|  | 

جاھان جاڭالىقتارى

اقش ۋكرايناعا قورعانىس قارۋىن بەرمەك


تانكىگە قارسى قولداناتىن Javelin زىمىرانى.

تانكىگە قارسى قولداناتىن Javelin زىمىرانى.

اقش ۋكرايناعا “ەگەمەندىگى مەن تەرريتورياسىنىڭ تۇتاستىعىن قورعاۋعا جانە اگرەسسيانىڭ ورىستەۋىن تەجەۋگە” كومەكتەسۋ ءۇشىن قورعانىس ماقساتىنداعى قارۋ-جاراق بەرەدى. بۇل تۋرالى ۆاشينگتوندا اقش مەملەكەتتىك دەپارتامەنتىنىڭ رەسمي وكىلى حيزەر نويەرت مالىمدەگەن.

ول ۋكرايناعا كومەك “تەك قانا قورعانىس سيپاتىندا” جانە اقش-تىڭ ۋكراينانىڭ شىعىسىنداعى جانجالدى مينسك كەلىسىمىنە ساي رەتتەۋگە بەيىل ەكەنى تۋرالى ايتقان.

ۋكرايناعا قارۋ-جاراقتىڭ قانداي ءتۇرى بەرىلەتىنىن نويەرت ناقتىلاعان جوق. بۇعان دەيىن اۆس تەلەارناسى اقش مەملەكەتتىك دەپارتامەنتىندەگى دەرەك كوزدەرىنە سىلتەمە جاساپ، ۋكرايناعا بەرىلەتىن قارۋ-جاراقتىڭ اراسىندا تانكىگە قارسى قولداناتىن 210 Javelin زىمىرانى جانە 35 ىسكە قوسۋ قوندىرعىسى بار دەپ حابارلاعان. اسكەري كومەكتىڭ جالپى كولەمى 47 ميلليون دوللارعا باعالانادى. اۆس تەلەارناسىنىڭ حابارلاۋىنشا، اقش پرەزيدەنتى دونالد ترامپ ۋكرايناعا قارۋ-جاراق بەرۋ تۋرالى ۇسىنىسىن جاقىن ۋاقىتتا كونگرەسكە جولداماق. كونگرەسس 30 كۇننىڭ ىشىندە ونى قاراپ، شەشىم قابىلدايتىن بولادى.

اقش-تىڭ بۇرىنعى پرەزيدەنتى باراك وبامانىڭ كەزىندە اق ءۇي اكىمشىلىگى ۋكرايناعا رەسەيمەن جانجالدا قولداۋ تانىتىپ، قىرىم اننەكسياسى جانە دونباستاعى قارۋلى قاقتىعىستارعا بايلانىستى ماسكەۋگە قارسى سانكتسيالار ەنگىزگەنىمەن كيەۆكە سوعىس قارۋلارىن بەرمەگەن ەدى.

رەسەي پرەزيدەنتى ۆلاديمير پۋتين بۇعان دەيىن ۋكرايناعا قارۋ-جاراق بەرۋ “دونباستاعى جاعدايدى وزگەرتپەيتىنى”، بىراق رەسەيدىڭ قولداۋىنا سۇيەنەتىن سەپاراتيستەردىڭ دە “ولارعا پروبلەما تۋدىرىپ وتىرعاندارعا سەزىنەتىندەي” ەتىپ “جانجالدىڭ وزگە ايماقتارىنا” قارۋ-جاراق تاراتا باستاۋىنا تۇرتكى بولۋى مۇمكىن دەپ مالىمدەگەن. الايدا پۋتين نەنى مەڭزەپ وتىرعانى تۋرالى اشىپ ايتپاعان.

جەلتوقساننىڭ 23-ىنە قاراعان ءتۇنى ۋكراينانىڭ شىعىسىنداعى جانجال ايماعىندا “جاڭا جىلدىق ءبىتىم” كۇشىنە ەنۋى ءتيىس بولاتىن. الايدا قارسىلاس تاراپتار كەلىسىمدى بۇزىپ وتىر دەپ ءبىر-ءبىرىن ايىپتادى.

ازات ەۋروپا / ازاتتىق راديوسى

 

Tags

Related Articles

  • ورىستاردى رەسەيگە شاقىرۋ جانە ولاردىڭ رەاكتسياسى

    سانات ورىن ءالي «روسسيا» اۋە كومپانياسى ۇشاعى جانىنان ءوتىپ بارا جاتقان اۆتوبۋستاعى جولاۋشىلار. كورنەكى سۋرەت. قازاننىڭ سوڭىندا رەسەي پرەزيدەنتى ۆلاديمير پۋتين 2019-2025 جىلدارعا ارنالعان ميگراتسيالىق ساياساتتىڭ جاڭا تۇجىرىمداماسىن بەكىتىپ، شەتەلدە تۇراتىن ورىستاردى «ورىس الەمىن» نىعايتۋعا شاقىردى، «كوشىپ كەلسە جاعدايلارىن جاقسارتامىز» دەپ ۋادە بەردى. بۇل تۋرالى قازاقستاندا تۇراتىن ورىستار مەن ساراپشىلار نە ويلايدى؟ جاڭا تۇجىرىمداما تۋرالى پۋتين قازاننىڭ 31-ءى كۇنى ماسكەۋدە وتكەن وتانداستاردىڭ 6-دۇنيەجۇزىلىك كونگرەسىندە مالىمدەدى. ءپۋتيننىڭ ايتۋىنشا، بۇل تۇجىرىمداما «جۇيەدەگى بيۋروكراتيانى جويۋعا» ارنالعان، قونىس اۋدارۋ باعدارلاماسى بويىنشا قولايلى جاعداي جاساۋدىڭ، ەلگە كەلۋ، جۇمىسقا ورنالاسۋ جانە رەسەي ازاماتتىعىن الۋدىڭ ناقتى ەرەجەلەرىن ۇسىنادى. ءپۋتيننىڭ ايتۋىنشا، وزگە ەلدەردە (مىسال رەتىندە ۋكراينا مەن بالتىق ەلدەرىن كەلتىردى) ورىستارعا قاتىستى «رۋسوفوبيا، ۇلتشىلدىق، ەسكەرتكىشتەرمەن جانە ورىس تىلىمەن كۇرەس، سەپاراتيزم

  • 100 جىل بۇرىن چەحيا مەن سلوۆاكيا زاماناۋي تاۋەلسىز مەملەكەت قۇردى.

    100 جىل بۇرىن چەحيا مەن سلوۆاكيا زاماناۋي تاۋەلسىز مەملەكەت قۇردى. پراگا بۇل مەرەيتويدى لايىقتى تۇردە اتاپ ءوتىپ جاتىر. سەگىز جىل جوندەلگەن ۇلتتىق مۋزەي اشىلدى. 1945 جانە 1968 جىلدارى شەتەلدىك باسقىنشىلار بۇلدىرگەن كونە عيمارات بۇگىن كوزدىڭ جاۋىن الادى. شەبەرلەر رەستاۆراتسياسىن قاتىرىپتى. پراگاعا كەلگەن دوس-جار بىلەدى، ۆاتسلاۆ الاڭىنداعى اۋليە ۆاتسلاۆ كنياز ەسكەرتكىشىنىڭ ارقاسىنداعى الىپ عيمارات قوي. بۇگىن كۇن سۋىتىپ، جاڭبىر جاۋعانىنا قاراماستان پراگا تۇرعىندارى بەتتەرىنە تۋدىڭ سۋرەتىن سالىپ الىپ، بالالارىن جەتەلەپ، ۇزىن-سونار كەزەكتە تۇرىپ، قايتا اشىلعان مۇراجايداعى چەحيا مەن سلوۆاكيا تاۋەلسىزدىگىنە ارنالعان ارنايى كورمەلەردى تەگىن كورىپ شىقتى. ءبىر عاسىر ىشىندە چەحيا تاۋەلسىزدىگىن نىعايتا ءتۇستى. قازىر ەۋروپا وداعىنىڭ بەدەلدى مۇشەسى. 2009 جىلى ەۋروپا كەڭەسىنىڭ پرەزيدەنتى بولىپ ۇلگەرگەن، 2022 جىلى تاعى دا كەزەگى كەلەدى.

  • ەنەرگەتيكانىڭ بولاشاق جولدارى

    ۋكراينا استاناسى كيەۆ قالاسىندا، 2018 جىلدىڭ 16-19 قازانىنىڭ ارالىعىندا «ورتالىق جانە شىعىس ەۋروپانىڭ تۇراقتى ەنەرگەتيكاسى» اتتى 10-شى حالىقارالىق فورۋمى مەن كورمەسى (Sustainable Energy Forum and Trade Show, SEF 2018 Kyiv) وتۋدە. وسى جيىنعا 35 استام ەلدەردىڭ شامامەن 500 وكىلدەرى قاتىسۋدا. 80 استام ماماندار باياندامالارىن وقيدى، 100-گە جۋىق كومپانيالار ءوز جەتىستىكتەرىن كورسەتۋدە. بۇنداي شارانىڭ شەڭبەرىندە، «الەم جەل ەنەرگەتيكاسى قاۋىمداستىعى»-نىڭ باس حاتشىسى ستەفان كسانگەر (Stefan Gsänger) بىزگە سۇحبات بەردى. نەمىس قايراتكەرىنىڭ جاۋاپتارىنا نازار اۋدارايىق. تۇراقتى ەنەرگەتيكادا قازاقستاننىڭ مۇمكىنشىلىكتەرى تۋرالى: كۇن، جەل ەنەرگەتيكاسىندا. مىسالى، ەلىمىزدىڭ وڭتۇستىك-شىعىسىندا تاۋلى ايماعى جوڭعار قاقپاسى جەل ەنەرگەتيكاسى ءۇشىن وتە ءتيىمدى. وسى تاقىرىپ جايىندا ءسىزدىڭ پىكىرلەرىڭىز قانداي؟ قازاقستان جەل ەنەرگەتيكاسىنىڭ بولاشاعى – زور! تەوريالىق تۇردە، ەلىڭىز بۇتكىل الەمدى جەل

  • كوكاين، “نوۆيچوك”، قۇپيا قۇتى جانە گرۋ “تورپەداسى”

    ازاتتىق راديولى سەرگەي سكريپالدى نە ءۇشىن ولتىرمەك بولدى جانە رەسەيلىك ارنايى قىزمەت وكىلدەرى ەۋروپادا قالايشا جۇگەنسىز تايراڭداپ ءجۇر؟ تىڭشىلىق قىزمەت پەن رەسەيلىك مافيا مۇددەسى اراسىندا قانداي بايلانىس بار؟ “پۋتينيزم” رەسۋرسىن قۇرۋشى ارتەم كرۋگلوۆ سولسبەري ءىسىن زەرتتەۋگە قاتىسۋشىلاردىڭ ءبىرى. “تۋريست بوشيروۆتى” 2001-2003 جىلعى اسكەري ۋچيليششە تۇلەكتەرى اراسىنان ىزدەۋدى دە سول ۇسىنعان، سونىڭ ارقاسىندا پولكوۆنيك چەپيگا انىقتالدى. ازاتتىق راديوسى ارتەم كرۋگلوۆتان سۇحبات الدى. – ءسىز “پەتروۆ” پەن “بوشيروۆ” جانە ولاردىڭ ارىپتەستەرىنىڭ ارەكەتىن زەرتتەۋگە قاتىسىپ جاتىرسىز. اقپارات جەتەرلىك، بىراق ءبىر-بىرىنە قايشى جايتتار دا بار. انىقتالعان دۇنيەنى جيناقتاپ ءبىر ءتۇيىن جاساۋعا بولا ما؟ قانداي كۇمانىڭىز بار؟ – قىسقاشا ايتار بولساق: ەكى ادام انگلياعا بارعان، ەكى كۇن سولسبەريدە ارى-بەرى ءجۇرىپ، كۇنىنە 300 شاقىرىم جول جۇرگەن. قىلمىس

  • قازاق ءالىپبيىن لاتىنعا اۋىستىرۋ ماسەلەسى قىتايدىڭ نازارىن اۋدارىپ جاتىر.

    قازاق ءالىپبيىن لاتىنعا اۋىستىرۋ ماسەلەسى بۇگىنگى كۇنى قىتايدىڭ نازارىن اۋدارىپ جاتىر. قىتاي قازاقستانداعى بارلىق اقپاراتتىق جاڭالىقتى قاداعالاپ وتىراتىنىن ەسكەرسەك بىلدەي مەملەكەت قۇرۋشى ۇلتتىڭ ءالىپبي اۋىستىرۋىن نازاردان تىس قالدىرماسى انىق. جانە ول تەك قارىپ اۋىستىرۋ ماسەلەسى ەمەس، تىلدىك رەفورما دەپ وتىر. قوش، ەندى مىنا قىزىقتى قاراڭىز! قازاقستاندا لاتىن ءالىپبيى ماسەلەسى 90-جىلدارى قازاق ءتىلتانۋشى عالىمدارى (اكادەميك ءا.قايداروۆ) جاعىنان اۋىزعا الىنعانى راس، ءدال سول تۇستا قىتاي بۇل اقپاراتتى جابىق كۇيدە تالقىعا سالدى، ويتكەنى 90-جىلدارى قىتايدا ەكى مىڭنان استام تازا قازاق مەكتەبى جانە قۇلجادا قازاق ۋنيۆەرسيتەتى، كۇيتىندە قازاق ينستيتۋتى سونىمەن قاتار التاي، شاۋەشەك، سانجىدا قازاق تىلىندە ءبىلىم بەرەتىن پەدەگوگيكالىق جوعارى ءبىلىم بەرۋ ورىندارى بار-دى جانە بارلىق قازاق مەكتەبى، كوللەدج، ۋنيۆەرسيتەت قازاقشا ءىس-قاعاز قولداناتىن، قازاق

پىكىر قالدىرۋ

ەلەكتورندى پوشتاڭىز سىرتقا جاريالانبايدى. بەلگى قويىلعان ءورىستى تولتىرۋ مىندەتتى *

اتى-ءجونى *

Email *

سايتى

Kerey.kz/كەرەي.كز

ءبىز تۋرالى:

تەل: +7 7071039161
Email: kerey.qazaq@gmail.com

Kerey.kz ءتىڭ بۇرىنعى نۇسقاسىن http://old.kerey.kz تەن وقي الاسىزدار!

KEREY.KZ

سايت ماتەريالدارىن پايدالانعاندا دەرەككوزگە سىلتەمە كورسەتۋ مىندەتتى. اۆتورلار پىكىرى مەن رەداكتسيا كوزقاراسى سايكەس كەلە بەرمەۋى مۇمكىن. جارناما مەن حابارلاندىرۋلاردىڭ مازمۇنىنا جارناما بەرۋشى جاۋاپتى.

سايت ساناعى: