|  | 

الەۋمەت

ماڭعىستاۋدا اپاتتى جاعدايدا تۇرعان بىردە-ءبىر مەكتەپ جوق

05030بۇل تۋرالى ماڭعىستاۋ وبلىسى وڭىرلىك كوممۋنيكاتسيالار قىزمەتىنىڭ اقپاراتتىق الاڭىندا وتكەن بريفينگتە وبلىستىق ءبىلىم باسقارماسىنىڭ باسشىسى زەينەپ تاستەمىروۆا مالىمدەدى.

 

باق وكىلدەرىنىڭ سۇراقتارىنا جاۋاپ بەرگەن ۆەدومستۆا باسشىسى وتكەن جىلى اتقارىلعان جۇمىستارعا توقتالىپ قانا قويماي، بيىلعى جوسپارىمەن دە ءبولىستى. ونىڭ ايتۋىنشا، وبلىستا جالپى ءبىلىم بەرۋ بويىنشا 146 مەكتەپ بار، ونىڭ ىشىندە – 134 مەملەكەتتىك، 5 – جەكەمەنشىك، 7 – كەشكى اۋىسىممەن وقىتادى. ال شاعىن جيناقتى مەكتەپتەر سانى – 12. وتكەن جىلى وقۋشىلار كونتينگەنتى – 127 168 قۇرادى، ال 2016 جىلى بۇل كورسەتكىش 119590 بولاتىن. ءۇش اۋىسىممەن جۇمىس جاسايتىن مەكتەپتەر سانى – 8, وندا ءبىلىم الىپ جاتقان وقۋشىلار سانى 1939-عا جەتكەن. ءوڭىر ەكونوميكاسىنىڭ دامۋىنا قاجەتتى مامانداردى دايىنداۋ ماقساتىندا وبلىس اكىمىنىڭ 250 گرانتى بولىنگەن. ەڭ باستىسى ماڭعىستاۋدا اپاتتى جاعدايدا تۇرعان بىردە-ءبىر مەكتەپ جوق.

3-6 جاس ارالىعىنداعى بالالاردى مەكتەپكە دەيىنگى تاربيەمەن جانە وقىتۋمەن قامتۋ – 93% قۇراعان. وبلىستا 262 مەكتەپكە دەيىنگى ۇيىم بار، ونىڭ 40% جەكەمەنشىك. وتكەن جىلى 26 مەكتەپكە دەيىنگى ۇيىم ىسكە قوسىلسا، بيىل 28 بالاباقشا پايدالانۋعا بەرىلەدى دەپ كۇتىلۋدە.

«رۋحاني جاڭعىرۋ» باعدارلاماسى اياسىندا وتكەن جىلى العاش رەت وبلىستاعى بارلىق ءبىلىم بەرۋ ۇيىمدارىندا «جاسىل مەكتەبىم – جاسىل مەكەنىم» اتتى جوباسى ىسكە قوسىلدى. جوبا اياسىندا كەزەڭ-كەزەڭىمەن بارلىق مەكتەپتەردە جىلىجايلار سالىنىپ، مەكتەپ اۋلالارىن كوگالداندىرۋ ءجۇرىپ جاتىر. ايماقتىڭ كليماتتىق ەرەكشەلىگىنە بايلانىستى قولعا الىنىپ وتىرعان بۇل جوبا مەتسەناتتار تاراپىنان قولداۋ تاپتى. بۇعان قوسا، ايماقتا 9 مەكتەپتىڭ قۇرىلىسى قارقىندى ءجۇرىپ جاتىر»، – دەدى وبلىستىق ءبىلىم باسقارماسىنىڭ باسشىسى زەينەپ تاستەمىروۆا.

سونىمەن قاتار، وسى ايدان باستاپ وقۋشىلارعا ءوز كاسىبىن اشۋدى ۇيرەتۋ ماقساتىندا وبلىستىڭ 30 مەكتەبىندە «كاسىپكەرلىك نەگىزدەرى» جاڭا جوباسى باستالدى. جاڭا فورماتتاعى بۇل جوبا وقۋشىمەن قاتار ونىڭ اتا-اناسىن دا كاسىپكەرلىككە ۇيرەتۋگە باعىتتالعان جانە وقۋشىلاردى جاس بيزنەس كوشباسشى بولۋعا تاربيەلەيدى.

جاھاندانۋ زامانىندا اقپاراتتىق ساۋاتتىلىقپەن قاتار، كوپتىلدى مەڭگەرۋ ماسەلەسى تۇر. وسى ورايدا، قر ءبىلىم جانە عىلىم مينيسترلىگى تاراپىنان 600-دەن استام مۇعالىم اعىلشىن ءتىلى كۋرستارىنان وتكەن. ال جەرگىلىكتى بيۋدجەت قارجىسىنا 300 اۋىل مۇعالىمى اعىلشىن ءتىلىن مەڭگەرۋدى جالعاستىرۋدا.

زەينەپ تاستەمىروۆا اعىمداعى جىلى اتقارىلۋى ءتيىس جۇمىس جوسپارىمەن دە ءبولىستى. ونىڭ ايتۋىنشا، بيىل «ءبىلىم ۇزدىگى-2018» وبلىس اكىمىنىڭ پرەمياسىن وتكىزۋ جوسپاردا بار. سونداي-اق، ءبىلىم بەرۋ ۇيىمدارى عيماراتتارىن اعىمداعى جانە كۇردەلى جوندەۋدەن وتكىزۋ، ماتەريالدىق-تەحنيكالىق بازاسىن نىعايتۋ، «بارشاعا  ارنالعان تەگىن تەحنيكالىق  جانە كاسىپتىك ءبىلىم» جوباسىن جۇزەگە اسىرۋ، ءبىلىم بەرۋ مەكەمەلەرىندەگى روبوتوتەحنيكا لابوراتوريالارىنىڭ سانىن ارتتىرۋ، ءدۋالدى وقىتۋدى ەنگىزۋ بويىنشا «جول كارتاسىن» ىسكە اسىرۋ، تەحنيكالىق جانە كاسىپتىك ءبىلىم بەرۋ ۇيىمدارىندا كرەديتتىك-مودۋلدىك وقىتۋ تەحنولوگيالارىن كەزەڭ-كەزەڭىمەن ەنگىزۋ سياقتى بىرقاتار مىندەتتەر تۇرعانىن ايتتى.

 

دايىنداعان كامشات ءىزباساروۆا،

قر جۋرناليستەر وداعىنىڭ مۇشەسى

ماڭعىستاۋ وبلىسى، اقتاۋ قالاسى

 

Related Articles

  • قىتاي قازاقتارىنىڭ ماسەلەسى “سايراگۇلگە دەيىن جانە سايراگۇلدەن كەيىن”

    سايراگۇل اپايدىڭ جەڭىسىن شىن جۇرەكتەن قۇتتىقتايمىن. سوت شەشىمىنەن كەيىنگى قۋانىشتى بەينەسىن قايتا قايتا كورىپ قاتتى قۋاندىم. قۋانباعان جۇرت جوق ەكەن سول ماڭدا. سايراگۇل اپايدىڭ بەينەسىنە قاراپ سان ويعا باتتىم… قىتاي قازاقتارىنىڭ ماسەلەسى تۋرالى وسىعان دەيىن دە ازاماتتىق پىكىرىمدى ايتقامىن، پوست تۇر. مەنىڭ جەكە پىكىرىمشە قىتاي قازاقتارىنىڭ ماسەلەسى “سايراگۇلگە دەيىن جانە سايراگۇلدەن كەيىن” دەپ ءداۋىر بولگىشتىك سيپاتقا وزگەرۋى مۇمكىن. قازىر، ءبىزدىڭ جۇرت تەك عانا قۋانىشتى قۇتتىقتاپ تويلاۋمەن ابىگەر بوللىپ جاتىر ەكەن بىراق ماسەلەگە ۇلكەن ماشتابتان قاراپ ستراتەگيالىق تالداۋ ساراپتاۋ جاساۋ جاعى جەتپەي تۇر. قىتايدان زاڭسىز شەكارا بۇزىپ ءوتۋ وقيعاسى سايراگۇلگە دەيىن دە بولعان (مەنىڭشە سايراگۇلدەن كەيىن دە بولادى…), سابەت-قىتاي اراسىنداعى قىرعيقاباق كەزىندە قىتايداعى سابەتشىل قازاق ۇلتشىلدارى مەن جاس زيالىلاردىڭ ءبىرازى زاڭسىز

  • «وتان – وتتان دا ىستىق» جوباسىنىڭ ءباسپاسوز ءماسليحاتى

      «رۋحاني جاڭعىرۋ» باعدارلاماسىنىڭ اياسىندا الماتى قالاسى ىشكى ساياسات باسقارماسىنىڭ قولداۋىمەن «ادىرنا» ۇلتتىق-ەتنوگرافيالىق بىرلەستىگى «وتان – وتتان دا ىستىق» جوباسىنىڭ ءباسپاسوز ءماسليحاتىن وتكىزەدى. بۇل جوبا اياسىندا وتانىنا ورالعان قانداستارىمىزعا زاڭنامالىق كومەك رەتىندە «جەدەل جەلى» قىزمەتى ىسكە قوسىلادى. «قانداستار» (http://qandastar.kz/) سايتى ارقىلى دا سۇراق-جاۋاپ رەتىندە زاڭنامالىق كومەك كورسەتىلەتىن بولادى. ءباسپاسوز ءماسليحاتىنىڭ ماقساتى – «وتان – وتتان دا ىستىق» جوباسىن حالىققا تانىستىرۋ. ءباسپاسوز ءماسليحاتىنا قۇقىقتانۋشىلار، باق وكىلدەرى، كاسىپكەرلىكتى دامىتۋ جونىندەگى ماماندار، قوعام قايراتكەرلەرى مەن عالىمدار جانە تانىمال ۇەۇ وكىلدەرى قاتىسادى. «كەش» قۇقىق قورعاۋ ورتالىعىنىڭ جەتەكشىسى – كامشات ەسمۇحامبەتقىزى; كاسىپكەرلىكتى دامىتۋ جونىندەگى مامان – ءاسيما سۇلتان; ورىس ءتىلىنىڭ مامانى – ءاليا مۇحامەتكارىمقىزى سىندى عالىمدار بايانداما وقيدى.   ۇيىمداستىرۋشىلار:  الماتى قالاسى ىشكى ساياسات باسقارماسى

  • «كورەيا حالقىنىڭ ەڭبەكققورلىعىنا تاڭ قالدىم»

    نۇرتاي لاحانۇلى وڭتۇستىك كورەيانىڭ پۋسان قالاسىندا تۇراتىن قازاقستاندىق ورازحان نۇرماحان. (سۋرەت ورازحاننىڭ رۇقساتىمەن جەكە مۇراعاتىنان الىندى) پوستسوۆەتتىك كەزەڭدە باسقا ورتالىق ازيا ەلدەرىمەن سالىستىرعاندا جاقىن جانە الىس شەت ەلدەردە قازاقستاندىق ەڭبەك ميگرانتتارى ازىراق كوزگە شالىنادى. بىراق كوبىرەك تابىسقا ۇمتىلعان مىڭداعان قازاقستاندىق ءۇشىن وڭتۇستىك كورەيا تارتىمدى ەڭبەك نارىعىنا اينالىپ تۇر. وڭتۇستىك قازاقستان وبلىسىنداعى كەنتاۋ قالاسىنىڭ 27 جاستاعى تۋماسى ورازحان نۇرماحان 2017 جىلى جەلتوقسان ايىندا وڭتۇستىك كورەياعا تۋريستىك ساپارمەن بارىپ، قالىپ قويعان. قازىر پۋسانداعى كومپانيالاردىڭ بىرىندە كۇننەن قۋات وندىرەتىن قۇرىلعىلاردى ورناتۋشى بولىپ جۇمىس ىستەيدى. – كورەياداعى جۇمىس تۋرالى بارىپ-قايتقانداردان ەستىپ جۇردىك. ويتكەنى ول جاققا كەتكەن تانىستارىم دا، دوستارىم دا بولدى. وسىدان ەكى جىل بۇرىن كەتۋدى ويلاستىرعان ەدىم. بىراق ءساتى وتكەن جىلدىڭ سوڭىندا كەلدى،

  • دامىعان ەلدەردە اۋىر ناۋقاستار مەن مۇگەدەكتەر ەركىن ءومىر ءسۇرىپ جاتىر

    ءالى سوۆەتشە ويلايتىن، اسكەري مەديتسينا مەنتاليتەتىنەن اجىراماعان دەنساۋلىق ساقتاۋ سالاسىنىڭ مەنەدجەرلەرى ءبىر جايتتى ءتۇسىنۋى ءتيىس: ەرتە زاماندا دا، ورتا عاسىرلاردا دا، قازىرگى كەزدە دە اۋىر ناۋقاستار مەن مۇگەدەكتەر سانى جالپى حالىق سانىنا شاققاندا ءبىر مولشەردىڭ توڭىرەگىندە تۇرا بەرەدى. ددۇ-نىڭ مالىمەتىنشە، بۇل مولشەر – 15 پايىز. مۇنىڭ سەبەبىن ەشكىم انىق ءتۇسىندىرىپ بەرە المايدى. كەيبىر گۋمانيست اتەيستەر “ادام بالاسىنىڭ ءبىر-بىرىنە دەگەن قامقورلىق سەزىمىن كۇشەيتۋ ءۇشىن تابيعي سۇرىپتالۋدىڭ ءبىر شارتى” دەپ قابىلداسا، ەۆگەنيكا جاقتاستارى (مىسالى، ناتسيستەر) “تابيعي سۇرىپتالۋ كەزىندە گەندى تازارتۋ ءۇشىن مۇنداي السىزدەردى قىرىپ تاستاۋ كەرەك” دەپ شاتىلدى. ءدىندار گۋمانيستەر “مۇمكىندىگى شەكتەۋلى جانداردى كۇتۋ – ساۋاپ جيناۋ مەن قۇدايدىڭ راقىمىنا بولەنۋ” دەپ بىلسە، ۋلترا-كونسەرۆاتيۆتىك دىنشىلدەر “اۋىر ناۋقاس پەن مۇگەدەكتىك – قۇدايدىڭ جازاسى”

  • سەمەيدەن حات باۋىرلار، كومەكتەسىڭىزدەر!

    مەنىڭ ۇلىم – ەرسۇلتان 7 جاستا. ۇلىم سيرەك كەزدەسەتىن Spina bifida اۋرۋىنا شالدىققان. وسى دەرتتىڭ سالدارىنان ۇلىمنىڭ ۋاقىت وتكەن سايىن قيمىل-قوزعالىسى قيىنداپ، جان شىداتپايتىن اۋىرسىنۋدى تۋعىزىپ وتىر.باۋىرلار، ءبىز كومەككە مۇقتاجبىز! مەديتسينا ورتالىقتارىندا وتا جاساتىپ بالامدى دەرتتەن ساۋىقتىرۋعا بولادى. الايدا ونىڭ قۇنى ءبىز ءۇشىن تىم قىمبات. وتا جاساتۋعا 54 000 $ قاجەت. قاراجاتتىڭ جەتىسپەۋىمەن قاتار، بىزدە ۋاقىتتا شەكتەۋلى. ماۋسىم ايىندا وتا جاسالۋى ءتيىس.اعايىن، باۋىرلار، قاسيەتتى رامازان ايىندا بىزگە كومەك كورسەتۋىڭىزدى سۇرايمىن. اللاحتىڭ قالاۋىمەن ءبارى جاقسى بولارىنا ءۇمىت ەتەمىن. باۋىرلار، كومەكتەسىڭىزدەر!كەنجەبەك اقتايلاقوۆ

پىكىر قالدىرۋ

ەلەكتورندى پوشتاڭىز سىرتقا جاريالانبايدى. بەلگى قويىلعان ءورىستى تولتىرۋ مىندەتتى *

اتى-ءجونى *

Email *

سايتى

Kerey.kz/كەرەي.كز

ءبىز تۋرالى:

تەل: +7 7071039161
Email: kerey.qazaq@gmail.com

Kerey.kz ءتىڭ بۇرىنعى نۇسقاسىن http://old.kerey.kz تەن وقي الاسىزدار!

KEREY.KZ

سايت ماتەريالدارىن پايدالانعاندا دەرەككوزگە سىلتەمە كورسەتۋ مىندەتتى. اۆتورلار پىكىرى مەن رەداكتسيا كوزقاراسى سايكەس كەلە بەرمەۋى مۇمكىن. جارناما مەن حابارلاندىرۋلاردىڭ مازمۇنىنا جارناما بەرۋشى جاۋاپتى.

سايت ساناعى: