اقتاۋدا بالا-باقشانىڭ اۋلاسىنا بالعىندار 120 كوشەت وتىرعىزدى
ماڭعىستاۋ وبلىسى اقتاۋ قالاسىنداعى № 26 «قارلىعاش» بوبەكجايىنىڭ
تاربيەلەنۋشىلەرى وزدەرىنىڭ كوشەتتەرىن وتىرعىزدى. بۇل شارا استانا قالاسىنىڭ 20
جىلدىعى جانە اقتاۋ قالاسىنىڭ 55 جىلدىعىنا وراي ۇيىمداستىرىلدى. وعان اتا-انالار
مەن تاربيەشىلەردە بەلسەندى قاتىستى.
قازاقتا «اتاڭنان مال قالعانشا، تال قالسىن» دەگەن اتالى ءسوز بار. بوبەكجاي اۋلاسىن تازا
ۇستاۋ مەن كوگالداندىرۋدى جۇيەلەندىرۋ ماقساتىندا وسىنداي شارالاردى وتكىزۋ ورىندى. كوشەت
وتىرعىزۋدى العاشقىلاردىڭ ءبىرى بولىپ باستاعان «بالداۋرەن» توبىنىڭ تاربيەلەنۋشىلەرى بولدى،
ولاردىڭ قاتارىندا 4 جاستاعى نۇرساۋلە قارجاۋباي بار.
«ءبىزدىڭ بوبەكجايدا تابيعاتتى قورعاۋ تۋرالى كوپ ايتىلادى. بىزدەر اعاشتاردى
سىندىرمايمىز، كەرىسىنشە سۋ قۇيىپ وتىرۋ كەرەكتىگىن بىلەمىز. مەن ءبىزدىڭ توپتاعى بالالارمەن
بىرگە اعاش وتىرعىزدىم، ماعان اكەم، انام جانە ءىنىم نۇرسۇلتان كومەكتەستى. الداعى ۋاقىتتا
ونى باپتاپ، كۇتەتىن بولامىن. وتىرعىزعان كوشەتىمىزدىڭ جايقالىپ وسۋى ءۇشىن، وعان بارلىعىمىز
بىرگە قارايتىن بولامىز»، – دەيدى اقتاۋ قالاسى № 26 «قارلىعاش» بوبەكجايىنىڭ
«بالداۋرەن» توبىنىڭ تاربيەلەنۋشىسى نۇرساۋلە قارجاۋباي.
بوبەكجاي جەتىستىگى ءوز ىسىنە جاۋاپتى، ءبىلىمدى، ۇيىمداستىرۋشىلىق قابىلەتى جوعارى، ىسكەر
باسشىعا بايلانىستى. بۇل رەتتە، ۇجىم اقتاۋ قالاسى № 26 «قارلىعاش» بالا-باقشاسىنىڭ
ديرەكتورى گۇلنار شىنعاليەۆانىڭ ەڭبەگى وراسان- دەيدى. ال، بوبەكجاي جەتەكشىسىنىڭ ايتۋىنشا،
وسىنداي شارالاردى وتكىزۋ ارقىلى بالالار تابيعاتتى ايالاۋدى ۇيرەنەدى، دەيدى. ياعني، بارشامىز
ءاربىر جاقسى ءىستىڭ باسى-قاسىندا جۇرسەك، بۇل جۇرەككە جىلىلىق ۇيالاتىپ قانا قويماي، وسىنداي
ۇلگى تۇتارلىق ىستەرىمەن قورشاعان ورتانىڭ جاقسارۋىنا وزدەرىنىڭ ۇلەستەرىن قوسادى.
«ءبىزدىڭ بوبەكجايدا 11 توپتان قۇرالعان، بارلىعى 310 بالا بار. قازاقتا «تاربيە – تال
بەسىكتەن» دەگەن قاناتتى ءسوز بار. بۇل رەتتە بالانى قازىردەن باستاپ قورشاعان ورتانى ايالاي
بىلۋگە باۋلۋىمىز كەرەك. وسى ارقىلى ولار قورشاعان ورتانى تانىپ بىلەدى. اعاش وتىرعىزۋ
دەگەنىمىز، ويىن بالاسىن تابيعاتتى ايالاۋعا ۇيرەتىپ قانا قويماي، بالاباقشانىڭ اينالاسىن
تازا ۇستاۋ ارقىلى قورشاعان ورتانى تەرەڭىرەك تانۋعا ۇيرەتەدى. ال كەز-كەلگەن بالاباقشادا
كوگالداندىرۋ جۇمىستارىن جۇرگىزۋ ءوزىنىڭ وزەكتىلىگىن جوعالتقان ەمەس، سوندىقتان دا بۇل وتە
ماڭىزدى شارانىڭ ءبىرى دەپ بىلەمىز. بوبەكجاي ۇجىمىنىڭ اتىنان اتا-انالارعا العىسىمدى
ايتامىن، – دەدى ءوز سوزىندە گۇلنار زياشقىزى.
«قارلىعاش» بوبەكجايى «بالداۋرەن» توبىنىڭ جەتەكشىسى ارداق باقتىبايقىزى ءوز
سوزىندە، ەلىمىزدىڭ ەرتەڭى – جاس ۇرپاقتى تاربيەلەۋدە، ءبىلىم بەرۋ مەكەمەسىنىڭ ءرولى ەرەكشە ەكەندىگىن
اتاپ ءوتتى. ياعني، مەكتەپكە دەيىنگى كەزەڭدەگى تاربيە – ادام قالىپتاسۋىنىڭ العاشقى باسپالداعى
بولىپ قالا بەرمەك.
«ءبىز كۇندەلىكتى قىزمەتىمىزدە بالالاردىڭ تارتىبىنە باسا ءمان بەرىپ قانا قويماي، ولاردىڭ
دۇرىس تاماقتانۋى جانە ۇلكەندەرمەن سويلەسە ءبىلۋىن قاداعالايمىز. ءبىزدىڭ بالاباقشادا ۇدايى
ءتۇرلى تاقىرىپتا مەرەكەلىك ءىس-شارالار وتكىزىلىپ وتىرادى. اتاپ ايتقاندا، قۋىرشاق
تەاترىنىڭ ارتىستەرى كەلىپ وزدەرىنىڭ قويىلىمدارىمەن قۋانتادى، ءوزىن-ءوزى تانۋ ساباعى
وتكىزىلەدى، دەنە شىنىقتىرۋ، بۇلدىرشىندەردى تازا اۋاعا شىعارىپ تۇرۋ، ەرتەگىلەر ايتىپ بەرۋ،
سپورتتىق سايىستارعا قاتىستىرۋ سياقتى مادەني-ساۋىقتىرۋ شارالارىنان بالالاردى تىس
قالدىرماۋعا تىرىسامىز»، – دەدى ول.
جاس كوشەتتەردىڭ جانىندا بۇلدىرشىندەر وزدەرىنىڭ تاربيەشىلەرى جانە اتا-انالارىمەن بىرگە
ەستەلىك سۋرەتكە ءتۇستى. شارا تەك كوشەت وتىرعىزۋمەن شەكتەلمەيدى. بالا-باقشانىڭ اۋلاسىن
كوگالداندىرۋ مەن تازالاۋ جۇمىستارى ءالى جالعاسىن تاپپاق. وسىلايشا «قارلىعاش»
بوبەكجايىندا ناۋرىز ايىنىڭ اياعىنا دەيىن 250-گە جۋىق ءتۇپ كوشەت وتىرعىزىلادى دەپ كۇتىلۋدە.
دايىنداعان كامشات ءىزباساروۆا
قر جۋرناليستەر وداعىنىڭ مۇشەسى
ماڭعىستاۋ وبلىسى، اقتاۋ قالاسى
پىكىر قالدىرۋ