|  | 

جاڭالىقتار

ەلباسى «قازاقستانداعى 100 جاڭا ەسىم» جوباسىنا قاتىسۋشىلارمەن كەزدەستى

مەملەكەت باسشىسى جوباعا قاتىسۋشىلارعا الەمدە بولىپ جاتقان وزگەرىستەر جونىندە ايتىپ، قازىرگى جاعدايلارعا بەيىمدەلۋ قاجەتتىگىنە نازار اۋداردى.

نۇرسۇلتان نازارباەۆ جاھاندىق وزگەرىستەر داۋىرىندە «رۋحاني جاڭعىرۋ» باعدارلاماسىنىڭ وزەكتىلىگىن اتاپ ءوتىپ، ونى ىسكە اسىرۋدىڭ ارالىق ناتيجەلەرىنە توقتالدى.

قازاقستان پرەزيدەنتى مەملەكەتتىك ءتىلدى لاتىن قارپىنە كوشىرۋ جونىندەگى جوبا تۋرالى ايتىپ، بۇل ءۇردىستىڭ باستى ماقساتىن اتاپ ءوتتى.

– بۇگىندە عىلىم جانە مادەنيەت تۋرالى اقپاراتتىڭ 70 پايىزعا جۋىعى اعىلشىن تىلىندە تارالادى. ءبىز ءۇش تىلدە ءبىلىم بەرۋگە كوشەتىنىمىزدى جاريالادىق. جاستارىمىز قازىردىڭ وزىندە اعىلشىن ءتىلىن مەڭگەرگەن. لاتىن قارپىنە كوشۋ دامىپ كەلە جاتقان ورتاق اقپارات الەمىنە ەنۋىمىزگە مۇمكىندىك بەرەدى، – دەدى ەلباسى.

سونىمەن بىرگە، مەملەكەت باسشىسى «جاڭا گۋمانيتارلىق ءبىلىم» جانە «تۋعان جەر» جوبالارىنىڭ ىسكە اسىرىلۋ بارىسىنا توقتالدى.

– ءبىز ەگەر قازاق ءتىلىنىڭ دامۋى تۋرالى ايتار بولساق، الەمنىڭ ۇزدىك ءبىلىمىن انا تىلىمىزدە الۋىمىز كەرەك. «جاڭا گۋمانيتارلىق ءبىلىم» جوباسى اياسىندا ۇزدىك 100 وقۋلىقتى قازاق تىلىنە اۋدارۋ ماسەلەسى قاراستىرىلعان. «تۋعان جەر» جوباسى بويىنشا مىنانى ايتۋعا بولادى. پاتريوتيزم تۋعان ءۇي مەن تۋىپ-وسكەن وڭىردەن باستالادى. ءبىز كىشى وتانىمىز ارقىلى بۇكىل قازاقستاندى سۇيەمىز. قازىر ەلىمىزدە مەتسەناتتار تۋعان جەرىنە بارىپ، بالاباقشا، مەكتەپتەر مەن اۋرۋحانالار سالىپ جاتىر. جالپى العاندا، بۇگىندە وسى باعىتتا 720-دان استام جوبا ىسكە استى، – دەدى نۇرسۇلتان نازارباەۆ.

ەلباسى «قازاقستاننىڭ كيەلى جەرلەرىنىڭ گەوگرافياسى» جوباسىنىڭ حالقىمىز ءۇشىن ءمانى زور ەكەنىن ايتىپ، «جاھانداعى زاماناۋي قازاقستاندىق مادەنيەت» باعدارلاماسىنىڭ مىندەتتەرىن اتاپ ءوتتى.

– ءبىز الەمدەگى كيەلى جەرلەر مەن ولاردىڭ تاريحى تۋرالى جاقسى بىلەمىز. ال قازاقستاندا ونداي جەرلەر جوق پا؟ قازىرگى كەزدە وسىنداي كيەلى 100 ورىندى انىقتاۋ جونىندە مىندەت قويىلدى. ولار تۋريستىك ورىنعا اينالاتىن بولادى. ءبىزدىڭ مادەنيەتىمىز بۇكىل الەمگە تانىلۋعا ءتيىس. ال «جاھانداعى زاماناۋي قازاقستاندىق مادەنيەت» جوباسى ءبىزدىڭ مادەني بايلىعىمىزدى دۇنيە جۇزىنە تانىتۋى كەرەك، – دەدى قازاقستان پرەزيدەنتى.

مەملەكەت باسشىسى «قازاقستانداعى 100 جاڭا ەسىم» جوباسىن ىسكە اسىرۋدىڭ ماڭىزدىلىعىنا نازار اۋدارىپ، كەزدەسۋگە قاتىسۋشىلارعا قوعام تاراپىنان ارتىلعان جاۋاپكەرشىلىكتىڭ مول ەكەنىن ەسكەرتتى.

– سىزدەر بايقاۋدىڭ ىرىكتەۋ تۋرىنان وتتىڭىزدەر. داۋىس بەرۋ ينتەرنەت ارقىلى جۇرگىزىلدى. سىزدەر – بىرەگەي تۇلعاسىزدار. تاۋەلسىزدىگىمىز سىزدەرگە تالانتتارىڭىزدى شىڭداپ، بولاشاققا جول سالۋعا مۇمكىندىك بەردى. سىزدەر وسكەلەڭ ۇرپاققا ۇلگى بولاسىزدار، – دەدى نۇرسۇلتان نازارباەۆ.

كەزدەسۋدە «قازاقستانداعى 100 جاڭا ەسىم» جوباسىنا قاتىسۋشىلار رۋحاني جاڭعىرۋ باعدارلاماسىنىڭ ىسكە اسىرىلۋ بارىسى جونىندە وي ءبولىسىپ، وزدەرىنىڭ جەتىستىكتەرى تۋرالى ايتتى.

ەلباسى جوبانىڭ بىرنەشە قاتىسۋشىسىنىڭ جەتكەن جەتىستىگىمەن تانىسىپ، قازاقستاندىقتاردىڭ تۇلعالىق تۇرعىدان دامۋىنىڭ ماڭىزدىلىعىن اتاپ ءوتتى.

– ءسوز سويلەگەندەردىڭ بارلىعى تۋرالى فيلم ءتۇسىرىپ، كىتاپ جازۋعا بولادى. ادامدار ودان شابىت الادى. شىن جۇرەكتەن قۇتتىقتايمىن. جاستارىمىز ماقساتقا قاراي تالپىنۋعا ءتيىس، – دەدى قازاقستان پرەزيدەنتى.

مەملەكەت باسشىسى حالىقتاردىڭ دامىپ، جاھاندىق ۇردىستەرگە بەيىمدەلۋىنىڭ الەمدىك تاجىريبەلەرى جونىندە وي ءبولىستى.

سوڭىندا نۇرسۇلتان نازارباەۆ جوبانىڭ بارلىق قاتىسۋشىسىنا تابىس تىلەپ، ولاردى بۇل جەتىستىكتەرمەن شەكتەلمەۋگە شاقىردى.

ەلباسى كەزدەسۋ اياقتالعان سوڭ «قازاقستانداعى 100 جاڭا ەسىم» جوباسىنا قاتىسۋشىلارعا ارنالعان ارنايى فوتوكورمەنى ارالاپ كوردى.

اقوردا باسپا-ءcوز قىزمەتى

Related Articles

  • سامات ءابىش قالاي “سۇتتەن اق، سۋدان تازا” بولىپ شىقتى؟

    ازاتتىق راديوسى ساياساتتانۋشى دوسىم ساتپاەۆ ۇقك توراعاسىنىڭ بۇرىنعى ءبىرىنشى ورىنباسارى، ەكس-پرەزيدەنت نۇرسۇلتان نازارباەۆتىڭ نەمەرە ءىنىسى سامات ابىشكە شىققان ۇكىم “قازاقستانداعى رەجيم بولاشاقتى ويلامايتىنىن كورسەتتى” دەيدى قازاقستاندىق ساياساتتانۋشى دوسىم ساتپاەۆ. ساراپشىنىڭ پايىمداۋىنشا، بيلەۋشى “ەليتا” جەكە ىستەرىمەن جانە تاساداعىكەلىسىمدەرمەن اۋرە بولىپ جاتقاندا ەلدە تاعى ءبىر جاڭا الەۋمەتتىك جارىلىسقا اكەلۋى مۇمكىن فاكتورلار كۇشەيىپ كەلەدى. ساياساتتانۋشىرەسەي ءوزىنىڭ ەكونوميكالىق مۇددەلەرى مەن گەوساياسي جوسپارلارىن كەڭىنەن جۇزەگە اسىرۋ ءۇشىن قازاقستاننىڭ ىشكى ساياساتىنا تىكەلەي اسەر ەتۋگە تىرىسىپ جاتۋى مۇمكىن دەپ تە توپشىلايدى. پۋتين “قاۋىپسىزدىك كەپىلى” مە؟ ازاتتىق: سونىمەن ۇزاق دەمالىس الدىندا وسىنداي ۇلكەن جاڭالىق جاريالاندى. مەيرام الدىندا، 19 ناۋرىزدا قازاقستاندىقتار ءماجىلىس دەپۋتاتىنىڭ پوستىنان سامات ابىشكە شىققان ۇكىم جايلى ءبىلدى. مۇنىڭ ءبارىنىڭ بايلانىسى بار ما الدە كەزدەيسوقتىق پا؟ دوسىم ساتپاەۆ: اڭگىمەنى بۇل ءىستىڭ قۇپيا

  • الماتىدا 5 باللدىق جەر سىلكىنىسى بولدى

    الماتى كوشەلەرىندە تۇرعان ادامدار. 24 قاڭتار 2024 جىل. 23 قاڭتار ساعات 00.09-دا الماتىدا قاتتى جەر سىلكىندى. قازاقستان توتەنشە جاعدايلار مينيسترلىگىنىڭ سەيسميكالىق بايقاۋ جانە زەرتتەۋ ۇلتتىق عىلىمي ورتالىعىنىڭ مالىمەتىنشە، جەر سىلكىنىسىنىڭ ەپيتسەنترى الماتىنىڭ وڭتۇستىك-شىعىسىنان 264 شاقىرىمدا، قازاقستان مەن قىرعىزستان شەكاراسىندا بولعان. جەر ءدۇمپۋىنىڭ ماگنيتۋداسى 6,7. مSك-64 شكالاسى بويىنشا الماتىدا جەر ءدۇمپۋى – 5 بالل، شىمكەنتتە 2 بالل بولعان. الماتى قالاسى توتەنشە جاعدايلار دەپارتامەنتىنىڭ باسشىسى نۇرلان اتىعاەۆ ادام شىعىنى مەن قيراعان عيماراتتار جايلى اقپارات تۇسپەگەنىن مالىمدەدى. تجد حالىقتى ليفت قولدانباۋعا، تەز ارادا ۇيلەرىنەن شىعىپ، قاۋىپسىز ايماق تابۋعا، گاز، سۋ جانە جارىقتى سوندىرۋگە شاقىردى. ۆەدومستۆو حالىقتى سابىر ساقتاۋعا ۇندەدى. ال ساعات 00:44-تە الماتىدا ءجۇر ءدۇمپۋى قايتالانعانى، ەكىنشى جەر سىلكىنىسى شامامەن 2-3 بالل بولعانى

  • “جەڭىلىس اۋىر ءتيدى”. قازاقستان ەۋرو-2024 دوداسىنا تىكەلەي جولداما الا المادى. بىراق ءالى ءبىر مۇمكىندىگى بار

    سلوۆەنيا-قازاقستان ماتچى. ليۋبليانا، 20 قاراشا، 2023 جىل فۋتبولدان قازاقستان قۇراماسى ليۋبليانادا سلوۆەنيا قۇراماسىنان 1:2 ەسەبىمەن جەڭىلىپ، 2024 جىلى گەرمانيادا وتەتىن ەۋروپا چەمپيوناتىنا تىكەلەي جولداما الا المادى. بىراق قازاقستان كەلەسى جىلى ناۋرىزدا ەۋرو-2024 دوداسىنا ليتسەنزيا الۋعا تاعى ءبىر رەت تالپىنىپ كورمەك. سلوۆەنياداعى ويىن قالاي ءوتتى؟ قازاقستان قۇراماسىنىڭ باس باپكەرى جەڭىلىس جايلى نە دەدى؟ ليۋبلياناداعى ماتچقا بارعان ازاتتىق ءتىلشىسىنىڭ رەپورتاجى. ماتچ قالاي ءوتتى؟ ويىن باستالا سالا سلوۆەنيا قۇراماسى شابۋىلعا كوشىپ، ماتچتاعى باسىمدىقتى ءوز قولىنا الۋعا تىرىستى. ماتچتىڭ 26-مينۋتىنا دەيىن سلوۆەنيا ويىنشىلارى قازاقستان قاقپاسىنا ءتورت رەت قاۋىپتى سوققى جاساپ ۇلگەردى. ويىننىڭ 40-مينۋتىندا قازاقستاندىق قورعاۋشى يان ۆوروگوۆسكي پەتار ءستويانوۆيچتى قاقپا ماڭىندا شالىپ شىعىپ، پولشالىق تورەشى شيمون مارچينياك قازاقستان قاقپاسىنا پەنالتي بەلگىلەدى. بۇل 11-مەترلىك پەنالتيدەن

  • ءماجىلىس اسكەري رەزەرۆتى جاساقتاۋ تۋرالى زاڭ جوباسىن ءبىرىنشى وقىلىمدا ماقۇلدادى

    قازاقستان اسكەرى جاتتىعۋ كەزىندە. 15 قاراشادا قازاقستان پارلامەنتىنىڭ تومەنگى پالاتاسى اسكەري رەزەرۆتى جاساقتاۋ تۋرالى زاڭ جوباسىن ءبىرىنشى وقىلىمدا ماقۇلدادى. قۇجاتتىڭ رەسمي اتاۋى – “قازاقستان رەسپۋبليكاسىنىڭ كەيبىر زاڭنامالىق اكتىلەرىنە رەزەرۆتەگى قىزمەت ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى” زاڭ جوباسى. قۇجات قازاقستاندا “اسكەري قىزمەتتىڭ جاڭا ءتۇرى – رەزەرۆتەگى قىزمەتتى ەنگىزۋدى قاراستىرادى” دەپ جازدى رەسمي باق. “زاڭ جوباسىن ىسكە اسىرۋ ازاماتتارعا رەزەرۆتە اسكەري قىزمەت ەتۋگە مۇمكىندىك بەرەدى. ول ءۇشىن كەلىسىمشارت ەرىكتى تۇردە ءۇش جىلعا جاسالادى. دايارلىق ءبىر جىلدا ەكى ايدان اسپايدى. جاۋىنگەرلىك جيىندار 30 كۇندە ىسكە اسىرىلادى. رەزەرۆتەگىلەرگە ارنالعان ساباقتار اي سايىن ەكى-ءۇش كۇن بولادى” دەدى پارلامەنت وتىرىسىندا قورعانىس ءمينيسترى رۋسلان جاقسىلىقوۆ. رەسمي اقپاراتقا قاراعاندا، اسكەري رەزەرۆ 2025 جىلعا قاراي جاساقتالادى. ءبىرىنشى

  • قازاقستان سولتۇستىك يرلانديانى جەڭدى. قۇرامانىڭ ەۋرو-2024 دوداسىنا شىعۋعا مۇمكىندىگى ساقتاۋلى

    رۋسلان مەدەلبەك قازاقستان قۇراماسىنىڭ ويىنشىلارى جانكۇيەرلەرگە العىس ايتىپ جاتىر. استانا، 10 قىركۇيەك 2023 جىل. فۋتبولدان قازاقستان قۇراماسى ەۋرو-2024 تۋرنيرىنە ىرىكتەۋ اياسىندا سولتۇستىك يرلانديانى جەڭدى. استاناداعى ماتچتا جەڭىس گولىن “اقتوبە” شابۋىلشىسى ماكسيم سامورودوۆ سالدى. قازاقستاننىڭ كەلەسى جىلى گەرمانيادا وتەتىن ەۋروپا چەمپيوناتىنا شىعۋعا مۇمكىندىگى ءالى دە ساقتاۋلى. ماتچتىڭ 27-مينۋتىندا ابزال بەيسەبەكوۆتىڭ الاڭ ورتاسىنان شىعارعان پاسىن ماكسيم سامورودوۆ ادەمى گولعا اينالدىرا ءبىلدى. ماكسيم قاتتى كەلگەن پاستى اياعىمەن توقتاتتى دا، قارسىلاس قاقپاسىنىڭ سول قاپتالىنا باعىتتاعان. سولتۇستىك يرلانديا قاقپاشىسى بەيلي پيكوك-فاررەلل قولىن سوزعانىمەن جەتپەدى. دوپ قاقپادا. 30 مىڭ جينالعان ستاديون تۋلاپ سالا بەردى. گول اۆتورى ماكسيم سامورودوۆ (10-نومەردە) مەن قازاقستان ويىنشىلارى گولدى تويلاپ جاتىر. استانا، 10 قىركۇيەك 2023 جىل. وسى گولدان كەيىن سولتۇستىك يرلانديا شابۋىلدى

پىكىر قالدىرۋ

ەلەكتورندى پوشتاڭىز سىرتقا جاريالانبايدى. بەلگى قويىلعان ءورىستى تولتىرۋ مىندەتتى *

اتى-ءجونى *

Email *

سايتى

Kerey.kz/كەرەي.كز

ءبىز تۋرالى:

تەل: +7 7071039161
Email: kerey.qazaq@gmail.com

Kerey.kz ءتىڭ بۇرىنعى نۇسقاسىن http://old.kerey.kz تەن وقي الاسىزدار!

KEREY.KZ

سايت ماتەريالدارىن پايدالانعاندا دەرەككوزگە سىلتەمە كورسەتۋ مىندەتتى. اۆتورلار پىكىرى مەن رەداكتسيا كوزقاراسى سايكەس كەلە بەرمەۋى مۇمكىن. جارناما مەن حابارلاندىرۋلاردىڭ مازمۇنىنا جارناما بەرۋشى جاۋاپتى.

سايت ساناعى: