|  |  |  |  | 

تاريح تۇلعالار قازاق حاندىعىنا 550 جىل قازاق شەجىرەسى

اسقار تاتانايۇلى: قازاق حاندىعىنىڭ قۇرىلۋى ءھام ابىلاي حان

Abilaii

اسقار تاتانايۇلى (1906-1996) قىتاي ەلىنىڭ التاي جەرىندە ءومىر سۇرگەن اسا شەجىرە ءھام ءبىلىمپاز تۇلعا. قىتاي حالىق جازۋشىسى (1988). 20 جىل ايداۋدا بولعان قايراتكەر. ءوزىنىڭ سانالى عۇمىرىندا اعارتۋشىلىقپەن اينالىسقان. 1933 جىلدان باستاپ التاي جەرىندە ۇستازدىق ەتتى ءھام احمەت بايتۇرسىنوۆ ءالىپبيىن قولدانىپ تۇڭعىش گازەت شىعاردى. سونىمەن قاتار كوپتەگەن داستاندار جازدى. 1980 جىلداردىڭ ورتاسىندا «تاريحي دەرەك، كەلەلى كەڭەس» اتتى تاريحي-مونوگرافيالىق ەڭبەگىندە العاشقىلاردىڭ ءبىرى بولىپ قازاق حاندىعى جايلى دەرەكتەردى جازادى. اتالمىش تۋىندىدان ءۇزىندى ۇسىنىپ وتىرمىز.
12-13 عاسىردا داۋىرلەگەن شىڭعىس حان جانە ونىڭ ۇرپاقتارى ورتا ازيانى، قازاق دالاسىن جاۋلاپ الىپ، ۇزاق ۋاقىت ۇكىم سۇرگەننەن كەيىن، 14-عاسىردان باستاپ السىرەي باستادى. ورتا ازيا حالىقتارى ءوزىنىڭ بايىرعى يەلىك ۇقىقتارىن قايتا قالىپتساتىرۋعا كىرىستى.
شىڭعىس حاننىڭ نەمەرەسى باتۋ جانە ونىڭ مۇراگەرى ۇكىم جۇرگىزگەن التىن وردا اكىمشىلىگى قۇلاعان سوڭ قازاق دالاسىندا ءابىلحايىر حان اكىمشىلىگى قۇرىلىپ، قازاق-وزبەك (ول تۇستا قازاق-وزبەك بولىپ جارىلماعان) حالقى ۇستىنەن ۇكىم جۇرگىزە باستادى. ءابىلحايىر حان شىڭعىس ۇرپاقتارى ۇستەمدىك ەتىپ وتىرعان حاندىقتاردى ءبىر-بىرلەپ يەلىگىنە وتكىزىپ الىپ، ىرگەسىن كەڭەيتتىع سول كەزدە ورتا ازياعا ىرگە تەۋىپ كەلە جاتقان يسلام ءدىنىن بەيبىت قابىلداي باستادى، حالىق شارۋاشىلىعى دامىپ، حالىق ەگىنشىلىكپەن جانە مالشىلىقپەن شۇعىلداندى. ەگىنشىلىكپەن شۇعىلدانعاندارى وتىراقتاسا باستادى دا، مالشىلىقپەن شۇعلدانعاندارى سۇلتانداردىڭ باستاۋىندا كوشىپ-قونىپ، مالدىڭ قامىمەن وت قۋىپ، سۋات قۋىپ، وتىرىقتى حالىقتاردان بولىنە باستادى.
1448 جىلى ءابىلحايىر حان ءولدى. قيان-كەسكى تاق تالاسىنان كەيىن نەمەرەسى مۇحامبەت شايباني حاندىققا وتىردى. شايباني مەن قازاق سۇلتاندارى اراسىندا قاقتىعىس كۇشەيدى. كەيىن كەلە كەرەي سۇلتان مەن جانىبەك سۇلتان شايبانيگە بويسۇنباي شۋ وزەنىنىڭ بويىندا دەربەس تۇردى. وسى كەزدە وزبەكتەردەن دە ىرگە بولگەن تايپالار كوبەيدى. ءسويتىپ، قازاق حاندارى مەن وزبەك حاندارى اراسىندا وتىرار، سايرام، تۇركىستان ولكەلەرى ءۇشىن كۇرەستەر بولىپ تۇردى. بىراق ءبىرىن-ءبىرى تولىق جەڭىپ كەتپەگەندىكتەن وزبەك-قازاق حاندىقتارى تۇقىم جالعاپ بيلىك جۇرگىزىپ، داۋرەندەي بەردى.
ءاز جانىبەك حان: بۇل حان 1448-ءىنشى جىلدان 1480-ءىنشى جىلدارعا دەيىن قازاقتاردى باسا بيلەپ، بۇرىن قازاقتار سەنىپ كەلگەن شامان ءدىنىن ىعىستىرىپ، يسلام ءدىنىن بەلسەندى قابىلدادى. باسقارۋعا قولايلى بولۋ ءۇشىن قازاق حالقىن ءۇش جۇزگە ءبولدى.
مۇرىندىق حان: (1480-1511) كەرەي سۇلتانىنىڭ بالاسى، وتە جاۋىنگەر جانە اقىل-پاراساتى ارتىق بولعاندىقتان ءوز حالقىنىڭ ىنتىماعىن بەكەمدەپ، حاندىعىن كۇشەيتكەندىكتەن، قىردىڭ «قۇدىرەتتى حانى» اتالعان.
قاسىم حان: بۇل ءاز جانىبەك حاننىڭ بالاسى. 1509-ءىنشى جىلدان 1518-ءىنشى جىلعا دەيىن جىلعا دەيىن ەل بيلەگەن. سىرتقى جاۋلارىنا تەپە-تەڭ كەلىپ، ىشكى الاۋىزدىقتى باسىپ وتىرۋ ءۇشىن قولىنا ءۇش مىڭ اسكەر ۇستاپ، حالىقتى بيلەپ-باسقارۋدا ەرەجە-ءتارتىپ ورناتىپ، زاڭ جاساعان. بۇل زاڭدى حالىق «قاسىم حاننىڭ قاسقا جولى» دەپ اتاپ كەتكەن.
ماماش حان: 1518-ءىنشى جىلدان 1523-ءىنشى جىلعا دەيىن ەل بيلەگەن.
ءتاھىر حان: بۇل قاسىم حاننىڭ نەمەرەسى. 1523-ءىنشى جىلدان 1533-ءىنشى جىلعا دەيىن ەل بيلەگەن.
حاقنازار حان: بۇل قاسىم حاننىڭ ءوز بالاسى، 1534-ءىنشى جىلدان 1580-ءىنشى جىلعا دەيىن ەل بيلەگەن.
ىسحاي حان: بۇل قاسىم حاننىڭ نەمەرەسى، 1580-ءىنشى جىلدان 1586-ىنشى جىلعا دەيىن ەل بيلەگەن.
تاۋەكەل حان: بۇل ىسحاي حاننىڭ بالاسى، باتىل، باتىر، پاراسىتتى بولعاندىقتان قازاق حالقىن تۇتاس باعىندىرعاننىڭ سىرتىندا، جۇڭعار حاندىعىنىڭ ىشكى الاۋىزدىعىنان پايدالانىپ، تۇركىستان، تاشكەنت، سامارحان، قالالارىن باسىپ الىپ، بيلىك جۇرگىزىپ، ءوز كەزىندە «توبە حان» دەپ اتالعان.
ەسىم حان: (1598-1628) بۇل تاۋەكەل حاننىڭ بالاسى، حالىق ونى «ەڭسەگەي بويلى ەر ەسىم» دەپ اتاعان. ول حالىقتى باسقارۋدا «قاسىم حاننىڭ قاسقا جولىنا» بىرقىدىرۋ وزگەرىستەر ەنگىزىپ، جاڭاشا جول جاساپ، بۇل جولىن «جەتى جارعى» دەپ اتاپ كەتكەن. ول كەزىندە بۇحار حاندىعىمەن كەلىسىم جاساسىپ، تاشكەنتتى بيلەپ تۇرعان.
جاڭگىر حان: بۇل ەسىم حاننىڭ بالاسى، 1628-ءىنشى جىلدان 1680-ءىنشى جىلعا دەيىن حاندىق قۇرعان. جاڭگىر حان ۇكىم سۇرگەن جۇڭعار حاندىعىنىڭ كۇشەيە باستاعان كەزى بولسا دا، جاڭگىر ولە-ولگەنشە جۇڭعارلارعا توتەپ بەردى. داباتسي باستاعان جۇڭعاردىڭ وتىز مىڭ قولىن جۇڭعار قاقپاسىندا جويعان وسى «سالقام جاڭگىر» ەدى.
ءاز تاۋكە حان: بۇل جاڭگىردىڭ بالاسى (جاڭگىردىڭ موڭعۇل ايەلىنەن تۋادى), 1680-ءىنشى جىلدان 1718-ءىنشى جىلعا دەيىن حاندىق قۇرعان. ءاز تاۋكە حان قازاقتى ءبىر ورتالىققا باعىندىرىپ ۇستادى. ءاز تاۋكە ولگەن سوڭ قازاقتىڭ بەرەكەسى بۇزىلىپ، ءۇش ءجۇز بالاسى ءۇش حاندىققا ءبولىندى، ءۇش حاندىقتىڭ ۇستىنەن تاۋكە حانننىڭ بالاسى – بولات حان قارايتىن بولدى.
عايىپ حان: ۇلى ءجۇزدىڭ حانى.
سامەكە حان: ورتا ءجۇزدىڭ حانى.
ءابىلحايىر حان: كىشى ءجۇزدىڭ حانى.
شار روسسيا پاتشالىعىمەن العاش بىرلەسكەن وسى ءابىلحايىر حان ەدى. ابىلمانبەت، بولات حاننىڭ بالاسى، ورتا ءجۇزدىڭ ەكىنشى رەتكى حانى ەكەن. ابىلمانبەت قايتىس بولاردا ءوز حاندىعىن ابىلايعا (ابىلمانسۇرعا) بەرەدى. بۇل تۋرالى مىناداي وقيعا وتكەن: جاڭگىر حان ولەرىندە ءوزىنىڭ حاندىعىن بالاسى ءاز تاۋكەگە بەرگەندە ۇلكەن ۇلى ۋاليباقى اكەسىنە وكپەلەپ، ۇرگەنىشتەگى ناعاشىسى عايىپ حانعا بارىپ، ۇرگەنىشتە تۇرادى. ۋاليباقى ولگەندە جالعىز ابىلاي ناعاشىسى عايىپ حاننىڭ اسكەرىن باسقارىپ جاۋىنگەر بولادى. سوعىستا قولعا تۇسكەندەردى اياۋسىز قىرعىنداپ، وسىدان «قانىشەر ابىلاي» دەپ اتالادى. «قانىشەر ابىلايدىڭ» ۇلى كوركەم ءۋالي ەرتە ولگەندە جالعىز ۇلى ءابىلمانسۇر قالادى. وسى ءابىلمانسۇر 12 جاسقا كەلگەندە ۇرگەنىش حاندىعىنا جاۋ ءتيىپ، قاتتى قىرعىنداپ، ۇرگەنىش حاننىڭ تۇقىمىنان قولعا تۇسكەن ەركەك كىندىكتىسىن ولتىرە باستايدى. سوندا كوركەم ءۋاليدىڭ ءبىر ادال قۇلى جاس بالا ءابىلمانسۇردى قازاق ەلىنىڭ كورشىلەس شەتى ۇلى ءجۇز ەلىنە امان-ساۋ جەتكىزەدى.
ۇلى ءجۇزدىڭ اتاقتى ءبيى تولە بي ءبىر ساپاردا كەلە جاتىپ، قۇمنىڭ تۇبىندە ىستىق قۇمعا شالقاسىنان ءتۇسىپ، اياق-قولىن ءتورت جاققا جىبەرىپ ۇيقتاپ جاتقان بالانى كورەدى.
– ءاي، جىگىتتەر! ءتورت اياعىم ءتورت رۋلى ەلدەي، دەپ جاتقان مىنانىڭ جاتىسى تەگىن ەمەس قوي، كىم كەنىن بىلدىڭدەر مە؟ پاناسىز بولسا الىپ جۇرىڭدەرشى! –دەپ بۇيىرادى ول. ءبيدىڭ جىگىتتەرى بالانى ءجون سۇراماي-اق ءبيدىڭ الدىنا الىپ كەلەدى. بالاعا نازارىن اۋدارعان تولە بي ءجون سۇرايدى:
– اتىڭ كىم؟
– بىلمەيمىن.
– اكەڭنىڭ اتى كىم؟
– بىلمەيمىن.
– نەگە ءبارىن بىلمەيسىڭ؟
– اكە-شەشەم مەن تۋا ءولىپتى. سوندىقتان ماعان ات قويماپتى، كەيىن ەل دە ات قويمادى، -دەيدى. سوندا بي:
– اكە-شەشەڭ ات قويا الماسا تاعدىر ءىسى شىعار، ەندى مەن ات قويايىن، ءوزىڭ سارى، شاشىڭ سابالاق ەكەن، اتىڭ سابالاق سارى بولسىن، -دەيدى.
سونىمەن سابالاق اتالعان بالا بي ۇيىندە بىرەر جىل جۇرەدى. كوپ جۇرە بەرۋىنە تولە ءبيدىڭ دۇنيەقور قازىمىر بايبىشەسى سىيعىزبايدى. سوندىقتان، سابالاق تولەبيدىڭ قولىنا تۇرماي، ورتا ءجۇز ەلىنە ءوتىپ، ارعىن تەمىر دەگەن بالاسى جوق بايدىڭ «توندى ۇلى» بولىپ تۇرادى.
ءابىلمانسۇر تەمىردىڭ قولىندا ءوسىپ ازامات بولىپ قالعان كەزىندە جۇڭعار حانى حالدان سەرەننىڭ قازاق دالاسىن شابۋعا اتتاندىرعان قالىڭ قولى باسىپ كەلە جاتادى. مۇنى ەستىگەن ابىلمانبەت حان ءۇش ءجۇزد بالاسىنا ساۋىن ايتىپ، ەر ازامانىن جيناپ، جاۋ الدىنان مايدان تارتىپ، قارسى اتتانادى. ەكى جاق ءبىر جازىق مايداندى ورتاعا الىپ، بەتپە-بەت كەلگەندە حالداننىڭ قىزىن العان كۇيەۋ بالاسى، قازاق مۇڭعۇلعا بەلگىلى شارىش باتىر:
– جەكە-جەكە، -دەپ ۇران سالىپ مايدانعا شىعادى دا، قازاقتىڭ ارت-ارتىنان شىققان بىرنەشە باتىرىن ءتۇسىرىپ، جان شىداتپايدى. كوڭىلگە العان ەر ازاماتىنان ايىرىلعان ابىلمانبەت حاننىڭ باسىنا باسىنا ءبىر مايداننىڭ وزىندە-اق زاماناقىر ورنايدى. شىعامىن دەيتىن جان قالمايدى. شارىش باتىر قان مايداننان شىقپاي: «اجالىڭا اسىققانىڭ كەلە بەر» دەپ لەپىرىپ تۇرادى. مۇڭعۇلداردىڭ كوڭىلى كوتەرىلىپ، مايداندى توبەسىنە كوتەرە ۇراندايدى. ەندى جۇڭعاردىڭ قالىڭ قولى لاپ بەرسە قاشپاسقا، جەڭىلمەسكە شارا جوقتاي سەزىلەدى. ءوستىپ قارا كۇن باسىنا تۇسە قالعان حاننىڭ الدىنا ءبىر جاس جىگىت كەلىپ:
– اليار، تاقسىر! رۇقساتىڭدى بەر، مەن بارايىن مايدانعا! –دەپ يىلەدى، جاس جىشىتكە جالت قاراعان حان ونىڭ وت شاشقان وتكىر كوزىنەن ارەڭ تايساتىپ باتاسىن بەرىپ اتتاندىرادى. مايدانعا تۋرا تارتقان جاس جىگىتتىڭ ەر تۇلعاسى ەل كوزىنە تۇسسە، ونىڭ «ابىلاي! ابىلاي! دەپ ۇران سالۋى دا جۇرت قيالىن بولەدى. بۇكىل قازاق دالاسىندا بۇل كۇنگە دەيىن «ابىلايلاپ» ۇران شاقىرعاندى ەشكىم ەستىمەگەن ەن ەكەن، قازاقتىڭ حانى ابىلمانبەتكە ازىرەيىلدەي كورىنگەن جۇڭعار باتىرىنا قارسى شاۋىپ بارا جاتقان جان بىلمەيتىن جاس جىگىتتىڭ اۋزىنان بۇل ۇران العاش رەت ەستىلەدى. وسى ۇران مۇڭعۇلدارعا دا كۇشتى اسەر كورسەتەدى. جاس باتىر شارىشپەن مايدانداسا كەتكەندە جۇرت جاڭاعى ابىلايلاعان ۇراندى توقتاتپاي شاقىرادى. مايدان تارتقان جاس باتىر قازاق قولىنىڭ ەڭ سوڭعى ءۇمىتى ەدى. قالىڭ قول ول شاقىرعان ۇراندى قايتالاپ:
– ايبىلاي! ابىلاي!! ابىلاي!!! – دەپ جەر جاڭعىرتادى. ابىلمانبەت حاننىڭ ءوزى دە ءبىر-ەكى قايىرىپ جىبەرگەنىن بايقامايدى.
– ءيا، ءسات! ءيا قۇداي قولاي گور! –دەپ ايقايلاپ جىبەرەدى حان. شارىش قازانتولماسىنان كىرگەن نايزانىڭ كۇشىنەن اتىنىڭ جاياسىنا لوقىپ ءتۇسىپ، ابىلاي نايزانى جۇلقىپ قايتا سۋىرعاندا تۇلپاردىڭ موينىن قۇشا قۇلاپ تۇسكەنىن كورگەن ابىلمانبەت حان كوزىنە كەلىپ قالعان جاستى ءسۇرتىپ جىبەرىپ، قايتا قارايدى. جاڭاعى جاس باتىر «ابىلاي! ابىلاي!» دەپ ۇران سالىپ موڭعۇلدىڭ قالىڭ قولىنا قاراي كىرىپ بارادى ەكەن. ءسويتىپ، بۇكىل قازاق قولى ارتىنان اعىلىپ بىراق كەتەدى. «ابىلايلاعان» ۇران وسى قولىڭ ۇستىندە جەرگە تۇسەپەي كەتىپ بارادى. تەك وسى ۇران عانا قاشقان جاۋىن قۋىپ بارا جاتقان قولدىڭ قورعاۋشىسى، قولداۋشىسى ءتارىزدى بولادى، قاشقان جاۋدىڭ زارەسىن الىپ، بەرەكەسىن قاشىرىپ، توز-توزىن شىعارادى.
ابىلمانبەت حان جەڭىپ شىعادى. جەڭگەن قول مايداننان سىپىرىلىپ شىعىپ، جەڭىستىڭ سالتاناتتى رۋحىمەن حان الدىنا جينالعاندا، اركىمنىڭ جۇرەگىندە ۇپ-ۇقساس ءبىر ارمان بولادى. ءبارى دە كەشەگى جان شاعارعا جەتىپ قىسىلعاندا جەڭىس الىپ بەرگەن جاس باتىردى كورىپ، كىم ەكەنىن بىلۋگە قۇمارتادى.
ابىلمانبەت حان جاس باتىردى الدىنا الدىرعاندا وعان سۇيىنبەگەن، راحمەت ايتپاعان جان بولمايدى.
– اتىڭ كىم؟ –دەيدى حان تاياپ كەلىپ تاعزىم ەتكەن جاس جىگىتكە.
– اتىم ءابىلمانسۇر، ۋاليباقىنىڭ ۇرپاعى، كوركەم ءۋاليدىڭ بالاسىمىن، ارعى اتام جاڭگىر حان، -دەيدى جاس جىگىت. ونسىزدا باتىردىڭ ەرلىگىنە ءسۇيىنىپ تۇرعان حان:
– باۋىرىم ەكەنسىڭ عوي، -دەپ باۋىرىنا باسا قۇشاقتايدى. جۇرت قاسيەتتى حانىن اڭا تاپقانداي باتىرعا سۇيىنە قارايدى.
ءابىلمانسۇردىڭ نەگە «ابىلايلاپ» ۇران سالعانىن سۇراعاندا:
– ۇلى اتام «قانىشەر ابىلاي» اتانىپ، سوعىستا جولى بولعان كىسى ەكەن، شاقىرعانىم سول اتامنىڭ ارۋاعى، -دەيدى. العاشقى سوعىستا ەرلىگى ەلگە جايلىپى، اتى-ءجونى ايگىلى بولعان جاس جىگىتتىڭ سابالاق اتى دا، ءابىلمانسۇر اتى دا ەندىگى جەردە اتالماي، حالىق سۇيگەن ەر-ازاماتىن «ابىلاي» دەپ اتاسىنىڭ اتىمەن اتايدى جانە شارىشتى الىپ، جاۋدى جەڭگەن مايداننان باستاپ «ابىلاي!» ۇرانى كۇللى الاشتىڭ ۇرانىنا اينالدى.
ابىلمانبەت حان (شىن اتى ءابىلمانسۇر): جاڭگىر حاننىڭ شوبەرەسى ء(تورتىنشى ۇرپاعى) اكەسىنىڭ اتى – كوركەم ءۋالي 1736-ىنشى جىلدان 1781-ءىنشى جىلعا دەيىن حاندىق قۇرعان. ابىلايدىڭ بالاسى قاسىمقان ابىلايدىڭ ءتىرى كەزىندە قايتىس بولعان. قاسىمقاننان ءتورت ۇل قالعان (بايبىشەدەن ھارجان، ەسەنگەلدى، كەنەسارى، كىشى ايەلىنەن ناۋرىزباي). ولار ابىلايدىڭ تاربيەسىندە بولىپ، ابىلاي ولگەندە جاس بولعاندىقتان، حاندىق ابىلايدىڭ ءىنىسى عۇبايدوللاعا قالادى. عۇبايدوللا حان قازاق ساقاراسىنا باسا كوكتەپ كەلە جاتقان شار روسسيا پاتشاسىنىڭ وتارلاۋ ساياساتىنا قارسىلىق كورسەتىپ، باعىنىشتى بولعىسى كەلمەگەندىكتەن اق پاتشا ۇكىمەتى ونى ۇستاپ سىبەرياعا ايداعاندا ۇكستسكي قالاسىنا بارعاندا قايتىس بولادى. ونىڭ ورنىنا كەنسارى حان بولىپ سايلانادى. كەنەسارى دا دەربەستىكتى كوكسەپ، شار روسسياعا باعىنعىسى كەلمەيدى. كەيىن قىرعىزدارمەن بولعان ءبىر سوعىستا كەناسارى قازا تابادى دا وسىدان سوڭ ابىلاي ۇرپاعى حاندىق قۇرا المايدى. ارعىن ءىزباستى بي ابىلاي حانعا بىلاي دەگەن ەكەن:
سەن اۋەلى كىمنەن تۋعانىڭدى بىلمەدىڭ،
ۇرگەنىشتە وزبەكتە ءوسىپ جۇرگەنىڭ.
ۇلى جۇزگە كەلگەندە سابالاق سارى اتانىپ،
تولە ءبيدىڭ مالىن باققان قۇلى ەدىڭ.
ورتا جۇزگە كەلگەندە تەمىردىڭ توندى ۇلى ەدىڭ،
داۋلەت قونىپ باسىڭا، قىدىر كەلىپ قاسىڭا، باي ۇيىنە تۇنەدىڭ.
التىن تۇعىر استىڭدا، الىستان تويات تىلەدىڭ.
الشاڭداپ باسىپ اياقتى، توبەڭمەن كوكتى تىرەدىڭ.
باق بەرمەسە قۇدايىم، بىزدەي جاننىڭ ءبىرى ەدىڭ.
بۇل ابىلاي حاننىڭ بالا كەزىندە جەتىمدىك، جوقتىقتى كپ كورىپ، كىسى ەسىگىندە ءجۇرىپ، اقىرى ەرلىك، قايراتى كەمەلىنە كەلگەندە قازاق قولىنىڭ الدىنا شىعىپ، ەرلىك كورسەتىپ، قازاققا حان بولعانىن دارىپتەگەن ولەڭ ەدى.

Related Articles

  • التايداعى قازاقتار الاش وردا ۇكىمەتىنە جولداعان تىلەۋلەستىك xاتى

    وسىدان ءبىر عاسىر بۇرىن قازاق-قىرعىز جۇرتى بىرلەسىپ الاش وردا ۇكىمەتىن قۇرعان كەزدە وعان قولداۋشى بولىپ، تىلەۋلەستىك بىلدىرگەن شەتجۇرت قازاقتارىنىڭ ءبىرى- قىتاي قازاقتارى ەدى. التاي، شاۋەشەك جانە قۇلجادان ارت-ارتىنان تىلەۋلەستىك قۇتتىقتاۋ xاتتارى مەن قازاق ءتول باسپاسىنا كومەك سومالارىن جولدانعان. ءبىر عاسىر بۇرىن التايداعى قازاقتار الاش وردا ۇكىمەتىنە جولداعان تىلەۋلەستىك xاتىنان ءۇزىندى. حات سەمەيدەن شىعاتىن “سارىارقا” گازەتىندە 1918-جىلى باسىلعان. تىلەۋلەستىك قىتاي جۇرتىنا قاراعان الاش ۇراندى اباق كەرەيىنەن. گازەتتەن كورۋىمىز بويىنشا روسياعا قاراعان قازاق-قىرعىز بىرىگىپ، ءوز الدىنا جۇرت بولىپ، الاش ورداسىن تىگىپ، الاش تۋىن كوتەردى دەگەندى ەستىپ، پاتشامىز باسقا بولسا دا، ۇرانىمىز الاش، ءناسىلىمىز قازاق بولعاندىقتان الاش بالاسىنىڭ باسى قوسىلىپ جۇرت قاتارىنا كىرۋىنە تىلەكتەستىگىمىزدى بىلدىرەمىز. ويلاعان وي ورنىنان شىعىپ ىسكە ءسات بەرسىن. ۇلت

  • سانكت-پەتەربۋرگتە كەنەسارى حاننىڭ كىسەسى ساقتالعانى انىقتالدى

    الاش اسكەرى تاقىرىبىن زەرتتەپ ءجۇرىپ، سەيىلبەك جانايداروۆتىڭ 1915 جىلى سانكت-پەتەربۋرگتەگى رەسەي ەتنوگرافيالىق مۋزەيىنە كەنەسارى حاننىڭ كىسەسىن تاپسىرعانى تۋرالى دەرەك كەزدەستىردىم. بۇل جادىگەر «كسە – پوياس كيرگيزسكوگو حانا سرەدنەي وردى» دەگەن اتپەن اتالعان مۋزەيدىڭ قورىندا بۇگىنگى كۇنگە دەيىن ساقتالعان ەكەن. ونى مادەنيەت جانە سپورت ءمينيستىرى ارىستانبەك مۇحامەديۇلىمەن سانكت-پەتەربۋرگتەگى مۋزەيگە بارعاندا ءوز كوزىمىزبەن كورۋگە مۇمكىنشىلگى تۋدى. سەيىلبەك جانايداروۆ 1918 جىلى اتباسار الاش اسكەري ديۆيزيونىن قۇرعان ءارى الاشوردا ۇكىمەتىنىڭ كانديدات مۇشەسى بولعان ازامات. بۇل جادىگەر سەيىلبەك جانايداروۆتىڭ قولىنا قالاي تۇسكەنىن زەرتتەي كەلە انىقتاعانىمىز – ول كىسەنى سەيىلبەكتىڭ اتاسى – كەنەسارى حاننىڭ اسكەري قولباسشىلارىنىڭ ءبىرى جانايدار ورىنبايۇلىنان قالعان مۇرا ەكەن. جانايدار باتىردىڭ ەرلىكتەرى تۋرالى مۇسا شورمانوۆتىڭ، ءماشھۇر ءجۇسىپتىڭ، دوسكەي اقىننىڭ، جامبىلدىڭ، يمانجان جىلقايدارۇلىنىڭ ەستەلىكتەرى

  • “نامىسقا” — 25 جىل! بيىل ەلىمىزدە ۇلتتىق كاسىپقوي “نامىس”

    فۋتبول كلۋبىنىڭ قۇرىلعانىنا تۋرا 25 جىل تولدى! سوناۋ كەڭەس وداعىنىڭ كەزىندە فۋتبول سەكىلدى ميلليوندار ويىنىندا قازاقتىڭ كەگى كەتتى دەگەن پاتريوتتىق ويمەن،نامىسپەن قولعا العان بۇل قوزعالىس،بۇل جوبا جاريالانعان جىلدار بار قازاقتىڭ ارمانى ورىندالعانداي كەزەڭ بولعانى جاسىرىن ەمەس. …تابيعاتىمىزدا دا بار بولار،دەگەنمەن،قازاق ۋنيۆەرسيتەتىن بىتىرگەن جىلى قىزمەتكە كەلگەن رەسپۋبليكالىق “لەنينشىل جاس” گازەتىنىڭ باس رەداكتورى،عۇمىرى جۇزىنە شاڭ تۇسىرمەس ۇستازىم سەيداحمەت بەردىقۇلوۆتىڭ ۇلتجاندىلىق تاربيەسىنەن ۇلى ساباق العان باسىم، 1991 جىلدىڭ قاڭتار ايىندا ەلىمىزدەگى تۇڭعىش ءارى جالعىز “سپورت” گازەتىنە باس رەداكتور بولىپ تاعايىندالعاننان كەيىن ۇزاماي،1 تامىز كۇنى گازەتتىڭ ءبىرىنشى بەتىندە ۇلتتىق كاسىپقوي “نامىس” فۋتبول كلۋبىنىڭ قۇرىلاتىندىعى جايلى رەسپۋبليكا جۇرتىنا ۇندەۋ جاريالادىم! ونان ارعى وقيعالار كورگەن تۇستەي… بۇكىل رەسپۋبليكا بولىپ بۇل يدەيانى تىك كوتەرىپ اكەتتى. اسىرەسە قازاق

  • سەپون اعا

    توقسانىنشى جىلداردىڭ باسى ەدى. ءبىز 5-6 وقيتىن وقۋشىمىز. اۋىلدىڭ «سەرىكبولسىن ءابدىلدين كەلەدى ەكەن» دەپ ابىڭ-كۇبىڭ بولىپ جاتقانىنا ون كۇن وتكەن. ول كەزدە سەرىكبولسىن اعا – جوعارعى كەڭەستىڭ توراعاسى. اعامىز كەلەتىن كۇنى ەل مادەنيەت ءۇيىنىڭ الدىنا جينالدى. اۋداننىڭ باسشىلارى قايتا-قايتا دايىندىقتى پىسىقتاپ قويادى. ءبىر ۋاقىتتا الىستان سۇلىكتەي قارا كولىك كورىندى. «ۆرەميادان» اندا ساندا بايقاپ قالاتىن گورباچەۆ مىنەتىن ماشيناعا ۇقسايدى. بالالار «چايكا» دەدى. بىرەۋلەر «ليمۋزين» دەدى. ەل قاق جارىلىپ جول بەردى. قارا سۇر پالتوسىن كيىپ، كولىكتەن تۇسكەن سەرىكبولسىن اعا ءتىپ-تىك قالپىمەن مادەنيەت ۇيىنە قاراي جالعىز بەتتەدى. اۋىلدىڭ انشىلەرى ايتقوجين دۇيسەن مەن قارجاۋباەۆ ساكەن دومبىرالارىن كۇمبىرلەتە جونەلدى. – قاسيەتتى، ارمىسىڭ، تۋعان جەرىم – وۋ! قوناقسىتىپ شىعاردىڭ تورگە مەنى – وۋ، تۋعان جەر!.. ءيا.

  • كۇلتەگىن جىرى

    كۇلتەگىن قۇتلىق (ەلتەرىس) قاعاننىڭ ەكىنشى ۇلى، بىلگە قاعاننىڭ (موگيليان) تۋعان ءىنىسى. شەشەسى ەلبىلگە قاتۇن. جەتى جاسىندا اكەسى قۇتلىق (680-692 جج. بيلىك قۇرعان) قايتىس بولادى. قاعان تاعىنا ونىڭ ءىنىسى قاپاعان (692-716 جج.) وتىرادى. كۇلتەگىن مەن بىلگە، قاپاعاننىڭ ءىنىسى بوگۇنى (716ج.) تاقتان تايدىرىپ، قاعاندىق بيلىكتى بىلگە قولىنا (716-734جج.) الادى. تاريحي دەرەكتەرگە قاراعاندا، كۇلتەگىننىڭ ون جاسىندا ەر اتانىپ، العاش كوزگە تۇسكەن سوعىسى – 694 جىلعى جاۋ جىۋ جانە دين جىۋ ايماقتارىندا بولعان سوعىس. قاپاعان وسى سوعىستا 90 مىڭ تۇتقىندى قولعا تۇسىرگەن. مىنە، وسىدان بىلاي كۇلتەگىننىڭ ەرلىك جولى باستالادى. تاريحي دەرەكتەر سول كەزدەگى ەل تاۋەلسىزدىگىن ساقتاپ قالۋ جولىندا بولعان قىرعىن سوعىستاردىڭ بىردە-بىرەۋىنىڭ كۇلتەگىنسىز وتپەگەنىن اڭعارتادى. باتىر 47 جاسقا جەتىپ، قازا تاپقاندا، تورتكۇل دۇنيەدەن تۇگەل

پىكىر قالدىرۋ

ەلەكتورندى پوشتاڭىز سىرتقا جاريالانبايدى. بەلگى قويىلعان ءورىستى تولتىرۋ مىندەتتى *

اتى-ءجونى *

Email *

سايتى

Kerey.kz/كەرەي.كز

ءبىز تۋرالى:

تەل: +7 7071039161
Email: kerey.qazaq@gmail.com

Kerey.kz ءتىڭ بۇرىنعى نۇسقاسىن http://old.kerey.kz تەن وقي الاسىزدار!

KEREY.KZ

سايت ماتەريالدارىن پايدالانعاندا دەرەككوزگە سىلتەمە كورسەتۋ مىندەتتى. اۆتورلار پىكىرى مەن رەداكتسيا كوزقاراسى سايكەس كەلە بەرمەۋى مۇمكىن. جارناما مەن حابارلاندىرۋلاردىڭ مازمۇنىنا جارناما بەرۋشى جاۋاپتى.

سايت ساناعى: