|  | 

تاريح

حريستيان ميسسيونەرلەرىنىڭ قاشقارياداعى ىزدەرى

26991874_1011896975640556_674264535305091245_n
Eldeç Orda

شامامەن ون جىلدىڭ الدىندا ۇرىمجىدە، قۇلجادا xريستيان ءدىنىن ۋاعىزدايتىن ۇيىمدار بار ەكەن، ۇيىمعا قازاقتاردا قاتىسىپ ءجۇر ەكەن دەپ ەستىگەن ەدىم. ءسويتىپ جۇرگەنىمدە ۇرىمجىدەن “قۇداي ءسوزى” اتتى xريستيان ميسسيونەرلەرىنىڭ توتە جازۋمەن شىعارعان قازاقشا كىتابىن تاۋىپ الدىم. ماعان كەز بولعانى “قۇداي ءسوزى” بولعانىمەن ولاردىڭ باسىپ شىعارعان باسقا مازمۇنداعى كىتاپ، ديسكى مەن جارنامالارى كوپ ۇقسايدى. اپتادا ءبىر كۇن جينالىپ “ۋاعىز” ايتادى ەكەن، جينالىسقا قاتىسىپ كورگەن قازاق-ۇيعىرلار دا كوپ ەكەن، كەيبىرى تۇلان تۇتىپ داۋعا بارىپتى دەپ بىردە ۇرىمجىدەن، بىردە قۇلجادان ەمىس-ەمىس ەستيتىن بولدىم. سول ءبىر ءداۋىر xريستيان ميسسيونەرلىگى تۋرالى داقپىرتتىڭ ءبىرشاما گۋلەگەن ءداۋىرى بولدى. سونداعى ەستىگەن اڭگىمەلەرىمدى تەرىپ جازۋ مۇمكىن ەمەس. وتە كوپ…27073364_1011896972307223_560946662023405760_n

جالپى، xريستيان ميسسيونەرلەرىنىڭ ۇيعىر-قازاققا “اۋىز سالۋى” بۇل جولى عانا ەمەس ەكەن. باجايلاپ قاراپ وتىرسام ونىڭ ءۇش ۇلكەن كەزەڭى بار ەكەن:

ءبىرىنشى كەزەڭ: ياكۋپ بەك (جاقىپبەك) داۋىرىنەن تسين مەملەكەتىنىڭ سوڭعى كەزىنە دەيىن; ياعني ينديانى اۋىزدىقتاعان انگليا قاشقاريا مەن تيبەتكە ەڭ الدىمەن “رۋxاني” وتارلىق جۇرگىزۋ ءۇشىن ميسسيونەر جىبەرە باستاعان. ولار 30-50 ج بۇل ءوڭىردى “ۋاعىزداپ” ولكەنىڭ xالقىن xريستيانداستىرىپ، سولاردىڭ ياعني جاڭادان ءمۇريت بولعان xريستياندار مۇددەسىن قورعاۋ دەگەن سىلتاۋمەن قارۋلى سوعىس اشىپ باسىپ الۋ، ودان ول ءوڭىردىڭ ساۋدا-ەكونوميكالىق قولقاسىن تامىردان باسۋ سياقتى ۇزاق ۋاقىتتىق جوسپارى بولعان. كەيىن پاتشالىق رەسەي مەن تسين ورتاق قيمىلداۋىمەن انگليانىڭ ۇزاق مەرزىمدىك جوسپارى تولىق ىسكە اسپاعان. ۇندىستانعا انگليادان بۇرىن ءوتۋدى ماقسات قىلعان پاتشالىق رەسەيدىڭ قاشقاريا ءۇشىن دە وڭايعا بەرىلە سالمايتىن مۇددەسى بار ەكەنىن بىلەمىز. 26993274_1011896988973888_3030661757815556467_n

ەكىنشى كەزەڭ: مين گو ءداۋىرى (1912-1934); بۇل كەزەڭ قىتايدا xريستيان ميسسونەرلىگىنىڭ ءبىرشاما ەسىرگەن ءداۋىرى بولدى. تسين قۇلاپ جاڭا رەسپۋبيليكا قۇرىلدى، ءار ولكەدە باسسىزدىق، قىرقىسۋ نەمەسە قورعانىس السىرەدى، وسى وتپەلى بوستىق ءولاراسىندا xريستيان ميسسونەرلەرى قاشقاريادا ۇلكەن شىركەۋ سالىپ الا قويدى، نەشە جۇزدەگەن ءمۇريت قابىلدادى، جۇقپالى ىندەتتى ەمدەۋ دەگەن اتپەن جارتىلاي ميسسونەرلىك شىركەۋ، جارتىلاي مەدەتسسينالىق ورتالىق اشىپ الدى، ءىنجىلدى جانە باسقاسىن نەشە مىڭ تارالىممەن قاشقاريا تىلىنە (ۇيعىرشا) اۋداردى. سۋرەتتە سول داۋىردە شىققان ونشاقتى كىتاپتى كورسەتپەسەم دە قاشقارياداعى العاشقى شىركەۋدى جانە العاشقى xريستيان مۇريتتەرىن كورسەتتىم. 20-جىلداردىڭ سوڭى، 30-جىلداردىڭ باسىندا قاشقاريادا (التىشاھاردا) xريستيانلىق اعىم ءبىرشاما كۇشەيدى، ءمۇريت قۇرامى كۇن ساناپ مولايدى جانە ولاردىڭ زاماناۋي تەxنولوگيا جابدىقتارى وزىق بولدى، سونىمەن بىرگە xريستيان دىنىنە وتكەن قىتاي باسقارۋشىلاردىڭ استىرتىن قولداۋى ىقپالدى بولدى. نەگىزى سول داۋىردە شىڭداڭداعى قىتاي باسقارۋشىلار ىشكى قىتايدان كەلەتىن، كوماندالىق جۇيە وتە كۇشتى ەدى. سونداي كوماندالىق جۇيەنىڭ ىشىندە xريستيان ميسسونەرلەرىنىڭ ىقپالىنداعى قىتايلار دا بار ەدى. ولاردىڭ كەيبىرى التىشاھاردا (قاشقاريادا) بەلدى شونجارلار-دى. ولار انگليامەن سەلبەسىپ قاشقاردا انگليانىڭ كونسۋلىن قۇردى. كونسۋل وڭىردەگى وزگەرىستەر ءۇشىن كىرىسىپ كەتتى…
حريستيان ميسسونەرلەرى وسىلايشا قاشقارياعا 30-50 جىل جوسپار قۇرىپ جەرگىلىكتى مۇسىلماندارعا تىرەسۋدىڭ بالاماسى رەتىندە جاڭا xريستيان مۇريتتەرىن (ۇيعىرلاردى) باپتاپ جەتىلدىرىپ شىعارۋ ەدى. وڭىردەگى ۇيعىرلار بۇل ءۇشىن قانداي ءىس-شارانى قولعا الدى، xريستيان ميسسونەرلىگىنە ولار قالاي قارادى دەگەن سۇراقتى ءالى دە تەرەڭ زەرتتەۋ كەرەك. بىراق، وڭىردەگى قاۋلاپ كەلە جاتقان xريستيان ميسسونەرلىگىنە ەكى ۇلكەن وقيعا ازىرەيىلدىڭ كۇرسىسىندەي تيگەنى انىق. ونىڭ ءبىرى، شىڭ دۋباننىڭ (盛世才) توڭكەرىسى. ەكىنشىسى، ما ءجۋڭيننىڭ اسكەري سوققىسى. 27332074_1011896985640555_834788245253591969_n

20-30 جىلدارى xريستيان ميسسونەرلەرى قاشقاريادا ەلىرگەن كەزدە سولتۇستىكتەگى قازاقتار شوعىرلى قونىستانعان ىلە، ءتاڭىرتاۋ، التاي وڭىرىنە دە بارعانى انىق. سول ءوڭىردى ارالاپ قازاقتار تۋرالى بۇگىنگە دەيىن ءالى اشىلماعان قۇندى فوتو-سۋرەتتەردى ءتۇسىرىپ قايتقان. بۇل سۋرەتتەر قازىر ەۋروپا ەلدەرىندە قۇپيا ساقتاۋلى. ءبىز ول سۋرەتتەر مەن ەستەلىكتەردى قولعا كەلتىرسەك شىڭجاڭ قازاعى ءۇشىن تىڭ دۇنيە بولارى انىق. ميسسونەرلەر قازاقتاردى شوقىندىردى ما، شىركەۋ سالدى ما نەمەسە شوقىنعان ۇيعىرلاردى قازاققا جىبەردى مە بۇل جاعى بەلگىسىز. بۇل دا زەرتتەۋدى قاجەت ەتەتىن تىڭ تاقىرىپ.
جالپى قىتاي مۇسىلماندارى شىعىس تۇركىستانداعى مۇسىلماندارمەن مۇددەلەس بولدى، بىرىگىپ وداق قۇرۋ، كەلەشەكتىڭ ماڭىزدى ماسەلەلەرىن تالقىلاۋعا ءماجبۇر بولدى، بىراق اسا ءساتتى ديالوگ بولمادى. ما ءجۋڭيننىڭ قوجانيازبەن سەلبەسىپ توڭكەرىس جاساۋى باستاپتا ءساتتى بولدى، قاشقارياداعى xريستيان ۇيعىرلار ءۇشىن دۇلكەن ۇرەي بيلەتتى. دەيتۇرعانمەن قوجانياز بەن ماجۋڭين اراسىنداعى باقتالاستىق سونىمەن قاتار سوۆەت وداعىنىڭ نەشە مىڭ اسكەرى ءۇرىمجىنى “ازات” قىپ ءۇرىمجىنى قورشاعان ماجۋڭين اسكەرىن تاس-تالقان قىلۋى تاريxتى باسقا ارناعا جوڭكىلتتى. نەبارى مىڭعا جەتپەيتىن ما اسكەرى قاشقارياداعى ءبىرىنشى شارقي تۇركىستان يسلام مەملەكەتىن عانا ەمەس xريستيان ميسسونەرلىگىنىڭ دە شاق شالەكەيىن شىعاردى. سوۆەت ءۇرىمجىنى “ازات” قىلعان سوڭ بيلىك شىڭ دۋبانعا ءوتتى. ول تاققا شىققان سوڭ شىعىس تۇركىستانداعى xريستيان مەن يسلام ميسسونەرلەرىن، اعىم-تارماقتارىن تىپ-تيپىل جويىپ باسىنا اڭگىر تاياق ويناتتى. ۇيىمدارى مەن شىركەۋ، قور-قوعامدارىن جاۋىپ تاستادى. سونىمەن شىڭجاڭداعى شەتەلدىك xريستيان ءدىن تاراتۋشى ميسسونەرلەر كاشميرگە شەگىنۋگە ءماجبۇر بولدى. 194′تە شىڭ دۋبان نان كينگە كەتكەندە ولار كاشميردەن قايتا قوزعالىپ ەنبەكشى بولدى، بىراق 1949′دان سوڭ كوممۋنيستتەر بيلىگى كۇشەيگەن سوڭ سالىنى سۋعا كەتتى. 27073267_1011897005640553_7282293557761058310_n

ءۇشىنشى كەزەڭ: 1978-83′تەن كەيىنگى ەكونوميكالىق-الەۋمەتتىك رەفورمادان كەيىن; وسى كەزەڭدەردە قىتاي بيلىگى بىرقانشا رەفورمالاردى جۇزەگە اسىردى. سونىڭ ساياسي رەفورمادان سىرتقى ساڭلاۋلارىن تاۋىپ العان xريستيان ميسسونەرلىگى شىڭجاڭعا قايتا لاپ قويدى. 1983′تەن سوڭ ءۇرىمجى مەن قۇلجا، قاشقاردا نەشە ون مىڭ تارالىممەن قازاقشا-ۇيعىرشا xريستيان كىتاپتارى تارادى. اشىق ءارى جاسىرىن ۇيىمدارى، اعىلشىن-فرانتسسۋر ءتىلى كۋرستارى، تۋريستىك كومپانيالارى قۇرىلدى.
بۇگىنگى كۇندەرى قانشا قازاق-ۇيعىر ءوز ءدىنىن xريستيان دەپ كورسەتەدى ەكەن، ول جاعى بەلگىسىز. سانى مۇلدەم از نەمەسە جوق بولۋى دا مۇمكىن. دەسەدە ولاردىڭ 1983′تەن كەيىنگى شىڭجاڭداعى ميسسونەرلىك قاستاندىعىن زەرتتەپ، ءبىلىپ جۇرگەن ادامدار وتە از، ءتىپتى جوققا ءتان. بۇل دا وڭىردەگى تاريx ءۇشىن ماڭىزدى تاقىرىپ سانالماق. ەسكەرە جۇرەيىك قازاق جۇرتى.

Related Articles

  • كوشپەندىلەردىڭ سوڭعى يمپەرياسى جوڭعارلار قالاي جويىلدى؟

    العاشقى ويرات يمپەرياح ادامزات تاريحىنداعى كوشپەندىلەردىڭ ەڭ سوڭعى يمپەرياسىن ويراتتار قۇردى. شىڭعىس قاعاننىڭ العاشقى ورلەۋ داۋىرىندە ويراتتار بايقال كولىنىڭ سولتۇستىك باتىسىنداعى ورمان تايپالارى بولاتىن. ويرات، بۋريات، قىرى تۇمەت، بۇلاعاچين، كەرەمۋچين، اراسۋت، كۇشتەمي قاتارلى قيدان تىلدەس( بۇگىنشە ايتقاندا موڭعول تىلدەس) ورمان تايپالارى ءسىبىر ورماندارىندا اڭشىلىقپەن شۇعىلدانعان. ولار بۇل مەكەنگە 840 جىلدارى، ياعني، ۇيعۇر قاعاناتىن قۇلاتقان قارحاستار باستاعان ءسىبىر تۇركىلەرى ۇيعۇرلاردان قالعان يەن ساحاراعا قونىس اۋدارعاندا، ويراتتار ءسىبىر تۇركىلەرىنەن قالعان يەن دالالارعا قونىس اۋداردى دەپ تۇسپالداۋعا بولادى. 1209 ويرات قۇدۇقا بەك جوشىنىڭ اسكەرلەرىنە باعىنادى. دەرەكتەردە تۇمەن ءتۇتىن دەگەنىنە قاراعاندا سانى 50 مىڭ اينالاسىندا بولسا كەرەك. يۋان يمپەرياسىنداعى حالىقتار ىشىندە دە ويراتتار اتالادى. موعۇل (موڭعول) يمپەرياسى ءوز ىشىنەن بولشەكتەنە باستاعان كەزدە ويراتتار كۇشەيە

  • تۇرسىن جارقىنباەۆ كىم ەدى؟

      تۇرسىن جارقىنباەۆ كەڭەستىك ساياساتتىڭ پايىمىنشا –ۇلتشىل، اتامان اننەنكوۆتىڭ اسكەرى قۇرامىنداعى «الاش پولكىنىڭ» ساردارى، باي تۇقىمىنىڭ وكىلى. ال، كوممۋنيستىك قىتاي ۇكىمەتىنىڭ پايىمىنشا، «جاپون تىڭشىسى»، «توڭكەرىسكە قارسى ەلەمەنت». «ەرتىس ءوڭىرى» گازەتىنىڭ 2009جىلعى، 5-تامىزداعى، №31 سانىندا ر.ءنۇسىپوۆتىڭ «الاش پولكىنىڭ اقيقاتى» اتتى ماقالاسىن وقىپ وتىرىپ، اتالمىش ماقالادا ايتىلعان ت.جارقىنباەۆتاي ابزال جان تۋرالى وقىرمانمەن وي بولىسسەم دەپ ەدىم. «ء…سويتىپ، ءۇزىلىپ قالعان ارمان ءجىبى قايتا جالعاندى. كەشىگىپ كەلگەن مەنى قالا مەكتەبىنە ەش قاعيداسىز-اق قابىلداپ، ءبىلىمنىڭ ۇزاق ساپارىنا ءوز قولىمەن قوسقان – بەلگىلى اعارتۋشى، الاشتىڭ اسىل ازاماتى تۇرسىن مۇستافين ەدى».(ق.ءجۇمادىلوۆ. تاڭعاجايىپ دۇنيە. 82-بەت، الماتى، «تامىر»، 1999ج.)بۇل زامانىمىزدىڭ زاڭعار جازۋشىسى ق.ءجۇمادىلوۆتىڭ جۇرەكجاردى لەبىزى. الدە، تۇرسىن اعامىز بالا قابدەشتىڭ كەلبەتىنەن بولاشاق قازاق زيالىسىنىڭ بەينەسىن تانىعان شىعار-اۋ؟ بۇدان ءارى،

  • حان كەنەنىڭ قارۋى

    Beken Kayratuly Facebook پاراقشاسىنان الىندى ەلورداعىقازاقستان رەسپۋبليكاسى قارۋلى كۇشتەرىنىڭ اسكەري-تاريحي مۋزەيىنىڭ اۋىسپالى ەكسپوزيتسيالىق جادىگەرلەر كورمەسى ورنالاسقان تومەنگى زالىندا، قازاق حالقى ءۇشىن قۇندى زاتتىڭ ءبىرى – كەنەسارى قاسىمۇلىنىڭ مىلتىعى تۇر. ءحىح عاسىردىڭ ورتاسىندا ۇلى دالادا ورىستەگەن ۇلت-ازاتتىق قوزعالىستىڭ كوسەمى، اتاقتى ابىلاي حاننىڭ نەمەرەسى كەنەكەڭ وسى مىلتىقپەن جاۋ تۇسىرگەن. ايتالىق، 1838 جىلى كەنەسارى اقمولا بەكىنىسىن باسىپ الىپ، ورىس اسكەرىن قۋىپ شىققانىن تاريحتان جاقسى بىلەمىز. وسى وقيعا تۋرالى ەل-جۇرتتىڭ اۋزىنان ەستىپ، حاتقا تۇسىرگەن ءماشھۇر-ءجۇسىپ كوپەەۆ ءوزىنىڭ «قازاق شەجىرەسى» اتتى جازباسىندا: «قاراوتكەلدە اعا سۇلتان قوڭىرقۇلجا دۋان باسى بولعان. كەنەسارىعا قارسى تۇرىپ سوعىس سالعان. قاراوتكەلدى (اقمولا بەكىنىسىن ايتادى) قاماعاندا كەنەسارى كۇلدىرماماي دەگەن مىلتىعىمەن تايتوبەنىڭ باسىندا تۇرىپ، ورىستىڭ قاراۋىلشى بالسايكەسىن (پوليتسەيىن) اتىپ مۇرتتاي ۇشىرعان» دەيدى (ا.سمايىل

  • قىتايلار عۇندارعا 80 جىل باعىنعان

    عۇنداردىڭ اسكەري مەمىلەكەتىنىڭ قۇرىلۋىبىزدىڭ زامانىمىزدان بۇرىنعى 215 جىلى عۇنداردىڭ كوشپەندى-اسكەري مەملەكەتى قۇرىلدى. ۇلىستىڭ قاعانى تۇمەن بولدى. تۇمەننىڭ باقتۇع( مودون) اتتى تاح مۇراگەرى بولدى، تۇمەن ونى تاح مۇراگەرلىگىنەن قاعىپ كورشىلەس نۇكۇز(月氏)دەرگە اماناتقا جىبەردى، ارتىنان ەكى ەل جاۋلاسقاندا نۇكۇز حانى مودوندى ولتىرمەك بولدى، مودون نۇكۇزدەردىڭ ءبىر جۇيىرىك اتىن قولعا تۇسىردىدە ۇستاتپاي عۇندارعا قاشىپ كەلدى. تۇمەن تاڭىرقۇت وعان تۇمەن(10000) جاساقتى باسقارتتى، مودون ىسقىرما جەبەنى جاساپ شىعىپ جاساقتارىنا: «مەن جەبەنى قالاي اتسام سەندەردە سولاي اتاسىڭدار اتپاعانداردىڭ باسى كەسىلەدى !» دەپ ءامىر ەتتى. ءبىر جولى ءوزىنىڭ سايگۇلىگىنە قاراتا وق اتتى، وزىمەن قوسىلا اتپاعانداردى سول مايداندا شاۋىپ ءولتىردى. تاعى ءبىر جولى ءتىپتى ءوز بايبىشەسىنە قاراتىپ وق اتتى، قوسىلا اتپاعانداردى تاعى دا ءولتىردى. تۇمەن تاڭىرقۇتپەن بىرگە اڭعا

  • كوكتۇرىكتەن تاراعان قازاق رۋلارى

    ەرزات كارىباي كوكتۇرىك قاعاناتى ۇلى عۇن قاعاناتىنان كەيىنگى كوشپەندى-اسكەري جۇرتتاردىڭ قۇرعان يمپەرياسى. 552-742 جىلدارعا دەيىن 190 جىلداي داۋرەن ءسۇردى، بيلەۋشى تايپا اشينا تايپاسى. تەريتورياسى شىعىستا جاپون تەڭىزىنەن باتىستا قارا تەڭىزگە دەيىن; سولتۇستىكتە سىبەريا ورماندارىنان يران، قىتايعا دەيىن سوزىلعان ون ميلليون شارشى كيلومەتر اۋماقتى الىپ جاتتى. تۇركى اسىلىندە اشينا باستاعان ونداعان تايپالار وداعىنىڭ اتى بولاتىن. تەگى عۇندار مەن ساقتاردىڭ بىرىنەن، ەڭ العاشىندا نيونۋان قاعاناتىنا قاراستى تەمىرشىلەر بولاتىن، 545 جىلى بۋمىن قاعان تەرگلەكتەر(اربالىلار نەمەسە قاڭعارلار) نيونۋاندارعا اتتانعان جاساقتارىن توسقاۋىلداپ تالقانىن شىعاردىدا 50 مىڭ وتباسى تەرگلەكتەردى باعىندىرىپ الدىدا 546 جىلى نيونۋان قاعانى اناعايدى ويسىراتا جەڭدى، اناعاي ءوزىن-ءوزى ءولتىردى. وسىلايشا كوكتۇرىك قاعاناتى قۇرىلدى. قاعانات التاي تاۋىندا شاڭىراق كوتەردى دە كەيىن كوشپەندىلەردىڭ قاسيەتتى جۇرتى بولعان

پىكىر قالدىرۋ

ەلەكتورندى پوشتاڭىز سىرتقا جاريالانبايدى. بەلگى قويىلعان ءورىستى تولتىرۋ مىندەتتى *

اتى-ءجونى *

Email *

سايتى

Kerey.kz/كەرەي.كز

ءبىز تۋرالى:

تەل: +7 7071039161
Email: kerey.qazaq@gmail.com

Kerey.kz ءتىڭ بۇرىنعى نۇسقاسىن http://old.kerey.kz تەن وقي الاسىزدار!

KEREY.KZ

سايت ماتەريالدارىن پايدالانعاندا دەرەككوزگە سىلتەمە كورسەتۋ مىندەتتى. اۆتورلار پىكىرى مەن رەداكتسيا كوزقاراسى سايكەس كەلە بەرمەۋى مۇمكىن. جارناما مەن حابارلاندىرۋلاردىڭ مازمۇنىنا جارناما بەرۋشى جاۋاپتى.

سايت ساناعى: