|  | 

ساياسات

مارعۇلان سەيسەمباەۆ قازاقستانعا تاعى دا قايتىپ كەلدى 


قازاقستاندىق بيزنەسمەن مارعۇلان سەيسەمباەۆ.

قازاقستاندىق بيزنەسمەن مارعۇلان سەيسەمباەۆ.

شەتەلگە كەتىپ قالعان كاسىپكەر مارعۇلان سەيسەمباەۆ قازاقستانعا ورالدى. ول ءوزى مەن وتباسىنىڭ قاۋىپسىزدىگىنە كەپىلدىك بەرگەن “جوعارىداعى كىسىلەردىڭ” سوزىنە سەنىمدى بولعان سوڭ ەلگە كەلگەنىن ايتادى.

اقپاننىڭ 2-ءى كۇنى ازاتتىق تىلشىسىمەن تەلەفون ارقىلى قىسقا عانا سويلەسكەن مارعۇلان سەيسەمباەۆ قازىر قازاقستاندا ەكەنىن راستادى. بۇعان دەيىن قازاقستاندا ءوزى مەن وتباسىنىڭ قاۋىپسىزدىگىنە “ەڭ جوعارى دارەجەدە كەپىلدىك بەرىلگەنى” تۋرالى حابارلاعان بيزنەسمەن ەلگە قانداي شارتتارمەن ورالعانى تۋرالى جۋرناليستەرگە كوممەنتاري بەرمەيتىنىن ايتتى. ازاتتىق ءتىلشىسىنىڭ “قاۋىپسىزدىگىڭىز تۋرالى كەپىلدىككە سەنىمدىسىز بە؟” دەگەن ساۋالىنا مارعۇلان سەيسەمباەۆ:

- سەنىمدى بولماسام كەلمەس ەدىم، – دەپ قىسقا جاۋاپ بەردى. ول ەلگە قايتىپ ورالعانىنا بايلانىستى كەيىن الەۋمەتتىك جەلىدە اقپارات جاريالايتىنىن ايتتى.

ءبىرشاما ۋاقىتتان بەرى شەتەلدە جۇرگەن مارعۇلان سەيسەمباەۆ اقپاننىڭ 1-ءى كۇنى Facebook الەۋمەتتىك جەلىسىندەگى پاراعىندا ءوزىنىڭ ماسكەۋ اۋەجايىندا ەكەنىن، وزىنە “جوعارى دەڭگەيدە كەپىلدىك” بەرىلگەن سوڭ قازاقستانعا قايتىپ ورالاتىنى تۋرالى جاريالاعان.

“دوستار، مەن قازاقستانعا ورالىپ جاتىرمىن! مەن قازiر ماسكەۋدەمiن. مەنiڭ جانە مەنiڭ وتباسىمنىڭ قاۋىپسiزدiگiنە ەڭ جوعارى دارەجەدە كەپiل بەرiلدi! ءومiر جالعاسۋدا، بiز بiرگە ءالi تالاي-تالاي جاقسى جۇمىستاردى جاسايمىز! مەنiڭ جاعدايىمدى ءتۇسiنiپ، اقىل كەمەنگەرلiكتi كورسەتكەن “جوعارىداعى” كiسiلەرگە (اتتارىن اتاماياق قويايىن) راقمەت ايتقىم كەلەدi!” دەپ جازدى ول (جازۋ پۋنكتۋاتسياسى ساقتالدى – رەد.)

​51 جاستاعى تانىمال كاسىپكەر، “اليانس-بانكتىڭ” بۇرىنعى مەنشىك يەسى مارعۇلان سەيسەمباەۆ تەرگەۋ ورگاندارى ونى “بتا بانكتەن قارجى جىمقىرعان” دەگەن ايىپ تاعىلىپ، تۇتقىندالعان بۇرىنعى بيزنەس-ارىپتەسى ەسكەندىر ەرىمبەتوۆتىڭ ىسىنە بايلانىستى جاۋاپ الۋعا شاقىرعاننان كەيىن قازاقستاننان كەتىپ قالعانى تۋرالى قاڭتاردىڭ 10-ى كۇنى Facebook-تەگى پاراقشاسىندا جاريالاعان. ول جولى سەيسەمباەۆ قازاقستاننىڭ بيلىك ورىندارى ەسكەندىر ەرىمبەتوۆتى شەتەلدە قۋعىندا جۇرگەن “مۇحتار ءابليازوۆتىڭ زاڭگەرى بولىپ ىستەگەن قارىنداسى بوتا جاردەمالىگە قىسىم جاساۋ ماقساتىمەن تۇتقىنداعان بولۋى مۇمكىن” دەگەن بولجامىمەن بولىسكەن.

وقي وتىرىڭىز: مارعۇلان سەيسەمباەۆتىڭ ەكىنشى ەميگراتسياسى

بيزنەسمەننىڭ شەتەلگە كەتكەنى تۋرالى جازباسىنا پىكىر قالدىرعان جۇزدەگەن جەلى قولدانۋشىلارى وعان قولداۋ بىلدىرگەن. بىرنەشە كۇننەن كەيىن سەيسەمباەۆ اقش-تىڭ ۆيسكونسين شتاتىندا ەكەنىن، امەريكالىق بيزنەس-سەرىكتەستەرىمەن بىرقاتار جوبالار بويىنشا كەلىسسوزدەر جۇرگىزىپ جاتقانى تۋرالى دا Facebook ارقىلى حابارلاعان.

بيزنەسمەن مارعۇلان سەيسەمباەۆتىڭ شەتەلگە كەتكەنى تۋرالى مالىمدەمەسىنەن كەيىن ءۇش اپتادان سوڭ قازاقستانعا ورالۋىنا بايلانىستى جەلى قولدانۋشىلارىنىڭ پىكىرى ءارتۇرلى.

ونىڭ قازاقستانعا قايتاتىنى تۋرالى حاباردى Facebook-تەگى پوستىنا پىكىر قالدىرعانداردىڭ كەيبىرى “تاماشا جاڭالىق” دەپ قابىلداسا، ەندى بىرەۋلەر “كەپىلدىككە سەنبەۋگە” شاقىرعان.

سونىمەن بىرگە سەيسەمباەۆ قازىر قىلمىستىق ءىس بويىنشا ايىپ تاعىلىپ، الماتىنىڭ تەرگەۋ اباقتىسىندا قاماۋدا وتىرعان “ەسكەندىر ەرىمبەتوۆكە قارسى كۋالىك ەتۋ” ءۇشىن بيلىكپەن ىمىراعا باردى دەپ كۇدىكتەنەتىندەر دە بار.

بۇعان بايلانىستى مارعۇلان سەيسەمباەۆتىڭ ءوزى: “ەسكەندىرگە قارسى ەشقانداي كۋالىك بەرمەيمىن. ارامدىقتى ويدان شىعارۋدى قويىڭدار” دەپ جازعان.

 

46 جاستاعى ەسكەندىر ەرىمبەتوۆ پەن تاعى ءۇش ادام وتكەن جىلعى قاراشادان بەرى اباقتىدا قاماۋدا وتىر. تۋىستارى مەن جاقتاستارى تۇرمەدە ەرىمبەتوۆتى ۇرىپ-سوعىپ، ازاپتاعانى تۋرالى مالىمدەگەن. بيلىك ورىندارى ازاپتاۋ تۋرالى ايىپتاۋلاردى جوققا شىعارىپ، “ەرىمبەتوۆتىڭ جاقتاستارى قىلمىستىق ىسكە ساياسي رەڭك بەرگىسى كەلەدى” دەپ سانايدى.

وقي وتىرىڭىز: ازاپتاۋ شاعىمى “ەرىمبەتوۆ ءىسىنىڭ” سيپاتىن وزگەرتتى

مارعۇلان سەيسەمباەۆ قازاقستانعا شەتەلدەن “بيلىكتىڭ كەپىلدىگى” بويىنشا وسىمەن ەكىنشى رەت ورالىپ وتىر. بۇدان سەگىز جىل بۇرىن مارعۇلان سەيسەمباەۆ ءبىراز ۋاقىت بولعان شەتەلدەن قازاقستانعا قايتىپ كەلىپ، “پرەزيدەنت نۇرسۇلتان نازارباەۆقا ادالدىعىن” مالىمدەگەن. سول كەزدە سەيسەمباەۆ “بانك بيزنەسىمەن اينالىسپاۋدى” ۇيعارعانىن دا جاريا ەتكەن ەدى. سونىمەن بىرگە ول شەتەلدە قۋعىندا جۇرگەن قازاقستاندىق ەميگراتتاردى وزىنەن ۇلگى الىپ، ەلگە ورالۋعا شاقىرعان. وعان دەيىن سەيسەمباەۆ شەتەلدە بولعان كەزدە ونىڭ مەنشىگىندەگى “اليانس بانك” مەملەكەتتىڭ يەلىگىنە وتكەن.

2011 جىلى الماتى سوتى مارعۇلان سەيسەمباەۆتى “بانك قاراجاتىن زاڭسىز پايدالانعانى” ءۇشىن ايىپتى دەپ تانىپ، وعان ەكى جىل شارتتى جازاتاعايىنداعان.

سودان بەرگى وتكەن ۋاقىت ىشىندە سەيسەمباەۆ قازاقستاندا بىرقاتار قوعامدىق باستامالاردى جۇزەگە اسىرۋعا تالپىنىستار جاساپ كوردى. 2016 جىلى ول الەۋمەتتىك جەلىلەردە “بايتاق دالا” قوعامدىق تابيعي قورىعىن قۇرۋناۋقانىن باستادى، وعان دەيىن وتاندىق وندىرۋشىلەردىڭ ءونىمى ساپالى بولۋى ءۇشىن كۇرەسەتىن “جاۋاپ بەرەمىن” اتتى جاڭا قوعامدىق قوزعالىس قۇرۋ تۋرالى باستاما كوتەرگەن. بىراق ول جوبالار ىسكە اسپاعان كۇيى قالدى.

ازاتتىق راديوسى

كەيبىر ساراپشىلار قازاقستانداعى ساياسي ەليتا ەلدە بەيساياسي ازاماتتىق قوزعالىس قۇرۋدىڭ ءوزىن بيلىككە تونگەن قاتەر دەپ قابىلدايتىندىقتان، توپ-مەنەدجەردىڭ “جاۋاپ بەرەمىن” باستاماسى جايلى ء“اۋ باستان ىسكە اسپايتىنى بەلگىلى” دەگەن بولجام جاساعان ەدى.

Related Articles

  • “رەسەيدەگى دەموكراتيانى قۇرتۋدى ەلتسين باستاعان”

    ازاتتىق راديولى رەسەي پارلامەنتى الدىندا تۇرعان اسكەري تانكىلەر. ماسكەۋ، 4 قازان 1993 جىل. 1993 جىلى جوعارى كەڭەستى تاراتۋ رەسەي دەموكراتياسىنا سوققى بولدى ما؟ نەلىكتەن ۆاشينگتون بوريس ەلتسيننىڭ كۇماندى ءىس-ارەكەتىن قولدادى؟ ەلتسيننىڭ تۇلعاسى مەن تۇپكى نيەتىن باعالاعان باتىس ساراپشىلارى مەن ساياساتكەرلەرى قاتەلەستى مە؟ ۆلاديمير پۋتين – بوريس ەلتسيننىڭ ادال ءىزباسارى ما؟ Wall Street Journal باسىلىمىنا “رەسەي دەموكراتياسى قالاي ءولدى” دەگەن ماقالا جاريالاعان امەريكالىق پۋبليتسيست دەۆيد ساتتەر پوستسوۆەتتىك رەسەيدىڭ ءبىرىنشى پارلامەنتىن تاراتۋعا 25 جىل تولۋىنا وراي ازاتتىققا سۇحبات بەردى. 1993 جىلى قىركۇيەكتىڭ 21-ءى كۇنى رەسەي پرەزيدەنتى بوريس ەلتسين “رەسەي فەدەراتسياسىنداعى كەزەڭدى كونستيتۋتتسيالىق رەفورما تۋرالى” №1400 جارلىعىن شىعاردى، ونىڭ ءبىرىنشى تارماعىندا ەڭ جوعارعى زاڭ شىعارۋشى ورگان – جوعارى كەڭەس پەن حالىق دەپۋتاتتارى كەڭەسىن تاراتۋ تۋرالى

  • قىتايدىڭ ساياسي جۇيەسىندەگى ساياسي كوماندالىق توپتار مەن تۇلعالار

    قىتايدىڭ ساياسي جۇيەسىندەگى جىك-جىككە بولىنگەن ساياسي كوماندالىق توپتار مەن تۇلعالار قىتايداعى بارلىق جاعدايعا تىكە ىقپال جاسايتىن باستى سەبەپ ەكەنى قايمانا جۇرتقا انىق. ساياسي كوماندا مەن وليگارحتار اراسىنداعى استىرتىن باقاستىق پەن كۇرەس كەرەك دەسەڭىز ەڭ تومەنگى اتقارۋشى بيلىككە دەيىن كورىنىس بەرىپ جاتادى. ءار كوماندا ءوز جاقىن جاقتاسىنىڭ كوپ ءارى بىلىكتى، سەنىمدى بولۋىن قالايدى. سونىمەن بىرگە قىتايدىڭ ساياسي بيلىكتە جىك-جىككە ءبولىنىپ باقاس بولۋىنىڭ تاعى ءبىر سەبەبى- بايلىق پەن بيلىك اراسىنداعى تەپە-تەڭدىكتىڭ بۇزىلۋى سەبەپ بولىپ وتىر. قىتايدا ۇلتتىق كاپيتاليزم ەركىن دامۋ جولىنا تۇسكىسى كەلەدى، ال كونە سۇردەك كوممۋنيست بيلىك شەت-شەتىن ەرنەۋلەپ، ۇلتتىق كاپيتاليزمنىڭ اعىتىلىپ جۇگەنسىز كەتۋىنەن بەك قاتتى الاڭدايدى جانە تەجەپ وتىرادى. الدا جالدا كاپيتاليزمنىڭ باسى نوقتاعا سيماسا، ول- كارتەڭ كوممۋنيستتەردى بيلىكتەن الاستايتىنى

  • كرەملدىڭ «جانسىزى» باعلان مايلىباەۆتىڭ قۇپيالارى

    مەملەكەتتىك قۇپيانى جاريالاعانى ءۇشىن سوتتالعان قر پرەزيدەنتى اكىمشىلىگى باسشىسىنىڭ ورىنباسارى باعلان مايلىباەۆ شەت مەملەكەتتىڭ وكىلدەرىمەن تىعىز قارىم-قاتىناستا بولعانى بارشاعا ءمالىم. الايدا وسى ىنتىماقتاستىقتىڭ ەگجەي-تەگجەيىن كوپشىلىك بىلە بەرمەيدى. ال ءدال وسى اقپارات سوڭعى جىلداردا ورىن العان كوپتەگەن وقيعالاردى ايقىنداي تۇسەر ەدى.  قر قك 361-بابىنىڭ 4-بولىگىمەن جانە 185-بابىنىڭ 3-بولىگىمەن كوزدەلگەن قىلمىستاردى جاساعانى ءۇشىن 2017 جىلدىڭ ماۋسىم ايىندا بەس جىلعا باس بوستاندىعىنان ايىرۋعا سوتتالعاننان كەيىن قر پرەزيدەنتى اكىمشىلىگى باسشىسىنىڭ بۇرىنعى ورىنباسارى باعلان مايلىباەۆ ءباسپاسوز نازارىنان تىس قالدى. دەگەنمەن، ونىڭ رەزونانستى ءىسى ءالى دە كوڭىل بولۋگە تۇرارلىق، ويتكەنى، بىرىنشىدەن، كرەملدىڭ تەرىس رەاكتسياسىنا قاراماستان، ءتىپتى وتە جوعارى دەڭگەيدەگى قازاقستاندىق مەملەكەتتىك قىزمەتكەرلەردىڭ رەسەيلىك ارىپتەستەرىمەن قاجەتسىز بايلانىستارىن توقتاتۋعا اقوردانىڭ قابىلەتىن كورسەتەدى، جانە، ەكىنشىدەن، قازاقستاندا بيلىك باسىنداعىلارمەن جانجالداسۋدىڭ

  • سوعىس كەزىندەگى وكىلەتتىكتى “انىقتايتىن” تۇجىرىمداما 

    قازيس توعىزباەۆ ۇجىمدىق قاۋىپسىزدىك شارتى ۇيىمى ەلدەرىنىڭ بىرلەسكەن اسكەري جاتتىعۋى. الماتى وبلىسى، 22 مامىر 2018 جىل. ەكى اپتا بۇرىن قوعامدىق تالقىلاۋعا ۇسىنىلعان “سوعىس جاعدايى ماسەلەلەرى جونىندەگى” زاڭناماعا تۇزەتۋ ەنگىزۋ تۋرالى جوبا تۇجىرىمداماسىنا (وندا قازاقستاندا تۇراقسىزدىق بولسا، ونىمەن كۇرەسۋ ءۇشىن “گيبريدتىك” ءادىس قولدانۋ مۇمكىندىگى تۋرالى جازىلعان) ەشبىر پىكىر ايتىلمادى. كەي ساراپشىلار پرەزيدەنتكە قوسىمشا وكىلەتتىك بەرۋ قاراستىرىلعان قۇجاتتا ساياسي كونتەكست بار دەيدى. وكىلەتتىكتى “انىقتاۋ” “قازاقستان رەسپۋبليكاسىنىڭ سوعىس جاعدايى ماسەلەلەرى جونىندەگى كەيبىر زاڭنامالىق اكتىلەرىنە وزگەرىستەر مەن تولىقتىرۋلار ەنگىزۋ تۋرالى” زاڭ جوباسىنىڭ تۇجىرىمداماسى سوعىس بولا قالعان جاعدايدا پرەزيدەنتتىڭ، ۇكىمەت پەن بيلىك ورگاندارىنىڭ وكىلەتتىگىن “ناقتىلاۋدى” ۇسىنادى. قۇجات تامىزدىڭ 22-ءسى كۇنى نورماتيۆتىك-قۇقىقتىق اكتىلەر سايتىنا شىقتى – قوعامدىق تالقىلاۋعا بولىنگەن ەكى اپتادا (قىركۇيەكتىڭ 5-ىندە اياقتالعان) ول بويىنشا

  • نازارباەۆ: سيريادان ورالعانداردى ۇدايى باقىلاۋ كەرەك

    قازاقستان پرەزيدەنتى نۇرسۇلتان نازارباەۆ سىرتقى بارلاۋ قىزمەتىنىڭ ديرەكتورى عابيت بايجانوۆپەن كەزدەسىپ وتىر. استانا، 27 تامىز 2018 جىل (سۋرەت رەسمي akorda.kz سايتىنان الىندى). قازاقستان پرەزيدەنتى نۇرسۇلتان نازارباەۆ سىرتقى بارلاۋ قىزمەتىنىڭ (سىربار) ديرەكتورى عابيت بايجانوۆپەن كەزدەسىپ، تەررورلىق يدەيالاردى ۇستانۋشىلاردى، ونىڭ ىشىندە سيريادان ورالعانداردى ۇدايى باقىلاۋدا ۇستاۋدى تاپسىردى. بۇل تۋرالى اقوردانىڭ ءباسپاسوز قىزمەتى حابارلادى. كەزدەسۋ بارىسىندا بايجانوۆ نازارباەۆقا سىرتقى بارلاۋ قىزمەتىنىڭ بيىلعى جىلدىڭ العاشقى جارتى جىلىندا اتقارعان نەگىزگى قىزمەتى تۋرالى ەسەپ بەردى. نازارباەۆ وعان قازاقستاننىڭ كورشى ەلدەرمەن دوستىق قارىم-قاتىناسىن ساقتاپ قالۋدىڭ ماڭىزدى ەكەنىن ايتىپ، شەتەلدەردىڭ ارنايى ورگاندارىمەن تىعىز قارىم-قاتىناستا بولۋ كەرەگىن ەسكە سالدى. پرەزيدەنت تەررورلىق يدەيالاردى ۇستانۋشىلاردى ۇنەمى قاداعالاپ وتىرۋ – سىرتقى بارلاۋ قىزمەتىنىڭ نەگىزگى باعىتى سانالاتىنىن ايتىپ، بايجانوۆقا بىرقاتار تاپسىرما بەردى. بۇعان

پىكىر قالدىرۋ

ەلەكتورندى پوشتاڭىز سىرتقا جاريالانبايدى. بەلگى قويىلعان ءورىستى تولتىرۋ مىندەتتى *

اتى-ءجونى *

Email *

سايتى

Kerey.kz/كەرەي.كز

ءبىز تۋرالى:

تەل: +7 7071039161
Email: kerey.qazaq@gmail.com

Kerey.kz ءتىڭ بۇرىنعى نۇسقاسىن http://old.kerey.kz تەن وقي الاسىزدار!

KEREY.KZ

سايت ماتەريالدارىن پايدالانعاندا دەرەككوزگە سىلتەمە كورسەتۋ مىندەتتى. اۆتورلار پىكىرى مەن رەداكتسيا كوزقاراسى سايكەس كەلە بەرمەۋى مۇمكىن. جارناما مەن حابارلاندىرۋلاردىڭ مازمۇنىنا جارناما بەرۋشى جاۋاپتى.

سايت ساناعى: