|  |  | 

تاريح قازاق شەجىرەسى

قازاق اۆتونومياسى قۇرامىنا كىرمەي قالعان قازاق ۋالاياتتارى تۋرالى

Eldeç Orda суреті.

قىتاي قازاقتارى شۋار-دىڭ بەس ۇلكەن ايماعىنا شوعىرلى قونىستانعان. جالپى، شىڭجاڭدا ون ءىرى ايماق بولسا، سونىڭ بەس ۇلكەن ايماعىندا قازاقتار جيى قونىستانعان. قازاقتار قونىس تەپكەن بەس ۇلكەن ايماق مىنالار: ىلە، تارباعاتاي، التاي، سانجى جانە قۇمىل.
بۇل بەس ايماقتىڭ ىشىندە تەك ۇشەۋى (ىلە، تارباعاتاي، التاي) عانا قازاق اۆتونومياسىنىڭ قۇرامىنا كىرىپ وتىر. قالعان ەكى ايماق ءبولىنىپ، بولشەكتەلىپ قازاق قۇرامىنا ەنبەي قالدى. سونىمەن شۋارداعى قازاقتاردىڭ بايىرعى قونىسى اتانعان قازاق ايماقتارىنا جەكە جەكە تالداۋ جاسايمىز.Eldeç Orda суреті.

1. ىلە ۋالاياتى (كارتاداعى 1) جان سانى ەڭ تىعىز ءوڭىر. ورتالىعى بۇرىن كۇرە قالاسى ەدى، كەيىن قۇلجا قالاسى بولدى. 1871-جىلى پاتشالىق رەسەي قۇرامىنا كىرىپ 1881-جىلعا دەيىن ون جىل جەتىسۋ، الماتى وبلىسىنىڭ ءبىر بولشەگى بولعان. 1881′دەن 1914-جىلعا دەيىن شىڭجاڭ ولكەسى قۇرامىنا قاراماي تىكە ورتالىق ۇكىمەتكە امكەري گۋبەرنيا رەتىندە قاراپ تۇرعان. 1912-جىلى ىلەنىڭ كۇرە، قۇلجا قالالارىندا ازاماتتىق سوعىس پەن توڭكەرىس تۋىلىپ ديحۋا ء(ۇرىمجى) ۇكىمەتىمەن تەكەتىرەسىپ اقىرى پەكيندەگى يۋان شيكايدىڭ تىكە ارالاسۋىمەن سوعىس توقتاپ زورلىقتى كۇشپەن شىڭجاڭ ولكەلىك ۇكىمەتكە قاراتىلعان (1914). 1944-جىلعى شىڭجاڭ ولكەلىك ۇكىمەتتىڭ قورعانىس مينىستىرلىگى جاعىنان الىنعان ساندىق مالىمەت بويىنشا، ىلە ۋالاياتىندا سول جىلدارى 210 مىڭ 672 قازاق، 76 مىڭ 229 ۇيعىر، 27 مىڭ 661 قىتاي بولعان ەكەن. ءدال قازىرگى قىتاي كوممۋنيستتەرىنىڭ سان ايعاقشىلارى (ستاتيكالىق) ىلە ۋالاياتىنداعى قازاقتىڭ ۇزىن سانىن 500 مىڭنىڭ اينالاسىندا عىپ كورسەتىپ ءجۇر. سوندا 70 جىلدان بەرى نەبارى ءبىر ەسە وسكەن بە؟ سوسىن، ىلە ۋالاياتى مەن تارباعاتاي ۋالاياتى اراسىن ءبولۋ ءۇشىن اراداعى بۇراتالانى جەكە اۆتونوميالى وبلس عىپ شىعارىپ جىڭ، اراسان اۋداندارىنىڭ قازاقتارىن ىلە ۋالاياتىنان اجىراتىپ الىپ قويادى. 1955-1962 جىلدارى ىلە ۋالاياتىنان قازاق سسر-عا قونىس اۋدارۋشىلار وتە كوپ بولدى. اسىرەسە، 1962-جىلى ىلە ۋالاياتىنىڭ قورعاس اۋدانىنان شەكارا اسىپ ارعى قازاق سسر-عا كوشۋشىلەر تىپتەن كوپ بولعان. 2016-جىلى ىلە ۋالاياتىن ارالاپ دەرەك جيناپ جۇرگەنىمدە قورعاسقا قاتىستى دەرەكتى وقىپ تاڭقالدىم، مىسالى، 1962-جىلعا دەيىن قورعاستا قازاقتىڭ كوپتىگى سونشا *** دەگەن ءبىر اۋىلدىڭ وزىندەگى قازاقتىڭ ۇزىن سانى 30 مىڭنان اسقان، سول اۋىلدان 3000 وقۋشى ءبىر ۋاقىتتا مەكتەپكە بارىپ تۇرعان، 1962-جىلعى ۇركىن كوشتە اۋىل قازاقسىز قاڭعىراپ قالىپ، مەكتەپ پەن اكىمشىلىك، بوس ۇيلەردى زورلىقپەن قونىستاندىرىلعان ۇيعىرلار كەپ يەمدەنىم كەتكەن. سونىڭ وزىندە كۇنەس، نىلقى، تەكەس، ورتەكەس(موڭعولكۇرە), توعىزتاراۋ، شاپشال، قۇلجا، قورعاس قاتارلى سەگىز اۋدان ىلە ۋالاياتىنا تىكە قارايدى (بۇرىن 12 اۋدان ەدى). بۇنىڭ ىشىندە قازاق ەڭ كوپ اۋدان- كۇنەس. شامامەن 150 مىڭ مەن 200 مىڭنىڭ اراسىندا، قالعاندارى 70 مىڭ مەن 100 مىڭ اينالاسى، قازاق ەڭ از اۋدان- قۇلجا (قۇلجا قالاسى ەمەس، قۇلجا اۋدانى) مەن قورعاس، سونىڭ وزىندە ارقايسىندا 50 مىڭنان استام قازاق بار.

2. تارباعاتاي ۋالاياتى (كارتاداعى 2). ورتالىعى- شاۋەشەك قالاسى. 1916- جىلعا دەيىن ىلە اسكەري گۋبەرنياسى ارقىلى ورتالىق ۇكىمەتكە تىكە قاراپ تۇرعان. التايداعى كوگەداي ورداسى ورتالىق بيلىككە جىلىنا تولەيتىن 81 ات سار نوقتانىڭ سالىعىنىڭ 41-ىن قوبدا ارقىلى وتەپ تۇرسا، قالعان 40-ىن تارباعاتاي امبانى مەكەمەسى ارقىلى ورتالىق پەكينگە جوتكەپ تۇرعان. 1916′دان 1944-جىلعا دەيىن تارباعاتاي ۋالاياتىندا ساۋان مەن شيحۋ اۋداندارى قاراستى بولماي كەلگەن. 1944-جىلى شارقي تۇركىستان ۇكىمەتى ساۋان، شيحۋ اۋداندارىن ازات قىلعان سوڭ ونى ءۇرىمجى ۋالاياتىنان ءبولىپ اپ تارباعاتاي ۋالاياتىنا قوسقان. 1944-جىلعى شىڭجاڭ ولكەلىك قورعانىس مينىستىرلىگىنىڭ ساناعى بويىنشا تارباعاتاي ۋالاياتىندا 103 مىڭ 180 قازاق، 1 مىڭ 15 (1015) ۇيعىر، 26 مىڭ 299 قىتاي بولعان. بىراق، ەسكەرە كەتىڭىز بۇل ساناققا ساۋان (ساندىققوزى) مەن شيحۋ (قاراسۋ) اۋدانىنىڭ قازاقتارى كىرمەيدى. 1955-1962 جىلدارى تارباعاتاي ۋالاياتىنىڭ ورتالىعى شاۋەشەك پەن شاعانتوعاي اۋدانىنان قازاق سسر-عا قونىس اۋدارۋشىلار سانى ەرەپايسىز كوپ بولدى. 1962-جىلدىڭ ءساۋىر ايىنىڭ 21-28 جۇلدىزى شەكارا نەبارى ءبىر اق اپتا اشىلىپ ەدى، 60 مىڭنان استام قازاقتار قازاق سسر-عا ءوتىپ كەتكەن. سونىمەن شاۋەشەك قالاسى مەن شاعانتوعايدىڭ قازاعى كۇرد ازايىپ ءدوربىلجىن مەن تولى اۋدانىنىڭ قازاقتارىن ءبولىپ كوشىرىپ شاۋەشەك پەن شاعانتوعايدىڭ جان سانىن تولىقتىرعان. تارباعاتايداعى قازاق ەڭ كوپ اۋدان ءدوربىلجىن مەن تولى اۋدانى، ارقايسىندا 80 مىڭ مەن 100 مىڭنان قازاق تۇرادى، قازاق ەڭ از اۋدان شەكاراداعى شاعانتوعاي اۋدانى، وندا نەبارى 17 مىڭ مەن 20 مىڭنىڭ اينالاسىندا قازاق تۇرادى. تارباعاتاي ۋالاياتىنا شاعانتوعاي، تولى، ءدوربىلجىن، قوبىق، ساۋان جانە شيحۋ قالاسى قارايدى. كەزىندە تارباعاتاي مەن التاي ۋالاياتىنىڭ اراسىن ءبولۋدى جوسپارلاپ قوبىق اۋدانىنان جەكە اۆتونوميا جاساماقشى بولعان، بىراق ىسكە اسپاي، قيسىنسىز بولىپ قوبىق اۋدان ستاتۋسى كۇيىنشە قالا بەرەدى.Eldeç Orda суреті.

3. التاي ۋالاياتى (كارتاداعى 3). ورتالىعى- التاي قالاسى. 1920-جىلعا دەيىن كوگەداي ورداسى دەگەن اتپەن ورتالىق پەكينگە 130 جىل تىكە قاراپ كەيىن زورلىقتى كۇشپەن شىڭجاڭ ولكەسى قۇرامىنا كىرگەن. التاي جەكە حان ورداسى رەتىندە پەكيننىڭ باسقارۋىنا تىكە قاراپ تۇرعان كەزدە قازاقتار ء“تورت بي تورە زاڭى” بويىنشا باسقارىلىپ تۇرعان. 1920-جىلى التاي ورداسى شىڭجاڭعا قاراتىلعان سوڭ التاي قازاقتارىنىڭ باعى تايدى. 1920′دان 1951′گە دەيىن التاي دۇربەلەڭ مەن زوبالاڭنان كوز اشپادى. 1944-جىلعى شىڭجاڭ ولكەلىك قورعانىس مينىستىرلىگىنىڭ ساناعىنا التاي قازاقتارىنىڭ جالپى سانى ەنبەي قالادى، ونىڭ سەبەبى التايدا 1939-جىلى ۇلت ازاتتىق كوتەرىلىس تۋىلادى دا، ول 1944′كە دەيىن تۇتاس التايدى شارپىپ التايدا الەۋمەتتىە جۇمىس مۇلدەم توقتايدى. سونىڭ وزىندە 1944-جىلعى ساناققا التايدىڭ باتىسىنداعى ءبىر ەكى اۋداننىڭ سانى كىرەدى، وندا 53 مىڭ 352 قازاق، 2 مىڭ 961 ۇيعىر (2961), 2 مىڭ 331 (2331) قىتاي بولعان. بۇل التاي ۋالاياتىنىڭ جەمەنەي، قابا اۋداندارىنىڭ سانى، قالعاندارىن ساناۋعا ەشقانداي مۇرسات بولماعان. 1955-جىلى التاي قالاسىنداعى سابەت كونسۋلى جابىلعاندا بىرەن-ساران قازاقتار عانا (مىسالى، مۇسىلمانبەك توگىسوۆ، تب) قازاق سسر-عا كوشىپ وتكەن. 1962-جىلعى شەكارا وقيعاسىندا التايدان ەل قوزعالماعان. قازىر، التاي ۋالاياتىنا شىڭگىل، كوكتوعاي، بۇرىلتوعاي، بۋىرشىن، قابا، جەمەنەي اۋداندارى قارايدى.

4. سانجى وبلسى (كارتاداعى 4). ورتالىعى- سانجى قالاسى. بۇل وبلس تازا قازاق ۋالاياتى سااانالادى. قازاقتار بۇل ءوڭىردى ءتاڭىرتاۋ نەمەسە ەرەنقابىرعا دەپ اتايدى. ەڭ وكىنىشتىسى، بۇل ءوڭىردى قازاق اۆتونومياسى قۇرامىنا قىتاي كوممۋنيستتەرى قوسپاي ءبولىپ تاستاعان. 1954-55′جىلدارعا دەيىن ءۇرىمجى ۋالاياتى دەپ اتالىپ ورتالىعى دي حۋا قالاسى بولدى. ءۇرىمجى ۋالاياتىنا موري، شونجى، جەمسارى، ميچۋان، بوكەن (فۋ كاڭ), قۇتىبي، ماناس، سانجى، ءۇرىمجى سياقتى قازاق اۋداندارى تىكە قاراپ تۇرعان. 1954-جىلى قازاق اۆتونومياسىن قۇرۋ كوميتەتى جەر-سۋ ماسەلەسىندە ەكىگە ءبولىنىپ قيان كەسكى تالاس-تارتىس جاسايدى، اقىر اياعى ەكىشى پىكىردەگى كوممۋنيست مۇشەلەرىنىڭ پىكىرى قۋاتتالىپ ءۇرىمجى ۋالاياتىنداعى قازاق اۋداردارى قازاق اۆتونوميامى قۇرامىنا ەنبەي قالادى. سونىمەن سول جىلى بۇل ۋالاياتتىڭ اتى وزگەرىپ سانجى دۇڭعان وبلسى بولىپ قۇرىلادى. نە ءۇشىن دۇڭعان دەپ اتاعان دەۋىڭىز مۇمكىن، دۇڭعاندار سانجى قالا ماڭىندا شوعىرلى قونىستانعاندىقتان ولاردى سىلتاۋ ەتىپ كوممۋنيستتەر دۇڭعان وبلسىن قولدان جاساپ قازاق اۋداندارىن سوعان قاراتىپ قويادى. 1962-جىلى ءۇرىمجى قالاسى (بۇرىنعى ديحۋا قالاسى) سانجى دۇڭعان وبلسىنان ءبولىنىپ جەكە قالا بوپ قۇرىلادى. 1944-جىلعى شىڭجاڭ ولكەلىك ۇكىمەتتىڭ قورعانىس مينىستىرلىگى جاعىنان جاسالعان ساناق بويىنشا سول كەزدەگى ءۇرىمجى ۋالاياتىندا 150 شاماسىندا قازاق بولعان ەكەن. ايتپاقشى، قازاقتان شىققان قادۋان مامىربەكقىزى وسى ءۇرىمجى ۋالاياتىنىڭ ءۋاليى (اكىمى) قوسىمشا قورعانىس ءتورايىمى بولعان. وسى تۇستا ءۇرىمجى ۋالاياتىنىڭ ءار قايسى قازاق اۋداندارىنىڭ اكىمدەرى دەرلىكتەي قازاقتان سايلانعان. 1955-جىلدان بەرى بۇل وڭىردەگى قازاقتار وبلس اتاۋىن “قازاق-دۇڭعان” وبلسى دەپ وزگەرتۋگە كۇرەسىپ كەلەدى، بىراق ونى تىڭدايتىن كوممۋنيستتەردىڭ قۇلاعى بولمادى. بۇل ۋالاياتتىڭ نە ءۇشىن قازاق اۆتونومياسى قۇرامىنا كىرمەي قالعانىن ءبىر كۇنى ەگجەي تەگجەيلى بايانداپ ساراپتاپ بەرەيىن.

Eldeç Orda суреті.Eldeç Orda суреті.

5. قۇمىل ۋالاياتى (كارتاداعى 5). ۋالايات ورتالىعى- قۇمىل قالاسى. قازاقتار باركول مەن اراتۇرىك ەكى اۋدانعا شوعىرلى قونىستانعان. قۇمىل قالاسى مەن باركول، اراتۇرىك ەكەۋىنىڭ اراسىن الىپ ءتاڭىر تاۋى قيا ءبولىپ جاتىر. قۇمىل قالاسىندا جيىرما مىڭعا جۋىق قازاقتار تۇرادى، قالا ماڭىندا تازا قازاقتار تۇراتىن اۋىل مەن ەلدى-مەكەندەر كوپ (قىستاۋلىق، كوكتەۋلىك). 2016-جىلى دەرەك جيناۋ بابىمەن قۇمىل قالاسىندا اپتالاپ ايالداپ قالاداعى قازاق مەكتەپتەرىن ارالادىم (شاعىن لەكتسيا دا جاسادىم). قۇمىل ۋالاياتىنداعى قازاقتار ەڭ شوعىرلى قونىستانعان باركول مەن اراتۇرىك قازاقتارىنىڭ تاريحي تاعدىرى وتە ايانىشتى. 1954-جىلى قازاق اۆتونومياسى قۇرىلاتىن كەزدە ءۇرىمجى ۋالاياتىنا قاراپ كەلگەن تۇرپان، ءپىشان مەن توقسۇن اۋداندارى ءبولىنىپ جەكە ۋالايات بولادى دا، قۇمىل ۋالاياتىنداعى باركول، اراتۇرىك قازاق اۋداندارى سانجى قازاقتارى سياقتى قازاق اۆتونومياسى قۇرىمىنا مۇلدەم قوسىلماي قالادى. قازىر بۇل قۇمىل ۋالاياتىنىڭ قازاقتارى 100 مىڭعا تاياپ جىعىلادى. قازىر ۋالايات قۇرامىندا باركول، اراتۇرىك ەكى اۋدان بار.

Eldeç Orda суреті.Eldeç Orda суреті.

سونىمەن، قىتاي قازاقتارى وسى بەس ۇلكەن ۋالايات وبلسقا شوعىرلى قونىس تەپكەن. ارقايسى ءوڭىردىڭ ءوز قيلى تاريحى تاعى بار. ونى الداعى ۋاقىتتا بۇگە شىگەسىنە دەيىن تالداپ تۇسىندىرەتىن بولامىز.

Eldeç Orda

Related Articles

  • نازارباەۆتان كەيىنگى قازاقستان نە بولماق؟

    2018 جىلى ەلىمىزدىڭ ساياسي ومىرىندەگى كەي وقيعالار بيلىك ترانزيتىنە جان-جاقتى دايىندىق ءجۇرىپ جاتقانىن ايگىلەدى. ساياساتتانۋشى، تاۋەكەلدەردى باعالاۋ توبىنىڭ جەتەكشىسى دوسىم ساتباەۆ قازىرگى ترانزيت مەحانيزمى پرەزيدەنت ن.نازارباەۆ كوزى ءتىرى كەزدە عانا جۇمىس ىستەيدى، سوندىقتان بيلىكتىڭ قانداي جولمەن جانە كىمگە اۋىساتىنى بەلگىسىز دەپ ەسەپتەيدى. 2018 جىل اياقتالار تۇستا دوسىم ساتباەۆپەن باستى ساياسي وقيعالارعا تالداۋ جاساپ، نازارباەۆسىز قازاقستان تاپ بولاتىن ماسەلەلەرگە ءۇڭىلىپ كوردىك. ساياساتتانۋشى د.ساتباەۆ قاۋىپسىزدىك كەڭەسى ۇجىمدىق مۇراگەر بولا المايدى – دوسىم، بيىلعى ەلىمىزدىڭ ساياسي ومىرىندەگى ايتۋلى وقيعالاردىڭ ءبىرى ­– «قاۋىپسىزدىك كەڭەسى تۋرالى» زاڭنىڭ قابىلدانۋى. قاۋىپسىزدىك كەڭەسى كونسۋلتاتيۆتى-كەڭەسشىلىك ورگاننان كونستيتۋتسيالىق ورگانعا اينالدى، ال ءبىرىنشى پرەزيدەنتكە ونى ءومىر بويى باسقارۋ قۇقى بەرىلدى. كەيبىر ساراپشىلار بۇدان بيلىك ترانزيتىنە دايىندىقتىڭ نىشانىن بايقادى. ءسىزدىڭ ويىڭىزشا، بۇل

  • حان كەنەنىڭ قارۋى

    Beken Kayratuly Facebook پاراقشاسىنان الىندى ەلورداعىقازاقستان رەسپۋبليكاسى قارۋلى كۇشتەرىنىڭ اسكەري-تاريحي مۋزەيىنىڭ اۋىسپالى ەكسپوزيتسيالىق جادىگەرلەر كورمەسى ورنالاسقان تومەنگى زالىندا، قازاق حالقى ءۇشىن قۇندى زاتتىڭ ءبىرى – كەنەسارى قاسىمۇلىنىڭ مىلتىعى تۇر. ءحىح عاسىردىڭ ورتاسىندا ۇلى دالادا ورىستەگەن ۇلت-ازاتتىق قوزعالىستىڭ كوسەمى، اتاقتى ابىلاي حاننىڭ نەمەرەسى كەنەكەڭ وسى مىلتىقپەن جاۋ تۇسىرگەن. ايتالىق، 1838 جىلى كەنەسارى اقمولا بەكىنىسىن باسىپ الىپ، ورىس اسكەرىن قۋىپ شىققانىن تاريحتان جاقسى بىلەمىز. وسى وقيعا تۋرالى ەل-جۇرتتىڭ اۋزىنان ەستىپ، حاتقا تۇسىرگەن ءماشھۇر-ءجۇسىپ كوپەەۆ ءوزىنىڭ «قازاق شەجىرەسى» اتتى جازباسىندا: «قاراوتكەلدە اعا سۇلتان قوڭىرقۇلجا دۋان باسى بولعان. كەنەسارىعا قارسى تۇرىپ سوعىس سالعان. قاراوتكەلدى (اقمولا بەكىنىسىن ايتادى) قاماعاندا كەنەسارى كۇلدىرماماي دەگەن مىلتىعىمەن تايتوبەنىڭ باسىندا تۇرىپ، ورىستىڭ قاراۋىلشى بالسايكەسىن (پوليتسەيىن) اتىپ مۇرتتاي ۇشىرعان» دەيدى (ا.سمايىل

  • قىتايلار عۇندارعا 80 جىل باعىنعان

    عۇنداردىڭ اسكەري مەمىلەكەتىنىڭ قۇرىلۋىبىزدىڭ زامانىمىزدان بۇرىنعى 215 جىلى عۇنداردىڭ كوشپەندى-اسكەري مەملەكەتى قۇرىلدى. ۇلىستىڭ قاعانى تۇمەن بولدى. تۇمەننىڭ باقتۇع( مودون) اتتى تاح مۇراگەرى بولدى، تۇمەن ونى تاح مۇراگەرلىگىنەن قاعىپ كورشىلەس نۇكۇز(月氏)دەرگە اماناتقا جىبەردى، ارتىنان ەكى ەل جاۋلاسقاندا نۇكۇز حانى مودوندى ولتىرمەك بولدى، مودون نۇكۇزدەردىڭ ءبىر جۇيىرىك اتىن قولعا تۇسىردىدە ۇستاتپاي عۇندارعا قاشىپ كەلدى. تۇمەن تاڭىرقۇت وعان تۇمەن(10000) جاساقتى باسقارتتى، مودون ىسقىرما جەبەنى جاساپ شىعىپ جاساقتارىنا: «مەن جەبەنى قالاي اتسام سەندەردە سولاي اتاسىڭدار اتپاعانداردىڭ باسى كەسىلەدى !» دەپ ءامىر ەتتى. ءبىر جولى ءوزىنىڭ سايگۇلىگىنە قاراتا وق اتتى، وزىمەن قوسىلا اتپاعانداردى سول مايداندا شاۋىپ ءولتىردى. تاعى ءبىر جولى ءتىپتى ءوز بايبىشەسىنە قاراتىپ وق اتتى، قوسىلا اتپاعانداردى تاعى دا ءولتىردى. تۇمەن تاڭىرقۇتپەن بىرگە اڭعا

  • كوكتۇرىكتەن تاراعان قازاق رۋلارى

    ەرزات كارىباي كوكتۇرىك قاعاناتى ۇلى عۇن قاعاناتىنان كەيىنگى كوشپەندى-اسكەري جۇرتتاردىڭ قۇرعان يمپەرياسى. 552-742 جىلدارعا دەيىن 190 جىلداي داۋرەن ءسۇردى، بيلەۋشى تايپا اشينا تايپاسى. تەريتورياسى شىعىستا جاپون تەڭىزىنەن باتىستا قارا تەڭىزگە دەيىن; سولتۇستىكتە سىبەريا ورماندارىنان يران، قىتايعا دەيىن سوزىلعان ون ميلليون شارشى كيلومەتر اۋماقتى الىپ جاتتى. تۇركى اسىلىندە اشينا باستاعان ونداعان تايپالار وداعىنىڭ اتى بولاتىن. تەگى عۇندار مەن ساقتاردىڭ بىرىنەن، ەڭ العاشىندا نيونۋان قاعاناتىنا قاراستى تەمىرشىلەر بولاتىن، 545 جىلى بۋمىن قاعان تەرگلەكتەر(اربالىلار نەمەسە قاڭعارلار) نيونۋاندارعا اتتانعان جاساقتارىن توسقاۋىلداپ تالقانىن شىعاردىدا 50 مىڭ وتباسى تەرگلەكتەردى باعىندىرىپ الدىدا 546 جىلى نيونۋان قاعانى اناعايدى ويسىراتا جەڭدى، اناعاي ءوزىن-ءوزى ءولتىردى. وسىلايشا كوكتۇرىك قاعاناتى قۇرىلدى. قاعانات التاي تاۋىندا شاڭىراق كوتەردى دە كەيىن كوشپەندىلەردىڭ قاسيەتتى جۇرتى بولعان

  • تاۋەلسىزدىك كۇرەسكەرلەرىنە مىڭ العىس!

    1986 جىلى جەلتوقسان ايىنىڭ ورتاسىندا الماتى قالاسىنداعى برەجنەۆ (قازىرگى رەسپۋبليكا) الاڭى بۇكىل الەمنىڭ نازارىن وزىنە اۋداردى. ول كەزدە قازىرگىدەي ينتەرنەت، الەۋمەتتىك جەلىلەر جوق بولسا دا، جەرگىلىكتى جاستاردىڭ دەموكراتيالىق باس كوتەرۋى تۋرالى اقپارات دۇنيەجۇزىنە تاراپ ۇلگەرگەن ەدى. كومپارتيانىڭ د.قوناەۆتى قىزمەتىنەن تايدىرىپ، ونىڭ ورنىنا بۇعان دەيىن قازاقستان ءۇشىن بەيمالىم بولعان گ.كولبيندى تاعايىنداۋى نارازىلىق تۋعىزىپ، قالاداعى ورتالىق الاڭعا ون مىڭداعان جاستار جينالدى. قارسى كەلگەندى قان قاقساتىپ ۇيرەنگەن كەڭەس وكىمەتى بۇل جولى دا ەشكىمدى ايامادى. بەيبىت سيپاتتا باستالعان شەرۋ اقىر سوڭىندا كۇشپەن باسىلىپ، وعان قاتىسقانداردىڭ ءبىرازى قازا تاپتى، كوبى قۋعىنعا ۇشىرادى. وسى ءبىر تاريحي ءساتتى جاستاردىڭ جادىندا ماڭگى ساقتاۋ ءۇشىن، «ادىرنا» ۇلتتىق-ەتنوگرافيالىق بىرلەستىگى الماتى قالاسى ىشكى ساياسات باسقارماسىنىڭ قولداۋىمەن شاھارداعى بىرقاتار مەكەمەلەردە ارنايى كەزدەسۋلەر

پىكىر قالدىرۋ

ەلەكتورندى پوشتاڭىز سىرتقا جاريالانبايدى. بەلگى قويىلعان ءورىستى تولتىرۋ مىندەتتى *

اتى-ءجونى *

Email *

سايتى

Kerey.kz/كەرەي.كز

ءبىز تۋرالى:

تەل: +7 7071039161
Email: kerey.qazaq@gmail.com

Kerey.kz ءتىڭ بۇرىنعى نۇسقاسىن http://old.kerey.kz تەن وقي الاسىزدار!

KEREY.KZ

سايت ماتەريالدارىن پايدالانعاندا دەرەككوزگە سىلتەمە كورسەتۋ مىندەتتى. اۆتورلار پىكىرى مەن رەداكتسيا كوزقاراسى سايكەس كەلە بەرمەۋى مۇمكىن. جارناما مەن حابارلاندىرۋلاردىڭ مازمۇنىنا جارناما بەرۋشى جاۋاپتى.

سايت ساناعى: