|  | 

ساياسات

اسكەري دوكتريناعا كۇرەستىڭ «گيبريد» تاسىلدەرى ۇعىمى ەنگىزىلدى


قازاقستاندا وتكەن حالىقارالىق جاتتىعۋلار كەزىندە قويىلعان تاريحي پەرفورمانستىڭ جانىندا تۇرعان قازاقستاندىق پوليتسەي. وتار، 2 تامىز 2016 جىل.

قازاقستاندا وتكەن حالىقارالىق جاتتىعۋلار كەزىندە قويىلعان تاريحي پەرفورمانستىڭ جانىندا تۇرعان قازاقستاندىق پوليتسەي. وتار، 2 تامىز 2016 جىل.

جاڭا اسكەري دوكترينادا قازاقستانعا قارسى قولدانىلۋى مۇمكىن «كۇرەستىڭ گيبريد تاسىلدەرى» تۋرالى ۇعىم ەنگىزىلدى. بۇل وزگەرىس رەسەي قىرىمدى اننەكسيالاننان ءۇش جىلدان كەيىن پايدا بولدى، بىراق ول وقيعا جايلى قازاقستاندىق دوكترينادا ءبىر ءسوز جازىلماعان.

قىركۇيەكتىڭ 29-ى كۇنى قازاقستان پرەزيدەنتى نۇرسۇلتان نازارباەۆ جاڭا اسكەري دوكترينانى بەكىتۋ تۋرالى جارلىققا قول قويدى. الدىڭعى اسكەري دوكترينا 2011 جىلى قازاننىڭ 11-ءى قابىلدانعان بولاتىن. ساراپشىلار «گيبريد» كۇرەس تاسىلدەرى تۋرالى ەرەجەنى جاڭا دوكتريناداعى وزگەرىستەردىڭ ىشىندەگى ەڭ ماڭىزدىسى سانايدى.

“گيبريد” كۇرەس تاسىلدەرى”

اۋقىمدى وپەراتسيالار جۇرگىزىلەتىن ءداستۇرلى مايداندارعا مۇلدە ۇقسامايتىن سوعىس قيمىلدارىنىڭ جاڭا ءتۇرى رەتىندە «گيبريد سوعىس» جايلى ءۇش جىل بۇرىن، ياعني قىرىم اننەكسياسى باستالعان كەزدە ءجيى ايتىلا باستاعان. قىرىمنىڭ ستراتەگيالىق نىساندارىن باسىپ العان ساناۋلى «جاسىل ادامدار» رەسەيدىڭ ەليتالىق ارنايى قىزمەتى وفيتسەرلەرى بولىپ شىققان. قازاقستاندا توپ-شەنەۋنىكتەر «گيبريد سوعىس» جايلى اشىق ايتا بەرمەيدى.

قازاقستاننىڭ قورعانىس مينيسترلىگىنە قاراستى ستراتەگيالىق جوسپارلاۋ دەپارتامەنتى باستىعى پولكوۆنيك اسحات بيۋروتاەۆ ازاتتىقپەن اڭگىمەسىندە «جاڭا اسكەري دوكترينادا “گيبريد سوعىس” ەمەس، “گيبريد” كۇرەس تاسىلدەرى” تۋرالى ايتىلعان» دەدى. قازاقستاننىڭ اسكەري دوكتريناسىندا مۇنداي تەرمين العاش رەت قولدانىلىپ وتىر.

دوكترينادا بۇل تەرمينگە بىلاي دەپ انىقتاما بەرىپتى: “گيبريد” كۇرەس تاسىلدەرى” – قارسىلاس مەملەكەت اۋماعىنداعى جاعدايدى تۇراقسىزداندىرۋ ءۇشىن اسكەري كۇشتى (ونىڭ ىشىندە قارسى تاراپتىڭ اۋماعىنداعى ارنايى وپەراتسيالار، جەكەمەنشىك اسكەري جانە كۇزەت كومپانيالارى كۇشتەرىن), اسكەري ەمەس قۇرالداردى كەشەندى قولدانۋ، بۇعان قوسا، وزگە مەملەكەتتەردىڭ، تەرروريستىك، ەكسترەميستىك ۇيىمدار مەن سەپاراتيستىك قوزعالىستاردىڭ الەۋەتىن پايدالانۋ ارقىلى اسكەري-ساياسي جانە اسكەري-ستراتەگيالىق ماقساتتارعا قول جەتكىزۋ تاسىلدەرى.

ال وزگە وزگەرىستەرگە كەلسەك، پولكوۆنيك اسحات بيۋروتاەۆ تەرريتوريالىق قورعانىستى دا ەرەكشە اتايدى. مۇندا ۇلتتىق گۆارديانىڭ ەرەكشە ماڭىزى بار. ول 2014 جىلى ىشكى ىستەر مينيسترلىگى اسكەرلەرى نەگىزىندە قۇرىلعان.

جاڭا اسكەري دوكترينادا تەرريتوريالىق قورعانىس قۇرىلىمدارىن تەرريتوريالىق اسكەرگە اينالدىرۋ ارقىلى تەرريتوريالىق قورعانىستى جالپى اسكەري قاۋىپسىزدىك جۇيەسىنە بىرىكتىرۋ قاراستىرىلعان.

بۇعان قوسا، پولكوۆنيك اسحات بيۋروتاەۆتىڭ ايتۋىنشا، جاڭا اسكەري دوكترينادا سوعىس قاتەرلەرىن سىرتقى جانە ىشكى قاتەرلەر دەپ بولۋدەن باس تارتۋ ۇيعارىلعان، ويتكەنى قازىرگى جاعدايدا ەكەۋىن ءبولىپ قاراستىرۋ مۇمكىن ەمەس كورىنەدى.

ساياسات جانە اسكەري دوكترينا

ساياساتتانۋشى اندرەي چەبوتارەۆتىڭ ازاتتىققا ايتۋىنشا، الدىڭعى اسكەري دوكترينانىڭ بۇرىنعىلارىنان ايىرماسى – وندا تەررورلىق قاتەرلەرگە قارسى ءىس-قيمىلدارعا كوپ كوڭىل بولىنگەن بولاتىن. چەبوتارەۆتىڭ سوزىنشە، قازاقستاندا 2011 جىلى بولعان بىرنەشە قارۋلى شابۋىلدان كەيىن بۇل قيسىندى بولعان.

اندرەي چەبوتارەۆ اسكەري دوكتريناعا «گيبريد»كۇرەس تاسىلدەرى» تەرمينىن ەنگىزۋدى رەسەيدىڭ قىرىمدى اننەكسيالاپ الۋىمەن بايلانىستىرمايدى. ساياساتتانۋشى چەبوتارەۆتىڭ ايتۋىنشا، اسكەري دوكترينادا كەرىسىنشە، قازاقستان ۇجىمدىق قاۋىپسىزدىك كەلىسىم- شارتى اياسىندا وداقتاستىق مىندەتتەمەلەرىن ورىنداۋعا بەيىل ەكەنى كورسەتىلگەن، بۇعان قوسا، رەسەيمەن اۋە شابۋىلىنان قورعانۋدىڭ ورتاق جۇيەسىن نىعايتۋ قاجەتتىگى ايتىلعان.

ايتپاقشى، قازاقستاننىڭ جاڭا اسكەري دوكتريناسىندا «گيبريد» كۇرەس تاسىلدەرى» تەرمينى التى رەت كەزدەسەدى، ەسەسىنە قىرىم اننەكسياسى نەمەسە ۋكراينانىڭ وڭتۇستىك-شىعىسىنداعى اسكەري قاقتىعىس جايلى مۇلدە ايتىلمايدى. بىراق، مىسالى، «قارسىلاس مەملەكەتكە سىرتتان قولايسىز جاعداي تۋدىرىپ، ىشكى جاعدايدى شايقالتۋدى كوزدەيتىن «گيبريد» كۇرەس تاسىلدەرىن قولدانۋ ءۇردىسى بايقالادى» دەپ جازىلعان.

سيمفەروپول (قىرىم) اۋەجايىندا تۇرعان رەسەيلىك قارۋلى جاۋىنگەرلەر. 28 اقپان 2014 جىل.

سيمفەروپول (قىرىم) اۋەجايىندا تۇرعان رەسەيلىك قارۋلى جاۋىنگەرلەر. 28 اقپان 2014 جىل.

قازاقستان ستراتەگيالىق زەرتتەۋلەر ينستيتۋتى ديرەكتورىنىڭ ورىنباسارى سانات كوشكىمباەۆ تا جاڭا اسكەري دوكترينادا «گيبريد» كۇرەس تاسىلدەرى» تەرمينىنىڭ پايدا بولۋىن قىرىم اننەكسياسىمەن بايلانىستىرمايدى. ونىڭ سوزىنشە، قازاقستان مەن رەسەي اراسىندا مىعىم ستراتەگيالىق، ونىڭ ىشىندە اسكەري قارىم-قاتىناس ورناعان، سوندىقتان رەسەيدى قازاقتانعا تونەتىن الدەبىر قاتەر كوزى رەتىندە قاراستىرۋ قيسىنسىز.

بۇرىنعى سەنات دەپۋتاتى عاني قاسىموۆ جاڭا اسكەري دوكتريناداعى «گيبريد» كۇرەس تاسىلدەرى» تەرمينىن رەسەيدىڭ قىرىمدى اننەكسيالاپ الۋى مەن ۋكرايناداعى وزگە وقيعالارمەن بايلانىستىرۋعا ءۇزىلدى-كەسىلدى قارسى. ونىڭ سوزىنشە، الدەبىر تەرميندەرگە الاڭداماي، ىرگەلى پرينتسيپتەرگە سۇيەنۋ قاجەت. قىرىمداعى وقيعالارعا بايلانىستى ول ەڭ باستىسى – «قازاقستان قىرىمدى رەسەيدىڭ ءبىر بولىگى دەپ تانىعان جوق» دەيدى.

عاني قاسىموۆتىڭ ايتۋىنشا، رەسەي دە كىرەتىن «يادرولىق كلۋبتىڭ» بەس مەملەكەتى قازاقستان تەرريتورياسىنداعى يادرولىق قارۋدى جويۋ كەزىندە ەل تاۋەلسىزدىگىنە، ونىڭ ىشىندە، تەرريتورياسىنا قول سۇقپاۋعا كەپىلدىك بەرگەن، قازىر قازاقستانعا قاتىستى كەپىلدىكتەر «جۇمىس ىستەپ تۇر». قاسىموۆتىڭ سوزىنشە، قازاقستانداعى جاعدايدى سوۆەت وداعى كۇيرەگەننەن كەيىن قازاقستان سياقتى يادرولىق قارۋى بار ەلگە اينالعان، ءارى «يادرولىق كلۋبقا» مۇشە ەلدەر ونىڭ دا قاۋىپسىزدىگىنە، تەرريتوريالىق قاۋىپسىزدىگىنە كەپىلدىك بەرگەن ۋكرايناداعى جاعدايمەن سالىستىرۋ دۇرىس ەمەس.

- ازىرشە قازاقستانعا قاتىستى ەشكىم ەشتەڭە بۇزعان جوق. وسىدان بارىپ ەلىمىزدىڭ قورعانىسىن، ءوزىمىزدىڭ قورعانىس ستراتەگيامىزدى قۇرىپ جاتىرمىز، – دەيدى عاني قاسىموۆ.

اسكەري دوكترينا جانە رەسەي فاكتورى

بىراق ساراپشىلار اراسىندا جاڭا اسكەري دوكتريناداعى «گيبريد» كۇرەس تاسىلدەرى» تەرمينىن رەسەيدىڭ قىرىمدى اننەكسيالاپ الۋىمەن بايلانىستىراتىندار دا بار. مىسالى، الماتىلىق ساياساتتانۋشى دوسىم ساتپاەۆ ازاتتىققا قىرىم مەن ۋكراينانىڭ وڭتۇستىك-شىعىسىنداعى وقيعالارعا بايلانىستى قازاقستاندا جۇرت رەسەي جاققا قاۋىپتەنە قاراۋى مۇمكىن. ساتپاەۆتىڭ سوزىنشە، قىرىمدى اننەكسيالاعان كەزىن ايتپاعاندا، اقش-تاعى پرەزيدەنت سايلاۋىنا كيلىككەن كەزدە دە قولدانۋى مۇمكىن دەپ ساناپ، «گيبريد تاسىلدەردى» وزگە ەلدەردەن گورى كوپ پايدالانادى دەپ كەيىنگى جىلدارى رەسەيدى ءجيى ايىپتايدى. ونىڭ سوزىنشە، بيىل دا رەسەيدى قوعامدىق پىكىرگە ىقپال ەتۋ ءۇشىن گەرمانيا مەن فرانتسياداعى سايلاۋ كەزىندە گيبريد تاسىلدەردى قولداندى دەپ ايىپتاۋعا تىرىسقان.

- ۋكرايناداعى وقيعالار رەسمي دەڭگەيدە رەسەيگە قارسى الدەبىر تۇشىمدى مالىمدەمەلەرگە ۇلاسپادى… «گيبريد قاتەرلەر» تەرمينىن قولدانعاندا قازاقستان ارينە الەمنىڭ وزگە ەلدەرىندە جيىلەپ كەتكەن تەرروريزمدى ايتادى، تەرروريزمدى «گيبريد قاتەر» ەلەمەنتتەرىنىڭ ءبىرى رەتىندە قابىلدايدى. بىراق كورشى ەلدەرگە ىقپال ەتۋدىڭ قيلى قۇرالدارىن جانە ونىڭ ىشىندە ۋكرايناداعى سياقتى كۇش قولدانۋ ادىستەرىن پايدالانۋ ارقىلى كۇشەيتكەن رەسەيدىڭ سىرتقى ساياساتتاعى ارىنىن مەڭزەۋى دە مۇمكىن، – دەيدى دوسىم ساتپاەۆ.

جاڭا اسكەري دوكترينادا كوبىنەسە «گيبريد» كۇرەس تاسىلدەرى» تۇرلەرىنىڭ ءبىرى رەتىندە سيپاتتالاتىن سەپاراتيستىك قوزعالىستاردان ءتونۋى مۇمكىن قاتەرگە كوبىرەك ءمان بەرىلگەن.

«باتىس-2017» بىرلەسكەن رەسەي-بەلارۋس اسكەري جاتتىعۋلارىندا جۇرگەن رەسەيدىڭ «تەرميناتور-2» تانكىسى (الدىڭعى قاتاردا). لەنينگراد وبلىسى، 18 قىركۇيەك 2017 جىل.

«باتىس-2017» بىرلەسكەن رەسەي-بەلارۋس اسكەري جاتتىعۋلارىندا جۇرگەن رەسەيدىڭ «تەرميناتور-2» تانكىسى (الدىڭعى قاتاردا). لەنينگراد وبلىسى، 18 قىركۇيەك 2017 جىل.

ساياساتتانۋشى دوسىم ساتپاەۆ مۇنى رەسەي فاكتورى مەن سەپاراتيزم قاتەرىمەن بايلانىستىرادى. ونىڭ سوزىنشە، ۋكرايناداعى وقيعالاردان كەيىن سەپاراتيزمگە شاقىرعانى ءۇشىن قىلمىستىق جازا كۇشەيگەنى انىق بايقالعان، سوندىقتان ول مۇنى قازاقستان بيلىگىنىڭ ەل ىشىندە بولۋى ىقتيمال كەلەشەك قاتەرلەرگە رەاكتسياسى رەتىندە باعالايدى.

دوسىم ساتپاەۆ جۋىردا تانىستىرىلعان قازاقستاننىڭ كوشى-قون ساياساتىنىڭ 2017-2022 جىلدارعا ارنالعان ءارى ىشكى ميگراتسيانى ەلدىڭ وڭتۇستىگىنەن سولتۇستىك پەن سولتۇستىك-باتىسىنا جىلجىتۋدى كوزدەيتىن قارقىندى مەملەكەتتىك ساياسات تۋرالى ايتىلعان جاڭا تۇجىرىمداماسىنا نازار اۋدارادى.

- رەسمي تۇرعىدان مۇنى دا ەڭبەك ميگراتسياسىنىڭ ماسەلەلەرىن شەشۋ رەتىندە، قازىر ەڭبەك رەسۋرستارى جەتىسپەي جاتقان سولتۇستىك ايماقتاردى قارقىندىراق دامىتۋ ماقساتىندا دەپ تۇسىندىرەدى. بىراق ەگەر تۇپكى ماقساتىنا ۇڭىلسەك، بۇل دا ەلدىڭ سولتۇستىگىندە قازاق ءتىلدى حالىق سانىن كوبەيتۋدى كوزدەگەن پرەۆەنتيۆتىك شارا، – دەيدى دوسىم ساتپاەۆ.

كەيىنگى جىلدارى كەيبىر كەيبىر رەسەيلىك ساياساتكەرلەر مەن ساراپشىلار قازاقستاننىڭ تەرريتوريالىق تۇتاستىعىنا قاتىستى بىرنەشە مالىمدەمە جاساپ، قازاقستانداعى الەۋمەتتىك جەلىلەردە دۇربەلەڭ بولعان.

- رەسمي دەڭگەيدە ءبارى جاقسى سياقتى كورىنەدى – ەكى ەل اراسىنداعى ارىپتەستىك، ءوزارا ارەكەتتەستىك، ەۋرازيا ەكونوميكالىق وداعى، ۇجىمدىق قاۋىپسىزدىك شارتى ۇيىمى، ءتۇرلى فورۋمدار ءجيى وتەدى، بىراق ۋكرايناداعى وقيعالاردان كەيىن بەيرەسمي دەڭگەيدە، قوعامدىق پىكىر دەڭگەيىندە رەسەيگە ساقتانا قاراۋ بار. ال بۇل ساقتىق قازىردىڭ وزىندە بيلىكتىڭ الدەبىر ارەكەتتەرىنەن دە، رەسەيگە قالاي قاراۋ كەرەك دەگەن ماسەلەگە قاتىستى قوعامدىق پىكىر قالىپتاستىرۋدان دا تىكەلەي يا جاناما تۇردە كورىنەدى، – دەيدى دوسىم ساتپاەۆ.

جاڭا اسكەري دوكترينادا «قارسىلاس مەملەكەتتەگى جاعدايدى شايقالتۋدى كوزدەيتىن، ونىڭ ىشىندە… سەپاراتيستىك قوزعالىستاردى پايدالانۋ ارقىلى استىرتىن ءىس-قيمىلدار جۇرگىزىلگەن جاعدايدا قازاقستان قارۋلى كۇشتەرى، باسقا دا اسكەرلەر مەن اسكەري قۇرىلىمدار ولاردىڭ ارەكەتتەرىنىڭ جولىن كەسۋ ءۇشىن ارنايى وپەراتسيالار جۇرگىزەتىن بولادى» دەپ جازىلعان. الدىڭعى اسكەري دوكترينادا مۇنداي نورما جوق بولاتىن.

ازاتتىق راديوسى

Related Articles

  • سامات ءابىش قالاي “سۇتتەن اق، سۋدان تازا” بولىپ شىقتى؟

    ازاتتىق راديوسى ساياساتتانۋشى دوسىم ساتپاەۆ ۇقك توراعاسىنىڭ بۇرىنعى ءبىرىنشى ورىنباسارى، ەكس-پرەزيدەنت نۇرسۇلتان نازارباەۆتىڭ نەمەرە ءىنىسى سامات ابىشكە شىققان ۇكىم “قازاقستانداعى رەجيم بولاشاقتى ويلامايتىنىن كورسەتتى” دەيدى قازاقستاندىق ساياساتتانۋشى دوسىم ساتپاەۆ. ساراپشىنىڭ پايىمداۋىنشا، بيلەۋشى “ەليتا” جەكە ىستەرىمەن جانە تاساداعىكەلىسىمدەرمەن اۋرە بولىپ جاتقاندا ەلدە تاعى ءبىر جاڭا الەۋمەتتىك جارىلىسقا اكەلۋى مۇمكىن فاكتورلار كۇشەيىپ كەلەدى. ساياساتتانۋشىرەسەي ءوزىنىڭ ەكونوميكالىق مۇددەلەرى مەن گەوساياسي جوسپارلارىن كەڭىنەن جۇزەگە اسىرۋ ءۇشىن قازاقستاننىڭ ىشكى ساياساتىنا تىكەلەي اسەر ەتۋگە تىرىسىپ جاتۋى مۇمكىن دەپ تە توپشىلايدى. پۋتين “قاۋىپسىزدىك كەپىلى” مە؟ ازاتتىق: سونىمەن ۇزاق دەمالىس الدىندا وسىنداي ۇلكەن جاڭالىق جاريالاندى. مەيرام الدىندا، 19 ناۋرىزدا قازاقستاندىقتار ءماجىلىس دەپۋتاتىنىڭ پوستىنان سامات ابىشكە شىققان ۇكىم جايلى ءبىلدى. مۇنىڭ ءبارىنىڭ بايلانىسى بار ما الدە كەزدەيسوقتىق پا؟ دوسىم ساتپاەۆ: اڭگىمەنى بۇل ءىستىڭ قۇپيا

  • “گەوساياسات يلەۋىنە ءتۇسىپ قالۋىمىز مۇمكىن”. قازاقستاندا اەس سالۋعا قاتىستى ساراپشى پىكىرى

    ەلەنا ۆەبەر اتوم ەلەكتر ستانساسىن سالۋ جانە پايدالانۋ ەكولوگيالىق قاتەر جانە توتەنشە جاعدايدا ادام دەنساۋلىعىنا قاۋىپتى عانا ەمەس، وعان قوسا سوعىس بارىسىندا ۋكراينانىڭ زاپوروجە اەس-ىندەگى بولعان وقيعا سياقتى بوپسالاۋ قۇرالى دەيدى الەۋمەتتىك-ەكولوگيالىق قوردىڭ باسشىسى قايشا اتاحانوۆا. ول مۇنىڭ ارتىندا كوپتەگەن پروبلەما تۇرعانىن، قازاقستاندىقتارعا اەس سالۋ جونىندەگى رەفەرەندۋم قارساڭىندا بىرجاقتى اقپارات بەرىلىپ، وندا تەك پايدالى جاعى ءسوز بولىپ جاتقانىن ايتادى. ساراپشى اەس-ءتىڭ قاۋپى مەن سالدارى قانداي بولاتىنى جايىندا اقپارات وتە از دەپ ەسەپتەيدى. گولدمان اتىنداعى حالىقارالىق ەكولوگيالىق سىيلىقتىڭ لاۋرەاتى، بيولوگ قايشا اتاحانوۆا – رادياتسيانىڭ ادامدارعا جانە قورشاعان ورتاعا اسەرىن شيرەك عاسىردان استام زەرتتەپ ءجۇر. ول بۇرىنعى سەمەي پوليگونىندا جانە وعان ىرگەلەس جاتقان اۋدانداردا زەرتتەۋ جۇرگىزگەن. قاراعاندى ۋنيۆەرسيتەتىنىڭ گەنەتيكا كافەدراسىندا وقىتۋشى بولعان.

  • “قازاقستان دۇرىس باعىتتا”. دەكولونيزاتسيا، ۋكرايناداعى سوعىس جانە قاڭتار. بالتىق ەلشىلەرىمەن سۇحبات

    دارحان ومىربەك بالتىق مەملەكەتتەرىنىڭ قازاقستانداعى ەلشىلەرى (سولدان وڭعا قاراي): يرينا مانگۋلە (لاتۆيا), ەگيديۋس ناۆيكاس (ليتۆا ) جانە تووماس تيرس. سوۆەت وداعى ىدىراي باستاعاندا ونىڭ قۇرامىنان ءبىرىنشى بولىپ بالتىق ەلدەرى شىققان ەدى. ءوزارا ەرەكشەلىكتەرى بار بولعانىمەن، سىرتقى ساياساتتا بىرلىگى مىقتى لاتۆيا، ليتۆا جانە ەستونيا مەملەكەتتەرى ناتو-عا دا، ەۋرووداققا دا مۇشە بولىپ، قازىر كوپتەگەن ولشەم بويىنشا الەمنىڭ ەڭ دامىعان ەلدەرىنىڭ قاتارىندا تۇر. رەسەي ۋكرايناعا باسىپ كىرگەندە كيەۆتى بار كۇشىمەن قولداپ، تاباندىلىق تانىتقان دا وسى ءۇش ەل. سوعىس باستالعانىنا ەكى جىل تولار قارساڭدا ازاتتىق بالتىق ەلدەرىنىڭ قازاقستانداعى ەلشىلەرىمەن سويلەسىپ، ەكىجاقتى ساۋدا، ورتاق تاريح، رەسەي ساياساتى جانە ادام قۇقىعى تاقىرىبىن تالقىلادى. سۇحبات 8 اقپان كۇنى الىندى. “بىزدە قازاقستاندى دۇرىس بىلمەيدى” ازاتتىق: سۇحباتىمىزدى بالتىق ەلدەرى مەن قازاقستان اراسىنداعى ساۋدا قاتىناسى

  • باقسىلار ينستيتۋتى

    ساراپتاما (وقىساڭىز وكىنبەيسىز) ءبىرىنشى، ىلكىدە تۇركى بالاسىندا ارنايى قاعان قۇزىرەتى ءۇشىن جۇمىس ىستەيتىن كورىپكەل باقسىلار ينستيتۋتى بولعان. اتى باقسى بولعانىمەن حاننىڭ قىرىق كىسىلىك اقىلشىسى ەدى. كورىپكەل باقسىلار حان كەڭەسى كەزىندە الداعى قاندايدا ءبىر ساياسي وقيعا مەن سيتۋاتسيانى كۇنى بۇرتىن بولجاپ، ءدوپ باسىپ تالداپ ءھام ساراپتاپ بەرە الاتىن سونى قابىلەتتىڭ يەسى-ءتىن. ولاردى ساياسي كورىپكەلدەر دەپ اتاسا دا بولادى. حان ەكىنشى ءبىر ەلدى جەڭۋ ءۇشىن بىلەك كۇشىنەن بولەك كورىپكەل باقسىلاردىڭ ستراتەگيالىق بولجاۋىنا دا جۇگىنەتىن. قارسىلاس ەلدىڭ كورىپكەل باقسىلارى دا وڭاي ەمەس ارينە. ەكىنشى، ۋاقىت وتە كەلە ساياسي كورىپكەل باقسىلار تۇركىلىك بولمىستاعى ستراتەگيالىق مەكتەپ قالىپتاستىردى. تۇركى باقسىلارى قىتاي، ءۇندى، پارسى، ۇرىم ەلدەرىن جاۋلاپ الۋدا ماڭىزدى ءرول اتقاردى. ول كەزدەگى جاھاندىق جاۋلاسۋلار جەر، سۋ،

  • ماسكەۋ توقاەۆتان پريگوجيننىڭ بۇلىگىن باسۋعا كومەكتەسۋدى سۇرادى ما؟

    ەلنۇر ءالىموۆا قازاقستان پرەزيدەنتى قاسىم-جومارت توقاەۆ جانە رەسەي باسشىسى ۆلاديمير پۋتين. بۇل اپتادا باتىس باسىلىمدارى ماۋسىم ايىندا «چۆك ۆاگنەردىڭ» جەتەكشىسى ەۆگەني پريگوجيننىڭ اسكەري بۇلىگى كەزىندە رەسەي قازاقستاننان كومەك سۇراعانىن، بىراق پرەزيدەنت قاسىم-جومارت توقاەۆ ودان باس تارتقانىن جازدى. سونىمەن قاتار استانا مەن انكارا اسكەري سالاداعى سەرىكتەستىكتى كۇشەيتىپ، 2024 جىلى ەلدە درون شىعارا باستايتىنىنا توقتالدى. بۇدان بولەك ورتالىق ازيا باتىس ەلدەرى ءۇشىن نە سەبەپتى ماڭىزدى ايماققا اينالعانىن تالدادى. قازاقستان مەن تۇركيا ANKA درونىن شىعارا باستايدى اقش-تاعى Jamestown قورى قازاقستان مەن تۇركيا اسكەري سەرىكتەستىكتى كۇشەيتىپ جاتقانىنا نازار اۋدارادى. قازاقستان 2024 جىلدان باستاپ ەلدە تۇركيانىڭ Anka دروندارىن شىعارا باستايدى. 28 قاراشا كۇنى قورعانىس مينيسترلىگى درون وندىرەتىن وتاندىق كومپانيانى تاڭداپ جاتقانىن حابارلادى. مالىمدەمەدە تۇركيانىڭ Anka درونى ەلدە

پىكىر قالدىرۋ

ەلەكتورندى پوشتاڭىز سىرتقا جاريالانبايدى. بەلگى قويىلعان ءورىستى تولتىرۋ مىندەتتى *

اتى-ءجونى *

Email *

سايتى

Kerey.kz/كەرەي.كز

ءبىز تۋرالى:

تەل: +7 7071039161
Email: kerey.qazaq@gmail.com

Kerey.kz ءتىڭ بۇرىنعى نۇسقاسىن http://old.kerey.kz تەن وقي الاسىزدار!

KEREY.KZ

سايت ماتەريالدارىن پايدالانعاندا دەرەككوزگە سىلتەمە كورسەتۋ مىندەتتى. اۆتورلار پىكىرى مەن رەداكتسيا كوزقاراسى سايكەس كەلە بەرمەۋى مۇمكىن. جارناما مەن حابارلاندىرۋلاردىڭ مازمۇنىنا جارناما بەرۋشى جاۋاپتى.

سايت ساناعى: