ارگەنتينا – يسلانديا 1:1
kerey.kz
وڭتۇستىك امەريكانىڭ جۇلدىزدى قۇراماسىنا جاقتاسقام، شىنىن ايتسام. ال دەبيۋتانت ارالدىقتار شاعىن، شىمىر، شاقار ءھام ۇيىمشىل كوماندا ەكەنى بەلگىلى. قاقپاشىسى – كەرەمەت، قورعانىسىنان سۋ وتپەيدى. ونىڭ ۇستىنە سيمۋلياتسيا مەن ۋاقىت سوزۋدى دا سوڭعى جىلدارى جاقسى مەڭگەرگەن. ەكى جىل بۇرىنعى ەۋروپا چەمپيوناتىنداعى دەبيۋتى كەزىندە 1/8 فينالدا انگليانى 2:1 ەتىپ جەڭىپ، سەنساتسيا جاساعانى ەستەرىڭىزدە شىعار. سول كەزدە مىناداي قورعانىس پەن قارىمتا شابۋىلعا قايران قىلا الماعان كۇيى رۋني ارمانىنا جەتە الماي الاڭنان باسى سالبىراپ كەتكەن. بۇگىنگى ارگەنتينالىق كاپيتاندى سوعان ۇقساتتىم. مەسسيدىڭ الەم چەمپيوناتتارىندا نەگە ويىنى جۇرمەيتىنىن، نەگە “بارسەلوناداعىداي” جارقىراي المايتىنىن تۇسىنە الماي-اق قويدىم. كەشە پورتۋگاليانىڭ رونالدۋى نەندەي شەبەرلىك كورسەتسە، بۇگىن مەسسي سونداي شەبەرلىك كورسەتەتىن بارلىق مۇمكىندىك بەرىلگەنىنە قاراماستان ءبىرىن دە جاساي المادى. قۇرامانىڭ ديسپەتچەرى، ورتالىق ويىنشىسى رەتىندە كوزگە تۇسكەنىمەن نە پاستارى وتپەدى، نە ايىپ دوپتارى جەتپەدى، نە 11 مەترلىگى كىرمەدى. ارگەنتينانىڭ بۇل چەمپيوناتقا ارەڭ شىققانىن بىلەمىز عوي. بىراق بيىلعى قۇرام ءالسىز دەۋ كۇپىرلىك بولار ەدى. ماسكەرانو، وتامەندي، روحو، دي ماريا، يگۋاين، اگۋەرو مەن مەسسي. قۇداي-اۋ، باسقا نە كەرەك. مىنا ويىنشىلاردىڭ قاي-قايسىسى بولسىن تۇتاس يسلانديا قۇراماسىنان ارتىق ايلىق تاۋىپ ءجۇر ەمەس پە. بىراق، ارگەنتينانىڭ بۇگىن ءبىر قاسيەتىنە رازى بولدىم. جاندارىن سالىپ وينادى. سيمۋلياتسيا جاساعان جوق. قارسىلاس قاتتى كەتىپ، قالاي شالىپ قۇلاتسا دا، ۋاقىت جوعالتپاۋ ءۇشىن تىستەنىپ تۇرىپ كەتىپ جاتتى، اقساڭداپ قويىپ جۇگىرە بەردى. ايتپاقشى، سۋديا ارگەنتينانىڭ ءبىر 11 مەترلىك ايىپ دوبىن جەپ قويدى. ءادىل بولا المادى. بۇگىن فرانتسيا مەن اۆستراليا ماتچىنداعى داۋلى پەنالتي الدىندا تورەشىلەر كۇماندى ەپيزودتى ەكراننان قايتا قاراپ، دۇرىس شەشىم قىلىپ ەدى. ال مىنا ويىندا نەگە ولاي ىستەمەگەنىن تاعى تۇسىنبەدىم. ءبارىبىر ءبىر نارسەگە قۋانام. بۇل جولعى چەمپيوناتتا گول كوپ 
Galym Bokashتىڭ facebook پاراقشاسىنان الىندى
پىكىر قالدىرۋ