|  | 

جاھان جاڭالىقتارى

ءوزى باسقارعان پارتيا مۋگابەگە بيلىكتەن كەتۋگە ءبىر كۇن بەردى

زيمبابۆە پرەزيدەنتى روبەرت مۋگابە اسكەري جانە جاي كيىمدەگى ادامداردىڭ ورتاسىندا. حارارە، 17 قاراشا 2017 جىل.

زيمبابۆە پرەزيدەنتى روبەرت مۋگابە اسكەري جانە جاي كيىمدەگى ادامداردىڭ ورتاسىندا. حارارە، 17 قاراشا 2017 جىل.

زيمبابۆەنىڭ بيلىكتەگى “زيمبابۆەنىڭ افريكالىق ۇلتتىق وداعى – پاتريوتتىق مايدان” پارتياسى روبەرت مۋگابەگە ەل پرەزيدەنتى قىزمەتىنەن ءوز ەركىمەن كەتۋگە دۇيسەنبىگە دەيىن مۇرسات بەرىپ، ايتپەسە وعان يمپيچمەنت جاريالاناتىنى تۋرالى ەسكەرتكەن. بۇل تۋرالى قاۋىپسىزدىك ءمينيسترى پاتريك چيناماسقا سىلتەمە جاساپ Reuters حابارلادى. ول جەكسەنبىدە بيلىك پارتياسى ارنايى وتىرىسىندا مۋگابەنى پارتيا باسشىلىعىنان كەتىرگەننەن كەيىن ءباسپاسوز ءماسليحاتىندا سويلەگەن.

بريتاندىق Daily Mail باسىلىمى 93 جاستاعى روبەرت مۋگابەنىڭ ءوزىن ۇيقاماقتا ۇستاۋعا نارازىلىق ءبىلدىرىپ، اشتىق جاريالاعانى تۋرالى حابارلادى. مۋگابەنىڭ وتباسى مۇشەلەرىنىڭ ءبىرىنىڭ ايتۋىنشا، ول سەنبىدەن بەرى اس ىشۋدەن باس تارتىپ، “شىندىق ءۇشىن ولۋگە” بار ەكەنىن مالىمدەگەن.

مۋگابەنىڭ اشتىق جاريالاعانى تۋرالى اقپاراتتى بيلىك پارتياسىنىڭ مۇشەلەرىنىڭ ءبىرى باسىلىمعا راستاعان. “وتكەن تاۋلىك ىشىندە قاريا ءتۇرلى امالدار ىستەپ باقتى: اشتىق جاريالادى، قورقىتپاق بولدى، سويلەسۋدەن باس تارتتى”، – دەيدى ول.

بۇعان دەيىن بيلىكتەگى “زيمبابۆەنىڭ افريكالىق ۇلتتىق وداعى – پاتريوتتىق مايدان” پارتياسىنىڭ ورتالىق كوميتەتى 19 قاراشادا وتكىزگەن ارنايى وتىرىسىندا روبەرت مۋگابەنى پارتيا باسشىلىعىنان العانى تۋرالى حابارلانعان. بيلىك پارتياسىنىڭ جاڭا باسشىسى بولىپ بۇرىنعى ۆيتسە-پرەزيدەنت ەممەرسون منانگاگۆا سايلانعان.

بۇل حاباردان كەيىن “زيمبابۆەنىڭ افريكالىق ۇلتتىق وداعى – پاتريوتتىق مايدان” پارتياسى ورتالىق كوميتەتىنىڭ جەكسەنبىدەگى ارنايى وتىرىسىنا قاتىسۋشىلاردىڭ شاتتانىپ ءان سالىپ، بي بيلەپ جاتقان ۆيدەوسى الەۋمەتتىك جەلىلەردە تاراعان.

18 قاراشادا ەل استاناسى حارارە قالاسىندا ونداعان مىڭ ادام كوشەگە شىعىپ، مۋگابەنى بيلىكتەن شەتتەتكەن اسكەريلەرگە قولداۋ بىلدىرگەن. سەنبىنىڭ كەشىندە مۋگابەنىڭ كورتەجى حارارەدەگى مەملەكەت باسشىسىنىڭ “كوگىلدىر شاتىر” رەزيدەنتسياسىنان شىعىپ كەتكەن. كەي بۇقارالىق اقپارات قۇرالدارى مۋگابە ەلدەن كەتىپ قالدى دەپ حابارلادى. ازىرشە رەسمي ورىندار ول اقپاراتتى راستاعان جوق.

سارسەنبى كۇنى زيمبابۆە قارۋلى كۇشتەرى ەلدە توڭكەرىس جاساعاننان كەيىن مۋگابە مەن ونىڭ ايەلى “كوگىلدىر شاتىر” رەزيدەنتسياسىندا اسكەريلەردىڭ باقىلاۋىندا بولعان. 17 قاراشادا روبەرت مۋگابە حارارەدەگى اشىق ۋنيۆەرسيتەت تۇلەكتەرىنە ديپلوم تاپسىرۋ راسىمىنە قاتىسقان. بۇل شاراعا اسكەريلەرمەن بىرگە كەلگەن ول ەلدەگى جاعداي تۋرالى ەشتەڭە ايتپاعان.

93 جاستاعى روبەرت مۋگابە زيمبابۆە ۇلىبريتانيادان تاۋەلسىزدىك العان 1980 جىلدان بەرى بيلىك باسىندا وتىرعان.

 

ازات ەۋروپا / ازاتتىق راديوسى

Related Articles

  • «كەيبىر ەلدەر رەسەيدىڭ قىرىمدى باسىپ العانىن ۇمىتتى»

    بىرقاتار باتىس ەۋروپا ەلدەرى رەسەيدىڭ قىرىمدى اننەكتسيالاپ العانىن ۇمىتا باستادى. بۇل تۋرالى انكارادا تۇركيانىڭ سىرتقى ىستەر ءمينيسترى مەۆليۋت چاۆۋشوعلى مالىمدەدى، دەپ حابارلايدى zhasalash.kz تۇركيالىق «Yeni Safak» باسىلىمىنا سىلتەمە جاساپ. سىرتقى ساياسات ۆەدومستۆوسىنىڭ باسشىسى بۇل تۋرالى 7-ماۋسىم كۇنى قىرىم تۇرىكتەرىنىڭ مادەنيەتى مەن ءوزارا جاردەم اسسوتسياتسياسى ۇيىمداستىرعان جيىندا ايتتى. «قازىر قىرىمنىڭ جاعدايىن ۇمىتقاندارىڭىز ءۇشىن كۇنى ەرتەڭ ۋكراينادا الدەبىر وقيعا بولا قالعان جاعدايدا، سىزدەر جاۋاپتى بولاسىزدار»، — دەدى مەۆليۋت چاۆۋشوعلى باتىس ەۋروپاعا قاراتا. ول تۇركيا ءوز كەزەگىندە قىرىم تۋرالى ءبىر ساتكە ەستەن شىعارمايتىنىن، سونداي-اق رەسەيدىڭ تۇبەكتى وككۋپاتسيالاۋىن ەشقاشان قۇپتامايتىنىن ايتتى. سونىمەن قاتار، انكارا تاراپى قىرىم تاتارلارىنا قاشان دا قولداۋ كورسەتىپ وتىراتىنى جايلى ۋادە بەردى. چاۆۋشوعلىنىڭ ايتۋىنشا، تۇركيا ەۋروپا كەڭەسىندە، ەقىۇ-دا جانە وزگە دە حالىقارالىق پلاتفورمالاردا قىرىم ماسەلەسىن

  • دونالد ترامپ پەن كيم چەن ىننىڭ كەلىسسوزى باستالدى

    سولتۇستىك كورەيا ليدەرى كيم چەن ىن (سول جاقتا) مەن اقش پرەزيدەنتى دونالد ترامپ قول الىسىپ تۇر. سينگاپۋر، 12 ماۋسىم 2018 جىل. سينگاپۋردە 12 ماۋسىم كۇنى جەرگىلىكتى ۋاقىت بويىنشا تاڭەرتەڭگى ساعات 9-دا اقش پەن سولتۇستىك كورەيا باسشىلارىنىڭ كەزدەسۋى باستالدى. كەزدەسۋ باستالار الدىندا دونالد ترامپ پەن كيم چەن ىن قول الىسىپ امانداستى. كەزدەسۋ سينگاپۋردىڭ سەنتوس ارالىنداعى شيپاجايدا ءوتىپ جاتىر. دونالد ترامپ پەن كيم چەن ىن ەكى اۋدارماشىمەن عانا قالىپ، جەكە كەزدەستى. ادەتتە مۇنداي كەزدەسۋلەردە اقش پرەزيدەنتىنىڭ كەم دەگەندە ءبىر جاقىن كومەكشىسى جانىندا بولاتىن. ەكى ەل باسشىلارىنىڭ العاشقى كەزدەسۋى شامامەن 45 مينۋتقا سوزىلدى. وڭاشا كەزدەسۋدەن سوڭ ترامپ كەلىسسوز جالعاساتىنىن ايتىپ، كورەي تۇبەگىن يادرولىق قارۋسىز ايماق قىلۋدا “ۇلكەن تابىسقا” جەتەتىنىنەن ءۇمىتتى ەكەنىن ءبىلدىردى. بۇدان

  • قىتايدا شانحاي ىنتىماقتاستىق ۇيىمى ءسامميتى ءوتىپ جاتىر

    شانحاي ىنتىماقتاستىق ۇيىمىنا مۇشە ەلدەر باسشىلارى كەزەكتى سامميت الدىندا. تسينداو، قىتاي، 10 ماۋسىم 2018 جىل. قىتايدىڭ تسينداو قالاسىندا بۇگىن شانحاي ىنتىماقتاستىق ۇيىمىنا (شىۇ) مۇشە مەملەكەتتەر باسشىلارى كەڭەسىنىڭ كەزەكتى وتىرىسى ءوتىپ جاتىر. ماۋسىمنىڭ 9-ى كۇنى ءسامميتتىڭ اشىلۋ راسىمىندە قىتاي پرەزيدەنتى سي تسزينپين شىۇ “بىرلىگىنە” جوعارى باعا بەرىپ، ۇيىم جۇمىسى “بىرەگەي ۇستانىم ازىرلەۋگە جانە ءوزارا ءتيىمدى ارىپتەستىككە” قۇرىلعانىن ايتقان. وقي وتىرىڭىز: قىتايدىڭ ماڭايىنداعى ەلدەرگە قولدانار ايلاسى قىتاي مەن رەسەيدىڭ جەتەگىندەگى بۇل ايماقتىق ۇيىمعا قازاقستان، قىرعىزستان، تاجىكستان، وزبەكستان، ءۇندىستان مەن پاكىستان مۇشە. سوڭعى ەكەۋى شىۇ مۇشەلىگىنە وتكەن جىلى قابىلدانعان. ال، اۋعانستان، بەلارۋس، يران مەن موڭعوليا بۇل ۇيىمعا باقىلاۋشى رەتىندە قاتىسادى. بۇعان دەيىن بيىلعى سامميت اياسىندا شىۇ وكىلدەرى ۇجىمدىق قاۋىپسىزدىك شارتى ۇيىمى (ۇقشۇ-ودكب) مەن

  • “ماسەلەنىڭ يران رەجيمىن اۋىستىرۋعا قاتىسى جوق”

    ازاتتىق راديوسى اقش مەملەكەتتىك حاتشىسى مايك پومپەونىڭ “امەريكا داۋىسى” راديوسىنا سۇحبات بەرىپ وتىرعان ءساتى اقش مەملەكەتتىك حاتشىسى مايك پومپەو “امەريكا داۋىسى“ راديوسىنا بەرگەن سۇحباتىندا ۆاشينگتوننىڭ يرانعا، ونىڭ يادرولىق باعدارلاماسى مەن ايماقتاعى رولىنە قاتىستى جاڭا ساياساتىنىڭ ماقساتىن ءتۇسىندىرىپ بەردى. مامىردىڭ 8-ءى كۇنى اقش پرەزيدەنتى دونالد ترامپ 2015 جىلى قول قويىلعان ءارى “بىرلەسكەن جان-جاقتى ءىس-قيمىل جوسپارى” دەگەن اتاۋ العان يراننىڭ يادرولىق باعدارلاماسىنا قاتىستى كەلىسىمنەن اقش شىعادى دەپ مالىمدەگەن ەدى. 5+1 دەپ اتالعان (گەرمانيا جانە بۇۇ قاۋىپسىزدىك كەڭەسىنىڭ تۇراقتى مۇشەلەرى: اقش، رەسەي، قىتاي، ۇلىبريتانيا، فرانتسيانىڭ يرانمەن مامىلەسى) كەلىسسوزى دەپ تە اتالاتىن جوسپار بويىنشا اۋەلدە يراندا بايىتىلعان ۋراننىڭ كوپ بولىگى شەتەلگە شىعارىلاتىن بولادى، بىراق ىدىراعىش ماتەريالداردى بايىتۋ قۇقىعىنسىز جۇمىس ىستەيتىن عىلىمي ورتالىققا اينالادى دەپ كەلىسىلگەن فاردو

  • قىتاي: اقش كەمەسى تەڭىزدەگى شەكارامىزدى بۇزدى

    وڭتۇستىك-قىتاي تەڭىزىندەگى قىتاي جاساعان جاساندى ارال (كورنەكى سۋرەت). قىتاي اقش-تىڭ اسكەري-تەڭىز كۇشتەرىنىڭ كەمەسىن وڭتۇستىك-قىتاي تەڭىزىندەگى ايماققا باسىپ كىردى دەپ ايىپتادى. بۇعان دەيىن Reuters اگەنتتىگى امەريكالىق رەسمي تۇلعاعا سىلتەمە جاساپ، Higgins جانە Antietam اسكەري كەمەلەرى قىتاي ءوزىنىڭ ايماعى دەپ ەسەپتەيتىن پاراسەل ارالدارىنان شامامەن 19 شاقىرىم قاشىقتىققا ەنگەنىن حابارلاعان. قىتاي سىرتقى ىستەر مينيسترلىگى امەريكالىق كەمەلەر تەڭىزدەگى شەكارانىڭ 12 ميل ايماعىن بۇزعانىن مالىمدەدى. پەكين قىتاي بۇل ايماققا جەكە كەمەلەرى مەن ۇشاقتارىن جونەلتىپ، “ەلدىڭ ەگەمەندىگى مەن قاۋىپسىزدىگىن قورعاۋ ءۇشىن ءتيىستى شارالار قولدانۋعا ءماجبۇر بولدى” دەيدى. اقش اسكەري كەمەلەرىنىڭ وڭتۇستىك-قىتاي تەڭىزىندە ءجۇرۋىن پەكين تاراپىنان جاسالىپ جاتقان شەكتەۋلەرگە قارسى تۇرۋ دەپ ءتۇسىندىردى. وسىعان دەيىن اقش پرەزيدەنتى دونالد ترامپتان پەن باسقا دا امەريكالىق جوعارى لاۋازىمدى تۇلعالار پەكيننىڭ

پىكىر قالدىرۋ

ەلەكتورندى پوشتاڭىز سىرتقا جاريالانبايدى. بەلگى قويىلعان ءورىستى تولتىرۋ مىندەتتى *

اتى-ءجونى *

Email *

سايتى

Kerey.kz/كەرەي.كز

ءبىز تۋرالى:

تەل: +7 7071039161
Email: kerey.qazaq@gmail.com

Kerey.kz ءتىڭ بۇرىنعى نۇسقاسىن http://old.kerey.kz تەن وقي الاسىزدار!

KEREY.KZ

سايت ماتەريالدارىن پايدالانعاندا دەرەككوزگە سىلتەمە كورسەتۋ مىندەتتى. اۆتورلار پىكىرى مەن رەداكتسيا كوزقاراسى سايكەس كەلە بەرمەۋى مۇمكىن. جارناما مەن حابارلاندىرۋلاردىڭ مازمۇنىنا جارناما بەرۋشى جاۋاپتى.

سايت ساناعى: