادا باتىس باسىلىمدارى ماۋسىم ايىندا «چۆك ۆاگنەردىڭ» جەتەكشىسى ەۆگەني پريگوجيننىڭ اسكەري بۇلىگى كەزىندە رەسەي قازاقستاننان كومەك سۇراعانىن، بىراق پرەزيدەنت قاسىم-جومارت توقاەۆ ودان باس تارتقانىن جازدى. سونىمەن قاتار استانا مەن انكارا اسكەري سالاداعى سەرىكتەستىكتى كۇشەيتىپ، 2024 جىلى ەلدە درون شىعارا باستايتىنىنا توقتالدى. بۇدان بولەك ورتالىق ازيا باتىس ەلدەرى ءۇشىن نە سەبەپتى ماڭىزدى ايماققا اينالعانىن تالدادى. قازاقستان مەن تۇركيا ANKA درونىن شىعارا باستايدى اقش-تاعى Jamestown قورى قازاقستان مەن تۇركيا اسكەري سەرىكتەستىكتى كۇشەيتىپ جاتقانىنا نازار اۋدارادى. قازاقستان 2024 جىلدان باستاپ ەلدە تۇركيانىڭ Anka دروندارىن شىعارا باستايدى. 28 قاراشا كۇنى قورعانىس مينيسترلىگى درون وندىرەتىن وتاندىق كومپانيانى تاڭداپ جاتقانىن حابارلادى. مالىمدەمەدە تۇركيانىڭ Anka درونى ەلدە

  • ازەربايجان قاراباققا شابۋىل باستادى. قازىرگە دەيىن نە بەلگىلى؟

    ازاتتىق راديوسى ازەربايجان قورعانىس مينيسترلىگىنىڭ تاۋلى قاراباقتا “ارمەنيالىق اسكەريلەردىڭ پوزيتسياسىن جويدىق” دەپ تاراتقان فوتوسى. 19 قىركۇيەك 2019 جىل.  19 قىركۇيەكتە ازەربايجان تاۋلى قاراباقتا “انتيتەرروريستىك وپەراتسيا” باستاعانىن مالىمدەدى. باكۋدىڭ بۇل مالىمدەمەسىنەن سوڭ قاراباقتا تۇراتىن ارمياندار ارتيللەريادان شابۋىل باستالعانىن ايتادى. “ستەپاناكەرتتە جارىلىس ەستىلىپ جاتىر. بالالار مەن اتا-انالار جەرتولەلەرگە ءتۇستى. بالكونىمنان ءار جاقتان جارىلىس داۋىسى ەستىلىپ جاتىر، توقتار ەمەس. ارتيللەريا قاتتى اتقىلاپ جاتىر، اتىس داۋىسى دا تولاستار ەمەس” دەدى تاۋلى قاراباقتاعى تاۋەلسىز جۋرناليست مارۋت ۆانيان. ازاتتىقتىڭ ارميان قىزمەتىنىڭ حابارلاۋىنشا، 19 قىركۇيەك 11:10-دا ازەربايجان كۇشتەرى قاراباقتاعى اسكەران اۋدانىن اتقىلاعان. “ەحو كاۆكاز” سايتى ستەپاناكەرت قالاسىندا اۋە دابىلى قاعىلعانى حابارلاندى. ستەپاناكەرت قالاسىندا قاشىپ بارا جاتقان ادامدار. 19 قىركۇيەك 2023 جىل. تاۋلى قاراباقتاعى ارميانداردىڭ باقىلاۋىنداعى ايماقتىڭ ومبۋدسمەنى

  • اقش ۋكراين ساربازدارىن F-16 جويعىش ۇشاقتارىن باسقارىپ ۇيرەتۋگە رۇقسات بەردى

    F-16 جويعىش ۇشاعى.         اقش پرەزيدەنتى دجو بايدەن ۋكراين ۇشقىشتارىن F-16 جويعىش ۇشاعىن باسقارىپ ۇيرەتۋگە رۇقسات بەردى. بۇل جونىندە پەنتاگوننىڭ ءباسپاسوز حاتشىسىنىڭ ورىنباسارى سابرينا سينگح حابارلادى. ونىڭ ايتۋىنشا، نيدەرلاند جانە دانيا وقىتۋ جاعىنا جاۋاپ بەرۋى مۇمكىن. پەنتاگون وكىلى بۇدان وزگە اقپارات بەرمەدى. شىلدە ايىندا Politico جۋرنالى دانيا مەن نيدەرلاند باستاعان 11 ەلدەن قۇرالعان كواليتسيا ۋكراين ۇشقىشتارىن F-16 جويعىش ۇشاقتارىن باسقارىپ ۇيرەتۋگە دايىن ەكەنىن، الايدا ول ءۇشىن ۇشاقتى شىعارۋشى ەل اقش-تىڭ رەسمي رۇقساتى قاجەت ەكەنىن حابارلاعان. باسىلىمنىڭ جازۋىنشا، دەگەنمەن 11 ەلدىڭ ەشقايسىسى ازىرگە ول باعدارلاما ءۇشىن ۇشاق بولمەگەن. شىلدە ايىندا اق ءۇيدىڭ ۇلتتىق قاۋىپسىزدىك جونىندەگى ۇيلەستىرۋشىسى دجون كيربي وقىتۋ مەرزىمى، ورنى مەن ۇزاقتىعى ءالى قاراستىرىلىپ جاتقانىن ايتقان. وتكەن اپتادا Politico

پىكىر قالدىرۋ

ەلەكتورندى پوشتاڭىز سىرتقا جاريالانبايدى. بەلگى قويىلعان ءورىستى تولتىرۋ مىندەتتى *

اتى-ءجونى *

Email *

سايتى

Kerey.kz/كەرەي.كز

ءبىز تۋرالى:

تەل: +7 7071039161
Email: kerey.qazaq@gmail.com

Kerey.kz ءتىڭ بۇرىنعى نۇسقاسىن http://old.kerey.kz تەن وقي الاسىزدار!

KEREY.KZ

سايت ماتەريالدارىن پايدالانعاندا دەرەككوزگە سىلتەمە كورسەتۋ مىندەتتى. اۆتورلار پىكىرى مەن رەداكتسيا كوزقاراسى سايكەس كەلە بەرمەۋى مۇمكىن. جارناما مەن حابارلاندىرۋلاردىڭ مازمۇنىنا جارناما بەرۋشى جاۋاپتى.

سايت ساناعى: