|  |  | 

جاڭالىقتار الەۋمەت

رەسەيگە كوشۋشىلەر «باياۋ دا بولسا كوبەيىپ بارادى»

تەمىرجولداعى «روسسيا» جازۋى. (كورنەكى سۋرەت)

تەمىرجولداعى «روسسيا» جازۋى. (كورنەكى سۋرەت)

رەسەي ىشكى ىستەر مينيسترلىگى سايتىنداعى دەرەككە سايكەس، 2016 جىلى قازاقستاننان كەتكەن 37 837 ادام رەسەي ازاماتتىعىن العان. بۇل دەرەكتەردى ناۋرىزدىڭ 30-ى كۇنى استانادا «ەۋرازيا مونيتورينگى» ساراپتامالىق زەرتتەۋلەر ورتالىعىندا وتكەن كەزدەسۋدە «ەۋرازيا» گۋمانيتارلىق زەرتتەۋلەر عىلىمي-زەرتتەۋ ورتالىعى ديرەكتورى، تاريح عىلىمى دوكتورى، پروفەسسور زيابەك قابىلدينوۆ پەن «ءسىبىر-ەۋرازيا» ساراپشىلار كلۋبى جاريالادى. ونىڭ سوزىنشە، 2015 جىلى قازاقستاننان رەسەيگە شامامەن 32 مىڭ ادام كەتكەن، ولاردىڭ نەگىزگى بولىگى – ەتنيكالىق ورىستار نەمەسە ورىس ءتىلدى حالىق.

نەگە كەتەدى؟

ورىس ءتىلدى ازاماتتاردىڭ قازاقستاندا قالعىسى كەلمەۋىنىڭ كوپ سەبەپتەرى بار ەكەنى ايتىلىپ ءجۇر. تاريح عىلىمى دوكتورى زيابەك قابىلدينوۆ ەڭ اۋەلگى سەبەپ رەتىندە «رەسەيدىڭ وتانداستارىن ءوز تەرريتورياسىنا كوشىرۋگە ارنالعان باعدارلاماسىن» اتايدى. ونىڭ پىكىرىنشە، بۇل باعدارلاما جاقسى جۇمىس ىستەيدى، ول «قازاقستانداعى ورالمانداردى كوشىرىپ اكەلۋ باعدارلاماسىنان الدەقايدا جاقسى». ونىڭ ايتۋىنشا، 2011 جىلعى جاڭاوزەن وقيعالارىنان كەيىن قازاقستان ەتنيكالىق قازاقتاردى تاريحي وتانىنا قارقىندى كوشىرۋدى توقتاتقان.

- قازىر 2017 جىل، بىراق ەتنيكالىق قازاقتاردى كوشىرۋ مەحانيزمى ءالى تۇسىنىكسىز. بۇل جاعىنان رەسەي فەدەراتسياسىنىڭ ۆاريانتى جاقسى. ولاردا اسا جەتىلدىرىلمەگەن بولسا دا، ءبىرىنشى، ەكىنشى، ءۇشىنشى ايماقتارعا كوشىرىپ،جۇمىسقا ورنالاستىرۋ، جول شىعىنىن، مۇلكىن تولەپ بەرۋ قاراستىرىلعان باعدارلاما بار ءارى ول جۇمىس ىستەپ تۇر، – دەيدى زيابەك قابىلدينوۆ.

قازاقستان پرەزيدەنتى جانىنداعى مەملەكەتتىك باسقارۋ اكادەمياسىنىڭ ۆيتسە-رەكتورى ايگۇل كوشەرباەۆا مەن «ەۋرازيا» گۋمانيتارلىق زەرتتەۋلەر عىلىمي-زەرتتەۋ ورتالىعى ديرەكتورى زيابەك قابىلدينوۆ. استانا، 30 ناۋرىز 2017 جىل.

قازاقستان پرەزيدەنتى جانىنداعى مەملەكەتتىك باسقارۋ اكادەمياسىنىڭ ۆيتسە-رەكتورى ايگۇل كوشەرباەۆا مەن «ەۋرازيا» گۋمانيتارلىق زەرتتەۋلەر عىلىمي-زەرتتەۋ ورتالىعى ديرەكتورى زيابەك قابىلدينوۆ. استانا، 30 ناۋرىز 2017 جىل.

 

بىراق رەسەي پرەزيدەنتى جانىنداعى رەسەي حالىق شارۋاشىلىعى مەن مەملەكەتتىك قىزمەت اكادەمياسىنىڭ فيليالى – ءسىبىر باسقارۋ ينستيتۋتىنىڭ عىلىمي-ۇيىمداستىرۋ ءبولىمى باستىعى، ساياسي عىلىم كانديداتى ەلەنا شەۆتسوۆانىڭ پىكىرىنشە، «رەسەيدىڭ وتانداستاردى كوشىرۋگە ارنالعان الگى باعدارلاماسىندا كەمشىلىكتەر جەتەدى. مىسالى، قونىس اۋدارۋشىلاردى شاقىراتىن سىبىردە جالاقى ماردىمسىز، سوندىقتان ادامدار ەلدىڭ وزگە ايماقتارىنان جۇمىس ىزدەۋگە ءماجبۇر».

بۇعان قوسا، زيابەك قابىلدينوۆ رەسەيدە زەينەت دەمالىسىنا ەرتە شىعۋ ءتارتىبى ساقتالعانىن، ال قازاقستاندا ەر ادامدار 63 جاسىندا، ال ايەلدەر قازىر 58 جاسىندا شىعاتىنىن، بىراق ول بىرتىندەپ ۇلعايىپ، 60 جاسقا دەيىن جەتەتىنىن دە ايتادى.

ەميگراتسياعا كەتكەن قازاقستاندىقتار ءۇشىن «انا كاپيتالى» دەگەن باعدارلاما دا كوشۋگە تۇرتكى فاكتورعا اينالعان. بيىل رەسەيدە بۇل سوما 453 026 ءرۋبلدى (سەگىز مىڭ دوللارعا جۋىق) قۇرايدى. قازاقستاندا مۇنداي اقشا بەرمەيدى. بۇدان بولەك، پروفەسسوردىڭ سوزىنشە، كورشى ەل كوممۋنالدىق قىزمەت اقىسىن تولەۋگە كومەكتەسۋ، اۋىلدىق جەرلەردە وتىن، كومىر ءتۇسىرىپ بەرۋ سياقتى ءتۇرلى الەۋمەتتىك جاردەماقى تولەۋدى دە جالعاستىرىپ وتىر.

ماماندار كوشۋگە تۇرتكى بولاتىن سەبەپتەردىڭ ءبىرى رەتىندە 2019 جىلى قازاقستان مەكتەپتەرىندە پاندەردى ءۇش تىلدە وقىتۋ باعدارلاماسىن ەنگىزۋدى دە اتايدى. سول كەزدەن باستاپ بيولوگيا، حيميا، ينفورماتيكا سياقتى پاندەردى اعىلشىن تىلىندە، ال ورىس مەكتەپتەرىندە قازاقستان تاريحىن قازاق تىلىندە وقىتۋ جوسپارلانعان. IQ-Expert.ru پورتالىنىڭ جاۋاپتى رەداكتورى ولگا كازانتسەۆا:

- كوشۋدى جوسپارلاماعان كوپ ادام قازىر تەك وسى فاكتورعا عانا سۇيەنىپ، كوشۋ جايلى ويلانىپ ءارى ارەكەت ەتىپ جاتىر، – دەيدى.

تاريح عىلىمى دوكتورى زيابەك قابىلدينوۆتىڭ پىكىرىنشە، تاياۋ جىلدارى ورىس ءتىلدى ازاماتتاردىڭ كوشۋى «ۇدەي تۇسەدى».

- رەسەيگە قونىس اۋدارۋعا ۋكرايناداعى وقيعالار دا ماجبۇرلەپ وتىر. قىرىمعا بايلانىستى جاعداي قالاساق تا، قالاماساق تا بولدى، ونى اننەكسيا دەپ اتاساڭ دا، ەرىكتى تۇردە قوسىلۋ رەفەرەندۋمى دەپ اتاساڭ دا ءبارىبىر، بىراق جاعداي وسىلاي بولدى، ال ونىڭ زاردابى پوستسوۆەتتىك رەسپۋبليكالاردىڭ تەرريتورياسىندا تۇراتىن ورىس ءتىلدى حالىققا جاناما تۇردە ءتيىپ جاتىر، – دەيدى زيابەك قابىلدينوۆ.

ونىڭ سوزىنشە، رەسەيگە كەتۋ سەبەپتەرىنىڭ تاعى ءبىرى – باتىس ەلدەرى سالعان سانكتسيالارعا قاراماستان، جاقسى جۇمىس تابۋ مۇمكىندىگى. قابىلدينوۆتىڭ دەرەگىنشە، ول جاقتا رەسەي تولقۇجاتىن ءۇش اي ىشىندە الۋعا بولادى. ونىڭ پىكىرىنشە، ادامدار قازاقستاننان كوررۋپتسيانىڭ كەسىرىنەن دە كەتىپ جاتىر، سونىڭ كەسىرىنەن ەلدە قالعىسى كەلمەيتىندەر كوپ.

قازاقستاننىڭ ارەكەتى

قازاقستان پرەزيدەنتى جانىنداعى مەملەكەتتىك باسقارۋ اكادەمياسىنىڭ ۆيتسە-رەكتورى، ەكونوميكا عىلىمدارىنىڭ دوكتورى ايگۇل كوشەرباەۆا ازاماتتاردىڭ قازاقستاننان كەتۋى ادام كاپيتالى ساپاسىنا اسەر ەتەدى دەپ سانايدى. ونىڭ پىكىرىنشە، ەميگراتسياعا كەتۋگە تۇرتكى بولاتىن فاكتورلاردىڭ اسەرىن الدەبىر امالمەن السىرەتۋ قاجەت.

مۇنىڭ ءبارىنىڭ نەگىزگى سەبەبى بار، ول – تۇرمىس ساپاسى. رەسەيمەن شەكارالاس ايماقتار قازىر تۇرمىس ساپاسىن جاقسارتۋ ساياساتىنا ءۇمىت ارتىپ وتىر.

- مۇنىڭ ءبارىنىڭ نەگىزگى سەبەبى بار، ول – تۇرمىس ساپاسى. رەسەيمەن شەكارالاس ايماقتار قازىر تۇرمىس ساپاسىن جاقسارتۋ ساياساتىنا ءۇمىت ارتىپ وتىر. قازاقستاندا ۋربانيزاتسيا ساياساتىنا بايلانىستى، «ماڭگىلىك ەل» تۇجىرىمداماسى اياسىندا الدەبىر شارالار ىستەلىپ جاتىر. بىزدە كوشۋگە يتەرمەلەيتىن فاكتورلار عانا بار دەۋگە بولمايدى، بۇدان وزگە وسى ساياساتقا، ياعني بىلىكتى مامانداردىڭ كوپتەپ كەتۋىنە توسقاۋىل قويۋعا تىرىساتىن ىشكى شارالار دا بار، – دەيدى ايگۇل كوشەرباەۆا.

«كاسىپقويلاردى ىزدەپ بارادى»

26 جاستاعى قازاقستاندىق ارمەن ستەپانيان – ەكىنشى جوعارى ءبىلىم الۋ ءۇشىن ماسكەۋگە كەتكەن جاستاردىڭ ءبىرى. زەرتتەۋشىلەر ونىڭ جاعدايىن وقۋ ىزدەپ، رەسەيدى قولايلى كورىپ كەتكەندەر ساناتىنا جاتقىزار ەدى. باقىلاۋشىلار دەرەگىنشە، قازىر رەسەيگە كوبىنەسە جاستار، ودان كەيىن اعا بۋىن وكىلدەرى كەتىپ جاتىر.

- قازىر رەسەي جوعارى وقۋ ورىندارى مەن ولاردىڭ قازاقستانداعى فيليالدارىندا قازاقستاننىڭ 69 مىڭداي ازاماتى وقىپ جاتىر. بۇل وتە كوپ، ال ول جاققا وقۋعا ءتۇسۋ الدەقايدا قيىن، بىراق رەسەيدە ساپاسى جاقسىراق ءبىلىم الۋ ءۇشىن جاستاردىڭ كوبى ءتىپتى اقىلى نەگىزدە بولسىن، وقۋعا تۇسەدى، – دەيدى تاريح عىلىمى دوكتورى زيابەك قابىلدينوۆ.

ارمەن ستەپانياننىڭ BBDO (جارناما جەلىسى توبى) جانىنداعى كوممۋنيكاتسيا اكادەمياسىندا مۋزىكالىق ۆيدەو رەجيسەرى ماماندىعىن وقىعانىنا جارتى جىل بولعان. ءبىر جىلدىڭ وقۋ اقىسى – 225 مىڭ رۋبل ء(تورت مىڭ دوللار شاماسىندا). ستەپانياننىڭ ءبىرىنشى جوعارعى ءبىلىمى مۇناي ءوندىرۋ سالاسىمەن بايلانىستى. ول تيۋمەن مەملەكەتتىك مۇناي-گاز ۋنيۆەرسيتەتىن بىتىرگەن. ستۋدەنتتىڭ ايتۋىنشا، قازىر وقىپ جۇرگەن مەكتەبىنە جاقسى پىكىرلەردىڭ اسەرىمەن تۇسكەن، بىراق شەبەرحاناداعى وقۋ دەڭگەيى ونىڭ كۇتكەنىنەن الدەقايدا ءالسىز بولىپ شىققان.

ارمەن ستەپانيان.

ارمەن ستەپانيان.

 

- قازاقستاندا ونداي وقۋدىڭ بالاماسى بولمادى، ويتكەنى بىزدە كينو سالاسى ماماندارىن دايارلايتىن بار-جوعى ەكى جوو بار ءارى ەكەۋى دە ءالسىز. ءتىپتى بىزدە بالاماسى بولسا دا، ول جاققا تاجىريبە الماسۋ ءۇشىن كەتەر ەدىم. بولاشاق جۇمىسىم شىعارماشىلىقپەن بايلانىستى. ەگەر تۇبىندە مەنەن جاقسى كاسىپ يەسى شىعىپ جاتسا، الەمدى شارلاماقپىن. روللان سەيسەنباەۆتىڭ «جەلتوقسان كۇندەرى» دەگەن شىعارماسى بويىنشا فيلم تۇسىرسەم دەپ ارماندايمىن. مەن ءۇشىن تۋعان جەردىڭ ورنى بولەك، سوندىقتان ونىڭ كادەسىنە جاراۋعا تىرىسامىن، ويتكەنى ول جاقتاعى ادامدار، حالىق مەنى جاقسى كوردى، نانىمەن ءبولىسىپ، ۇنەمى اق پەيىلىن كورسەتتى عوي. ولارعا دەگەن ريزاشىلىعىمدى پايدامدى تيگىزۋ ارقىلى بىلدىرگىم كەلەدى، – دەيدى ارمەن ستەپانيان.

جاس جىگىت استانالىق وزگە ستۋدەنتتەرمەن دە ارالاسىپ تۇرادى ەكەن. ونىڭ ايتۋىنشا، ول ءۇشىن «رەسەيدە قالۋدىن الدەبىر پايداسى نەمەسە پەرسپەكتيۆاسى جوق، ويتكەنى رەسەي دە پروبلەمالارىنىڭ سيمپتومتارى بىردەي پوستسوۆەتتىك ەل».

- جۇرت رەسەيگە دە، ماسكەۋگە دە ەمەس، ماسكەۋدە وتە كوپ تۇراتىن بىلىكتى، ەسىمى الەمگە تانىلعان ناقتى كاسىپقويلاردى ىزدەپ بارادى. رەسەيگە كوشكەندەردىڭ كوبى مەملەكەتتەگى، تىلگە قاتىستى وزگەرىستەردى سەزىنگەن سلاۆياندار شىعار. بۇل جاعىنان العاندا، ولار وزدەرىنىڭ تاريحي وتانىنا، ونىڭ مادەنيەتى مەن تىلىنە ورالىپ جاتىر دەپ ويلايمىن، ال بۇل – ەۆرەيلەر نەمەسە ارميانداردىڭ ەميگرانتتىق لەگى سياقتى تابيعي پروتسەسس، – دەيدى ارمەن ستەپانيان.

ونىڭ سوزىنشە، سەمەيدە تۇراتىن اكە-شەشەسى ەشقايدا كەتۋدى جوسپارلامايدى.

Related Articles

  • سامات ءابىش قالاي “سۇتتەن اق، سۋدان تازا” بولىپ شىقتى؟

    ازاتتىق راديوسى ساياساتتانۋشى دوسىم ساتپاەۆ ۇقك توراعاسىنىڭ بۇرىنعى ءبىرىنشى ورىنباسارى، ەكس-پرەزيدەنت نۇرسۇلتان نازارباەۆتىڭ نەمەرە ءىنىسى سامات ابىشكە شىققان ۇكىم “قازاقستانداعى رەجيم بولاشاقتى ويلامايتىنىن كورسەتتى” دەيدى قازاقستاندىق ساياساتتانۋشى دوسىم ساتپاەۆ. ساراپشىنىڭ پايىمداۋىنشا، بيلەۋشى “ەليتا” جەكە ىستەرىمەن جانە تاساداعىكەلىسىمدەرمەن اۋرە بولىپ جاتقاندا ەلدە تاعى ءبىر جاڭا الەۋمەتتىك جارىلىسقا اكەلۋى مۇمكىن فاكتورلار كۇشەيىپ كەلەدى. ساياساتتانۋشىرەسەي ءوزىنىڭ ەكونوميكالىق مۇددەلەرى مەن گەوساياسي جوسپارلارىن كەڭىنەن جۇزەگە اسىرۋ ءۇشىن قازاقستاننىڭ ىشكى ساياساتىنا تىكەلەي اسەر ەتۋگە تىرىسىپ جاتۋى مۇمكىن دەپ تە توپشىلايدى. پۋتين “قاۋىپسىزدىك كەپىلى” مە؟ ازاتتىق: سونىمەن ۇزاق دەمالىس الدىندا وسىنداي ۇلكەن جاڭالىق جاريالاندى. مەيرام الدىندا، 19 ناۋرىزدا قازاقستاندىقتار ءماجىلىس دەپۋتاتىنىڭ پوستىنان سامات ابىشكە شىققان ۇكىم جايلى ءبىلدى. مۇنىڭ ءبارىنىڭ بايلانىسى بار ما الدە كەزدەيسوقتىق پا؟ دوسىم ساتپاەۆ: اڭگىمەنى بۇل ءىستىڭ قۇپيا

  • جەر سىلكىندى، ال سانامىز سىلكىنە مە؟

    ءبىرىنشى، الماتى جەر سىلكىنىس بەلدەۋى ايماعىنا جاتادى، ول عىلىمدا الدەقاشان دالەلدەنگەن، وعان قۇمالاق اشىپ جاڭالىق ايتۋدىڭ كەرەگى جوق. ورتالىق ازيانىڭ قاۋىپتى سىلكىنىس بەلدەۋىنىڭ ءبىر جولاعى قازاقستاننىڭ ءبىراز ايماعىن قامتىپ جاتىر. جەر كەشە سىلكىنگەن، بۇگىن سىلكىندى، ءتۇپتىڭ تۇبىندە ەرتەڭ دە سىلكىنەدى جانە سىلكىنە بەرەدى. جەر- كۇنانىڭ كوپتىگى ءۇشىن سىلكىندى دەپ اڭىراعان جۇرتقا قۇرعاق اقىل ايتاتىن قايمانا ۋاعىز قاي قوعامدا بولسىن تابىلادى، جەر- اتەيست پەن تاڭىرشىلگە “اللاھتى ەسكە سالدى” دەيتىن مىسكىن وي، اسىعىس تۇسپال قاي جاماعاتتا بولسىن تابىلادى، بىراق تابىلماي تۇرعانى عىلىم، ءمان بەرىلمەي تۇرعانى دا وسى. ەكىنشى، جەردى كىم سىلكىسە دە مەيلى، ماڭىزدىسى ول ەمەس، ونسىز دا سىلكىنىس بەلدەۋىندە تۇرىپ جاتىرمىز، “ۇيقىداعى” سىلكىنىس پەن جانار تاۋ بىزدە ونسىز دا بارشىلىق. ماسەلە

  • الماتىدا 5 باللدىق جەر سىلكىنىسى بولدى

    الماتى كوشەلەرىندە تۇرعان ادامدار. 24 قاڭتار 2024 جىل. 23 قاڭتار ساعات 00.09-دا الماتىدا قاتتى جەر سىلكىندى. قازاقستان توتەنشە جاعدايلار مينيسترلىگىنىڭ سەيسميكالىق بايقاۋ جانە زەرتتەۋ ۇلتتىق عىلىمي ورتالىعىنىڭ مالىمەتىنشە، جەر سىلكىنىسىنىڭ ەپيتسەنترى الماتىنىڭ وڭتۇستىك-شىعىسىنان 264 شاقىرىمدا، قازاقستان مەن قىرعىزستان شەكاراسىندا بولعان. جەر ءدۇمپۋىنىڭ ماگنيتۋداسى 6,7. مSك-64 شكالاسى بويىنشا الماتىدا جەر ءدۇمپۋى – 5 بالل، شىمكەنتتە 2 بالل بولعان. الماتى قالاسى توتەنشە جاعدايلار دەپارتامەنتىنىڭ باسشىسى نۇرلان اتىعاەۆ ادام شىعىنى مەن قيراعان عيماراتتار جايلى اقپارات تۇسپەگەنىن مالىمدەدى. تجد حالىقتى ليفت قولدانباۋعا، تەز ارادا ۇيلەرىنەن شىعىپ، قاۋىپسىز ايماق تابۋعا، گاز، سۋ جانە جارىقتى سوندىرۋگە شاقىردى. ۆەدومستۆو حالىقتى سابىر ساقتاۋعا ۇندەدى. ال ساعات 00:44-تە الماتىدا ءجۇر ءدۇمپۋى قايتالانعانى، ەكىنشى جەر سىلكىنىسى شامامەن 2-3 بالل بولعانى

  • “جەڭىلىس اۋىر ءتيدى”. قازاقستان ەۋرو-2024 دوداسىنا تىكەلەي جولداما الا المادى. بىراق ءالى ءبىر مۇمكىندىگى بار

    سلوۆەنيا-قازاقستان ماتچى. ليۋبليانا، 20 قاراشا، 2023 جىل فۋتبولدان قازاقستان قۇراماسى ليۋبليانادا سلوۆەنيا قۇراماسىنان 1:2 ەسەبىمەن جەڭىلىپ، 2024 جىلى گەرمانيادا وتەتىن ەۋروپا چەمپيوناتىنا تىكەلەي جولداما الا المادى. بىراق قازاقستان كەلەسى جىلى ناۋرىزدا ەۋرو-2024 دوداسىنا ليتسەنزيا الۋعا تاعى ءبىر رەت تالپىنىپ كورمەك. سلوۆەنياداعى ويىن قالاي ءوتتى؟ قازاقستان قۇراماسىنىڭ باس باپكەرى جەڭىلىس جايلى نە دەدى؟ ليۋبلياناداعى ماتچقا بارعان ازاتتىق ءتىلشىسىنىڭ رەپورتاجى. ماتچ قالاي ءوتتى؟ ويىن باستالا سالا سلوۆەنيا قۇراماسى شابۋىلعا كوشىپ، ماتچتاعى باسىمدىقتى ءوز قولىنا الۋعا تىرىستى. ماتچتىڭ 26-مينۋتىنا دەيىن سلوۆەنيا ويىنشىلارى قازاقستان قاقپاسىنا ءتورت رەت قاۋىپتى سوققى جاساپ ۇلگەردى. ويىننىڭ 40-مينۋتىندا قازاقستاندىق قورعاۋشى يان ۆوروگوۆسكي پەتار ءستويانوۆيچتى قاقپا ماڭىندا شالىپ شىعىپ، پولشالىق تورەشى شيمون مارچينياك قازاقستان قاقپاسىنا پەنالتي بەلگىلەدى. بۇل 11-مەترلىك پەنالتيدەن

  • ءماجىلىس اسكەري رەزەرۆتى جاساقتاۋ تۋرالى زاڭ جوباسىن ءبىرىنشى وقىلىمدا ماقۇلدادى

    قازاقستان اسكەرى جاتتىعۋ كەزىندە. 15 قاراشادا قازاقستان پارلامەنتىنىڭ تومەنگى پالاتاسى اسكەري رەزەرۆتى جاساقتاۋ تۋرالى زاڭ جوباسىن ءبىرىنشى وقىلىمدا ماقۇلدادى. قۇجاتتىڭ رەسمي اتاۋى – “قازاقستان رەسپۋبليكاسىنىڭ كەيبىر زاڭنامالىق اكتىلەرىنە رەزەرۆتەگى قىزمەت ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى” زاڭ جوباسى. قۇجات قازاقستاندا “اسكەري قىزمەتتىڭ جاڭا ءتۇرى – رەزەرۆتەگى قىزمەتتى ەنگىزۋدى قاراستىرادى” دەپ جازدى رەسمي باق. “زاڭ جوباسىن ىسكە اسىرۋ ازاماتتارعا رەزەرۆتە اسكەري قىزمەت ەتۋگە مۇمكىندىك بەرەدى. ول ءۇشىن كەلىسىمشارت ەرىكتى تۇردە ءۇش جىلعا جاسالادى. دايارلىق ءبىر جىلدا ەكى ايدان اسپايدى. جاۋىنگەرلىك جيىندار 30 كۇندە ىسكە اسىرىلادى. رەزەرۆتەگىلەرگە ارنالعان ساباقتار اي سايىن ەكى-ءۇش كۇن بولادى” دەدى پارلامەنت وتىرىسىندا قورعانىس ءمينيسترى رۋسلان جاقسىلىقوۆ. رەسمي اقپاراتقا قاراعاندا، اسكەري رەزەرۆ 2025 جىلعا قاراي جاساقتالادى. ءبىرىنشى

پىكىر قالدىرۋ

ەلەكتورندى پوشتاڭىز سىرتقا جاريالانبايدى. بەلگى قويىلعان ءورىستى تولتىرۋ مىندەتتى *

اتى-ءجونى *

Email *

سايتى

Kerey.kz/كەرەي.كز

ءبىز تۋرالى:

تەل: +7 7071039161
Email: kerey.qazaq@gmail.com

Kerey.kz ءتىڭ بۇرىنعى نۇسقاسىن http://old.kerey.kz تەن وقي الاسىزدار!

KEREY.KZ

سايت ماتەريالدارىن پايدالانعاندا دەرەككوزگە سىلتەمە كورسەتۋ مىندەتتى. اۆتورلار پىكىرى مەن رەداكتسيا كوزقاراسى سايكەس كەلە بەرمەۋى مۇمكىن. جارناما مەن حابارلاندىرۋلاردىڭ مازمۇنىنا جارناما بەرۋشى جاۋاپتى.

سايت ساناعى: