Жүгіртпелер
 |  | 

Әлеумет

Маңғыстауда апатты жағдайда тұрған бірде-бір мектеп жоқ

<span>kerey.kz</span>kerey.kz
 |  Jan 24, 2018

05030Бұл туралы Маңғыстау облысы өңірлік коммуникациялар қызметінің ақпараттық алаңында өткен брифингте облыстық білім басқармасының басшысы Зейнеп Тастемірова мәлімдеді.

 

БАҚ өкілдерінің сұрақтарына жауап берген ведомства басшысы өткен жылы атқарылған жұмыстарға тоқталып қана қоймай, биылғы жоспарымен де бөлісті. Оның айтуынша, облыста жалпы білім беру бойынша 146 мектеп бар, оның ішінде – 134 мемлекеттік, 5 – жекеменшік, 7 – кешкі ауысыммен оқытады. Ал шағын жинақты мектептер саны – 12. Өткен жылы оқушылар контингенті – 127 168 құрады, ал 2016 жылы бұл көрсеткіш 119590 болатын. Үш ауысыммен жұмыс жасайтын мектептер саны – 8, онда білім алып жатқан оқушылар саны 1939-ға жеткен. Өңір экономикасының дамуына қажетті мамандарды дайындау мақсатында облыс әкімінің 250 гранты бөлінген. Ең бастысы Маңғыстауда апатты жағдайда тұрған бірде-бір мектеп жоқ.

3-6 жас аралығындағы балаларды мектепке дейінгі тәрбиемен және оқытумен қамту – 93% құраған. Облыста 262 мектепке дейінгі ұйым бар, оның 40% жекеменшік. Өткен жылы 26 мектепке дейінгі ұйым іске қосылса, биыл 28 балабақша пайдалануға беріледі деп күтілуде.

«Рухани жаңғыру» бағдарламасы аясында өткен жылы алғаш рет облыстағы барлық білім беру ұйымдарында «Жасыл мектебім – жасыл мекенім» атты жобасы іске қосылды. Жоба аясында кезең-кезеңімен барлық мектептерде жылыжайлар салынып, мектеп аулаларын көгалдандыру жүріп жатыр. Аймақтың климаттық ерекшелігіне байланысты қолға алынып отырған бұл жоба меценаттар тарапынан қолдау тапты. Бұған қоса, аймақта 9 мектептің құрылысы қарқынды жүріп жатыр», – деді облыстық білім басқармасының басшысы Зейнеп Тастемірова.

Сонымен қатар, осы айдан бастап оқушыларға өз кәсібін ашуды үйрету мақсатында облыстың 30 мектебінде «кәсіпкерлік негіздері» жаңа жобасы басталды. Жаңа форматтағы бұл жоба оқушымен қатар оның ата-анасын да кәсіпкерлікке үйретуге бағытталған және оқушыларды жас бизнес көшбасшы болуға тәрбиелейді.

Жаһандану заманында ақпараттық сауаттылықпен қатар, көптілді меңгеру мәселесі тұр. Осы орайда, ҚР Білім және ғылым министрлігі тарапынан 600-ден астам мұғалім ағылшын тілі курстарынан өткен. Ал жергілікті бюджет қаржысына 300 ауыл мұғалімі ағылшын тілін меңгеруді жалғастыруда.

Зейнеп Тастемірова ағымдағы жылы атқарылуы тиіс жұмыс жоспарымен де бөлісті. Оның айтуынша, биыл «Білім үздігі-2018» облыс әкімінің премиясын өткізу жоспарда бар. Сондай-ақ, білім беру ұйымдары ғимараттарын ағымдағы және күрделі жөндеуден өткізу, материалдық-техникалық базасын нығайту, «Баршаға  арналған тегін техникалық  және кәсіптік білім» жобасын жүзеге асыру, білім беру мекемелеріндегі робототехника лабораторияларының санын арттыру, дуальді оқытуды енгізу бойынша «жол картасын» іске асыру, техникалық және кәсіптік білім беру ұйымдарында кредиттік-модульдік оқыту технологияларын кезең-кезеңімен енгізу сияқты бірқатар міндеттер тұрғанын айтты.

 

Дайындаған Кәмшат Ізбасарова,

ҚР Журналистер Одағының мүшесі

Маңғыстау облысы, Ақтау қаласы

 

Related Articles

  • Жер сілкінді, ал санамыз сілкіне ме?

    <span>kerey.kz</span>kerey.kz

    Бірінші, Алматы жер сілкініс белдеуі аймағына жатады, ол ғылымда әлдеқашан дәлелденген, оған құмалақ ашып жаңалық айтудың керегі жоқ. Орталық Азияның қауіпті сілкініс белдеуінің бір жолағы Қазақстанның біраз аймағын қамтып жатыр. Жер кеше сілкінген, бүгін сілкінді, түптің түбінде ертең де сілкінеді және сілкіне береді. Жер- күнәнің көптігі үшін сілкінді деп аңыраған жұртқа құрғақ ақыл айтатын қаймана уағыз қай қоғамда болсын табылады, жер- атеист пен тәңіршілге “Аллаһты еске салды” дейтін міскін ой, асығыс тұспал қай жамағатта болсын табылады, бірақ табылмай тұрғаны ҒЫЛЫМ, мән берілмей тұрғаны да осы. Екінші, жерді кім сілкісе де мейлі, маңыздысы ол емес, онсыз да сілкініс белдеуінде тұрып жатырмыз, “ұйқыдағы” сілкініс пен жанар тау бізде онсыз да баршылық. Мәселе

  • Әйелдің бағы бес елі екен. Өйткені ол АҚШ-та тұрады…

    <span>kerey.kz</span>kerey.kz

    Полицейдің жуан білегіне қолын сүйеп, басын иіп шексіз ризашылықтың ишарасын білдіріп тұрған мына әйел күн бұрын дүкеннен бес жұмыртқа ұрлап, қолға түседі. Оқиға орнына жеткен Уильям Стейси ұрының қолына кісен салып, қамаудың орнына бес жұмыртқаға бола басын қатерге тіккен бейбақты сөзге тартады. Сұрай келе үйінде төрт баласы ашқұрсақ отырғанын, екі тәуліктен бері нәр татпағанын біледі. Шиеттей бала-шағамен айына 120 долларға ғана жан бағатынын, оның өзін біреуге ұрлатып алғанын естиді. Мән-жайға қаныққан офицер сол жерде әйелді босатып, үйіне жеткізіп салады. Күдігін сейілту үшін отбасының жағдайымен танысып, байғұс ананың алдамағанына көз жеткізеді. Кетерінде ұрлық жасау – тығырықтан шығар жол еместігін айтып, бұдан былай заң бұзбауын ескертеді. Бие сауым уақыт өткен соң ашқұрсақ

  • Талдықорғанда дәрігерлерге ескерткіш ашылды

    <span>kerey.kz</span>kerey.kz

    Алматы облысының орталығы Талдықорған қаласында «Аяулы алақан» аллеясы ашылды. Жетісудың бас шаһары Талдықорған қаласының облыс орталығы мәртебесін алғанына 20 жыл толуына орай, қаланың көркіне-көрік қосатын тағы бір жер орын тепті. Бұл мекенде ақ халатты абзал жандарға деген алғыстың нышаны ретінде «Аяулы алақан» мүсіні қойылған. Жоба авторы, Алматы облысының әкімі Амандық Баталов. Мүсінде адамзаттың қос алақаны бейнеленген. Ал екі уыстың арасында жапырағы жайқалған жас ағаш өсіп тұр. Бұл жан жылуының әр тіршілік иесіне өмір сыйлай алатынын бейнелеп тұрған ерекше сәулет өнері. «Пандемияның алғашқы күндерінен-ақ Елбасы үндеуімен еліміз бірігіп, індетті жеңуге жұмылды. Қиын жағдайда алдыңғы қатарда күрескен – медицина қызметкерлері болды. Бүгінгі ашылған «Аяулы алақан» ескерткіш – аса қауіпті індетпен бетпе-бет келген

  • Жетісуда 60 жуық жанұя баспаналы болды

    <span>kerey.kz</span>kerey.kz

    Талдықорғанда алпысқа жуық отбасы баспаналы болды. “Болашақ” шағын ауданында берілген көппәтерлі тұрғын үйдің жалпы ауданы 5 мың шаршы метрден асады. “Талдықорғанда соңғы 20 жылда аймақтағы барлық салалар бойынша өсу қарқыны орын алды. Қала жан-жақты дамыды. Жаңадан шағын аудандар ашылып, түрлі әлеуметтік нысандар бой көтерді. Бұның барлығын жасау үшін, қазынаға түсетін салықтың көлемі де артуы керек. Қазіргі кезде бұл көрсеткіш 860 млрд. теңгені құрап отыр. Осының арқасында бүгінгі деңгейге жетіп отырмыз. Елбасы мен Мемлекет басшысы Қасым-Жомарт Кемелұлының қолдауы да қазіргі нәтижеге қол жеткізуге мүмкіндік беріп отырғанын атап өткен жөн”,- деді облыс әкімі Амандық Баталов. Жаңа пәтер кілтін алғандардың арасында қартаналар, көп балалы және әлеуметтік әлсіз топқа жататын отбасылар да бар. “Балам

  • Талдықорғанда жаңа эко-автобустар қолданысқа берілді

    <span>kerey.kz</span>kerey.kz

    Бүгін, Қазақстан Тәуелсіздігінің 30 жылдығына орай, облыс орталығының Талдықорғанға қоныс аударуының 20 жылдығы аясында айтулы оқиға өтті. Көлік қолжетімділігін арттыру мақсатында қалада автобус паркі жаңартылды. “Жетісу” ӘКК арқылы жалпы сомасы 2,3 млрд.теңгеден асатын газбен жүретін 55 экологиялық автобус сатып алынады, олар тасымалдаушыларға 7 жылға лизингке беріледі (жылдық 4% – бен). Оның 32-сі қала тұрғындарына пайдалануға берілді. Мереке қарсаңында орталық алаңда облыс әкімі Амандық Баталовтың қатысуымен “Ютонг” маркалы 32 жаңа автобустың алғашқы партиясын-тапсыру салтанаты өтті. Қалған 23 автобус (14 ПАЗ және 9 “Ютонг”) жыл соңына дейін Талдықорған көшелерімен жүреді. “Бірнеше күн бойы жаңа автобустар қалалық бағыттар бойынша сыналды. Жалпы, олар барлық заманауи талаптарға жауап береді. Олардың кейбіреулері – 10 метр, басқалары-8,5

Пікір қалдыру

Электорнды поштаңыз сыртқа жарияланбайды. Белгі қойылған өрісті толтыру міндетті *

Аты-жөні *

Email *

Сайты

Kerey.kz/Керей.кз

Біз туралы:

Тел: +7 7071039161
Email: kerey.qazaq@gmail.com

Kerey.kz тің бұрынғы нұсқасын http://old.kerey.kz тен оқи аласыздар!

KEREY.KZ

Сайт материалдарын пайдаланғанда дереккөзге сілтеме көрсету міндетті. Авторлар пікірі мен редакция көзқарасы сәйкес келе бермеуі мүмкін. Жарнама мен хабарландырулардың мазмұнына жарнама беруші жауапты.

Сайт санағы: