|  | 

جاھان جاڭالىقتارى

قازاقستان زيمبابۆەدە پلاتينا وندىرۋگە قاتىسادى

زيمبابۆە استاناسىندا سۋ الۋعا كەزەكتە تۇرعان ايەلدەر مەن بالالار. حارارە، 1 جەلتوقسان 2008 جىل.

زيمبابۆە استاناسىندا سۋ الۋعا كەزەكتە تۇرعان ايەلدەر مەن بالالار. حارارە، 1 جەلتوقسان 2008 جىل.Finanسial Times گازەتى قازاقتاندى ينۆەستيتسيا قۇيۋعا ەڭ ءتيىمدى دامۋشى ەلدەردىڭ ءبىرى رەتىندە كورسەتكەن. شەتەل ءباسپاسوزى قازاقستاننىڭ زيمبابۆەدەگى جاڭا مامىلەسى جايلى دا حابارلايدى.

قازاقستاندى ماقتاعان ماقالا

ۇلىبريتانيانىڭ Financial Times گازەتى جاريالاعان ستيۆ دجونسون ەسىمدى اۆتوردىڭ «قازاقستاندا ىزعاردىڭ بەتى قايتىپ كەلەدى» دەگەن ماقالاسىندا ەلدە شەتەلدىك ينۆەستورلار ءۇشىن جاڭا مۇمكىندىكتەر بارى ايتىلعان. «قازاقستان بايىرعى اۆتوكرات بيلەۋشىسى ارحيتەكتۋرالىق ءزاۋلىم عيماراتتارعا تابىناتىن جانە ەكونوميكاسى رەسەي مەن مۇنايعا بارىنشا تاۋەلدى ەل رەتىندە كوبىرەك بەلگىلى شىعار. بىراق ساراپشىلار مەن ينۆەستورلار ورتالىق ازيانىڭ جەر كولەمى باتىس ەۋروپاعا بارابار وسى ءبىر ءىرى رەسپۋبليكاسىنا دامۋشى الەمنىڭ ەڭ قارىمدى ەلدەرىنىڭ ءبىرى رەتىندە تاعزىم ەتۋگە كەزەككە تۇراتىن ءتارىزدى» دەپ جازادى ماقالا اۆتورى.

ەلدەگى جاعدايعا قاتىستى ماقالادا «الەمدە مۇناي باعاسىنىڭ قۇلدىراۋىنا» جانە جالپى ونەركاسىپ ءوندىرىسىنىڭ قىسقارۋىنا بايلانىستى 2012 جىلدان بەرى قازاقستان ەكسپورتىنىڭ دوللارعا شاققانداعى قۇنى 57 پايىزعا، ال يمپورت كولەمى 43 پايىزعا ازايدى دەگەن كوممەنتاري دە جازعان. بىراق سونىمەن بىرگە ماقالادا قازاقستاننىڭ ەكونوميكالىق جاعدايى مەن ينۆەستورلار ءۇشىن جاڭا مۇمكىندىكتەر جايلى جاقسى پىكىر ايتىپ جاتقان ساراپشىلار پىكىرىن دە كەلتىرگەن.

الماتىداعى "اليانس بانك" بولىمشەسىندە. 19 تامىز 2014 جىل.

الماتىداعى “اليانس بانك” بولىمشەسىندە. 19 تامىز 2014 جىل.

مىسالى، رەسەي سبەربانكى باسقارماسىنىڭ توراعاسى گەرمان گرەف قازاقستانداعى رەفورمالار باعدارلاماسىن «سينگاپۋرمەن سالىستىرۋعا بولاتىنداي» دەپ اتاعان. ماسكەۋدە ورنالاسقان Macro Advisory كونسالتينگ فيرماسىنىڭ باس سەرىكتەسى كريس ۋيفەر دە قازاقستاننىڭ رەفورمالار باعدارلاماسىن جوعارى باعالايدى.

RenCap ينستيتۋتىنىڭ باس ەكونوميسى چارلز روبەرتسون 2017 جىلى دۇنيەجۇزىلىك بانك ەسەبىندە قازاقستان بيزنەس جۇرگىزۋ وڭاي ەلدەر اراسىندا 35 ورىنعا كوتەرىلگەنىن اتاپ كورسەتەدى، ال اسىرەسە قيىن جاعدايداعى بانكتەرگە كومەگى مەن قاشاعان مۇنايىن ءوندىرۋدى جاڭعىرتۋدى ماقتاعان Kames Capital’s Emerging Market Bond fund قورى باسقارۋشىلارىنىڭ ءبىرى تەو حوللاند قازاقستاندى شري-لانكا مەن مەكسيكا ءتارىزدى «ەڭ تارتىمدى دامۋشى ەلدەر» قاتارىنا جاتقىزادى.

باتىس باسپاسوزىندە قازاقستاندى ماقتايتىن وسىنداي ماقالالار ءجيى شىعىپ تۇرادى. مۇنداي ماقالالاردىڭ كوبى قازاقستان ۇكىمەتىن جارنامالاۋ ناۋقاندارى كەزىندە پايدا بولادى.

قىتاي جوباسىنىڭ قارجىلىق قاتەرلەرى

جاڭا زەلانديانىڭ NZ Herald گازەتىندە جاڭا زەلانديانىڭ قىتايداعى ەلشىسى ۆانگ لۋتونگتىڭ مامىردىڭ 14-15 كۇندەرى پەكيندە وتكەن ۇلى جىبەك جولىن جاڭعىرتۋدى كوزدەيتىن «ءبىر بەلدەۋ – ءبىر جول» حالىقارالىق فورۋمى ناتيجەلەرىن جان-جاقتى سيپاتتاعان ماقالاسى شىقتى. وندا قىتاي پرەزيدەنتى سي تسزينپين الگى باستاما جايلى قازاقستاندا العاش جاريالاعان ساتتەن بەرى ونى 100-دەن اسا ەل مەن حالىقارالىق ۇيىمدار قولداپ، جوباعا قاتىستى دەپ كورسەتىلگەن.

بىراق ءۇندىستاننىڭ Economic Times گازەتىندەگى «بۇۇ قىتايدىڭ «ءبىر بەلدەۋ – ءبىر جول» جوباسىنىڭ قارجىلىق قاتەرلەرى جايلى ەسكەرتتى» دەگەن ماقالادا بۇۇ-نىڭ ازيا مەن تىنىق مۇحيت ەلدەرى بويىنشا ەكونوميكالىق جانە الەۋمەتتىك كوميسسياسىنىڭ (UNESCAP) جۋىردا اياقتالعان زەرتتەۋىنە قاتىستى كوممەنتاري بەرگەن.

«بۇل ەلدەردىڭ كەيبىرىنىڭ سىرتقى ەسەپ-شوتى كورسەتكىشتەرى ءبىرشاما ءالسىز. قازاقستاندا اعىمداعى شوت تاپشىلىعى (ەلدىڭ سىرتقى ساۋدا نارىعىنداعى جاعدايىن سيپاتتايتىن كورسەتكىش. – رەد.) 2016 جىلى ءجىو-ءنىڭ شامامەن التى پايىزىن، ال سىرتقى قارىز 2015 جىلى ءجىو-ءنىڭ 80 پايىزدان كوبىن قۇرادى. پاكىستاندا شەتەلدىك سىرتقى رەزەرۆتەر ەداۋىر شاعىن – 2017 جىلدىڭ باسىنداعى ءتورت ايلىق يمپورت كولەمىندە. […] ينفراقۇرىلىمدىق جوبالار ءۇشىن ءىرى كولەمدە شەتەلدىك نەسيەلەر الۋدىڭ ءبىرشاما وڭايلىعى ء(تىپتى ولاردىڭ كوبى جەڭىلدىك نەگىزىندە بەرىلسە دە) قارجى نارىعى دۇرىس دامىماعان جانە قارىزدى باسقارۋ تيىمدىلىگى تومەن ەكونوميكاسى شاعىن ەلدەردە ساۋدا بالانسىنىڭ ءسال ناشارلاۋى، ماكروەكونوميكالىق احۋالدىڭ تۇراقتىلىعى مەنتولەم تەڭگەرىمىنىڭ بۇزىلۋى سالدارىنان قاتەرلەرگە ۇرىندىرۋى مۇمكىن» دەلىنگەن بۇۇ زەرتتەۋىندە.

زيمبابۆەدە پلاتينا ءوندىرۋ

زيمبابۆەنىڭ New Zimbabwe سايتىندا قىتايدىڭ Xinhua اگەنتتىگىنىڭ قازاقستاننىڭ Todall كومپانياسى زيمبابۆەدەگى بوقاي پلاتينا كەنىشىن ساتىپ العانى جايلى جازىلعان «كابينەت قازاقستانمەن پلاتينا شاحتاسىنا قاتىستى بىرلەسكەن جوبانى ماقۇلدادى» دەگەن حابارلاماسى شاقتى.

زيمبابۆەنىڭ شاحتالار جانە شاحتالاردى دامىتۋ ءمينيسترى ۋولتەر چيدحاكۆانىڭ سوزىنشە، «قازاقستاندىق ينۆەستور مەن قازاقستان بيلىگى بىرگە يەلىك ەتەتىن جاڭا قازاقستاندىق كومپانيا بوكاي كەنىشىن لوندون بيرجاسىندا زيمبابۆەلىك كومپانيادان ساتىپ العان». بۇعان قوسا، Xinhua اگەنتتىگىنىڭ حابارلاۋىنشا، مينيستر «كەنىشكە يەلىك ەتۋگە كىرىسۋ ءۇشىن جۋىردا جاڭا ينۆەستور حابارلاستى، ەكى شاحتانى سۋعا باتىرۋ مەن وزگە دامۋ جوبالارىنا ولار قازىردىڭ وزىندە 60 ميلليوننان كوپ اقش دوللارىن جۇمسادى دەپ مالىمدەگەن». زيمبابۆە ءمينيسترى كەنىشتى ساتۋعا مينيسترلەر كابينەتىنىڭ نارازى بولعانىن ايتقان، بىراق «ولار كەن ءوندىرۋ باستالاتىنىنا كەلىستى» دەپ مالىمدەگەن.

زيمبابۆە ازاماتتارى سايلاۋعا داۋىس بەرۋ ءۇشىن كەزەكتە تۇر. حارارە، 27 ماۋسىم 2008 جىل.

زيمبابۆە ازاماتتارى سايلاۋعا داۋىس بەرۋ ءۇشىن كەزەكتە تۇر. حارارە، 27 ماۋسىم 2008 جىل.

زيمبابۆەدەگى بوكاي كەنىشىندەگى پلاتينا قورى 15 ميلليون ۋنتسيا دەپ باعالانادى. پلاتينا قورى جاعىنان زيمبابۆە الەمدە وڭتۇستىك افريكا رەسپۋبليكاسىنان كەيىن ەكىنشى ورىندا تۇر. الگى سايتتا زيمبابۆەنىڭ التىننان كەيىنگى نەگىزگى ەكسپورت ءونىمى – پلاتينا ەكەنى ايتىلعان. Todall قازاقستاندىق كومپانياسى جايلى الدەبىر قوسىمشا مالىمەتتەر تابۋ مۇمكىن بولمادى، ازىرشە ينتەرنەتتەن دە ەشقانداي اقپارات تابىلمادى.

قازاقستان ءتارىزدى زيمبابۆە دە اۆتوريتارلى ەلدەر قاتارىندا اتالادى. 93 جاستاعى روبەرت مۋگابە ەلدى 1987 جىلدان بەرى باسقارىپ وتىر. 76 جاستاعى نۇرسۇلتان نازارباەۆ قازاقستاندى 1989 جىلدان بەرى باسقارىپ كەلەدى.                                                                                          ازات ەۋروپا / ازاتتىق راديوسى

Related Articles

  • اقش مەملەكەتتىك حاتشىسىنىڭ ورىنباسارى دەۆيد حەيل نۇر-سۇلتانداعى سامميتكە قاتىسادى

    اقش مەملەكەتتىك حاتشىسىنىڭ ورىنباسارى دەۆيد حەيل. اقش مەملەكەتتىك حاتشىسىنىڭ ساياسي ماسەلەلەر جونىندەگى ورىنباسارى دەۆيد حەيل 20-23 تامىز ارالىعىندا ورتالىق ازيا ەلدەرىنە رەسمي ساپارمەن كەلەدى. ساپاردىڭ نەگىزگى ماقساتى – 21 تامىزدا نۇر-سۇلتاندا وتەتىن ورتالىق ازياداعى بەس ەلدىڭ جوعارى دەڭگەيدەگى جيىنىنا قاتىسۋ. س5+1 دەگەن اتاۋمەن بەلگىلى جيىن بارىسىندا حەيل قازاقستان، قىرعىزستان، وزبەكستان، تاجىكستان مەن تۇركىمەنستان سىرتقى ىستەر مينيسترلىكتەرى وكىلدەرىمەن كەلىسسوزدەر وتكىزەدى. “ولار ورتالىق ازياداعى قاۋىپسىزدىك، دامۋ جانە قارىم-قاتىناستى بىرلەسىپ نىعايتۋ جايىن تالقىلايدى” دەپ حابارلادى اقش مەملەكەتتىك دەپارتامەنتى 19 تامىزدا. س5+1 فورماتى 2015 جىلى قاراشادا اقش پەن ورتالىق ازيانىڭ بەس ەلى اراسىندا ەكونوميكالىق ينتەگراتسيانى دامىتۋ، قورشاعان ورتانى قورعاۋ مەن قاۋىپسىزدىك ماسەلەلەرىن بىرلەسىپ شەشۋ ماقساتىندا قۇرىلعان. بۇعان قوسا حەيل قازاقستاننىڭ جوعارى لاۋازىمدى شەنەۋنىكتەرىمەن “ەكىجاقتى كەڭەيتىلگەن

  • اقش-تاليبان بەيبىت كەلىسىمى بەكىتىلۋگە شاق تۇر

    فرۋد بەجان مۋللا ابدۋل عاني بارادار (ورتادا) باستاعان تاليبان دەلەگاتسياسى كەلىسسوزدەن شىعىپ كeلەدى. ماسكەۋ، 30 مامىر 2019 جىل.  2001 جىلعى قىركۇيەكتىڭ 11-ءى جاسالعان تەراكتىلەردەن كەيىن اقش-تىڭ كارىنە ۇشىراپ، اۋعانستانداعى بيلىگىنەن ايىرىلسا دا، تاليبان ساياسي ويىنشى كۇيىندە تۇر. 2010 جىلعى كۇزدە اقش وكىلدەرى گەرمانيانىڭ ميۋنحەن قالاسىندا تاليباننىڭ جاس وكىلىمەن قۇپيا كەزدەستى. تايب اعا ەسىمدى سودىرلار توبىنىڭ ساياسي قاناتىنىڭ مۇشەسى اقش ديپلوماتتارىنا سوعىستى اياقتاۋ تۋرالى جول كارتاسىن كورسەتكەن. بۇل اقش-تىڭ تاليبانمەن ءبىرىنشى مارتە جولىعۋى ەمەس ەدى. اقش باستاعان باتىستىڭ اسكەري كواليتسياسى 2001 جىلى تاليبان رەجيمىن قۇلاتقالى بەرى سودىرلار ۆاشينگتونمەن قارىم-قاتىناس جولىن ىزدەي باستاعان. ەكى جاقتىڭ اسكەري جەتەكشىلەرى جۇزدەسكەن. بىراق 2010 جىلى گەرمانيا اراعايىن بولعان كەزدەسۋ قاقتىعىس ءۇشىن ماڭىزدى ءسات ەدى. – ءبىرىنشى

  • ومۋربەك بابانوۆ بىشكەككە ورالدى

    ومۋربەك بابانوۆ بىشكەك اۋەجايىندا. 9 تامىز 2019 جىل.  «رەسپۋبليكا» پارتياسىنىڭ ليدەرى ومۋربەك بابانوۆ 8 تامىزدا بىشكەككە ۇشىپ كەلدى. بۇل تۋرالى «ماناس» اۋەجايىندا جۇرگەن ازاتتىقتىڭ قىرعىز قىزمەتىنىڭ ءتىلشىسى حابارلادى. 8 تامىزدا «رەسپۋبليكا» پارتياسى مالىمدەمە جاساپ، ەلدىڭ قازىرگى پرەزيدەنتى سوورونباي جەەنبەكوۆ پەن ەكس-پرەزيدەنت المازبەك اتامباەۆتى «ماسەلەنى بەيبىت ءارى زاڭ جولىمەن، كەلىسسوزدەرمەن شەشۋگە» شاقىرعان. بابانوۆ 2017 جىلى پرەزيدەنت سايلاۋىنا ءتۇسىپ، جەەنبەكوۆتەن جەڭىلگەن. كەيىن ول ساياسي كارەراسىنىڭ اياقتالعانىن ايتىپ، ەلدەن كەتكەن. ول ماسكەۋدە بولعان. 8 تامىزدا قىرعىزستان مەملەكەتتىك ۇلتتىق قاۋىپسىزدىك كوميتەتى بابانوۆ ەلگە ورالعان جاعدايدا جاۋاپقا تارتىلاتىنىن مالىمدەگەن. كوميتەت بابانوۆقا قاتىستى ەكى قىلمىستىق ءىس تەرگەلىپ جاتقانىن دا حابارلادى. 8 تامىزدا قىرعىزستاننىڭ كۇشتىك قۇرىلىمدارى كوي-تاشتا جۇرگىزگەن ەكىنشى وپەراتسيادان كەيىن ەلدىڭ بۇرىنعى پرەزيدەنتى المازبەك اتامباەۆتى ۇستادى.​ 27 ماۋسىمدا

  • پرەزيدەنت جەەنبەكوۆ اتامباەۆ ءىسى تۋرالى العاش رەت پىكىر ءبىلدىردى

    قىرعىزستان پرەزيدەنتى سوورونباي جەەنبەكوۆ.  قىرعىزستان پرەزيدەنتى سوورونباي جەەنبەكوۆ بۇرىنعى پرەزيدەنت المازبەك اتامباەۆ ءىسى تۋرالى پىكىر ءبىلدىردى. شۋ وبلىسىندا 31 شىلدەدە وتكەن تۇرعىندارمەن كەزدەسۋ كەزىندە جۋرناليستەر سۇراعىنا جاۋاپ بەرگەن پرەزيدەنت “اتامباەۆتىڭ ءىسى زاڭ اياسىندا شەشىلۋى كەرەك. بارلىق ادام زاڭعا باعىنۋى ءتيىس” دەدى. “قىرعىزستاندىقتاردىڭ اتامباەۆ ىسىنە قاتىستى مەنى نە دەر ەكەن دەپ وتىرعانىن بىلەمىن. اتامباەۆقا قاتىستى بولىپ جاتقان وقيعا، ونىڭ تەرگەۋگە شاقىرىلۋى – زاڭدى قۇبىلىس. قۇقىقتىق مەملەكەتتە زاڭ اياسىندا عانا ارەكەت ەتۋ كەرەك. ادام كىم بولسا دا، بۇرىنعى پرەزيدەنت پە، شەنەۋنىك پە، اسكەري نە قاراپايىم قىزمەتكەر مە – زاڭ الدىندا ءبارىمىز تەڭبىز، ءبارىمىز زاڭعا باعىنۋىمىز كەرەك. سوندا عانا ەل داميدى. اتامباەۆتىڭ ءىسى دە قىرعىزستان زاڭناماسىنىڭ اياسىندا شەشىلۋى كەرەك” دەدى جەەنبەكوۆ. بۇل –

  • ترامپ: يران سوعىس اشسا، ءوز تۇبىنە جەتەدى

    اقش پرەزيدەنتى دونالد ترامپ.  19 مامىردا اقش پرەزيدەنتى دونالد ترامپ يرانعا سوعىس اشپاۋدى قاتاڭ ەسكەرتتى. ترامپ ءوزىنىڭ Twitter پاراقشاسىنا “يران سوعىسقىسى كەلسە، ءوز تۇبىنە ءوزى جەتەدى. بۇدان بىلاي اقش-قا قوقان-لوققى كورسەتۋشى بولماڭدار!” دەپ جازدى ترامپ تەگەرانعا قاراتا. اقش-تىڭ مالىمدەۋىنشە، تەگەران پارسى شىعاناعىندا قايىقتارعا زىمىراندارىن ورنالاستىرىپ، بىرىككەن اراب امىرلىكتەرىنىڭ جاعالاۋىندا ءتورت كەمەنى اتقىلاعان. يران مۇنى جوققا شىعاردى. مۇنداي جازبا جاريالاماستان بىرەر كۇن بۇرىن ترامپ اقش-تىڭ يرانعا قىسىمى داۋعا ۇلاسىپ كەتكەنىن قالامايتىنىن ايتقان. 16 مامىردا پرەزيدەنت “اقش سوعىسقا دايىندالىپ جاتىر ما؟” دەگەن جۋرناليستەر سۇراعىنا “دايىندالىپ جاتقان جوق دەپ ۇمىتتەنەمىن” دەپ جاۋاپ بەرگەن. تەگەران دا يران بيلىگىنىڭ “سوعىستى قالامايتىنىن” ايتقان. ەكى اپتا بۇرىن ۆاشينگتون پارسى شىعاناعىنا “اۆراام لينكولن” زىمىران تاسىعىش ۇشاقتارىن قوندىرعان. اقش يرانعا

پىكىر قالدىرۋ

ەلەكتورندى پوشتاڭىز سىرتقا جاريالانبايدى. بەلگى قويىلعان ءورىستى تولتىرۋ مىندەتتى *

اتى-ءجونى *

Email *

سايتى

Kerey.kz/كەرەي.كز

ءبىز تۋرالى:

تەل: +7 7071039161
Email: kerey.qazaq@gmail.com

Kerey.kz ءتىڭ بۇرىنعى نۇسقاسىن http://old.kerey.kz تەن وقي الاسىزدار!

KEREY.KZ

سايت ماتەريالدارىن پايدالانعاندا دەرەككوزگە سىلتەمە كورسەتۋ مىندەتتى. اۆتورلار پىكىرى مەن رەداكتسيا كوزقاراسى سايكەس كەلە بەرمەۋى مۇمكىن. جارناما مەن حابارلاندىرۋلاردىڭ مازمۇنىنا جارناما بەرۋشى جاۋاپتى.

سايت ساناعى: