|  |  | 

Mädeniet Şou-biznis

Aytayın degenim…

0101-300x220

Kürşim audanı jwrtşılığı üşin büginde ülken merekege  aynalğan  aytulı şara –ömirden erte ozğan darındı sazger jerlesimiz Oralhan Köşerovtiñ tvorçestvosına arnalğan, eki jılda bir ötip kele jatqan «Oralhan köktemi» attı än konkursı. Bastabında audandıq deñgeyde ötkenimen, kele-kele wyımdastıruşılar  men mecenattardıñ ülken eñbekteriniñ arqasında  aldımen oblıstıq, soñınan respublikalıq masştabtağı än bayqaularınıñ birine aynala bastağan «Oralhan köktemine» biıl «festival'» märtebesi berilip, öz elimizdiñ änşilerinen basqa, Qıtay, Resey, Moñğoliya ümitkerleri qızığuşılıq tanıtıp otırğan sıñaylı.Artına elu şaqtı än qaldırğan, bergeninen bereri köp şağında baqilıq bolğan Oralhan marqwmnıñ  än-ğwmırı osılay jalğasıp kele jatqanı-onıñ tıñdarmandarı üşin köñilge medeu,quanış äkelse, ekinşi jağınan talay änşiniñ bağın aşqan dübirli doda bolğanı kürşimdikterdiñ köñilinde orındı maqtanış tuğızadı.Bizdiñ köp rette osınday igilikti is qalay düniege keldi, onıñ bastauına ıqpal etken kim, onı kimder jüzege asırdı degen swraqtarğa enjar qaraytınımız bar. Al, şındığında, keşegi şarua-bü gingi tarih. Sonanda, eren eñbekterimen el esinde qalatın birtuar azamattar jaylı keyingi buınğa jetkizip otıru-wrpaqtar sabaqtastığınıñ bir parası bolar. Osı maqsatta «Oralhan köktemine» qatıstı özim kuä bolğan bir jäytti äñgimelep berudi jön kördim.

2003 jılı säuir ayınıñ basında meni sol kezdegi audan äkimi Q.Töleubekov qabıldauına şaqırtıptı. Ol kezde Kürşim öndiristik-jol bölimşesin basqarıp jürgenmin.Köktemgi su tasqını qaupi küşeyip twrğan mezgil, joldardıñ jayı da qay kezdegidey, mäz emes.Ärine, basşı şaqırtuına quana qoymağanım ras-tı. Kütkenimdey, Qonısbay Qoyşıbaywlı äñgimeni jwmıstan bastap,meni biraz tığırıqqa tirep terletip alğan soñ:

-Maqalañızdı oqıdım, mağan wnadı,öte qajetti mäseleni uaqıtında kötergensiz.Meni bwrınnan  osı swraq mazalap jürgen-di, endi bir şeşimge  kelgendeymin.-dedi.

Men, şını kerek,abdırap qaldım. Audandıq gazetpen tığız baylanısta ekenim ras, jazğandarımnıñ redakciyada jatqandarı da barşılıq,onıñ qaysısı qajetti bolğanın qaydan bileyin?.. Äkim betime bajaylap qarap, meniñ eşteñe wqpağanımdı bayqadı-au deymin, sözin äri jalğadı:

-Men Abay audanında äkim bop twrğanımda, marqwm Jänibek Kärmenovti este qaldıru maqsatında, «Jänibektiñ köktemi.., jazı.., küzi..,qısı…»-dep jıldıñ tört kezeñinde Jäkeñ orındağan Arqa änderiniñ bayqauın ötkizip twrdım. Jwrtşılıqtıñ da,änşilerdiñ de ıntası keremet boldı, ökinişke oray, menen keyin bwl ürdis jalğasın tappadı-Biraz  uaqıt stolğa tesilip otırdı da kenet ornınan atıp twrdı-Men Oralhanğa da sonday bayqau jasaymın. Äli şeşkem  joq qalay atalatının, biraq, köriñiz de twrıñız, osı joba jüzege asadı. Al, Sizge meniñ oyımdı döp basqan maqalañız üşin köp rahmet!-Jıldam basıp kep mağan qolın berdi…

Men kabinetten şıqqan soñ barıp, ötken jıldıñ ayağına taman özimniñ Oralhan Köşerov turalı maqala jazğanımdı, onıñ äldebir sebeptermen jartı jılday uaqıt jariyalanbağanın, al, Qonısbay Qoyşıbaywlınıñ jañağı aytıp otırğanı, özim äli körmegen sol maqala ekenin wqqanday boldım. Şınında, onı jazuğa sebep bolğanı-sol kezde  Oşan jarıqtıqtıñ atı wmıtıla bastağan sıñaylı edi, birer ret onı eske alu keşteri ötkizilgenimen, odan ärige tereñdey qoymağan  şaq bolatın. Men öz öremde oquşılar men körkemönerpazdardıñ  audandıq bayqaularında O. Köşerovtiñ änderi aytılsa, mektepterde onıñ tvorçestvosına arnalğan fakul'tativter ötkizilse.., t.s.s. wsaq wsınıstar aytqanmın-dı. Jäne meniñ oyım-meniñ jazğanımdı keybir oqırmandar qoldap öz wsınıstarın jariyalasa, söytip köpşilik arasında rezonans tusa, ol joğarğı bilikke jetse, sodan äldebir şaralar jüzege assa degen şamada edi…  Al, maqalağa eldiñ aldımen audan äkimi ün qatadı, ol mınanday ülken şaranı jobalaydı degen oy mende bolğan emes. Şının aytqanda, onşa seniñkiremegenim de ras.

…Keyinnen bilsem, bwl maqalanı «Rauannıñ» jauaptı hatşısı Kädirbek Aydarhanwlı  Oralhannıñ tuğan künine oraylap ötken jıldan biılğı säuir ayına deyin wstap kelgen eken. Al, gazetti birinşi bolıp Qonısbay Qoyşıbaywlı oqidı eken. Meni qayran qaldırğanı-bwl adamnıñ öte şapşañ şeşim qabıldaytındığı boldı. Onı aytıp otırğanım-bwl äñgime tañerteñgilik jwmıs bastalğannan keyin bolğan-dı. Sol küni tüsten keyingi äkimdiktiñ keñeytilgen otırısında aldağı mamırdıñ ortasında «Oralhan köktemi» attı än bayqauı ötetini, soğan är auıldıq okrugten  eki änşiden sazgerdiñ änderin dayındauın baqılauğa alu tapsırıldı…

Bwrınğıdan jetken «Jüyrikte de jüyrik bar-qazanatı bir basqa, jigitte de jigit bar-azamatı bir basqa»-attı atalı söz kezinde  Maqanşı,Abay, Kürşim audandarınıñ äkimi, oblıstıq jer qatınastarı basqarması men auılşaruaşılıq basqarmasınıñ basşısı bolğan Qonısbay Qoyşıbaywlı Töleubekov sındı,  biregey jandarğa arnalğan siyaqtı.Onıñ tek qana Jänibek Kärmenov, Oralhan Köşerov siyaqtı talanttardıñ ruhın halıq köñilinde jañğırtıp, olardıñ  ayşıqtı önerin ğwmırlı etken osı eñbeginiñ özi ğana qay maqtauğa layıq-au…

 

Qwmarbek  QALIEV

Kürşim auılı

kerey.kz

Related Articles

  • Qonaev pen Nazarbaevtıñ Äruaq turalı közqarastarı

    Älqissa… Bwl künde dini uağızşılarımız är jerde «Äruaqqa qwrmet etu,  oğan siınu – Allağa serik qosqandıq»  deytin,  tipti  «Qabir twrğızbau,  ölikti jerlegen soñ jerdi tegistep tastau»,  «Jeti,  qırqı,  jıldığı degender şariğatta joq», «qwran bağıştamau», t.b pätualar köbeye bastadı. Men dindär adam bolmasam da,  Ilam dinine senetin, özime tän közqarasım, äri şamalı bilimim bar adam bolğandıqtan mwnday mäselege  öz oyımdı bildirgim keledi. Öytkeni,  mağan talanttı jaratuşı sıylasa,  bilimdi ata-anam men osı halqım, ösken dalam, ortam berdi. Sondıqtan joğarıdağı mäsele jöninde azdap tolğanıp köreyin,  artıq ketsem ğapu etersizder. Äruaq bar ma? « …Tañğalasıñ,  olardıñ ‹biz topıraq bolğan kezde, jañadan jaratılamız ba?» degen sözderine tañırqau kerek,  mine, bwlar rabbılarına qarsı bolğandar äri bwlardıñ

  • Qazaq medicinası qwndı zertteu eñbegimen tolıqtı

    Nwrgül Jambılqızı Almatı qalası OKJ-niñ №4 kitaphanasında Astanadağı «Şipalı» emdeu ortalığınıñ bas därigeri, densaulıq saqtau salasınıñ üzdigi, m.ğ.k. Qayrat Aydarhanwlınıñ tört birdey kitabınıñ twsaukeseri boldı. Keş barısında Qayrat Aydarhanwlınıñ jeke öziniñ «Qazaq emşiligi», «Arqa törinde», «Sır men Sauır arası» jäne jazuşı Jädi Şäkenwlımen birlesken «Altay alıptarı» attı kitaptarı köpşilikke tanıstırılıp, keş qonaqtarına da taratıldı. Därigerdiñ kitaptarı türli taqırıpqa bağıttalğan. Mäselen, «Qazaq emşiligi» kitabına Qayrat Aydarhanwlınıñ wzaq jıldarğı eñbekteri men zertteuleri engizilgen. Odan bölek, atalğan kitapta qazaq emşiliginde wdayı qoldanılatın däriler, tabiği emdeu joldarı toptastırılğan.  Keşke maytalman aqın-jazuşılar, elimizge belgili baspagerler, BAQ ökilderi men qalalıq kitaphana meñgeruşileri qatıstı. Sonıñ işinde, belgili ğalım, medicina ğılımdarınıñ doktorı, akademik Maqswt Temirbaev, medicina ğılımdarınıñ doktorı,

  • Töreğali Batırhanwlı:Jaqsınıñ jaqsılığın aytu parız

    Armısız Töreğali ağa! Sizdi elge belgili psiholog maman retinde jaqsı bilemiz.Soñğı kezderi än şığarumen de aynalısıp jür ekensiz. -Iä şabıtım aşılıp onşaqtı än jazdım.Sonıñ işinde “Bumın qağan” “Kökjal ” “Dariğa” änderi sätti şıqtı. -Änderiñizdiñ sözi men tarihın aytıp ötseñiz -Bumın qağan eñ alğaş türkilerdiñ basın qosıp memileket qwrğan twlğa.Al “Kökjalğa” kelsek qasqırlarğa arnalğan.Soñğı kezderi qasqır atudı sänge aynaldırğan añşı baylar köbeydi.Kökjal böri ejelgi türkilerdiñ tötemi.Qasqırlardı qıruğa tiım salu kerek.Bwl än gummanistik oy sananı közdeydi.Üşinşi sätti şıqqan än belgili qoğam qayratkeri,änşi,sayasatker Dariğa Nwrswltanqızına arnaldı.Dariğanıñ qoğamdıq belsendiliginiñ arqasında kürdeli talay mäsele şeşimin taptı.Medicina,qorğanıs salası,äleumettik mäselelerdiñ bası qasında Dariğa Nwrswltanqızı jüredi.7 şi Mamır Dariğa Nwrswltanqızınıñ tuğan küni.Ol kisige mıqtı densaulıq,bayandı baqıt,tausılmas quanış tileyik.Bwl

  • KELESİ AYDI «KÖKEK» DEYİK

    Qazaqşa ay attarında «aprel'» ayın «Kökek» deydi. Al «säuir» qaydan payda boldı? Onıñ tarihı mınanday: 1990 jılı 24 «aprel'de» arnayı zañmen Qazaqstanda prezidenttik bilik engizildi. Tura sol künge Qazaq KSR Joğarğı Keñesiniñ organı «Halıq Keñesi» gazetiniñ alğaşqı sanı jarıq kördi. Bwrın «aprel'» sözi qoldanıla beretin. Kompartiyanıñ qılışınan qam tamıp twrsa da jaña basılımda ay attarınıñ qazaqşa berilgenin köñilimiz qalap twr. Alayda bir aptaday ğana bwrın Ortalıq Komitettiñ aprel' Plenumı ötken. Onı qalay jazamız? «KPSS Ortalıq Komitetiniñ Kökek Plenumı» deseñ bas ketedi. Sodan gazettiñ bas redaktorı SarbasAqtaev jol taptı: «Säuir Plenumı» deyik dep. Osı tirkestegi «säuir» sözi birtindep barşa basılımdarğa auıstı. Odan keyin «Ortalıq Komitet» te, «Plenum» da joyıldı. Biraq qazaqşa

  • VENGRIYA – QAZAQSTAN 2:3

    Ğalım BOQAŞ Budapeşte Qazaqstan wlttıq qwramasınıñ eñ jaqsı oyındarınıñ birin kördik. Erkebwlan (Seydahmet) men Baqtior komandanıñ boyına on şaqtı jıl boyı körinbey ketken batıldıq pen şeberlik bitirdi. Bolaşağı zor jas futbolşılar. Stoilov “Astananı” jattıqtırıp jürip, jergilikti oyınşılardı äbden zerttegenin, özderine şaq tehnikası men quatın sarqa jwmsatudı üyrengenin körsetti. Qazaqstandıqtar doptı wzaq wstaudı, däl äri alısqa pas berudi meñgeripti. Nenad täjiribesin tanıttı. Roman jeñis üşin köp eñbek siñirdi. Bauırjan nağız dispetçer retinde körindi. Dmitriy men Evgeniy birneşe märte joq jerden doptan ayırılıp jattı. Soñğı jiırma şaqtı jıl işinde Europada ortadan tömen qwramağa aynalğan vengriyalıqtar köp qatelesti, öte sapasız, sılbır oynadı. “Grupama Arenağa” jinalğan az sandı jergilikti janküyerler ızağa bulığıp, ısqırıp jattı.

1 pikir

  1. közkörgen

    Kürşim auılınıñ şetinde jol boyında jayqalıp twrğan tal-terekti YUbileynıy möltek audanınıñ twrğındarı “Qonısbay toğay”-dep ataydı.Onı osıdan on bes jılday bwrın sol kezdegi audan äkimi Qonısbay Qoyşıbaywlı Töleubekov senbilik jasap ektirgen. İsi twlğasına say kesek adam ğoy ol, qayda jürse de!

Pikir qaldıru

Elektorndı poştañız sırtqa jariyalanbaydı. Belgi qoyılğan öristi toltıru mindetti *

Atı-jöni *

Email *

Saytı

Kerey.kz/Kerey.kz

Biz turalı:

Tel: +7 7071039161
Email: kerey.qazaq@gmail.com

Kerey.kz tiñ bwrınğı nwsqasın http://old.kerey.kz ten oqi alasızdar!

KEREY.KZ

Sayt materialdarın paydalanğanda derekközge silteme körsetu mindetti. Avtorlar pikiri men redakciya közqarası säykes kele bermeui mümkin. Jarnama men habarlandırulardıñ mazmwnına jarnama beruşi jauaptı.

Sayt sanağı: