|  |  |  | 

تاريح تۇلعالار قازاق شەجىرەسى

الاش ارىسى رايىمجان مارسەكتىڭ اتا-تەگى جونىندە.

Alash arystary

 

    رەسەي يمپەرياسىنىڭ وتارلىق ەزگىسىنە قارسى تۇرىپ، ودان كەيىنگى كوممۋنيستىك-شوۆينيستىك كەزەڭدە ۇلت مۇددەسىن قورعاپ، ۇلتتىق ساياسي پارتيا قۇرىپ، قازاقتىڭ مەملەكەتتىلىگىن قايتا جاڭعىرتۋعا تالپىنعان قازاق زيالىلارى مەن وقىمىستىلارىنىڭ  جارىق جۇلدىزدارىنىڭ، ءىرى قايراتكەرلەرىنىڭ ءبىرى نايمان-تەرىستاڭبالىدان شىققان رايىمجان مارسەك ەدى.  رايىمجان مارسەكتىڭ ءومىرى، قازاسى جونىندە ءبىرتالاي زەرتتەۋلەر جۇرگىزىلىپ، كىتاپتار دا جازىلعان.  الاش ارىسىنىڭ ارتىندا قالعان ۇرپاقتارى جونىندە، رايمىجاننىڭ تۋعان ءىنىسى شەريازداننىڭ قىزى تۇردىقان اپايىمىزدىڭ «كەشۋلەر» اتتى كىتابىندە تولىعىمەن ايتىلعان.  وسى اپايىمىزدىڭ جازعان كىتابى مەن  تاريح عىلىمدارىنىڭ دوكتورى ءابجانوۆتىڭ جاۋاپتى رەداكتورلىعىمەن جازىلعان رايىمجان مارسەك تۋرالى «قازاق قايدا بارا جاتىر؟» اتتى كىتاپتەردە ايتىلماعان  بىرەر دەرەكتەردى كەلتىرۋدى ءجون كوردىم.Raqymjan Marsek

   توڭكەرىستەن كەيىن رايىمجان مارسەكتىڭ كونتررەۆوليۋتسياشىل اتالعانى بەلگىلى. بىلتىر جازدا بايجىگىتتىڭ اتاقتى شەجىرەسى بولعان، داۋلەتباي باتىردىڭ ەگىزى ەسەنگەلدى ءبيدىڭ ۇرپاعى مالىك اعا مۇقاشۇلى جۇرەك تالماسىنان دۇنيەدەن وتكەن ەدى. كەزىندە وسى مالىك اعا مارقۇم تارباعاتاي اۋدانىنىڭ اسكەري كوميسسارياتىندا قىزمەت جاساپ ءجۇرىپ كوپتەگەن قۇپيا دەرەكتەردى بىلگەن بولعان.  ەلىندە «ءتىرى ەنتسيكلوپەديا» اتانعان  مالىك اعانىڭ  قولىنان مەن ەڭ العاش وسى رايىمجان مارسەك جونىندەگى چەكيستەردىڭ دەرەگىن كوردىم. ءبىر كەزدەسكەنىمىزدە ساتىبالدىلارمەن قۇدانداس ەكەنىمىزدى ەستىگەن مالىك اعا، رايىمجاننىڭ باباسى تەرىستاڭبالى ساتىبالدى باتىر تۋرالى اڭگىمەسىن باستاپ كەتىپ، كەزىندە، اسكەري كوميسسارياتتا قىزمەت جاساپ جۇرگەن كۇندەرىندە شەكاراشىل چەكيستەرگە قىزمەت ەتكەن راشيد مەركۋربانوۆتان رايىمجان مارسەك تۋرالى ەستىگەندەرىن ايتىپ بەردى. مەركۋربانوۆ زايساننىڭ تاتارى ەدى. «تارباعاتايدىڭ قىزىل قىراندارى» اتتى بولشەۆيكتەردىڭ ايگىلى اسكەري وتريادى قىتايمەن شەكارادا كونتررەۆوليۋتسياشىلداردىڭ شابۋىلدارىنا توتەپ بىرۋگە جۇمىلدىرعانى بەلگىلى.  وسى مەركۋربانوۆ پەن اقجار اۋىلىنىڭ ازاماتى بولعان ينتين قاسەن اتتى اقساقالدار، قىتايعا ءوتىپ كەتكەن رايىمجاننىڭ اتىنىڭ زايسان-تارباعاتاي وڭىرىندە جاڭعىرىپ تۇرعانىن ايتىپ كەتەدى. رايىمجاننىڭ: «كوكپەكتى، تارباعاتاي، قالبا، بوكەن، قىزىعىن قايتا اينالىپ كورەر مە ەكەن؟!» دەپ كەزىندە ولەڭ ايتىپ جۇرگەنى بەكەر بولماعان.  الاش قوزعالىسىنا شەكسىز بەرىلگەن رايىمجان مارسەك  قىزىلداردىڭ سەمەيدە  ۇستەمدىككە يە بولىپ، الاشتان رايىمجاندى كۇشپەن ايىرعان كەزدە ول زايسان قالاسىنا كەلىپ الاشوردا كوميتەتىن قۇرىپ، وعان باسشىلىق جاساعان. دەمەك، ۇلان اۋدانىنىڭ تۋماسى بولعان رايىمجان زايسان-تارباعاتاي حالقىنا دا تانىمال بولعان. ەڭ الدىمەن ول ءوزىنىڭ باتىرلىعىمەن، العىرلىعىمەن كوزگە تۇسكەن. كەيىن، باقتى ارقىلى قىتايعا ءوتىپ كەتكەندە كونتررەۆوليۋتسياشىل توپ جيناپ، ەكى كۇننىڭ بىرىندە «قىزىلداردى شابامىن!» دەپ جۇرەدى ەكەن.  سول كەزدە قىتايداعى قىزىر تورە رايىمجاننىڭ وسى قىزبالىعىن ءبىلىپ، ەلىمەن اقىلداسىپ: «وسىعان ارامىزدان ءبىر قىز بەرىپ قوسالىق، بالالى-شاعالى بولعان سوڭ، سوتقارلىعىن قويار!» دەپ كەرەيدىڭ نۇرجامال دەگەن قىزىنا قوسقان.  رايىمجان ۇيلەنىپ، بالا وقىتىپ جۇرسە دە، ءوزىنىڭ كونتررەۆوليۋتسياشىل ارەكەتتەرىن قويماعانى جونىندە، مالىك اعانىڭ قولىنان العان دەرەكتەن دە اڭعارۋعا بولادى. ءوزىنىڭ ءىس-ارەكەتتەرىن رايىمجان جانۇياسىنا سەزدىرمەگەن دەيدى.  1992-ءشى جىلى «اقيقات» جۋرنالىندا جارىق كورگەن بۇل دەرەكتە بىلاي دەلىنگەن ەكەن:

   «قىتايداعى قازاقتىڭ كونتر. رەۆ. ورتالىعىنىڭ قىزمەتى تۋرالى»،  شەكارانىڭ ارعى بەتىنەن تۇسكەن ماتەريالدارداعى مالىمەت بويىنشا، شەكارانىڭ ارعى بەتىندەگى ۇلتشىل قازاق كونتررەۆ. ورتالىعىنىڭ جەتەكشىسى مارسەكوۆ وتكەن جىلدىڭ سوڭعى كۇندەرىندە دجانردان شارا-سۋمە قالاسى اۋدانىنا كەلگەن: جولشىباي مارسەكوۆ قابىقتاعى باي اقىش شەرەدينوۆقا توقتاعان. مارسەكوۆ كەيبىر قازاقتارعا ءوزىنىڭ التايداعى ماڭعول بايلارىمەن بىرىگۋدى كوزدەيتىنىن مالىمدەگەن، مارسەكوۆتىڭ ىزىنشە-اق قاڭتاردىڭ العاشقى كۇندەرىندە قابىق ارقىلى ءۇش لينيالى ۆينتوۆكامەن 30 ادامدىق الاش وتريادى ءجۇرىپ وتكەن. دام مەكەنىندە وترياد قونىسباەۆ حاسەنگە توقتاعان. وترياد التايعا كەتىپ بارادى. ساپارلارى انىقتالماعان».ajLkYfK-7vE

   مىنە، وسى  مالىمەتتەردەن  كەيىن ارعى بەتتەگى رايىمجان چەكيستەردىڭ نىساناسىنا مىقتىلاپ الىنعان ەدى.  اناۋ-مىناۋ قاشقىن ەمەس، ورىستىڭ ساۆينكوۆى سياقتى، قىتايداعى كونترەۆوليۋتسيالىق ورتالىقتىڭ باسشىسى بولعان رايىمجاننىڭ قازاسى تۋرالى ءارتۇرلى نۇسقالار ايتىلادى. «تىرىدەي كومدى» دەگەننىڭ قايدان ايتىلعانى جونىندە مالىك اعا، مەركۋربانوۆ پەن  ينتين قاسەننىڭ اۋزىنان ەستىگەندەرىن دە ماعان ايتىپ بەردى. 1938-ءشى جىلى ءستاليننىڭ تاپسىرماسىمەن قىتايداعى كونتررەۆوليۋتسيونەرلەردىڭ ءبارى دە تۇتقىنعا الىنىپ، ءجۇز شاقتى ادام ءولىم جازاسىنا كەسىلەدى. ۇكىمدى ورىنداۋشىلاردىڭ كوبىسى قىتاي كوممۋنيستەرىنىڭ قاتارىنداعى ۇيعىرلار ەكەن. ولار قولدارى ارتتارىنا بايلانعان قازاقتاردى ءساياپىل دالاسىنا اپارىپ شەتتەرىنەن باۋىزداپ ولتىرە باستاعاندا، رايىمجان بوي بەرمەي كەتكەن سوڭ، سونى عانا باسىنان اتىپ قۇلاتقان.  قازاقتاردى اكەتكەندە ساتىرلاتىپ اتىلعان مىلتىقتاردىڭ داۋىسى ادەتتەگىدەي ەستىلمەگەن سوڭ،  ەل اراسىندا «تىرىدەي كومدى» دەگەن لاقاپ تاراپ كەتكەن.  مىنە، بەرگى جاقتا اتاعىنان ات ۇركىگەن، قىزىل قىرانداردىڭ وزدەرىنىڭ نازارىندا بولعان  رايىمجاننىڭ قازاسى جونىندە قىزىل قىراندار وتريادىنا وسىنداي مالىمەت كەلگەن ەكەن.

  بۇل ناۋبەتتەن قاراتايدىڭ ابدىكەرىم بولىسىنىڭ باتىر ۇلى شابدان عانا قۇتىلىپ كەتكەن ەدى. ءوزىمىزدىڭ ماتايلىق ءادي ءشارىپوۆ اعامىز كەڭەس داۋىرىندە لوندونعا بارعانىندا وسى شابداندى كورىپتى.  اعىلشىن ايەلىنە ۇيلەنگەن، ەكى قىزى بار ەكەن. «مەن ابدىكەرىمنىڭ شابدانىمىن، مەن ءتىرىمىن!» دەپ ايقاي سالعان دەيدى اقىن-جازۋشى شەكەربانۋ راحمەتولداقىزى ءوزىنىڭ جازعان «ەستە قالار ەسىمدەر» اتتى كىتابىندە.

   ەندى ءبىر اقىن-جازۋشى، قىتايدان قايتقان ورالمان باۋىرىمىز تورتۋىلدىق  يمانعازى نۇراحمەتۇلى قىتايدا جۇرگەن كەزدەرىندە ابدىكەرىم بولىستىڭ ەكى نەمەرەسىن كورسە، يمانعازىنىڭ  قايىن اتاسى رايىمجاندى كورگەن ەكەن. رايىمجان يمانعازىنىڭ قايىن جۇرتى ەسىرگەپتەرگە «تۋىسىمىز» دەپ كەلىپ جۇرگەن دەيدى.  بىر تەرىستاڭبالى بولعان سوڭ «تۋىسىمىز» دەپ ايتقان بولسا كەرەك. رايىمجاننىڭ تۋعان باۋىرى شەريازدان، تەرسىتاڭبالى جانىبەك باتىردىڭ ۇرپاعى ءدۇسىپ قاجىنىڭ قىزى وقا اپانى العان ەدى. ەسىرگەپتەگى مەيىرباەۆتاردىڭ شەشەلەرى ماسارا اپا دا وسى جانىبەك باتىردىڭ ۇرپاعى بولادى.   وقا اپا دا، ماسارا اپا دا رايىمجاننىڭ زامانداستارى بولعان سوڭ، وسى قۇداندالىقتى ءبىلىپ «تۋىسىمىز» دەدى مە ەكەن، كىم ءبىلسىن.  كەزىندەگى مارسەك بولىستىڭ ۇرپاقتارى، نەمەرە ىنىلەرى، ساتىبالدى اۋلەتىنىڭ وكىلدەرى قازىرگى قاسىم قايسەنوۆ كەنتىندەگى مەكتەپكە رايىمجاننىڭ اتىن بەرىپ، الدىنا ءمۇسىنىن قويىپ ونەگەلى ءىس ءبىتىردى.  الاش قايراتكەرى رايىمجان مارسەكتى قۇرمەتتەۋ ءىلتيپاتى وسىمەن توقتاماۋ كەرەك دەيمىن.     

   تەرسىتاڭبالى اقتانادان ايتقۇل، ساتىي، جارىلعاپتار سياقتى، رايىمجاننىڭ باباسى ساتىبالدى دا باتىر بولعان. 1771-ءشى جىلى كوكجال باراق قىرعىزدىڭ قالىڭ قولىنىڭ قورشاۋىنا تۇسكەندە، وزدەرى تۇگەلىمەن قىرىلسا ەلگە حابار جەتپەي قالاتىنىن سەزىپ،  مەرگەن بولعان سوڭ قۋعىنعا الدىرتپاس دەپ ساتىي باتىردى بابامىز قورشاۋدان شىعارتىپ جىبەرگەن ەكەن.  «كوكجال باراق قاشقاندا قۋىپ پا ەدىڭ؟» دەگەن شاپىراشتى ءسۇيىنبايدىڭ ەلىندە بۇل وقيعالار ايتىلىپ جۇرەدى. دۋلاتتاردىڭ ايتقانىندا شۋ وزەنىنىڭ ماڭىندا كوكجال باراقتىڭ ەكى ادامى قورشاۋدان قۇتىلىپ كەتكەن ەكەن. ەكىنشى ادامدى مەن ساتىبالدى ما دەپ ءجۇرۋشى ەدىم. كەيىن، ماكانشىداعى تۋما شىڭقوجا باتىردىڭ ۇرپاقتارىنان ەكىنشى ادامنىڭ وسى شىڭقوجا بولعانىن ەستىدىم. الاي دا، شىڭقوجا باتىر ىلەدەن وتكەندە سۋعا اعىپ كەتەدى. ساتىيدان سۋىق حاباردى ەستىگەن سارىجومارتتىق تاناش باتىر مەن شانىشقىلى بەردىقوجا باتىرلار كوكجال باراق بابامنىڭ كەگىن قايتارۋ ءۇشىن قىرعىزعا بارعاندا، اعايىندى ساتىبالدى مەن ساتىي باتىرلار بابامىزدىڭ قازاسىنا سەبەپشى بولعان قىرعىزعا كىرمە، ءتۇبى ساياق-شاپىراشتى سادىر باتىردىڭ ەكى ۇلدارىن سادىردىڭ كوزىنشە باۋىزداپ تاستاعان.  ساتىي باتىر ساداعىمەن اتىپ اتىنان ۇشىرعان سادىردى  بەردىقوجانىڭ ءوزى باۋىزدايدى. تاناش باتىر جەكپە-جەكتە قاتارىنان ەكى قىرعىزدىڭ باتىرىن ولتىرەدى. كەيىن، اكەسىن ولتىرگەن تاناش باتىردى ولجاعا الىنعان قىرعىزدىڭ قىزى، باتىردىڭ سۋعا ءتۇسىپ جۇرگەن كەزىندە ساداقپەن اتىپ ولتىرەدى. بەردىقوجانى سەكسەن قىرعىز كەلىپ اياكوز ماڭىندا ۇستاپ الىپ ءولتىرىپ، دەنەسىن مۇشەلەپ قارنىنا تىعىپ اي دالادا تاستاپ كەتكەن ەكەن.  سونىڭ ءۇشىن ۇستالعان قىرعىزدىڭ ءبىر مانابىنىڭ بالاسىن بەردىقوجا باتىردىڭ ءتورت ايەلى: «قىرعىزدى بىزگە بەرىڭدەر» دەپ، ءوز كولدارىمەن پىشاقتاپ ولتىرەدى. «بەردەكەمنىڭ مىنگەنى قاراالاياق، سۇم قىرعىز كەسكىلەپتى اياماي-اق!» دەپ جوقتاۋ ايتادى. مىنە، جوڭعارلاردى قۇرتقاننان كەيىن سولاردان بوس قالعان جەرلەرگە قازاق-قىرعىز تالاسىنىڭ بەل ورتاسىندا تەرىستاڭبالى ساتىي مەن ساتىبالدى باتىرلار دا جۇرگەن. ساتىي باتىر شىعىس قازاقستان جەرىن جوڭعارلاردان ازات ەتۋدە باسشىلىق ەتكەن.  وسى وقيعالار جونىندە جوعارعى شەكەربانۋ راحمەتولداقىزى جەڭگەمىز الماتىدا تاريحي رومان جازۋ ۇستىندە. بىلتىرعى جازدا شەكەربانۋ جەڭگەمىز ساتىي باتىردىڭ ۇرپاعى باقىتگۇل حانىمعا ەرىپ، ايىرتاۋدىڭ تۇبىندەگى ساۋەگەي ۇڭگىردىڭ قاسىنداعى ساتىي باتىردىڭ بۇلاعىنىڭ باسىنا قابانباي، كوكجال باراق، ساتىي، ساتىبالدى باتىرلاردىڭ كەزدەسكەن جەرىن كورۋگە بارىپ قايتتى. جوڭعارلاردى قۇرتۋ جوسپارىندا سىبەگە كەلىپ جوڭعارلاردىڭ قامالىن العاندار قابانباي باتىر، باراق سۇلتان، كوكجال باراق، توعاس بايباراق باتىر، سادىر مايلى باتىر، تاراقتى بايعوزى باتىر، تەرىستاڭبالى جارىلعاپ، ساتىي مەن ساتىبالدى باتىرلار ەدى. قازىرگى تاڭدا شىعىس قازاقستان وبلىسىنىڭ اكىمى دانيال احمەتوۆتىڭ باستاۋىمەن ابلايكيت اتالاتىن وسى جوڭعاردىڭ قامالى قايتادان قالپىنا كەلتىرىلىپ جاتىر. الاي دا، بۇل باتىرلاردى ەشكىم دە ەسىنە الىپ وتىرعان جوق. بۇل قامالدى قالدان سەرەن قيراتقان دەپ اداسىپ ءجۇر. بۇل قامالدىڭ باس جاعىنداعى جارتاستا مەنىڭ بابام كوكجال باراقتىڭ جوڭعارلارمەن باستەسىپ كوتەرىپ اكەلىپ قويعان تاستىڭ تۇرعانىن دا بىلمەيدى. ال ەندى، جەرگىلىكتى حالىق بولسا، بۇل اڭىزدى جاتقا ايتادى. كوكجال باراق بۇل قامالدى بۇزباسا، بۇل اڭىز قايدان كالعان؟ ءيا، رۋحاني جاڭعىرىپ جاتقانىمىزدىڭ سيقى وسى بولار. بابالارىمىز قىرىپ تاستاعان جوڭعاردى جاڭعىرتىپ جاتىرمىز. باراق بابامنىڭ ەندى ءبىر ۇرپاعى، تاريحشى  سوۆەتحان قاليعوجين اعامىز ءوزىنىڭ جازعان جىرىندا:

                                  «سارىقۇل، اتىعاي مەن ساتىبالدى،

                                  جاۋىنا جولبارىستاي اتىلادى،

                                  بىر جىلدا جيىرما ءبىر جاۋ باتىرىن،

                                  جايراتىپ جەكپە-جەكتە اتىن الدى».

     - دەگەن ەكەن. ساتىبالدىنىڭ باتىر بولعانى كەڭەس داۋىرىندە رايىمجاننىڭ باباسى بولعان سوڭ، كوپ ايتىلماعان ەدى.

                                     قايرات زارىپحان. شەجىرەتانۋشى.

kerey.kz

Related Articles

  • قىتاي “قازاق قاۋپى” ماسەلەسىنەن ءالى دە الاڭداۋى ما؟

    Eldeç Orda اتقا ءمىنىپ قىلىشىن وڭدى سولدى جالاڭداتىپ “شا شا شالاپ” كەپ (قىتايشا ولتىرىڭدەر دەگەن ءسوز) قازاق اۋىلىن قانعا بوكتىرىپ كەتەتىن قيلى وقيعالاردى بالا كۇنىمىزدەن بەرى كىتاپتان وقىپ ءوسىپ ەدىك. كۇنشىعىس تسينحاي، گانسۋعا اۋىپ تيبەت اسىپ كاشمير، پاكىستانعا ات باسىن تىرەگەن التاي مەن ۇلىق ەرەنقابىرعا قازاقتارىنىڭ قاسىرەتتى تاعدىرى تۋرالى بۇگىنگە شەكىم (دەيىن) از ايتىلمادى. قانشاما كىتاپ، ماقالا جازىلدى… وقىعان سايىن ساي سۇيەگىڭ سىرقىرايدى… اسىرەسە، ابەتاي مۇقاراپۇلى قۇراستىرىپ جيناقتاعان “كيەلى كوش”تى وقىساڭىزدار (الدا كيريليتسسياعا اۋدارىلىپ جاتسا) وندا قاسىرەتتى وقيعالار ءبىرشاما انىق جازىلعان، وقىپ جاتقاندا كوز الدىڭىزعا بەينە كينوداي ەلەستەپ وتىرادى. انا جولى وسى پاراقشامدا “قىتايداعى مۇسىلمان ەليتاسىنىڭ قيلى تاريحى جانە ونىڭ شىعىس تۇركىستانعا ىقپالى” اتتى پوست جازعامىن، سونداعى ۇشتىك ما اۋلەتىنىڭ

  • نە سەبەپتى قىتايلار قىسقا ۋاقىتتا ء“بىز ۇلى جاپونيانىڭ باقىتتى پەرەزەنتىمىز!” دەپ شىعا كەلەدى؟

    جاپون قاعاناتى 20-عاسىردىڭ 30-جىلدارىنان باستاپ شىعىس جانە تۇستىك ازيانىڭ كوپ جەرىن باسىپ الدادى. سونىڭ ءبىرى، قىتاي. جاپون ۇكىمەتىنىڭ قولىنا وتكەن اۋماقتاردا بارلىق ءبىلىم بەرۋ تەك جاپون تىلىندە جۇرىلگەندىكتەن قىسقا ۋاقىتتىڭ ىشىندە ء“بىزدىڭ وتانىمىز جاپونيا، ءبىز ۇلى جاپون حالقىنىڭ پەرەزەنتتەرىمىز!” نەمەسە “جاپونيامەن ماقتانامىن، جاپونيا كوزىمىزدى اشتى!” دەيتىن ساناداعى جاڭا بۋىن ۇرپاق پايدا بولعان. ءتىپتى، قىتاي تاريحىن قاراپ وتىرساڭىز “قىتاي ءوز تاعدىرىن جاپونياسىز شەشە المايدى، جاپونياعا باعىنىشتى بولا وتىرىپ قىتايدى وركەنيەتكە جەتەلەيىك” دەيتىن ساياسي تۇلعالار دا پايدا بولعان. بۇل جەردە ساياسي تاڭداۋ كەلەشەگىن جاپونياسىز ەلەستەتە الماعان تۇلعالاردى كەيىن تامان تىلگە الارمىن، ماعان قىزىعى، نە سەبەپتى قىتايلار قىسقا ۋاقىتتا ء“بىز ۇلى جاپونيانىڭ باقىتتى پەرەزەنتىمىز!” دەپ شىعا كەلەدى؟ بۇعان ءۇش سەبەپ بار: ءبىرىنشىسى، 30-جىلدارى قىتايدا

  • سۋن يات سەنگە داۋىس بەرەمىز بە، الدە يۋان شيكايعا ما؟

    Eldeç Orda بۇل سۇراق 1912-1913 جىلدارى پەكين ورتالىق قۇرىلتايىنا جول الىپ بارا جاتقان قازاق دەپۋداتتارىنىڭ كوكەيىندەگى سۇراق ەدى. ءتىپتى، تۇتاس قازاق حالقىنىڭ كوكەيىندەگى سۇراق-تى. اسىرەسە، جەر-سۋ ماسەلەسى كۇن تارتىبىنەن تۇسپەي ابدەن جاۋىر بولعان سول ءداۋىردىڭ ەڭ وزەكتى شارۋاسى ەدى. پەكينگە اتتانعان قازاق دەپۋداتى تۋرالى دا الاش ءباسپاسوزى قۇر جىبەرمەدى، پەكينگە اتتانعان قازاق دەپۋداتتارىنىڭ جەر-سۋ ءىسىن ءساتتى شەگۋىنە دەم بەرىپ، جىلت ەتكەن جاڭالىعىن گازەتكە باسىپ حالىققا قۇلاعدار عىپ تۇردى. قازاق دەپۋداتتارى باستاپتا نە سەبەپتى سۋن يات سەنگە داۋىس بەرمەكشى بولادى؟ نەگە يۋان شيكاي زورلىقپەن وزىنە داۋىس بەرگىزتەدى؟ قازاق دەپۋداتتارىن كىمدەر سايلادى؟ شەندەرى قانداي؟ ولار جەكە جەكە يۋان شيكاي مەن سۋن يات سەنگە كەزدەسكەنى راس پا؟ قانداي ماسەلەلەر كوتەرىلدى جانە ءبىر قىزىعى

  • پرەمەر تەرەششەنكونى “وستاۆكاعا” قالاي جىبەردىم

    1992 جىل. قازاق راديوسىنىڭ پارلامەتتىك ءتىلشىسىمىن. وفيس الماتىداعى جەلتوقسان كوشەسىنىڭ 177 ۇيىندە. 3-ءشى قاباتتا راديو قىزمەتكەرلەرى. ال، 4-ءشى قاباتتا ءباسپاسوز جانە بۇقارالىق اقپارات قۇرالدارى ءمينيسترىنىڭ ءبىرىنشى ورىنباسارى – قازاق مەملەكەتتىك تەلەراديوحابار تاراتۋ كومپانياسىنىڭ توراعاسى عادىلبەك شالاحمەتوۆ جانە كومپانيا باسشىلارى. توراعامەن باسپالداقتا، ليفتىدە كۇن ارا كەزدەسىپ قالامىز. ءجۇزى جىلى جان. قازاق رەداكتسياسىنداعى جاستار تولىق باسپاناسىز. ول كەزدە ايىنا ءبىر-ەكى رەت كومانديروۆكاعا شىعۋ مىندەت. ساپارلاتىپ ەلگە ءجيى قاتىنايمىز. قوناق ءۇي اقشاسى جابىلماي قارىزبەن قايتامىز. سودان، وتىز مەتر جەردەگى توراعانىڭ قابىلداۋ بولمەسىندەگى اپايدىڭ شىعىپ كەتكەنىن اڭدىپ تۇرىپ، عادىلبەك اعاعا توتەسىنەن باسىپ كىرەمىز. ونداعىمىز ءىسساپاردا قوناق ۇيگە بەرىلگەن قارجىنى جاباتىن قۇجاتىمىز بولماي، بۋحگالتەرياعا قارىزىمىزدى قايتارماۋعا “رۇقسات” دەگەن قولىن الىپ شىعۋ. ول توراعانىڭ عانا قۇزىرىندا.

  • شىعىس قازاقياداعى قازاق ينتەلليگەنتسياسىنىڭ قالىپتاسۋ تاريحى 

    شاعىن ساراپتاما دەربەس ەل تاۋەلسىز مەملەكەت رەتىندە “قىتاي قازاعى” دەيتىن ۇعىمدى قايتا پىسىقتاپ زەرتتەپ كورۋدىڭ جاڭا كەزەڭى باستالۋى كەرەك دەپ ەسەپتەيمىن. قىتاي قازاقتارىنىڭ 20- عاسىر باسىنداعى ويانۋ كەزەڭى ءالى كۇنگە دەيىن تولىق زەرتتەلگەن جوق. ونىڭ ىشىندە مەملەكەت دەڭگەيىندەگى تۇلعالار تۋرالى جەكەلەگەن زەرتتەۋلەر تىپتەن كەمشىل. شىعىس قازاقياداعى قازاق ينتەلليگەنتسياسىنىڭ قالىپتاسۋىندا ءۇش ۇلكەن ىقپالدى ايتپاي كەتۋ مۇمكىن ەمەس: ءبىرىنشى، 20-عاسىر باسىنا دەيىنگى ءداستۇرلى يسلامدىق رۋحاني مەكتەپ (قاديمدىق مەشىت-مەدرەسەلەر); ەكىنشىسى، 20-عاسىر باسىنداعى شىعىس قازاقيانىڭ جاديتتىك رۋحاني قوزعالىسى (جاديتتىك اعارتۋ، پىكىر-تالاس، تب); ءۇشىنشىسى، ورىس-تاتار ارقىلى ەنگەن ەۋروپا وركەنيەتىنىڭ ىقپال ەتۋى نەمەسە مانجۋ-قىتاي ارقىلى شىعىس رۋحانياتىمەن تانىسۋ; وسى ءۇش ىقپالدىڭ اۋەلگىسى يسلامدىق جاڭعىرۋدى ءوز ىشىنەن “قازان، ۋفانىڭ رۋحاني ىقپالى”، “بۇحارا-كوكىلتاش ىقپالى” جانە “وسىمانلى رۋحانياتىنىڭ ىقپالى”

پىكىر قالدىرۋ

ەلەكتورندى پوشتاڭىز سىرتقا جاريالانبايدى. بەلگى قويىلعان ءورىستى تولتىرۋ مىندەتتى *

اتى-ءجونى *

Email *

سايتى

Kerey.kz/كەرەي.كز

ءبىز تۋرالى:

تەل: +7 7071039161
Email: kerey.qazaq@gmail.com

Kerey.kz ءتىڭ بۇرىنعى نۇسقاسىن http://old.kerey.kz تەن وقي الاسىزدار!

KEREY.KZ

سايت ماتەريالدارىن پايدالانعاندا دەرەككوزگە سىلتەمە كورسەتۋ مىندەتتى. اۆتورلار پىكىرى مەن رەداكتسيا كوزقاراسى سايكەس كەلە بەرمەۋى مۇمكىن. جارناما مەن حابارلاندىرۋلاردىڭ مازمۇنىنا جارناما بەرۋشى جاۋاپتى.

سايت ساناعى: