|  | 

Jahan jañalıqtarı

Nazarbaevtı maqtağanı üşin Tramp sınğa wşıradı


Nwrswltan Nazarbaev (sol jaqta) pen Donal'd Tramp. Vaşington, 16 qañtar 2018 jıl.

Nwrswltan Nazarbaev (sol jaqta) pen Donal'd Tramp. Vaşington, 16 qañtar 2018 jıl.

TRAMPTI SINAU

Amerikalıq Washington Post gazeti AQŞ prezidenti Donal'd Tramptıñ AQŞ astanasında äskeri parad ötkizu wsınısın sınau küşeyip bara jatqanı turalı jazğan sayasi şoluşı Maks Buttıñ “Amerika Tramptıñ tegeuirinine qarsılıq bildirip jatır. Tek wrınıp qalmañdar” maqalasın jariyaladı. “Tramp “avtoritarlı twlğa» degen wğımğa say” dep sanaydı Maks But.

Şoluşı Qazaqstan prezidenti Nwrswltan Nazarbaevtıñ AQŞ-qa juırdağı saparı kezinde onı Donal'd Tramptıñ maqtağanın eske salğan. “Vladimir Putin, Si Czin'pin, Abdel' Fattah äl-Sisi jäne Rejep Tayıp Erdoğan siyaqtı diktatorlarğa Tramptıñ tänti ekeni qayran qaldırmaydı. Ol tipti “ülken, tamaşa jwmıs atqarğanı” üşin 97,7 payız dauıspen “qayta saylanğan” karikaturalıq keyipker – qazaqstandıq Nwrswltan Nazarbaevtı da maqtağan” dep jazğan Maks But.

Oqi otırıñız: Nazarbaevtıñ saparın jazğan basılımdar “kleptokratiyanı” ayttı

Köre otırıñız: NAZARBAEV PEN TRAMPTIÑ KEZDESUİ

​Maqala avtorınıñ sözinşe, Tramp Germaniya kancleri Angela Merkel', Wlıbritaniya prem'er-ministri Tereza Mey siyaqtı demokratiyalıq jolmen saylanğan odaqtastarın mensinbeytinin körsetip jür äri AQŞ basşısı juırda Meymen Densaulıq saqtau wlttıq qızmetiniñ jwmısına baylanıstı tağı da daulasıp qalğan. “Tramptıñ diktatorlardı jaqsı köretin sebebi özi de solar siyaqtı bolğısı keletinine baylanıstı emes pe dep kümändanamın. Ol da 97,7 payız dauıspen “jeñgisi” keledi. Mwnıñ retin keltire almağan kezde ol inauguraciyasında öziniñ jeñisi men qıruar jaqtası jaylı ötirik aytadı” dep jazğan Maks But.

AQŞ-TI “ARZAN URANĞA” BÖKTİRİP JATQAN ELDER

Amerikalıq Wall Street Journal gazetinde AQŞ-tıñ Vayoming ştatınan saylanğan respublikaşıl senator Djon Barrassonıñ “Amerika uran tapşılığın özi qoldan jasap otır” degen maqalası şıqtı. Ol Aq üydi AQŞ-qa arzan uran satıp jatqan öndiruşilerge qarsı şara qoldanuğa şaqırğan. Olardıñ işinde Qazaqstan da atalğan.

“AQŞ-tıñ jılına ondağan million [uran] öndiruge şaması jeter edi, al qalğan qajet böligin Kanada ya Avstraliya siyaqtı dos elderden alıp twrar edi. Biraq bwl element köbinese Resey, Qazaqstan jäne Özbekstan siyaqtı elderden tüsedi. Amerika kommerciyalıq yadrolıq otınnıñ 40 payızğa juığın osı üş elden importtaydı” dep jazğan Djon Barrasso.​

Amerikalıq senatorlar (soldan oñğa qaray): Lindsi Grem, Djon Barrasso jäne Djon Makkeyn. Ierusalim, qañtar 2014 jıl

Amerikalıq senatorlar (soldan oñğa qaray): Lindsi Grem, Djon Barrasso jäne Djon Makkeyn. Ierusalim, qañtar 2014 jıl

Senator AQŞ biligine “Resey, Qazaqstan jäne Özbekstandağı memlekettik jäne memeleket qarjılay demeytin öndiruşilerge qarsı şara qoldanudı” wsınadı. “Bwl elder AQŞ-tı arzan uranğa ädiletsiz böktirip jatır, öytkeni olar AQŞ-qa sayasi ıqpal etu tetigin aluğa müddeli” dep sanaydı Djon Barrasso.

BERLIN QABIRĞASI

Amerikalıq Bloomberg aqparat agenttiginiñ saytı postkommunistik elderdiñ ekonomikalıq ahualın taldağan “Berlin qabırğası äli qwlağan joq” degen maqalasında Qazaqstan men Reseydi “avtoritarlı rejimder” dep atağan.

“Economist Intelligence Unit zertteu tobınıñ älemdegi demokratiya körsetkişine qatıstı soñğı reytingine säykes, postkommunistik elder arasında bir de “tolıq demokratiyalı” el joq, al Europa odağına kirmeytin elderdiñ köbin tipti “demokratiya älsiz” elder dep te atauğa bolmaydı. Olardıñ bäri – “gibrid rejim ornıqqan” (mısalı, Ukraina, Moldova, Gruziya nemese Çernogoriya) elder ya bolmasa avtoritarlı rejimder (mısalı, Resey men Qazaqstan). Bwl elderdi Batıstan bölip twrğan dual korrupciya men naşar ükimet arqılı twrğızılğan jäne Batısqa degen äbden ornığıp alğan senimsizdikke süyenedi, bwl vizalıq jäne sauda sayasatındağı şekteuge äser etedi. Älemniñ bwl böliginde Batıs Europa deñgeyindegi ekonomikalıq konvergenciya (jaqındasu) naqtı iske asatın maqsat retinde sanalmaydı. Arı ketse, şikizat tauarlarınıñ bağasın özgertu mäselesin talqılaudan aspaydı” dep jazğan Bloomberg.

“ÄLSİZ” TEÑGE

Wlıbritaniyalıq Telegraph gazeti “Aldıñğı Olimpiadadan bergi kezeñdegi eñ mıqtı jäne eñ älsiz valyutalar” degen maqalasında älem elderi valyutalarınıñ bağamı Soçide ötken olimpiadadan keyingi tört jılda qalay özgergenin körsetetin derekter keltirgen. Qazaqstan teñgesin älemdegi eñ köp qwldırağan valyutalardıñ birine jatqızğan. “2014 jılı Qazaqstan [Olimpiadada] medal' aldı, biraq 50 payızdan köpke qwldırağandıqtan, teñge basın bwlay asqaq wstay almay twr” dep jazğan basılım.

Oqi otırıñız: TEÑGENİÑ BİR JILDA «JETKEN JERİ»
Ükimet teñgeniñ "erkine jiberilgenin" habarlağannan keyin valyuta ayırbastau ornında payda bolğan kezek. Almatı, 20 tamız 2015 jıl.

Ükimet teñgeniñ “erkine jiberilgenin” habarlağannan keyin valyuta ayırbastau ornında payda bolğan kezek. Almatı, 20 tamız 2015 jıl.

​Telegraph boljamınşa, dollarğa şaqqandağı bağamı jağınan eñ ülken ösimdi bwl kezeñde 14 payızğa nığayğan Islandiya kronası körsetken. Britandıq gazettiñ altın medali Islandiyanıñ wlttıq valyutasına “bwyırğan”. Basılım redakciyası kümis jüldeni Tayland batına, al qola medal'dı Izrail' şekeline “bergen”. Telegraph qazaqstandıq teñgeni qosqan älsiz valyutalar tiziminde Argentinanıñ pesosı, Türkiyanıñ lirası, Braziliyanıñ realı da bar.

KONKURSTAN ŞETTETİLGEN “ARU”

Miss Virtual Kazakhstan virtualdı äyelder konkursında finalğa şıqqan “Arina Alieva” şın mäninde, er adam – 22 jastağı Ilay Dyagilev bolıp şığıp, Qazaqstanda köp şuğa wlsaqan oqiğa jaylı Batıstıñ birneşe basılımı jazğan.

 

Wlıbritaniyalıq Mirror gazeti «Adam sengisiz jayttı jariya etkennen keyin swlulıq konkursına qatısuşı bayqaudan şettetildi» degen maqalasında «Wlttıq swlulıq bayqauınıñ finalisi öziniñ şın mäninde er adam ekenin jariya etkennen keyin konkurstan şettetildi» dep jazğan. Maqalada bıltır Reseyde de osınday jağday bolğanın eske salğan – ol kezde 20 jastağı Andrey Nagornıy iş kiim modeli retinde şığıp, konkursta jeñip şıqqan (er adam ekeni äşkerelengennen keyin jülde özge qatısuşığa tabıstalğan) .

Bwl oqiğanı “Britandıq baspasözdiñ jazuınşa, qatısuşılardıñ biri öziniñ şın mäninde er adam ekenin jariya etkennen keyin Qazaqstandağı swlulıq konkursınan bereke qaştı” degen maqalasında mal'talıq Independent gazeti de sipattağan.

Wlıbritaniyalıq BBC jañalıqtar saytı jwrttıñ Dyagilevtiñ mälimdemesine qatıstı reakciyası turalı «Miss Virtual Kazakhstan finalına jetken swlu er adam bolıp şıqtı» degen maqalasında “Instagram jelisindegi kommentariylerde jwrt Dyagilevti “birtektes qızdardıñ” ortasında erekşe köringen qatısuşı dep atap äri “özge qızdardıñ bärinen göri ädemirek” dep jazıp, bwl oqiğanı negizinen jılı qabıldağan”. Biraq Dyagilevtiñ äreketin sınağandar da boldı.

Azat Europa / Azattıq radiosı 

Related Articles

  • Vengriya köp bala tuğan äyelderge jeñildik jasamaq

    Azattıq radiolı Vengriya prem'er-ministri Viktor Orban joldauı ayaqtalğan soñ jüzdegen adam narazılıqqa şıqtı. Budapeşt, 11 aqpan 2019 jıl.  Vengriya ükimeti halıq sanın köbeytu maqsatında bala tuudı qarjılay ıntalandırudı qolğa almaqşı. Aqpannıñ 10-ı küni Vengriya prem'er-ministri Viktor Orban halıqqa joldauı kezinde ükimet eki balası bar otbasılarğa “salıqtı azaytıp, tömengi payızben ipoteka wsınudı, avtokölik aluğa subsidiya berudi josparlap otırğanın” ayttı. Orbannıñ sözinşe, ükimet tört jäne odan köp bala tuğan äyelderdi jeke tabıs salığınan bosatadı. “40 jasqa tolmağan äyel birinşi ret twrmısqa şıqsa 10 million forint (36 mıñ dollar) subsidiyalıq nesie beremiz. Nesie alğan otbasınıñ ekinşi balası tuğanda qarızdıñ üşten bir böligi keşiriledi. Al eger üşinşi bala düniege kelse, nesie tolığımen keşiriledi” dedi

  • Orıstardı Reseyge şaqıru jäne olardıñ reakciyası

    Sanat ORIN ÄLI «Rossiya» äue kompaniyası wşağı janınan ötip bara jatqan avtobustağı jolauşılar. Körneki suret. Qazannıñ soñında Resey prezidenti Vladimir Putin 2019-2025 jıldarğa arnalğan migraciyalıq sayasattıñ jaña twjırımdamasın bekitip, şetelde twratın orıstardı «Orıs älemin» nığaytuğa şaqırdı, «köşip kelse jağdayların jaqsartamız» dep uäde berdi. Bwl turalı Qazaqstanda twratın orıstar men sarapşılar ne oylaydı? Jaña twjırımdama turalı Putin qazannıñ 31-i küni Mäskeude ötken Otandastardıñ 6-düniejüzilik kongresinde mälimdedi. Putinniñ aytuınşa, bwl twjırımdama «jüyedegi byurokratiyanı joyuğa» arnalğan, qonıs audaru bağdarlaması boyınşa qolaylı jağday jasaudıñ, elge kelu, jwmısqa ornalasu jäne Resey azamattığın aludıñ naqtı erejelerin wsınadı. Putinniñ aytuınşa, özge elderde (mısal retinde Ukraina men Baltıq elderin keltirdi) orıstarğa qatıstı «rusofobiya, wltşıldıq, eskertkiştermen jäne orıs tilimen küres, separatizm

  • 100 jıl bwrın Çehiya men Slovakiya zamanaui täuelsiz memleket qwrdı.

    100 jıl bwrın Çehiya men Slovakiya zamanaui täuelsiz memleket qwrdı. Praga bwl mereytoydı layıqtı türde atap ötip jatır. Segiz jıl jöndelgen Wlttıq muzey aşıldı. 1945 jäne 1968 jıldarı şeteldik basqınşılar büldirgen köne ğimarat bügin közdiñ jauın aladı. Şeberler restavraciyasın qatırıptı. Pragağa kelgen dos-jar biledi, Vaclav alañındağı äulie Vaclav knyaz' eskertkişiniñ arqasındağı alıp ğimarat qoy. Bügin kün suıtıp, jañbır jauğanına qaramastan Praga twrğındarı betterine tudıñ suretin salıp alıp, balaların jetelep, wzın-sonar kezekte twrıp, qayta aşılğan mwrajaydağı Çehiya men Slovakiya täuelsizdigine arnalğan arnayı körmelerdi tegin körip şıqtı. Bir ğasır işinde Çehiya täuelsizdigin nığayta tüsti. Qazir Europa Odağınıñ bedeldi müşesi. 2009 jılı Europa keñesiniñ prezidenti bolıp ülgergen, 2022 jılı tağı da kezegi keledi.

  • Energetikanıñ bolaşaq joldarı

    Ukraina astanası Kiev qalasında, 2018 jıldıñ 16-19 qazanınıñ aralığında «Ortalıq jäne şığıs Europanıñ twraqtı energetikası» attı 10-şı Halıqaralıq forumı men körmesi (Sustainable Energy Forum and Trade Show, SEF 2018 Kyiv) ötude. Osı jiınğa 35 astam elderdiñ şamamen 500 ökilderi qatısuda. 80 astam mamandar bayandamaların oqidı, 100-ge juıq kompaniyalar öz jetistikterin körsetude. Bwnday şaranıñ şeñberinde, «Älem jel energetikası qauımdastığı»-nıñ Bas hatşısı Stefan Ksanger (Stefan Gsänger) bizge swhbat berdi. Nemis qayratkeriniñ jauaptarına nazar audarayıq. Twraqtı energetikada Qazaqstannıñ mümkinşilikteri turalı: kün, jel energetikasında. Mısalı, elimizdiñ oñtüstik-şığısında taulı aymağı Joñğar Qaqpası jel energetikası üşin öte tiimdi. Osı taqırıp jayında sizdiñ pikirleriñiz qanday? Qazaqstan jel energetikasınıñ bolaşağı – zor! Teoriyalıq türde, eliñiz bütkil älemdi jel

  • Kokain, “Noviçok”, qwpiya qwtı jäne GRU “torpedası”

    Azattıq radiolı Sergey Skripal'di ne üşin öltirmek boldı jäne reseylik arnayı qızmet ökilderi Europada qalayşa jügensiz tayrañdap jür? Tıñşılıq qızmet pen reseylik mafiya müddesi arasında qanday baylanıs bar? “Putinizm” resursın qwruşı Artem Kruglov Solsberi isin zertteuge qatısuşılardıñ biri. “Turist Boşirovtı” 2001-2003 jılğı äskeri uçilişe tülekteri arasınan izdeudi de sol wsınğan, sonıñ arqasında polkovnik Çepiga anıqtaldı. Azattıq radiosı Artem Kruglovtan swhbat aldı. – Siz “Petrov” pen “Boşirov” jäne olardıñ äriptesteriniñ äreketin zertteuge qatısıp jatırsız. Aqparat jeterlik, biraq bir-birine qayşı jayttar da bar. Anıqtalğan dünieni jinaqtap bir tüyin jasauğa bola ma? Qanday kümäniñiz bar? – Qısqaşa aytar bolsaq: eki adam Angliyağa barğan, eki kün Solsberide arı-beri jürip, künine 300 şaqırım jol jürgen. Qılmıs

Pikir qaldıru

Elektorndı poştañız sırtqa jariyalanbaydı. Belgi qoyılğan öristi toltıru mindetti *

Atı-jöni *

Email *

Saytı

Kerey.kz/Kerey.kz

Biz turalı:

Tel: +7 7071039161
Email: kerey.qazaq@gmail.com

Kerey.kz tiñ bwrınğı nwsqasın http://old.kerey.kz ten oqi alasızdar!

KEREY.KZ

Sayt materialdarın paydalanğanda derekközge silteme körsetu mindetti. Avtorlar pikiri men redakciya közqarası säykes kele bermeui mümkin. Jarnama men habarlandırulardıñ mazmwnına jarnama beruşi jauaptı.

Sayt sanağı: