الەمگە تانىلعانعا دەيىن قارا جۇمىس ىستەپ، اقشا تاپقان جۇلدىزدار بار. جۇلدىزدىڭ ءبارى بىردەي “بايدىڭ بالاسى” ەمەس… ولار دا قاراپايىم ءومىر ءسۇرىپ، كۇيبەڭ تىرلىكتىڭ اششى ءدامىن تاتقان. ءتىپتى الەمدىك جۇلدىزداردىڭ دەنى جوقشىلىق كورگەن دەۋگە بولاتىنداي. قيىندىق كورىپ، تيىن ساناپ ءجۇرىپ ءبىر-اق كۇندە باق قونىپ، اتاعى اسپانداعان جانداردىڭ ءتىزىمىن جاساپ كوردىك دەپ جازادى Massaget.kz.

مارلون براندو

تاريحتاعى ەڭ ۇلى اكتەرلەردىڭ ءبىرى، ەكى رەت “وسكار” سىيلىعىن يەلەنگەن امەريكانىڭ تۋماسى مارلون براندو بالا كەزىنەن باستاپ ەرىك-جىگەرىمەن ەرەكشەلەنگەن. جوعارى سىنىپتا وقىپ جۇرگەندە اتا-اناسىنا وزدىگىنەن تابىس تابا الاتىنىن دالەلدەمەك بولىپ كينوتەاترعا بيلەت ساتۋشى بولىپ ورنالاسادى. مەكتەپ بىتىرگەن سوڭ بىرنەشە اي بويى جەر قازۋشى بولىپ جۇمىس ىستەگەن. دال وسى كەزدە كوكەيىندە “اكتەر بولسام” دەگەن ارمان تۋعان.

دجۋليا روبەرتس

امەريكانىڭ تاعى ءبىر ايگىلى تۋماسى، “وسكار” سىيلىعىنىڭ يەگەرى، اكتريسا دجۋليا روبەرتس نيۋ-يوركتە بالمۇزداق ساتقان. كاستينگتەن-كاستينگە بارىپ جۇرگەن ۋاقىتتا دجۋليا شاعىن دۇڭگىرشەكتە بالمۇزداق ساتىپ، تابىس تاپقان.

كلينت يستۆۋد

امەريكالىق اكتەر، رەجيسسەر، “وسكار” سىيلىعىن بىرنەشە مارتە يەلەنگەن كلينت يستۆۋد الەمگە تانىلماي تۇرىپ باسسەين تازالاۋشى بولىپ جۇمىس ىستەگەن. قاراپايىم باسسەين ەمەس، گولليۆۋد جۇلدىزدارى تۇسەتىن باسسەيندى تازالاعان.

ال پاچينو

تاريحتاعى ەڭ ۇلى اكتەر بولىپ سانالاتىن امەريكالىق ال پاچينو 17 جاسىندا ۇيدەن قۋىلىپ، مەكتەپتەن شىعىپ قالعان. ءومىرىنىڭ وسى ءبىر قيىن ساتىندە بولاشاق ايگىلى اكتەر ەدەن جۋشى، داياشى، زات جەتكىزۋشى، پوشتاشى، قوعامدىق كولىكتە بيلەت تەكسەرۋشى قىزمەتتەرىن اتقارعان.

دجوردج كلۋني

“وسكاردى” بىرنەشە مارتە يەلەنگەن امەريكالىق دجوردج كلۋني اكتەر رەتىندە تانىلعانعا دەيىن لوس-اندجەلەستەگى ءبىر دۇكەندە ەر ادام كوستيۋمىن ساتقان.

راسسەل كروۋ

ادام ايتسا، سەنگىسىز. “وسكار” سىيلىعىنىڭ يەگەرى، اۆستراليالىق ءارى امەريكالىق اكتەر راسسەل كروۋ ءبىر كەزدەرى سيدنەي كوشەلەرىندە ءان سالىپ كۇنىن كورگەن.

دجەننيفەر ەنيستون

امەريكانىڭ اتىشۋلى اكتريساسى دجەننيفەر ەنيستون تەلەفون ماركەتينگى سالاسىندا جۇمىس ىستەگەن. سونداي-اق اكتريسانىڭ كەزىندە كۋرەر بولعانى دا جۇرتقا ايان.

مايكل كەين

1960—1990 جىلدارى ەڭ كوپ سۇرانىسقا يە بولعان بريتانيالىق اكتەر، “وسكار” سىيلىعىن التى رەت يەلەنگەن ۇلى تۇلعا ءبىر كەزدەرى لوندونداعى ءبىر مەيرامحانادا ىدىس جۋشى بولىپ ناپاقا تاپقان.

سيلۆەستر ستاللونە

امەريكالىق اكتەر ستاللونە شۆەيتساريادا وقىپ ءجۇرىپ، ترەنەر بولىپ جۇمىس ىستەگەن.

دجەيسون ستەتحەم

گولليۆۋد جۇلدىزى 15 جاستان باستاپ 30-30 جاسقا دەيىن كوشەدە كوشىرمە التىن مەن كوشىرمە ءاتىر ساتقان.

دجيم كەرري

15 جاسىندا كانادالىق ءارى امەريكالىق اكتەر وقۋىن تاستاپ، قۇرىلىسشى بولىپ جۇمىس ىستەگەن. فابريكادا قىزمەتشى بولىپ ناپاقا تاپقان اكتەردىڭ ءۇي-كۇيسىز دالادا قالعان كۇنى دە بولعان.

دەرەككوز: massaget.kz