اقتاي باتىر
ەربول بەيىلحان
بۇل سۋرەتتىڭ قىسقاشا تاريxى بىلاي: اقتاي – مەنىڭ بەسىنشى اتام. بۇل كىسىنىڭ 15 ۇلى بولعان. ۇرپاعى وسكەن ادام. ءوزى باتىر، ءوزى بي بولعان. اقتاي بابامىز تۋرالى تالاي كوركەم شىعارمالار جازىلعان. اڭىزدار دا كوپ. ايۋمەن بەتپە-بەت كەلىپ، ايۋدى القىمداپ كۇرەسىپ، ءىنىسى بوزتاي قانجارمەن ايۋدىڭ ءىشىن جارىپ جىبەرىپتى. وسى ەرلىگى ەلگە تەز تاراپ، اتىن اسپانداتىپ جىبەرسە كەرەك. بۇل اقتايدىڭ العاش ايۋمەن كۇرەسى. وسىدان كەيىن دە بابامىز تالاي ايۋعا قىزىل قولمەن شابۋىل جاساپ، جەر جاستاندىرىپ وتىرعانعا ۇقسايدى. اكەسى كوبەگەن اڭعا شىققان بالالارىنا: “بايقاڭدار، ايۋ جازىم ەتپەسىن!..” دەيدى ەكەن. اقتاي بابامىز سول قولىن قايىس ارقانمەن مىقتاپ وراپ الادى ەكەن دە، تاپ بەرگەن ايۋعا ارقانمەن ورالعان قولىن بەرە قويادى ەكەن. ارقاننان ايۋدىڭ ءتىسى وتپەيدى. سول ساتتە وڭ قولىنداعى قانجارىمەن ايۋدى جارىپ ءولتىرىپ وتىرعان. وسى ارەكەتىنە قاراپ ول كىسىنىڭ وتە جۇرەكتى بولعاندىعىن بىلەمىز. كوبەگەننىڭ اكەسى كيىكباي دا ايتۋلى باتىر بولعان. سۇيەگى اتباساردا جاتىر. اقتايدىڭ 15 ۇلىنىڭ بىرەۋى جىلقىشى. جىلقىشى – سىبىزعىشى، كۇيشى، بي، بالۋان، باتىر بولعان. ولگەن سوڭ كەۋدەسىنە قاسقىر ۇيالاعان موڭعولدىڭ اتاقتى بالۋانى ءبوxبۋرىلدى جىققان ادام وسى – جىلقىشى بابامىز. اتاعى الاتاۋداي بابالارىمىز تۋرالى ءبىر سۋرەتتىڭ قىسقاشا تاريxى وسىنداي…
پىكىر قالدىرۋ