|  |  | 

جاھان جاڭالىقتارى ساياسات

اقش سانكتسيا ىقتيمالدىعىمەن «كرەمل ەسەبىن» جاريالادى 


رەسەي پرەزيدەنتى ۆلاديمير پۋتين (وڭ جاقتا), وسى ەلدىڭ سىرتقى ىستەر ءمينيسترى سەرگەي لاۆروۆ جانە كرەملدىڭ ءباسپاسوز حاتشىسى دميتري پەسكوۆ (ارت جاقتا) تمد ەلدەرى باسشىلارى جيىنىندا وتىر. سوچي. 11 قازان، 2017 جىل.

رەسەي پرەزيدەنتى ۆلاديمير پۋتين (وڭ جاقتا), وسى ەلدىڭ سىرتقى ىستەر ءمينيسترى سەرگەي لاۆروۆ جانە كرەملدىڭ ءباسپاسوز حاتشىسى دميتري پەسكوۆ (ارت جاقتا) تمد ەلدەرى باسشىلارى جيىنىندا وتىر. سوچي. 11 قازان، 2017 جىل.

اقش قارجى مينيسترلىگى جاريالاعان “كرەمل ەسەبىندە” رەسەي پرەزيدەنتى ۆلاديمير ءپۋتيننىڭ اينالاسىنداعى سانكتسيا سالىنۋى مۇمكىن ادامداردىڭ اتى-ءجونى بەلگىلى بولدى. ەسەپكە ىلىنگەن 210 ادامنىڭ ىشىندە ۇكىمەت مۇشەلەرى، پۋتين اكىمشىلىگىنىڭ قىزمەتكەرلەرى، وليگارحتار جانە “وزگە دە جوعارى لاۋازىمدى ساياسي جەتەكشىلەر” بار.

اقش-تا جاريالانۋى كوپتەن كۇتىلگەن وسى تىزىمدەگىلەر بولاشاقتا امەريكا سانكتسياسىنا الىنۋى ابدەن مۇمكىن. “كرەمل ەسەبىنە” رەسەيدىڭ 114 جوعارى لاۋازىمدى ساياساتكەرلەرى جانە 96 وليگارح قامتىلدى. بەيرەسمي تۇردە بۇل ەسەپ “پۋتين ءتىزىمى” دەپ اتالادى.

تىزىمدەگىلەر

اتالعان تىزىمگە الىنعانداردىڭ ىشىندە رەسەي پرەزيدەنتىنىڭ ءباسپاسوز حاتشىسى دميتري پەسكوۆ، پرەزيدەنت اكىمشىلىگىنىڭ باسشىسى اندرەي ۆاينو، پرەمەر-مينيستر دميتري مەدۆەدەۆ جانە سىرتقى ىستەر ءمينيسترى سەرگەي لاۆروۆ بىردەن كوزگە شالىنادى.

“وزگە دە جوعارى لاۋازىمدى ساياسي جەتەكشىلەر” بولىمىندە فەدەراتسيا كەڭەسىنىڭ باسشىسى ۆالەنتينا ماتۆيەنكو، مەملەكەتتىك دۋما توراعاسى ۆياچەسلاۆ ۆولودين، سىرتقى بارلاۋ قىزمەتىنىڭ ديرەكتورى سەرگەي نارىشكين، تەرگەۋ كوميتەnىنىڭ توراعاسى الەكساندر باسترىكين، فسب باسشىسى الەكساندر بورتنيكوۆ جانە ماسكەۋ مەرى سەرگەي ءسوبيانيننىڭ اتى-ءجونى اتالعان.

رەسەي پرەزيدەنتى ۆلاديمير پۋتين قىرىمدى رەسەي فەدەراتسياسىنىڭ سۋبەكتىسى رەتىندە مويىندايتىن قۇجاتقا قول قويۋ كەزىندە. سول جاعىندا - فەدەراتسيا كەڭەسىنىڭ باسشىسى ۆالەنتينا ماتۆيەنكو. وڭ جاعىندا - مەملەكەتتىك دۋمانىڭ سول كەزدەگى باسشىسى سەرگەي نارىشكين.

رەسەي پرەزيدەنتى ۆلاديمير پۋتين قىرىمدى رەسەي فەدەراتسياسىنىڭ سۋبەكتىسى رەتىندە مويىندايتىن قۇجاتقا قول قويۋ كەزىندە. سول جاعىندا – فەدەراتسيا كەڭەسىنىڭ باسشىسى ۆالەنتينا ماتۆيەنكو. وڭ جاعىندا – مەملەكەتتىك دۋمانىڭ سول كەزدەگى باسشىسى سەرگەي نارىشكين.

“كرەمل ەسەبىنەن” رەسەيلىك مەملەكەتتىك كورپوراتسيالار باسشىلارىن دا كورۋگە بولادى. «روسنەفت» باسشىسى يگور سەچين، «گازپروم» باسشىسى الەكسەي ميللەر، «روستەح» جەتەكشىسى سەرگەي چەمەزوۆ، “رەسەي تەمىر جولى” كومپانياسىنىڭ باس ديرەكتورى ولەگ بەلوزەروۆ، سبەربانك باسشىسى گەرمان گرەف، «ينتەر راو» جەتەكشىسى بوريس كوۆالچۋك – وسى قاتارداعى تۇلعالار. تىزىمدەگى «وليگارحتار ساپىندا» الىشەر ۋسمانوۆ، رومان ابراموۆيچ، سۋلەيمان كەريموۆ، ولەگ دەريپاسكا، ەۆگەني كاسپەرسكي، ۆلاديمير ەۆتۋشەنكوۆ، پەتر اۆەن، اركادي جانە بوريس روتەنبەرگتەر، گەننادي تيمچەنكو، ولەگ تينكوۆ، الەكساندر مامۋت، كيريلل شامالوۆ، ميحايل پروحوروۆ، ۆلاديمير پوتانيندەر بار.

سانكتسياعا ءالى ەرتە مە؟ 

“كرەمل ەسەبىنە” قامتىلعان شەنەۋنىكتەر مەن وليگارحتارعا بولاشاقتا سانكتسيا سالىنۋى مۇمكىن. الايدا اقش پرەزيدەنتى دونالد ترامپتىڭ اكىمشىلىگى ازىرگە جاقىن ارادا ونداي شارا بولمايتىنىن ايتادى.

30 قاڭتاردا جاريالانعان بۇل ءتىزىم كونگرەسكە 29 قاڭتاردا ۇسىنىلعان بولاتىن. ءتىزىم “امەريكا قارسىلاستارىنا سانكتسيا ارقىلى قارسى ءىس-شارالار” (CAATSA) فەدەرالدىق زاڭىنىڭ نەگىزىندە تۇزىلگەن. بۇل زاڭعا پرەزيدەنت ترامپ بىلتىرعى تامىز ايىندا قۇلىقسىز كەيىپتە قول قويعان. اتالعان زاڭعا كونگرەستىڭ قوس پالاتاسى باسىمدىقپەن داۋىس بەرگەن ەدى. CAATSA زاڭى 2016 جىلعى اقش پرەزيدەنتى سايلاۋىنا رەسەيدىڭ قاتىسى بولۋ ىقتيمالدىعىنا بايلانىستى قابىلدانعان.

وقي وتىرىڭىز: رەسەي ەليتاسى اقش سانكتسياسىنان قاۋىپتەنەدى

كرەملدىڭ ءباسپاسوز حاتشىسى دميتري پەسكوۆ 29 قاڭتاردا اقش-تىڭ بيىل 18 ناۋرىزدا رەسەيدە وتەتىن پرەزيدەنت سايلاۋىنا وسى ەسەپ ارقىلى ىقپال ەتۋگە تىرىساتىنىن ايتقان.

26 قاڭتاردا اقش رەسەيدىڭ قىرىمدى اننەكسيالاپ، ۋكراينانىڭ شىعىسىنداعى جاعدايعا ارالاسۋىنا بايلانىستى سانكتسياسىن ۇلعايتقان بولاتىن. ول ۋاقىتتا تاعى دا 21 ادام جانە توعىز كومپانيا سانكتسياعا ىلىنگەن. ولاردىڭ اراسىندا رەسەي ەنەرگەتيكا ءمينيسترىنىڭ ورىنباسارى اندرەي چەرەزوۆ، “تەحنوپرومەكسپورت” كومپانياسى جانە “سۋرگۋتنەفتەگازدىڭ” ەنشىلەس كومپانيالارى بار.

ازاتتىق راديوسى

Related Articles

  • نازارباەۆتان كەيىنگى قازاقستان نە بولماق؟

    2018 جىلى ەلىمىزدىڭ ساياسي ومىرىندەگى كەي وقيعالار بيلىك ترانزيتىنە جان-جاقتى دايىندىق ءجۇرىپ جاتقانىن ايگىلەدى. ساياساتتانۋشى، تاۋەكەلدەردى باعالاۋ توبىنىڭ جەتەكشىسى دوسىم ساتباەۆ قازىرگى ترانزيت مەحانيزمى پرەزيدەنت ن.نازارباەۆ كوزى ءتىرى كەزدە عانا جۇمىس ىستەيدى، سوندىقتان بيلىكتىڭ قانداي جولمەن جانە كىمگە اۋىساتىنى بەلگىسىز دەپ ەسەپتەيدى. 2018 جىل اياقتالار تۇستا دوسىم ساتباەۆپەن باستى ساياسي وقيعالارعا تالداۋ جاساپ، نازارباەۆسىز قازاقستان تاپ بولاتىن ماسەلەلەرگە ءۇڭىلىپ كوردىك. ساياساتتانۋشى د.ساتباەۆ قاۋىپسىزدىك كەڭەسى ۇجىمدىق مۇراگەر بولا المايدى – دوسىم، بيىلعى ەلىمىزدىڭ ساياسي ومىرىندەگى ايتۋلى وقيعالاردىڭ ءبىرى ­– «قاۋىپسىزدىك كەڭەسى تۋرالى» زاڭنىڭ قابىلدانۋى. قاۋىپسىزدىك كەڭەسى كونسۋلتاتيۆتى-كەڭەسشىلىك ورگاننان كونستيتۋتسيالىق ورگانعا اينالدى، ال ءبىرىنشى پرەزيدەنتكە ونى ءومىر بويى باسقارۋ قۇقى بەرىلدى. كەيبىر ساراپشىلار بۇدان بيلىك ترانزيتىنە دايىندىقتىڭ نىشانىن بايقادى. ءسىزدىڭ ويىڭىزشا، بۇل

  • ماۋلەن اشىمباەۆ: قازاق حالقىنىڭ مەملەكەت قۇراۋشى ۇلت ەكەنىن اشىق ايتۋىمىز كەرەك

    قاراعاندى – تالاي تالانت پەن دارىنداردىڭ كىندىگىن كەسىپ، توماعاسىن سىپىرعان، قازاق ءۇشىن قۇت دارىپ، باق قونعان قاستەرلى مەكەن. سوڭعى اپتادا وسى ءبىر ولكەگە ەلدىڭ نازارى ەرەكشە اۋدى. ماسەلەنىڭ ءمانىسى دە بارشاعا ءمالىم. بۇگىن ىشكى ىستەر ءمينيسترىنىڭ ءبىرىنشى ورىنباسارى جانات سۇلەيمەنوۆ ارنايى ءباسپاسوز ءماسليحاتىن وتكىزىپ، ماسەلەنىڭ ءمان-جايىن ءتۇسىندىرىپ بەردى. اتالعان ءىس بويىنشا ناقتى شارالار قولعا الىنىپ، تەرگەۋ امالدارىنىڭ جۇيەلى تۇردە جۇرگىزىلىپ جاتقاندىعىن دا ايتتى. قازىردىڭ وزىندە وسى ىسكە قاتىسى بار دەگەن كۇدىكپەن 8 ادامنىڭ ۇستالعانى، تاعى بىرەۋىنە ىزدەۋ جاريالانعانى بەلگىلى بولىپ وتىر. بۇل كەشەندى جۇمىستار ناقتى ناتيجەسىن بەرىپ، جاۋاپتى ادامدار زاڭعا سايكەس جازالارىن الادى. وسى رەتتە، ورىن العان جايتقا قاتىستى از-كەم ءوز ويىمىزدى ءبىلدىرىپ، ءۇن قوسقاندى ءجون كورىپ وتىرمىن. بۇعان دەيىن

  • بويىڭا ويىڭ ساي بولعىر، ءداۋدىڭ اتى ءداۋ عوي قاشاندا 

    Batyrkhan Kurmanseit ارگەنتينانىڭ بۋەنوس-ايرەسىندا وتكەن “ۇلكەن جيىرمالىق” (G20) ەلدەرى باسشىلارىنىڭ ءسامميتى ناتيجەلەرىنە قاتىستى قابىلدانعان ورتاق مالىمدەمەدە بۇگىنگى تاڭداعى ەڭ ماڭىزدى الەمدىك ماسەلەلەردىڭ ءبىرى بولىپ وتىرعان اقش-تىڭ پروتەكتسيونيزم ساياساتى جايىندا ەشتەڭە ايتىلمادى. ونىڭ ورنىنا تاراپتار “ەڭ الدىمەن امەريكا” دەگەنىنەن قايتپاي وتىرعان پرەزيدەنت ترامپتىڭ تالابىمەن دۇنيەجۇزىلىك ساۋدا ۇيىمىن رەفورمالاۋعا قاتىستى كەلىسىمگە قول جەتكىزدى. “بىرجاقتى ساياساتتى قولداۋعا ەمەس، كوپجاقتى ارىپتەستىك جۇيەسىن كۇشەيتۋگە كۇش سالۋ كەرەك” دەگەندى بۇگىنگە دەيىن قايتالاپ كەلگەن G20 ەلدەرى باسشىلارى وسى جولى ءوز پوزيتسيالارىن قورعاپ قالا المادى” دەپ جاتىر كوپ ەكسپەرتتەر. ءسامميتتىڭ جابىلۋ راسىمىنەن كەيىن وتكەن پرەسس-كونفەرەنتسيادا “ەركىن ساۋدا قاعيداسىن ساقتاپ، پروتەكتسيونيزم ساياساتىن جۇرگىزبەۋدىڭ ماڭىزدى ەكەنى تۋرالى بىرلەسكەن مالىمدەمەدە نەگە ەشتەڭە ايتىلمادى” دەگەن سۇراققا ۇيىمداستىرۋشى ەل ارگەنتينانىڭ پرەزيدەنتى ماۋريسيو ماكري

  • قىتاي تۋرالى ءبىر جۇتىم وي

    Eldes Orda اقش-قىتاي تەكەتىرەسى قىتاي قوعامىن ەكى جىككە ءبولۋى بەك مۇمكىن. جالپى بۇل قىتاي xالقىنىڭ اقش-قا قارسى پيعىلى ما الدە بيلىك باسىنداعى قىتاي كوممۋنيستەرىنىڭ اقش-قا قارسى تەكەتىرەسى مە؟ مەنىڭشە بۇنىڭ اراسىندا ايىرماشىلىق بار. ونداي بولسا مىناداي بولجاۋ جاساۋعا بولادى: ءبىرىنشىسى، اقش-قا قىتاي كومپارتياسى باقتالاس بولسا، اقش مىندەتتى تۇردە قىتاي كومپارتياسىنا ساياسي بالاما بولا الاتىن كەز-كەلگەن انتي-كومپارتياشىل قىتاي توپتارمەن جاڭا ساياسي ماقساتتار قويا باستايدى. بۇنىڭ سوڭى قىتاي قوعامىنداعى كوممۋنيست پارتياعا قارسى ىشتەي ءتىسىن قايراپ جۇرگەن توپتاردىڭ كۇشىن بىرىكتىرەدى. سونداي-اق، قىتاي كوممۋنيستىك پارتياسىنىڭ ساياسي وقشاۋلانۋىن جىل سايىن اسقىندىرا بەرەدى. ءتىپتى، ەڭ سوڭىندا كومپارتيا ساياسي قاجەتىنەن ايرىلا باستايدى; ەكىنشىسى، اقش-قىتاي ساياسي ھام ەكونوميكالىق داعدارىسى قىتاي وليگارxىنا نەمەسە كلاندىق توپتارىنا كۇردەلى تاڭداۋ جاساۋعا جاجبۇرلەيدى.

  • العاشقى تەڭگەگە نازارباەۆ بەينەسى قالاي تۇسپەي قالدى؟

    اسىلحان ماماشۇلى سەرىكبولسىن ءابدىلدين.  1993 جىلى قاراشانىڭ 15-ىندە قازاقستان ءوزىنىڭ ۇلتتىق ۆاليۋتاسى – تەڭگەنى اينالىمعا شىعاردى. سول كەزدە ەلدىڭ جوعارعى كەڭەسىن باسقارعان سەرىكبولسىن ءابدىلدين تەڭگەنىڭ قالاي باسىلعانى جايلى، ديزاينى قالاي دايىندالعانى تۋرالى ايتىپ بەردى. تەڭگە اينالىمعا شىقپاس بۇرىن قازاقستان سوڭعى ساتكە دەيىن رەسەيدىڭ رۋبل ايماعىندا قالۋعا تىرىستى. قازاقستان پرەزيدەنتى نۇرسۇلتان نازارباەۆ “عاسىرلار توعىسىندا” اتتى كىتابىندا ءرۋبلدى ساقتاپ قالۋعا دەگەن ۇمتىلىسىن “رۋبل ايماعىنىڭ بۇزىلۋى (ورتاق ۆاليۋتا – رەد.) تمد ەلدەرىنەن الشاقتاۋدى تەزدەتەر ەدى. ال قازاقستان بۇعان دايىن ەمەس ەدى” دەپ تۇسىندىرەدى. كىتاپتا نازارباەۆ “1992 جىلى رەسەيدە بارلىق باعا بوساتىلدى. سول كەزدە ىسكە كىرىستىك. مەن قازاقستان ۆاليۋتاسىن شىعارۋدى باستاۋ تۋرالى قۇپيا جارلىققا قول قويدىم” دەپ جازدى. الايدا ازاتتىق تىلشىسىمەن سۇقباتتاسقان جوعارعى كەڭەستىڭ

پىكىر قالدىرۋ

ەلەكتورندى پوشتاڭىز سىرتقا جاريالانبايدى. بەلگى قويىلعان ءورىستى تولتىرۋ مىندەتتى *

اتى-ءجونى *

Email *

سايتى

Kerey.kz/كەرەي.كز

ءبىز تۋرالى:

تەل: +7 7071039161
Email: kerey.qazaq@gmail.com

Kerey.kz ءتىڭ بۇرىنعى نۇسقاسىن http://old.kerey.kz تەن وقي الاسىزدار!

KEREY.KZ

سايت ماتەريالدارىن پايدالانعاندا دەرەككوزگە سىلتەمە كورسەتۋ مىندەتتى. اۆتورلار پىكىرى مەن رەداكتسيا كوزقاراسى سايكەس كەلە بەرمەۋى مۇمكىن. جارناما مەن حابارلاندىرۋلاردىڭ مازمۇنىنا جارناما بەرۋشى جاۋاپتى.

سايت ساناعى: