پمحز-نى جاڭعىرتۋ مەرزىمدەرى ساقتالماعان جاعدايدا قمگ توپ-مەنەدجمەنتى جۇمىستان بوساتىلادى
kerey.kz
قر ەنەرگەتيكا ءمينيسترى قانات بوزىمباەۆ 2017 جىلعى 1 قاراشادا «قازمۇنايگاز» ۇك» اق-نىڭ مۇنايدى تاسىمالداۋ، قايتا وڭدەۋ جانە ماركەتينگ بويىنشا اتقارۋشى ۆيتسە-پرەزيدەنتىنىڭ مىندەتىن اتقارۋشى دانيار تيەسوۆتىڭ جانە «پمحز» جشس باس ديرەكتورى شۋحرات دانبايدىڭ قاتىسۋىمەن پاۆلودار مۇناي-حيميا زاۋىتىن جاڭعىرتۋ بارىسى ماسەلەسى بويىنشا جۇمىس كەڭەسىن وتكىزدى.
«پمحز» جشس-دا جاڭعىرتۋدى اياقتاۋ جانە جوعارى وكتاندى بەنزين مەن ديزەل وتىنىن شىعارۋ ءۇشىن قاجەتتى قوندىرعىلاردى ىسكە قوسۋ مەرزىمدەرى بويىنشا ارتتا قالۋشىلىق بەلگىلى بولدى.
جاڭعىرتۋدى اياقتاۋ مەرزىمى «پمحز» جشس ءۇشىن 26 قازان، ال اتىراۋ مۇناي وڭدەۋ زاۋىتى ءۇشىن 16 قىركۇيەك بەلگىلەنگەن بولاتىن. الايدا «قازمۇنايگاز» ۇك» اق مەرزىمدەردى اعىمداعى جىلدىڭ جەلتوقسان ايىنىڭ ءبىرىنشى جارتىسىنا اۋىستىردى.
د. تيەسوۆ پەن ش. دانبايدىڭ اقپاراتىن تىڭداپ، مينيستر جاقىن ارادا جوعارى وكتاندى بەنزينمەن جانە ديزەل وتىنىمەن ىشكى نارىقتى قامتاماسىز ەتۋ بويىنشا شۇعىل شارالار قابىلداۋدى تاپسىردى.
اتاپ ايتقاندا، جەكەلەگەن قوندىرعىلاردا اقاۋلاردىڭ تۋىنداۋى تۋرالى ۇسىنىلعان دەرەكتەردىڭ نەگىزىندە ق. بوزىمباەۆ مۇناي ونىمدەرىن ءوندىرۋ قوندىرعىلارىن ورناتۋ مەرزىمدەرى ورىندالماۋى مۇمكىن ەكەندىگىن ەسكەرتتى.
كەڭەس قورىتىندىلارى بويىنشا مينيستر 8 قاراشاعا دەيىنگى مەرزىمدە جوعارى وكتاندى بەنزيندى شىعارۋ قوندىرعىلارىن جانە قىسقا مەرزىمدە ديزەل وتىنىن شىعارۋ قوندىرعىلارىن ىسكە قوسۋ قاجەت ەكەندىگىن اتاپ ءوتتى.
بۇل رەتتە، «پمحز» جشس-نى جاڭعىرتۋدى اياقتاۋدىڭ بەلگىلەنگەن مەرزىمدەرى ساقتالماعان جاعدايدا، مينيستر توپ-مەنەدجەرلەردى اتقاراتىن قىزمەتتەرىنەن بوساتۋ تۋرالى ۇسىنىس ەنگىزەتىن بولادى.
پاۆلودار جانە اتىراۋ ءموز-دەرىنە مينيستر وبەكتىلەردى جاڭعىرتۋدى سوزۋ تاۋەكەلدەرىن انىقتاۋ ءۇشىن مينيسترلىكتىڭ كوميسسياسىن جىبەرۋدى تاپسىردى.
قر ەم ءباسپاسوز قىزمەتى
پىكىر قالدىرۋ