|  |  |  | 

kerey.kz TV كوز قاراس رۋحانيات

رۋحاني جاڭعىرۋ ءھام تەك

31124250_761598714029793_5916073391847929706_n
Aidos Juqanuly

قازاق بىرەۋگە رازى بولعاندا، ىسىنە ءتانتى بولعاندا «تەكتى ازامات ەكەن»، «تەكتى اتانىڭ بالاسى ەكەن»، «قانىنا تارتپاي قويمايدى، اكەسى جاقسى ادام ەدى» دەپ نەمەسە ناعاشىسىنا تارتسا، «قالاي دەگەنمەن جاتىرى مىقتى عوي، شەشەسى تەكتى جەردىڭ قىزى» دەپ جاتادى.
اكەسى تەكتى بولعانىمەن، اناسى جاعىنىڭ تەگى كۇڭگىرتتەۋ بولىپ، ودان تۋعان بالا كوڭىلدەن شىقپاي جاتسا، «جاقسىدان جامان تۋار، ءبىر اياق اسقا العىسىز» دەپ اپارىپ تاستايدى. ال اكەسىنىڭ قانى سۇيىقتاۋ بولىپ، اناسى تەكتىدەن تۋعان بالا ەل اۋزىنا ىلىگىپ جاتسا، «جاماننان جاقسى تۋار، ادام ايتسا نانعىسىز» دەپ كوتەرمەلەيدى.
پرەزيدەنت نۇرسۇلتان نازارباەۆتىڭ «بولاشاققا باعدار: رۋحاني جاڭعىرۋ» اتتى ماقالاسىندا ۇلتتىق كود تۋرالى ايتىلادى. وتكەن حابارىمىزدا ۇلتتىق كودتى تاپسىرلەگەنبىز. ياعني رۋح تۋرالى ايتقانبىز. كودىمىزدى – بولمىسىمىزدى جاڭعىرتىپ، تەگىمىزدى ساقتاپ قالۋ ءۇشىن رۋح كەرەك دەپ.
ماقالادا پرەزيدەنت «مەريتوكراتيالىق قوعام قۇرىپ جاتىرمىز» دەيدى. ادامدى «كاسىبي بىلىكتىلىگىنە» قاراپ باعالايمىز دەپ وتىر. ونداي جەردە تامىر-تانىستىققا، جەرلەستىككە، رۋشىلدىققا جول جوق. ولاي بولسا، كوررۋپتسيا دا ازايادى دەگەن ءسوز.
قانداي دا ءبىر مەملەكەتتىك مەكەمەنىڭ باسشىسى بولساڭىز، نايماندى، ادايدى، الباندى رۋىڭىزعا قاراي جۇمىسقا الۋدى دوعاراسىز. جەرلەسىم دەپ تارباعاتايلىق، جاڭاوزەندىك، نارىنقولدىقتاردى قاسىڭىزعا جينامايسىز. بۇل تىيىم ەمەس. بۇل تەكتىلىكتىڭ بەلگىسى.
تەكتى ادام ماڭىنا تەكتىنى جينايدى. ياكي ەڭبەگىنە قاراي باعالايدى. تەكسىزدەر عانا ءوزى تەكتەستەردى اينالاسىنا توپىرلاتادى. جۇمىس جۇرمەيدى، ءبىر ءبىرىنىڭ كوڭىلىنە قارايدى. بيۋدجەتتىڭ اقشاسى، ءسىز بەن ءبىزدىڭ اي سايىن جالاقىمىزدان جينالعان سالىقتى، قاراجاتتى «ولگەنىمدە كورگەنىم» دەپ جەيدى. سىبايلاستىق، جەمقورلىق تەكسىزدەردەن شىعادى. سوڭى نەگە اپاراتىنىن وزدەرىڭىز دە كورىپ وتىرسىزدار. ءبىر بىردەن سوتتالىپ جاتىر.
ەلباسىنىڭ ءسوزىن تاعى قايتالايىن: ۇلتتىق كود، ۇلتتىق مادەنيەت ساقتالماسا، ەشقانداي جاڭعىرۋ بولمايدى. دۇرىس ايتادى. ۇلتتىق كود دەپ وتىرعانى – ۇلتتىق تەك، تەكتىلىك. تەكسىزدە قايدان مادەنيەت بولسىن. تەكسىز، مادەنيەتسىز بولسا، قايداعى جاڭعىرۋ؟! جاڭعىرۋ دەگەن ءسوزدى تۇسىنبەيدى دە. جاڭعىرۋ تۋرالى ايتساڭىز، جاڭعىرعانى بىلاي تۇرسىن، قاڭعىرىپ، ايدالاعا لاعىپ كەتەدى.
بىزدە ءبىر جاڭساق تۇسىنىك بار. حان تۇقىمدارىن، ياكي تورەلەردى تەكتى دەيتىن. ءبارىنىڭ تەگى مىقتى دەپ ايتۋعا كەلمەس. مىقتى بولسا، ءبىر بىرىمەن قىرىلىسىپ، بيلىككە تالاسىپ التىن وردانى ىدىراتار ما ەدى؟ ولاردىڭ اراسىندا دا تەكسىزدەر بولعان. مەملەكەتتىڭ ەمەس، ءوز قامىن، تاقتى ويلايتىن. سولاردىڭ كەسىرىنەن الىپ يمپەريا ىدىرادى. تەكتى تاقتى بيلەيدى، تەكسىزدى تاق بيلەيدى.
قازىرگى تىلمەن ايتقاندا، تەكتى بولسا كرەسلونى بيلەپ، ۇجىمنىڭ جۇمىسىن دوڭگەلەتىپ اكەتەدى، قانى دا، جاتىرى دا جامان بولسا، ونىڭ ۇستىنە تەكسىزدى تەكتىگە اينالدىرار تاربيەسى جوق بولسا، كرەسلوسى ءوزىن بيلەيدى. سوعان جابىسىپ قالادى. كرەسلوسىن ساقتاۋ ءۇشىن بارىنە بارۋعا دايىن.
القيسسا، تەكتىلەر نەگە ازايدى، تەكسىزدەر قايدان شىقتى؟ تاعى دا تاريحقا ۇڭىلەمىز. جيىرمانشى عاسىردىڭ باسى. 30-33-جىلدار. قولدان كولحوز ۇيىمداستىردى. كاپيتاليستىك جولداعى تەكتىلەردىڭ مالىن تارتىپ الدى دا، جالشىلارىنا ءبولىپ بەرەمىز دەدى. تەكسىز بولشەۆيكتەر كەدەي-كەپشىكتەردى سولاي الدادى.
ورتاق وگىزدەن، وڭاشا بۇزاۋ ارتىق دەگەن كاپيتاليستىك دامۋ جولىن بۇزدى. مالىن بەرگىسى كەلمەگەن تەكتى ازاماتتاردى «باي، شونجار» دەپ قۋدالادى. ۇرەرگە ءيتى، سىعارعا ءبيتى جوق كەدەي-كەپشىكتەرىمىز بولشەۆيكتەردىڭ ايتاعىنا ەردى. مالدان، باردان ايىرىلدىق.
اقىر سوڭىندا نە وزىنە جوق، نە وزگەگە جوق بولىپ، اشتان قىرىلدى. اشارشىلىقتى لەنين ۇيىمداستىردى. ستالين قولدادى. ارالدىڭ بالىقشىلارى ۆاگون-ۆاگون بالىقتى ماسكەۋگە جونەلتتى. قاتىن-بالاسى ۇيدە اش وتىردى. وسىلايشا قازاقتىڭ جارتىسىنان استامى قىرىلدى. ناقتى ساندارى مەن سول ءبىر زوبالاڭ جىلدار تۋرالى مۇقتار ماعاۋيننىڭ ەڭبەكتەرىنەن وقۋعا بولادى.
ءتىرى قالعانداردىڭ ىشىندەگى اۋقاتتىلارى اتتىلى-جاياۋلى ارعى بەتكە، قىتاي جاققا استى. ءبىرازى ول جاقتان قىسىم كورىپ اۋعانستان، پاكىستان، يران، سيرياعا قونىستانا وتىرىپ، كوبى تۇركياعا جەتتى. ەندى ءبىر بولىگى فرانتسياعا دەيىن باردى. موينى ىرعايداي، ءبيتى تورعايداي بولىپ، مىنەرگە، ياكي ءمىنىپ قاشۋعا اتى جوقتارىمىز قالدىق اتامەكەندە.
ەلگە يە بولىپ قالعان تەكتىلەر دە بارشىلىق ەدى. ولاردى 37-38-جىلدارى ۇستاپ بەردىك. ساتقىنداردان امان قالعاندارىن بولشەۆيك – نكۆد جەندەتتەرى ىزدەپ ءجۇرىپ تاپتى، اتتى، قامادى.
«ءتىرى بولسام، قازاققا قىزمەت قىلماي قويمايمىن» دەدى ءاليحان بوكەيحان. تەكتى ادامنىڭ عانا اۋزىنان شىعاتىن ءسوز. سوزىنە ءىسى دە ساي بولدى. قازاق ءۇشىن جۇمىس ىستەپ، جانىن پيدا ەتۋگە دايىنتۇعىن. كوممۋنيستەردىڭ اتاسى بولشەۆيكتەر ول كىسىنىڭ دە تۇبىنە جەتتى. اشتان قىرىلىپ جاتقان قازاقتارعا كومەكتەسۋ ءۇشىن جۇسىپبەك ايماۋىتۇلى مەن مىرجاقىپ دۋلاتۇلى تەكتى مەتسەناتتاردان مال جيناپ كومەكتەستى. ولاردى ۇستاپ الىپ، ءبىرىن اتتى، ءبىرىن سىبىرگە ايدادى. ءسويتىپ تەكتىلەرىمىزدىڭ تەڭ جارىمىنان ايىرىلدىق.
كورەر كۇنىمىز بار ەكەن. 91-جىلى تاۋەلسىز بولدىق. شەكارا اشىلدى. مۇنداعى تەكتىلەر اتامەكەنگە شاقىردى. ونداعى تەكتىلەر بىردەن كوشىپ كەلدى. مىسالى، موڭعوليادان. تەكسىزدەرى «قاشىپ-پىسقانداردىڭ ۇرپاعى» دەپ وزەكتەن تەپتى. تەكتى اتانىڭ ۇرپاقتارى بولعان سوڭ 90-جىلدارداعى قيىندىقتى ەلمەن بىرگە كوردى. سۋىعىنا توڭىپ، ىستىعىنا بىرگە كۇيدى. ءسىڭىسىپ كەتتى. كاماز جۇك كولىگىن جىبەرىپ، پەشتىڭ كوسەۋىنە دەيىن تيەپ، وزدەرىن ۇشاققا مىنگىزىپ اكەلگەندە، جۇرتتا قالىپ قالعانداردى تۇسىنبەدىك. نە ءۇشىن قالدى؟ بۇل سۇراق جاۋاپسىز. التايدىڭ ارعى بەتى مەن بەرگى بەتىندەگى تەكتى قازاقتار بىرىككەندە قازاق مەملەكەتتىلىگى تەزىرەك نىعايار ەدى.
جاڭا حابار بارىسىندا تورەنىڭ ءبارى تەكتى ەمەس دەپ ايتقان بولاتىنمىن. ياعني، تەكتىلىك قانمەن بىرگە نەمەسە تۋا بىتە كەلە بەرمەيدى. «جاقسىدان جامان تۋار، ءبىر اياق اسقا العىسىز، جاماننان جاقسى تۋار، ادام ايتسا نانعىسىز» دەگەن قازاق. دەمەك تەكتى قىلىپ تاربيەلەۋگە بولادى. ول قازاقتىڭ ءداستۇرى، ىرىم-تىيىم جانە كىتاپ. ۇيدەگى كىتاپتان جانە مەكتەپتەگى مۇعالىمنەن العان تەوريالىق ءبىلىمدى پراكتيكاعا ۇشتاستىرا بىلسەڭىز تەكتى بولىپ شىعاسىز. اركىم ءوز ءىسىنىڭ بىلگىر مامانى بولۋى كەرەك. سونىمەن قاتار مادەنيەتتى بولۋىمىز قاجەت. سوندا تەكتى بولىپ شىعاسىز. ۇلتتىق كودىمىز سول. پرەزيدەنت وسىنى مەڭزەپ وتىر.
ۇلتتىق كودتىڭ، تەكتىلىكتىڭ، رۋحتى بولۋدىڭ مىڭ قاتپارلى جولدارىنىڭ ءبىر وسى.
ماقالادا «العا باسۋ ءۇشىن ۇلتتىڭ دامۋىنا كەدەرگى بولاتىن وتكەننىڭ كەرتارتپا تۇستارىنان باس تارتۋ كەرەك» دەيدى. ياكي تەكسىزدىكتەن باس تارتۋ كەرەك. جامان مىنەزدەن، جامان ادەتتەن ارىلۋىمىز كەرەك. تەندەردى «جەڭدەر» دەپ تۇسىنبەي، وزگە ەتنوس پەن دياسپورانىڭ الدىندا تابا بولماي، ءوز ۇلتىڭدى جوعارى ۇستاپ، ءوز تىلىڭدە سويلەپ، بۇل مەملەكەت وزگەنىكى ەمەس، وزىمدىكى، مەنىڭ ءۇيىم دەپ، ارقايسىمىز ءوز جۇمىسىزدى تىڭعىلىقتى ءھام ادال اتقارا بىلسەك پرەزيدەنت ايتقان «مەريتوكراتيالىق قوعام» تەزىرەك قالىپتاسپاق.
ەڭبەگىنە قاراي باعالاۋ. جۇمىسىڭىزدان ايىرىلماس ءۇشىن باستىعىڭىزعا جاعىمسۋ – تەكسىزدىك. جۇمىسشىنىڭ وتىرىك ماقتاۋىنا باستىقتىڭ ەلىرۋى دە تەكسىزدىك. باسقا جۇمىس تابىلمايدى عوي دەپ كونىپ وتىرۋ – كونبىستىك مىنەز تەكسىزدىكتىڭ بەلگىسى. «تىرنادان باستىق قويساڭ، باسىڭنان قيقۋ كەتپەس» دەگەندەي، جۇمىسشىلارعا اكىرەڭدەپ، جالاقىسىن ۋاقىتىلى بەرمەۋ دە تەكسىزدىك. ولاردىڭ قىزمەتىن، ەڭبەگىن باعالاي ءبىلۋ تەكتىلىك. اركىم ءوز ءىسىنىڭ بىلگىرى بولسا، ەشكىم ەشكىمدى قۋدالامايدى. زاڭ بار. جۇرگەن جەردە زاڭدى تالاپ ەتۋ كەرەك. بۇل دا تەكتىلىكتىڭ بەلگىسى.
ءوزىنىڭ جەكە قۇلقىنىنان مەملەكەتتىك مۇددەنى جوعارى قويۋ تەكتىلىك بولسا كەرەك. ءيا، سوۆەت وداعى كەزىندە تەكتىلىكتى قۇرتۋعا بارىن سالدى. ابىزدارىمىز بەن اقساقالدارىمىزدىڭ ءبىرازى كۇيبەڭ تىرلىكتەن اسپايتىن شالعا اينالدى. شال-شاۋقان ەمەس، ادەمى قارتايىپ، ابىزعا، اقساقالعا اينالىپ، ءبىر اۋداندى بولماسا دا، ءبىر اۋىلدى ۇيىستىرا بىلەتىن تەكتى بولعانىمىز ابزال.
تەكتى بولساڭ، اۋىلىڭىزعا مەتسەنات بولىپ، مەكتەپ سالدىرار ەدىڭىز. كەدەي-كەپشىكتىڭ بالاسىن شەتەلدە وقىتىپ اكەلىپ، وسىندا جۇمىس ىستەتەر ەدىڭىز. تەكسىز بولساڭىز اقشانى شەتەلگە تىعىپ، سول جاقتان ءۇي الا بەرەسىز. تەكتى وسمان يمپەرياسى ۆەنگر، بولگار، گرەكتەردى جاۋلاپ، قىزدارىن ايەل عىپ الدى. كوزدەرى كوك، جاسىلعا اينالعانىمەن تەكتى بولعاندىقتان تىلدەر مەن دىندەرىن ساقتاپ قالدى تۇرىكتەر. ءسويتىپ قاندارىن اسىلداندىردى.
ادام تۇگىلى مال ۇساقتالىپ كەتپەس ءۇشىن اتا مالدى اۋىستىرىپ وتىراتىن ادەت بىزدە دە بار. سوندىقتان ءدىنى مەن ءتىلى باسقا وسىنداعى ۋكرايىن نەمەسە پولياك قىزىن الىپ، يسلامدى قابىلداتىپ، قازاقشا سويلەتۋگە شاماڭىز جەتەتىن تەكتىسىز بە؟ قيىن سۇراق. وزگە ۇلتقا قىزىمىزدى بەرمەيمىز دەپ بايبالام سالامىز، ءوزىمىز قىز الا الماي ءجۇرىپ. ويلاناتىن ماسەلە.
رۋحاني جاڭعىرۋ ءۇشىن رۋحتى، رۋحتى بولۋ ءۇشىن تەكتى بولايىق، اعايىن! امان بولىڭىزدار!

facebook پاراقشاسىنان الىندى

http://oskementv.kz/…/pr…/programs_social/ruhti_altai/743620

Related Articles

  • قىتايلار عۇندارعا 80 جىل باعىنعان

    عۇنداردىڭ اسكەري مەمىلەكەتىنىڭ قۇرىلۋىبىزدىڭ زامانىمىزدان بۇرىنعى 215 جىلى عۇنداردىڭ كوشپەندى-اسكەري مەملەكەتى قۇرىلدى. ۇلىستىڭ قاعانى تۇمەن بولدى. تۇمەننىڭ باقتۇع( مودون) اتتى تاح مۇراگەرى بولدى، تۇمەن ونى تاح مۇراگەرلىگىنەن قاعىپ كورشىلەس نۇكۇز(月氏)دەرگە اماناتقا جىبەردى، ارتىنان ەكى ەل جاۋلاسقاندا نۇكۇز حانى مودوندى ولتىرمەك بولدى، مودون نۇكۇزدەردىڭ ءبىر جۇيىرىك اتىن قولعا تۇسىردىدە ۇستاتپاي عۇندارعا قاشىپ كەلدى. تۇمەن تاڭىرقۇت وعان تۇمەن(10000) جاساقتى باسقارتتى، مودون ىسقىرما جەبەنى جاساپ شىعىپ جاساقتارىنا: «مەن جەبەنى قالاي اتسام سەندەردە سولاي اتاسىڭدار اتپاعانداردىڭ باسى كەسىلەدى !» دەپ ءامىر ەتتى. ءبىر جولى ءوزىنىڭ سايگۇلىگىنە قاراتا وق اتتى، وزىمەن قوسىلا اتپاعانداردى سول مايداندا شاۋىپ ءولتىردى. تاعى ءبىر جولى ءتىپتى ءوز بايبىشەسىنە قاراتىپ وق اتتى، قوسىلا اتپاعانداردى تاعى دا ءولتىردى. تۇمەن تاڭىرقۇتپەن بىرگە اڭعا

  • ۇلتتىق قۇندىلىقتاردى ەسكىردى دەپ كىم ايتتى؟

    الماتى قالاسى ءدىن ىستەرى جونىندەگى باسقارماسىنىڭ قولداۋىمەن ء"دىن مەن ءداستۇر" جوباسى اياسىندا "ادىرنا" ۇلتتىق-ەتنوگرافيالىق بىرلەستىگى حالقىمىزدىڭ رۋحاني  قۇندىلىقتارىن ناسيxاتتاۋدا ءبىرشاما ءىس شارالار وتكىزدى. جاقىندا ءانشى-كۇيشى، كومپوزيتور، تاريxشى-ەتنوگراف، ونەرتانۋشى، جازۋشى، كينوگەر ستسەناريست ەرلان تولەۋتايمەن ساپارعالي بەگالين اتىنداعى مەملەكەتتىك بالالار كىتاپحاناسىندا تاماشا ءبىر كەزدەسۋ وتكەن ەدى. ۇلتىمىزدىڭ ماقتانارلىق رۋحاني قۇندىلىقتارى كوپ. سولاردىڭ ءبىرى دە بىرەگەيى قازاقتىڭ سالت-داستۇرلەرى. بۇل كەزدەسۋ قازاق ۇلتىنىڭ سالتتارى تۋرالى تاقىرىپ اياسىندا ءوربىدى. قازاقتا سالت-داستۇرلەر كوپتەپ سانالادى. ارقايسىسىنىڭ ماڭىزى مەن ورنى دا ەرەكشە. مىسالى: «شىلدەحانا»، «تۇساۋ كەسۋ»، «ارىزداسۋ»، «اساتۋ»، «اشامايعا وتىرعىزۋ»، «ات-تون ايىپ تولەۋ»، «اۋليە ارالاۋ»، «بەسىككە سالۋ»، «بەسىكتى الاستاۋ»، «جەتى اتانى ءبىلۋ»، «مويىنعا بۇرشاق سالۋ»، «مۇشەل جاس»، «ساۋىن ايتۋ»، «سۇيەك جاڭعىرتۋ»، «جىلۋ جيناۋ»، «سىڭسۋ»، «بالاعا ەسىم بەرۋ»، «يتكويلەك كيگىزۋ»،

  • يمانيپەداگوگيكانىڭ قاجەتتىلىگى جانە العىشارتى

    پەداگوگيكا ءəربىر ادامنىڭ بۇكىل ءومىر بويى دامۋىنىڭ كەپىلى جəنە قۇرالى بولعان پەداگوگيكالىق پروتسەستىڭ ءمəنى مەن مازمۇنىن، زاڭدارى مەن زاڭدىلىقتارىن جəنە ونىڭ بۇگىنگى باعىت-باعدارى مەن بولاشاق وركەندەۋ جولىن زەرتتەۋشى عىلىم جۇيەسى. وسى نەگىزدە پەداگوگيكا ءتəلىم-تəربيە پروتسەسىنىڭ ۇيىمداسۋ تەورياسى مەن تەحنولوگياسىن، پەداگوگ ءىس-əرەكەتىن (پەداگوگيكالىق قىزمەتتى) جəنە وقۋشىلاردىڭ əرقيلى وقۋ جۇمىستارىن جەتىلدىرۋدىڭ فورمالارى مەن əدىستەرىن ءəرى ولار اراسىنداعى وقۋ ىستەرى توڭىرەگىندە تۋىنداپ وتىراتىن قارىم-قاتىناس، ىقپالداستىق ستراتەگيالارى مەن تəسىلدەرىن ناقتىلاپ، اشىپ وتىرادى. ادام بيولوگيالىق تىرشىلىك يەسى رەتىندە دۇنيەگە كەلەدى. ونىڭ تۇلعا بولىپ جەتىلۋى ءۇشىن — تاربيەلەۋ قاجەت. ءدال وسى تاربيە ادامدى ىزگىلەندىرىپ، وعان قاجەت قاسيەت ساپالاردى قالىپتاستىرادى. قازىرگى قوعامدا تاربيە جۇمىستارىن جۇرگىزۋ ءۇشىن ارنايى مەكەمەلەر تۇزىلگەن. بۇل ۇدەرىستى كاسىبي ءبىلىمدى ادامدار باسقارادى. تاربيە جونىندە

  • بويىڭا ويىڭ ساي بولعىر، ءداۋدىڭ اتى ءداۋ عوي قاشاندا 

    Batyrkhan Kurmanseit ارگەنتينانىڭ بۋەنوس-ايرەسىندا وتكەن “ۇلكەن جيىرمالىق” (G20) ەلدەرى باسشىلارىنىڭ ءسامميتى ناتيجەلەرىنە قاتىستى قابىلدانعان ورتاق مالىمدەمەدە بۇگىنگى تاڭداعى ەڭ ماڭىزدى الەمدىك ماسەلەلەردىڭ ءبىرى بولىپ وتىرعان اقش-تىڭ پروتەكتسيونيزم ساياساتى جايىندا ەشتەڭە ايتىلمادى. ونىڭ ورنىنا تاراپتار “ەڭ الدىمەن امەريكا” دەگەنىنەن قايتپاي وتىرعان پرەزيدەنت ترامپتىڭ تالابىمەن دۇنيەجۇزىلىك ساۋدا ۇيىمىن رەفورمالاۋعا قاتىستى كەلىسىمگە قول جەتكىزدى. “بىرجاقتى ساياساتتى قولداۋعا ەمەس، كوپجاقتى ارىپتەستىك جۇيەسىن كۇشەيتۋگە كۇش سالۋ كەرەك” دەگەندى بۇگىنگە دەيىن قايتالاپ كەلگەن G20 ەلدەرى باسشىلارى وسى جولى ءوز پوزيتسيالارىن قورعاپ قالا المادى” دەپ جاتىر كوپ ەكسپەرتتەر. ءسامميتتىڭ جابىلۋ راسىمىنەن كەيىن وتكەن پرەسس-كونفەرەنتسيادا “ەركىن ساۋدا قاعيداسىن ساقتاپ، پروتەكتسيونيزم ساياساتىن جۇرگىزبەۋدىڭ ماڭىزدى ەكەنى تۋرالى بىرلەسكەن مالىمدەمەدە نەگە ەشتەڭە ايتىلمادى” دەگەن سۇراققا ۇيىمداستىرۋشى ەل ارگەنتينانىڭ پرەزيدەنتى ماۋريسيو ماكري

  • قىتاي تۋرالى ءبىر جۇتىم وي

    Eldes Orda اقش-قىتاي تەكەتىرەسى قىتاي قوعامىن ەكى جىككە ءبولۋى بەك مۇمكىن. جالپى بۇل قىتاي xالقىنىڭ اقش-قا قارسى پيعىلى ما الدە بيلىك باسىنداعى قىتاي كوممۋنيستەرىنىڭ اقش-قا قارسى تەكەتىرەسى مە؟ مەنىڭشە بۇنىڭ اراسىندا ايىرماشىلىق بار. ونداي بولسا مىناداي بولجاۋ جاساۋعا بولادى: ءبىرىنشىسى، اقش-قا قىتاي كومپارتياسى باقتالاس بولسا، اقش مىندەتتى تۇردە قىتاي كومپارتياسىنا ساياسي بالاما بولا الاتىن كەز-كەلگەن انتي-كومپارتياشىل قىتاي توپتارمەن جاڭا ساياسي ماقساتتار قويا باستايدى. بۇنىڭ سوڭى قىتاي قوعامىنداعى كوممۋنيست پارتياعا قارسى ىشتەي ءتىسىن قايراپ جۇرگەن توپتاردىڭ كۇشىن بىرىكتىرەدى. سونداي-اق، قىتاي كوممۋنيستىك پارتياسىنىڭ ساياسي وقشاۋلانۋىن جىل سايىن اسقىندىرا بەرەدى. ءتىپتى، ەڭ سوڭىندا كومپارتيا ساياسي قاجەتىنەن ايرىلا باستايدى; ەكىنشىسى، اقش-قىتاي ساياسي ھام ەكونوميكالىق داعدارىسى قىتاي وليگارxىنا نەمەسە كلاندىق توپتارىنا كۇردەلى تاڭداۋ جاساۋعا جاجبۇرلەيدى.

پىكىر قالدىرۋ

ەلەكتورندى پوشتاڭىز سىرتقا جاريالانبايدى. بەلگى قويىلعان ءورىستى تولتىرۋ مىندەتتى *

اتى-ءجونى *

Email *

سايتى

Kerey.kz/كەرەي.كز

ءبىز تۋرالى:

تەل: +7 7071039161
Email: kerey.qazaq@gmail.com

Kerey.kz ءتىڭ بۇرىنعى نۇسقاسىن http://old.kerey.kz تەن وقي الاسىزدار!

KEREY.KZ

سايت ماتەريالدارىن پايدالانعاندا دەرەككوزگە سىلتەمە كورسەتۋ مىندەتتى. اۆتورلار پىكىرى مەن رەداكتسيا كوزقاراسى سايكەس كەلە بەرمەۋى مۇمكىن. جارناما مەن حابارلاندىرۋلاردىڭ مازمۇنىنا جارناما بەرۋشى جاۋاپتى.

سايت ساناعى: