|  |  |  | 

Sport Swhbattar Şou-biznis

Arman MOMINOV, ring-anonser: GOLOVKINNİÑ KEŞİN JÜRGİZGİM KELEDİ

– Arman, «Astana arlandarınıñ» boks keşin twraqtı türde jürgizip kele jatırsız. Esiñizde ayrıqşa qalğan kezdesudi jäne erekşe közge ilikken boksşını aytıp ötiñizşi…
– Biıl «Astana arlandarı» jetinşi mausımın ötkizip jatsa, men sonıñ altı mausımın twraqtı türde jürgizip kele jatırmın. Este qalğan jarqın sätterdiñ biri – 2013 jılı Astanada ötken üşinşi mausımnıñ finaldıq kezdesuleri. «Astana arlandarı» «Ukraina atamandarınan» eki künniñ qorıtındısı boyınşa 4:5 esebimen jeñilip jatqan sätte 91 keliden auır salmaqtağı Ruslan Mırsataev bauırımızdıñ erlik körsetip, Rostislav Arhipenkonı (2:1 – 46:48; 48:46; 47:47) jeñip, kezdesudi tay-breykke jetkizgeni köz aldımda. Sonda qosımşa 11-şi kezdesu wyımdastırılıp, 54 kelidegi Bağdat Älimbekov mol-
dovan Aleksandr Riskandı 3:0 (50:45, 49:46, 50:45) nätijesimen jeñdi. Sonda jalpı 6:5 esebimen «Astana arlandarı» çempion bolğan sät erekşe este qaldı.

– Eñ alğaş qaşan ring-anonser boldıñız?
– Eñ alğaş sol «Astana arlandarınıñ» kezdesulerin jürgizuden bastadım. Birinşi qadamdı eşqaşan wmıtpaysıñ ğoy (külip). Şını kerek, alğaş şığatın sätte älemge äygili Maykl Baffer, reseylik Aleksandr Zagorskiy sındı azamattardıñ jürgizu mänerin qaradım jäne osı şarua qolımnan keletinine tolıq sendim. Onıñ üstine äzil-qaljıñğa tolı KVN sahnasınan birden sportqa den qoyu bastapqıda qiınğa soqtı. Al este qalğanı – sol alğaşqı kezdesuge dayındıq barısı.
– Soñğı eki mausımda «Astana arlandarı» Qazaqstannıñ är qalasında boks keşin ötkizip jür. Qarağandı, Şımkent, Öskemen, Taldıqorğan, Atırau qalalarında ötti…
– Bwl bastamanıñ negizgi maqsatı – boksşılarımızdı jergilikti halıqqa keñinen tanıtu. Meniñ oyımşa, Almatı men Astananıñ twrğındarı jartılay käsipqoy boksqa toyğan siyaqtı. Al är aymaqtağı ağayındardıñ aldında şarşı alañğa şığıp, osığan deyin tek teledidardan tamaşalap kele jatqan jwrtşılıqqa läzzat sıylau bir basqa dep esepteymin. Är qalanıñ öz erekşeligi bar jäne qabıldauı da bölek. Şımkent, Taldıqorğan, Atıraudağı boks keştetarınıñ bäri keremet.
– Jalpı, öziñizge wnaytın sportşı jäne ol nesimen este qaldı?
– Mağan osığan deyingi de, bügingi «Astana arlandarınıñ» barlıq boksşıları wnaydı. Meyirbolat Toyıtov (56 keli) qarsılastarın soqqısımen eseñgiretip jiberetin sirek boksşılardıñ sanatında. Aldıñğı mausımda jwdırıqtasqan Vasiliy Levitti de atap öter edim. Özine jüktelgen jwmıstı isteydi, joğarğı deñgeydegi boks körsetedi jäne ärdayım külip jüredi. Sol siyaqtı Ruslan Mırsataev, komanda kapitanı bolğan Samat Bäşenovti aytar edim. Erekşe toqtalıp ötetin azamat bolsa, ol – Merey Aqşalov. Bir bayqağanım, eger Merey bir qasın joğarı köterip jwdırıqtassa, onda qarsılası Aqşalovtıñ aşuına tidi degen söz. Sol sätte qanday jağday bolsa da Merey jeñedi. Atap ötetin sportşılar köp.
– Qazaqstanda siz biletin, moyındaytın basqa ring-anonserlerden kimderdi atar ediñiz?
– Jalpı, men biletin ring-anonser – halqımızğa belgili azamat, tanımal akter Bolat ağa Äbdilman. «Alaş-Praydtağı» jigitterdiñ kezdesuin, basqa da şaralardı öte jaqsı jürgizedi. Al basqa da anonser azamattardı körip jürmin, biraq, ökinişke qaray, esimderin bilmeydi ekenmin.
– Bayqaysız ba, siz «darqan dalamızdıñ» dep bastalatın sözdi jii qoldanasız. Bwl erekşelik pe, älde ädet pe?
– Meniñ oyımşa, kez kelgen ring-anonserdiñ özindik erekşeligi bolu kerek. Mäselen, älemge äygili Maykl Bafferdi tanımal etken özine ğana tiesili Let’s get ready to rumble sözi. Maykldıñ inisi, UFC-di jürgizetin ring-anonser Bryus Bafferdiñ erekşeligi – It’s show time deuinde. Nege özimizde osınday erekşelik qalıptastırmasqa? Ağılşın tilinde emes, qazaq tilinde «darqan dalamızdıñ batırın» şaqırıp jatsaq, öz bolmısımızdı da osı sözge layıqtasaq jaqsı ğoy. Dalamızdıñ keñdigin, soğan sayın köñilimizdiñ darqandığın, wlımızdıñ batırlığın, qızımızdıñ qaysarlığın körsetip jatqannan keyin bwl söz aytıladı. Bwl – meniñ erekşeligim.
– Käsipqoy boksşı Qanat Islamnıñ Almatıda ötken kezdesuin şeteldik äriptesteriñizben birge jürgizdiñiz. Olarğa ne üyrettiñiz, siz ne üyrendiñiz?
– Ärine, bwl keş men üşin ülken täjiribe boldı. Öytkeni onı älem tamaşaladı. Qazaq elinde ülken keşti jürgize alatın ring-anonserdiñ bar ekendigin körsetu meniñ moynıma artılğan ülken jük boldı. Bastapqıda men şetelden kelgen ring-anonserlerdiñ janında tek audarmaşı qızmetinde jäne qosımşa jürgizuşi boluım kerek edi. Boks keşinen bir kün bwrın salmaq ölşeu sätinde özimdi bar qırımnan körsettim dep oylaymın. Keşkisin Mayk Marken men Aleksandr mırzalar kelip: «Arman, sen negizgi ring-anonser bol, biz tek öz efirimiz üşin ağılşın tilinde jürgizemiz», – dep formattı 180 gradusqa özgertti. Negizgi joldı mağan wsındı, biraq biz qonaqjay qazaqpız ğoy. Şeteldik äriptesterimmen kelisip, habarlap twrudı öz moynıma aldım, töreşiler şeşimin aytudı solarğa tapsırdım.
– Armansız adam bolmaydı. Ring-anonser retinde jürgizgiñiz keletin boks keşi…
– Ring-anonser retindegi armanım: büginde halqımızdıñ auzınan tüspey jürgen batırımız Gennadiy Golovkinniñ Qazaqstanda bolatın keşin Qanat Islam bauırımızdıñ keşi siyaqtı ülken ıqılaspen jürgizgim keledi. Golovkinniñ keşine Maykl Bafferdiñ özi keletin şığar, sonıñ qasında öz önerimdi körsetsem deymin.
– Öziñizdiñ jeke fitnes-ortalığıñız bar. Aşuğa ne türtki boldı jäne oğan öziñiz jii barıp twrasız ba?
– Iä, özimniñ jeke käsibim bar. Fitnes salasındağı biznes. Bwğan türtki bolğan jağday: efirde jürgennen keyin, teledidarğa şıqqannan keyin, halıqtıñ köz aldında, ortasında jürgennen keyin adamnıñ denesi jinaqı boluı qajet. Jalpı, özimniñ fitnes salasına kelgenime tört jıldan astı. Soñğı eki jılda jattığulardı üzgen joqpın. Bos uaqıtımdı sport jäne fitnes zaldarında ötkizemin. Aptasına az degende üş-tört ret bas swğıp twramın. Jaqında ğana «nege özim fitnes zalın aşpaymın?» degen oy keldi. Allağa şükir, qazir jwmısı jaqsı. Özim aptasına üş ret barıp, «saykl» degen velobağdarlamadan sabaq beremin. Özimniñ klubımda bapker esebinde jwmıs istesem, basqa klubqa özim üşin jattığu jasauğa baramın.
– Swhbatıñızğa raqmet.

Äñgimelesken Serik QANTAY                                                                                                                                                                                      zhasalash.kz

Related Articles

  • Advokat Qwspan halıqaralıq qoldaudı maqtadı

    Qasım AMANJOL Advokat Abzal Qwspan (aldıñğı qatarda sol jaqtan birinşi) Sayragül Sauıtbaydıñ sotında otır. Jarkent, 13 şilde 2018 jıl Azattıqtıñ tikeley translyaciyasında körermender swraqtarına jauap bergen advokat Abzal Qwspan Qazaqstannan pana izdeuşi Qıtay qazağı Sayragül Sauıtbaydıñ tamızdıñ 1-inde sot zalınan bosatıluına äser etken faktorlardı sipattadı. Panfilov audandıq sotı Sauıtbaydı Qazaqstan-Qıtay şekarasın zañsız kesip ötkeni üşin altı ayğa şarttı türde sottap, şetke şığarudan bas tartqan. Azattıq: Zañdıq twrğıda Sayragül Sauıtbaydıñ isi şeşildi me? Şeşimin taptı dep ayta alamız ba? Abzal Qwspan: Tolıq şeşildi dep ayta almaymız. Nazar audarğan bolsañızdar, sot ädette qarardı ğana oqıp, tolığın keyin beretin edi. Keşe sud'ya basınan ayağına deyin sot ükimin oqıp şıqtı. Sot ükiminde aytılğan faktiniñ bäri –

  • Horvatiya – Angliya 1:1 (qosımşa taymda 2:1)

    Alğaşqı taymnıñ besinşi minutında-aq Angliya Horvatiyanıñ ayıp alañı sırtınan dop soqtı. Jas jartılay qorğauşı Tripp'erdiñ wlttıq qwraması üşin soqqan alğaşqı golı. Ayıp dobın şeber orındap, oñ jaq toğızdıqtı ala top etkizdi. Erte goldan soñ Angliya aldıñğı şepte arqasın bosatıp, ötkir kontrşabuıldarğa köşti. Jan salıp, ter sorğalatıp jügirudi azayttı. Keyn men Lingard birneşe oñtaylı sätte qapı qaldı. Sterling sol bayağışa dalañdap bos şaptı. Maguayr men YAng tas qamal bolıp twrdı, Pikford öte senimdi oynadı. Şarşañqı Horvatiya qattı pressingke jaramadı, dörekileu oynadı, jii ereje bwzdı. Ädettegidey Modriç, Rakitiç pen Perişiç şeber oynap, erekşe közge tüsti. Birinşi taymda köñilimde üş swraq tudı: 1. Nege tottenhemdik Keyn-Alli dueti ÄÇ-te müldem körinbeydi? 2. Nege Sterlingtiñ

  • Angliya janküyeriniñ küyinişke tolı kündeligi

    Galym Bokash 22.06.1986 ÄÇ 1/8 final Angliya – Argentina 1:2 (Maradona qolmen gol soğıp, aramdıq qıldı. Wyalmay “Qwdaydıñ qolı” dedi ğoy. Üştöbedegi nağaşı äpkemniñ üyinde otırıp, fanat jezdem ekeumiz “küyip kettik” ) Lineker bastağan eñ küşti qwramdardıñ biri çempion boluğa layıq edi. 1988 jıldıñ jazı. Kirovkadağı “Orlenok” pioner lagerinde sredniy otryadtıñ “jigitteri” Angliyanıñ EÇ toptıq kezeñinde üş ret wtılğanın körip tağı “küydik”. 04.07.1990 ÄÇ Angliya jartılay finalğa şıqtı. Angliya-Germaniya 1:1 (penal'tiden 3:4) Almatıda Narhozda oqitın student ağama qonaqqa kep jatıp körip otırğamız, qarğanıp-silenip qaldıq. Qola jülde Italiyağa bwyırdı. 1992 jıldıñ jazı. EÇ toptıq kezeñi. Angliya eldiñ bärimen teñ oynap toptan şığa almay qaldı. Ürjardağı böleme qonaqqa kep jatıp körip edim.

  • Urugvay – Portugaliya 2:1

    Tört jıl bwrın Braziliyada ötken ÄÇ-tiñ 1/8 finalında Kolumbiyadan jeñilgen Urugvay Reseydegi çempionatqa äbden şınığıp keldi. Negizgi qwramı da köp özgergen joq. Qaqpaşılar Muslera men Sil'va (qosalqı), qorğauşılar Godin, Kaseres, Himenes, Pereyra men Koates (qosalqı), jartılay qorğauşı Rodriges, şabuılşılar Suares, Kavani men Stuani. Bwlardıñ bäri tört jıl bwrın ardager Forlanmen birge oynağandar. Äsirese, Godin, Suares pen Kavanidiñ finalğa wmtılatınder şağı. Tört jıldan keyin bwlar kezindegi Forlan qwsap negizgi qwramağa ilinedi dep oylamaymın. Sol sebepti osı şarıqtap twrğan kezin paydalanıp qalsa igi edi. Kavani älemdegi mıqtı futbolşılardıñ biri ekenin däleldep eki tamaşa gol soqtı. Ekeui de kürdeli gol. Birinşisin baspen soqtı: qaqpa tübine öte qattı jäne biik äuelep kelgen Suarestiñ pasın

  • Germaniya – Şveciya 2:1

    Toni Kroos matçtıñ soñğı sekundtarında älem çempionattarınıñ tarihındağı eñ mañızdı äri tehnikalıq jağınan şeber häm minsiz goldardıñ birin soğıp, qwramasınıñ 1/8 finalğa şığu ümitin saqtap qaldı. Bügin qanşa jerden nağız komandalıq oyın körsetip janwşırsa da, Germaniya tört jıl bwrınğı qwramağa wqsamaydı. Älbette, qarsılası da şımır. İrikteu kezeñindegi jekpe-jekte Italiyanı wşırıp jibergen Şveciya. Bükil 23 futbolşısı elden tıs, şeteldik çempionattarda oynaytın jalğız komanda. Germaniyanıñ oyın soñına qaray bir futbolşısı alañnan quılsa da, üstem tüskeni ädil nätije boldı. Jerebe retin eskermese, osı jolğı çempionattıñ jartılay finalına şığuğa layıq tört komanda Meksika, Horvatiya, Ispaniya men Bel'giya dep oylaymın. Odan keyingi törttik – Angliya, Franciya, Braziliya men Germaniya. Ronaldu – mega jwldız. Biraq bwl

Pikir qaldıru

Elektorndı poştañız sırtqa jariyalanbaydı. Belgi qoyılğan öristi toltıru mindetti *

Atı-jöni *

Email *

Saytı

Kerey.kz/Kerey.kz

Biz turalı:

Tel: +7 7071039161
Email: kerey.qazaq@gmail.com

Kerey.kz tiñ bwrınğı nwsqasın http://old.kerey.kz ten oqi alasızdar!

KEREY.KZ

Sayt materialdarın paydalanğanda derekközge silteme körsetu mindetti. Avtorlar pikiri men redakciya közqarası säykes kele bermeui mümkin. Jarnama men habarlandırulardıñ mazmwnına jarnama beruşi jauaptı.

Sayt sanağı: