Memleket basşısına jolauşılar jürdek poyızdarı qozğalısın damıtu bağdarlamasınıñ iske asırıluı jöninde, sonday-aq «Vokzal keşeni qwrılısın qamtitın Astana temirjol torabın damıtu» jobasınıñ orındalu barısı turalı bayandaldı.

Qazaqstan Prezidenti infraqwrılımdıq nısandı aralap köru barısında aqparat qwraldarı ökilderiniñ aldında söz söyledi.

– Sanaulı künderden soñ «EKSPO-2017» körmesi aşıladı. Osığan oray bügin elordanıñ jaña nısandarın aralap kördim. Bwl jaña qwrılıstar – Astananıñ maqtanışı. Bükil Europa men Aziyanı tügelge juıq qamtitın jaña äue bağdarları payda boluda. Jaña nısandar bas qalamızdıñ jaña kelbetin ayşıqtaydı. «Nwrlı jol» vokzalı – biregey nısan, postkeñestik keñistikte mwnday vokzal joq, – dedi Nwrswltan Nazarbaev.

Sonımen qatar, Memleket basşısı Astanadan elimizdiñ barlıq öñirine joğarı jıldamdıqpen jetkizetin «Tal'go» poezdarınıñ jüre bastağanı jaqsı jañalıq ekenine toqtalıp, infraqwrılım jäne kölik salasındağı damuımızdıñ qarqın ala tüskenin atap ötti.

– Osınıñ barlığı memleketimizdiñ bolaşağı üşin jasaluda. Bwl jobalar «Nwrlı jol» bağdarlaması ayasında jüzege asırıldı. Jaña terminaldı iske qosu arqasında äuejaydıñ jolauşılardı ötkizu mümkindigi jılına üş millionnan segiz million adam mölşerine deyin artadı. «EKSPO-2017» körmesiniñ barlıq qonaqtarı Astanağa osı jaña nısandar arqılı keledi, – dedi Qazaqstan Prezidenti.

***

Vokzal keşeni – jalpı alañı 126 mıñ şarşı metr bolatın altı deñgeyli ğimarat. Oğan poyızdardı qabıldap-jöneltetin altı jol jalğasadı. Jolauşılardı poyızğa otırğızu men tüsiru üşinşi qabat arqılı jürgiziledi. Vokzal jolauşılar ağının, adamdar kezegin, qauipsizdikti, biletti elektrondıq täsilmen satu isin basqaru men baqılaudıñ zamanaui ozıq intellektualdıq jüyelerimen jabdıqtalğan.