|  | 

Sayasat

Toqaevtıñ “sayasi bombasınıñ” astarında ne jatır?


Qasım-Jomart Toqaev Qazaqstan sırtqı ister ministri bolğan kezde Semey yadrolıq sınaq poligonı qwrbandarına ornatılğan eskertkiş aldında söylep twr. Semey, 8 qırküyek 2006 jıl.

Qasım-Jomart Toqaev Qazaqstan sırtqı ister ministri bolğan kezde Semey yadrolıq sınaq poligonı qwrbandarına ornatılğan eskertkiş aldında söylep twr. Semey, 8 qırküyek 2006 jıl.

Batıs baspasözinde Qazaqstan senatınıñ basşısı Qasım-Jomart Toqaevtıñ prezident saylauı qazirgi memleket basşısı Nwrswltan Nazarbaevsız ötui mümkin dep mälimdegen swhbatına qatıstı kommentariyler berilgen. Bwğan qosa, korrupciyalıq qılmıs jasadı degen küdikke ilingen Malayziyanıñ bwrınğı prem'er-ministri Nadjib Razakqa işinde qazaqstandıq küyeubalası da tartu etken qımbat “sıylıqtar” turalı jazğan.

“SAYASI BOMBA”

Ağılşın tilinde şığatın Eurasianet.org jañalıqtar saytı “Qazaqstan: senat spikeri 2020 jılğı saylauğa Nazarbaevtıñ tüspeytininen belgi berdi” degen maqalasında parlament senatınıñ törağası Qasım-Jomart Toqaevtıñ wlıbritaniyalıq VVS mediakorporaciyasına 2020 jılğı prezident saylauına Nwrswltan Nazarbaev kandidat retinde tüspeui mümkin degen “jeke pikirin” aytqan äri jwrttı şulatqan swhbatına qatıstı kommentariy bergen.

Eurasianet.org jariyalağan maqala avtorı bwl mälimdemeni “sayasi bomba” dep atap, “Qazaqstanda joğarı jaqtıñ rwqsatınsız joğarı lauazımdı şeneuniktiñ mwnday mälimdeme jasauı ekitalay” dep jazğan.

“Nazarbaevtıñ Qazaqstannıñ sayasi piramidasınıñ wşar basınan ketetin kün talay jıldardan beri köptegen alıp-qaşpa sözderge türtki bolğan, sondıqtan [Toqaevtıñ mälimdemesi] bilikten ketudiñ tüpkilikti strategiyası äzir bolğanın bildiretin osı künge deyin jasalğan eñ ayqın belgisi boluı mümkin” dep jazğan Eurasianet.org.

Maqalada qazir Qazaqstan parlamentinde Nazarbaevtıñ “Nwr Otan” partiyası basımdıqqa ie ekeni, al “oğan taytalasa alatın sayasi partiyalardıñ qudalau arqılı sahnadan şettetilgeni ya bolmasa olardı bwqaralıq aqparat qwraldarı biliktiñ qısımımen mülde elemeytini nemese mülde tıyım salınğanı” jaylı jazğan.

Londonda ornalasqan Intellinews.com iskerlik salasındağı jañalıqtar saytı “Senat spikeriniñ topşılauınşa, qazaqstandıq Nazarbaev 2020 jılı saylauğa tüspeydi” degen maqalasında “Nazarbaevtıñ mwragerin [saylaudıñ] ayqın josparı joqtığına baylanıstı tuındaytın sayasi qaterlerge bola S&P Global Ratings men Fitch Ratings agenttikteri Qazaqstannıñ nesie reytingin şektedi. Bwğan Nazarbaevtıñ densaulığı naşarlap baradı degen ädette jıl sayın taraytın qauesetter kömektespey twr” dep jazğan.

Bwğan qosa, Intellinews.com “eger Nazarbaev ketse, biliktiñ barlıq twtqaları bäribir öz qolında qala beruin qamtamasız eter edi. Ol qazirdiñ özinde bwl bağıtta birneşe qadam jasap qoydı” dep topşılaydı. Maqalada parlament qabıldağan Qauipsizdik keñesi turalı zañ jobasın atağan. Qauipsizdik keñesi ökiletin birşama keñeytken qwjatta onı Nazarbaevtıñ ömir boyına basqaru qwqığı qarastırılğan. Mamırdıñ 31-i küni parlament maqwldağan zañ jobasına prezident äzirşe qol qoyğan joq.

Maqalada Astananı Taşkentpen salıstırıp, Özbekstannıñ alğaşqı prezidenti Islam Karimov ölgen soñ bilikke kelgen Şavkat Mirziyaev turalı “[baspasöz] Astananıñ pikirinşe, tım jii jaza bastağan”. Maqalada Qazaqstan Özbekstannan ozuğa tırısuı mümkin dep boljağan. “Aymaqtıq äriptes el äri twtınuşılar narığı äldeqayda ülken (bwl – bolaşaqta özgermeytin fakt, öytkeni halqınıñ 34 payızğa juığı – 14 jasqa tolmağan azamattar) bäsekeles retinde Özbekstan Astananı jaqsaruğa itermelep, edäuir taqımdap keledi”.

Toqaevtıñ swhbatı jariyalanğan küni britandıq VVS jañalıqtar agenttigi saytında Qazaqstan ekonomikası özgerip jatqan twsta “sayasi erkindik pen qwqığın talap etken köp adamdardı ündemeuge mäjbürlep otır” dep körsetilgen “Qazaqstanda sayasi reformalar bayağıdan irkilip twr ma?” degen taqırıpta videorolik te jariyalandı.

“Nwrswltan Nazarbaev 27 jıldan beri prezident. Ol – avtokrat. Ol saylauda 97 payız dauıspen jeñgen” deydi VVS jurnalisi Stiven Sakur. Jurnalistiñ mälimdemesi Nazarbaevtıñ Joğarı Keñestiñ prezidiumında sovet eliniñ kösemi Vladimir Leninniñ müsini astında otırğanı äri zayıbı Sara Nazarbaevamen birge barğan saylau uçaskesinde saylau jäşigine byulleten' salıp jatqanı tüsirilgen arhiv kadrlarmen qosa berilgen.

Stiven Sakur Qazaqstandı köp jıldar boyı Sovet imperiyasınıñ forpostı (aldıñğı şep – red.) bolğan, al qazir Qıtay, Resey men Europanı jalğaytın toğız joldıñ torabına aynalğan mwnayğa bay el dep ataydı. Jurnalistiñ sözinşe, Nazarbaev qomaqtı investiciya tartu üşin “jalt-jwlt etken jaña astanada” Wlıbritaniya zañdarı boyınşa jwmıs isteytin qarjı ortalığın qwrıp jatır. Biraq Stiven Sakur elde tipti bolmaşı narazılıq nışandarınıñ özi basıp-janıştaladı dep mälimdep, mamırdıñ 10-ı küni Almatıdağı rwqsat etilmegen narazılıq akciyasına qatısqandardı wstap äketip jatqanın tüsirgen Azattıq videosın körsetken. Sol küni “sayasi twtqındar bosatılsın” degen talappen birneşe qalada akciyalar ötip, ondağan adam wstalğan, keybireuin äkimşilik jauapqa tartqan.

MALAYZIYADAĞI “KORRUPCIYA” İSİNDEGİ QAZAQSTANDIQ QIMBAT SÖMKELER

Wlıbritaniyalıq Reuters jañalıqtar saytı “Eksklyuziv: Malayziyalıq Nadjib mwnşama qımbat sömke, qıruar qolma-qol aqşa men zergerlik äşekeylerdi qaydan alğanın tüsindirip jatır” degen maqalasında eldiñ bwrınğı prem'er-ministri Nadjib Razak bergen swhbatqa jan-jaqtı kommentariy jazğan. Älgi swhbatında ol korrupciya men zañsız alınğan, onıñ işinde memlekettik 1MDB investiciyalıq qordan jımqırılğan aqşanıñ izin jasırdı degen ayıptarğa qatıstı jauap bergen. Ayıptaular twsında ötken saylauda Razaktıñ koaliciyası oysıray jeñilip, bilikke Mahathir Mwhamad keldi.

Malaziya policiyası eks-prem'er Najib Razaktıñ üyiniñ aldında. Kuala-Lumpur, 16 mamır 2018 jıl.

Malaziya policiyası eks-prem'er Najib Razaktıñ üyiniñ aldında. Kuala-Lumpur, 16 mamır 2018 jıl.

Baspasözdiñ habarlauınşa, Nadjib Razaktıñ üyin tintu kezinde işinde ärqaysısı jüzdegen mıñ dollarğa deyin twratın Hermes sändi markalı birneşe Birkin sömkesi de bar dizaynerlik sömkeler salınğan 300-ge juıq qorap tabılğan. Olardıñ keybiri qolma-qol aqşa men zergerlik bwyımdarğa toltırılğan.

Nadjib Razak swhbatında älgi sömkeler jwbayı Rosma Mansorğa tartu retinde jasalğan “sıylıqtar” dep mälimdegen.

“Nadjibtiñ aytuınşa, onıñ küyeubalası Daniyar Nazarbaev – Qazaqstan prezidenti Nwrswltan Nazarbaevtıñ jieni (ögey nemere inisi) äri älgi sömkelerdiñ köbin Rosmağa sıyğa bergen. Ol “Jwrtqa tüsinu qiın şığar, biraq, mısalı, küyeubalamnıñ Birkin sömkelerin alatın jeri bar, bir alğanda bes-altauın aladı. Onıñ otbasınıñ biraz qarjısı bar, sondıqtan mwnıñ [malayziyalıq 1MDB memlekettik qorğa] eş qatısı joq” dep tüsindirgen» dep jazğan Reuters.

Malayziyanıñ bwrınğı prem'er-ministri Nadjib Razak.

Malayziyanıñ bwrınğı prem'er-ministri Nadjib Razak.

Nadjib Razaktıñ Qazaqstanmen qwdandalıq jaqındığı bar. Qızı Nuriana Nadjva Qazaqstan prezidenti Nwrswltan Nazarbaevtıñ inisi Bolat Nazarbaevtıñ bwrınğı äyeli Mayra Qwrmanğalievanıñ wlı Daniyar Kesikbaevqa twrmısqa şıqqan.

RESEY ODAQTASTARI SIRIYAĞA BARĞISI KELMEYDİ

Vaşingtonda ornalasqan Jamestown zertteu institutınıñ saytı “Reseydiñ odaqtastarı Siriyadağı operaciyağa qatısqısı kelmeydi” degen maqalasında Mäskeu WQŞW-dağı (Wjımdıq qauipsizdik şartı wyımı – red.) äriptes elderdiñ äskeri qoldauına ie boluğa tırısıp jatqanı turalı kommentariinde TMD (Täuelsiz memleketter dostastığı – red. ) elderi Siriyadağı soğıs qimıldarına mülde arandağısı kelgisi kelmeydi dep jazğan.

TMD elderi qorğanıs ministrleriniñ juırda Sibirdegi Qızıl qalasında ötken jiınında Resey qorğanıs ministri Sergey Şoygu dostastıq elderin Siriyadağı “beybit ömirdi retteuge qatısudı” wsınğan. Biraq Şoygudıñ äriptesteri “onıñ ötinişin elemey qoydı, eşbir eldiñ ükimeti resmi jauap qatqan joq” delingen maqalada.

Bıltır Resey Astana men Bişkekpen äskerilerdi Siriyağa jiberu mümkindigi turalı kelissöz jürgizip jatır degen habar tarağan bolatın. “Qazaqstan men Qırğızstan üzildi-kesildi qarsı ekenin bildirgen”. “Qazaqstan Siriyağa öz äskerilerin jiberu turalı kimmen bolsın kelissöz jürgizip jatqan joq” degen bolatın [Qazaqstan] sırtqı ister ministri Qayrat Äbdirahmanov. Bwğan qosa, ol “Bitimgerlerimizdi älemniñ kez-kelgen nüktesine jiberu mümkindigin talqılauğa deyin qolımızda BWW qauipsizdik keñesiniñ qararı men BWW-nıñ tiisti mandatı bolğanı bizdiñ el üşin asa mañızdı” dep mälimdegen. Al Qırğızstan sırtqı ister ministrligi men bas ştabı ökilderi äskerilerdi Siriyağa attandıru mümkindigine qatıstı äldebir kelissöz jaylı “aqparat joq” dep mälimdegen.

AMERIKALIQ ADVOKAT ERİMBETOVTİÑ İSİ TURALI

Ağılşın tilinde şığatın Diplomat gazeti “zañsız aqşanıñ izin jasırdı” jäne “alayaqtıq” babı boyınşa ayıptarmen qamauda otırğan biznesmen Eskendir Erimbetovtiñ qorğauşısı – amerikalıq advokat Djared Genserdiñ “Almatıdağı bir kün jäne Qazaqstandağı sot töreligi” degen kommentariin jariyalağan.

Mausımnıñ 14-i küni Almatıda ötken sot otırısına qatısudan alğan äserlerin bayandağan Djared Genser “halıqaralıq zañdardıñ altauı öreskel bwzılğanın közimmen kördim” dep jazğan. Ol Erimbetovti ordersiz twtqındau men tintu, otbası men advokatımen habarlasu qwqığınsız qamauda wstau, wrıp-soğu men psihologiyalıq azaptau – zañ bwzu dep atağan. Bwğan qosa, advokattıñ sözinşe, sotta Erimbetovti “akvariumda” – äynekpen bölingen orınğa otırğızıp qoyğan, prokuror Djared Genserdiñ tölqwjatın fotoğa tüsirip alğan.

Amerikalıq advokat Djared Genser öz tölqwjatın qanday maqsatpen suretke tüsirgeni turalı prokuror Erkin Baymağambetovke swraq qoyıp twr. Prokuror ol fotonı telefonınan joyıp tastağanına advokattı sendiruge tırıstı. Almatı, 14 mausım 2018 jıl.

Amerikalıq advokat Djared Genser öz tölqwjatın qanday maqsatpen suretke tüsirgeni turalı prokuror Erkin Baymağambetovke swraq qoyıp twr. Prokuror ol fotonı telefonınan joyıp tastağanına advokattı sendiruge tırıstı. Almatı, 14 mausım 2018 jıl.

“Zañsız alınğan aqşanıñ izin jasırdı degen ayıppen twtqındap, keyinirek “alayaqtıq” babı boyınşa ayıptalğan [Erimbetov] 2017 jılğı qaraşadan beri qamauda otır. Al men onı şın mäninde, qarındasın elge oraluğa mäjbürlep, quğındağı oppoziciya jetekşisine qarsı jalğan kuälik etuge köndiru üşin wstap otır dep sanaymın” dep mälimdeydi Djared Genser. Qazaqstanda resmi twlğalarmen kezdesken kezde şeneunikterdiñ biri Erimbetov isiniñ sayasi astarı barın joqqa şığarıp, bwl – “alayaqtıq turalı qarapayım is” dep mälimdegen bolatın. “Mağan Qazaqstanda “nağız” sayasi istiñ qanday bolatının tipti elestetudiñ özi qiın” dep tüyindeydi Genser.

Azat Europa / Azattıq radiosı

Related Articles

  • Aziya soqpağı qayda aparadı?

    Quanışbek QARI Soldan oñğa qaray: Äzerbayjan prezidenti Ilham Äliev, Resey prezidenti Vladimir Putin, Qazaqstan prezidenti Qasım-Jomart Toqaev jäne Filippin prezidenti Rodrigo Duterte. Valday pikirtalas klubı, Soçi, Resey, 3 qazan 2019 jıl. Aqorda saytındağı suret. Qazaqstan prezidentiniñ Soçide aytqan Reseydiñ Ortalıq Aziyadağı ornı turalı pikirin eldegi resmi baspasöz jariyalamadı. Sarapşılardıñ keybiri Toqaevtıñ aytqandarın Qıtayğa sapardan keyingi aqtalu retinde bağalasa, keybiri diplomatiyalıq iltipatpen baylanıstıradı. Ötken aptada Reseydiñ Soçi qalasında halıqaralıq “Valday” pikirtalas klubında söylegen sözinde Qazaqstan prezidenti Qasım-Jomart Toqaev Reseydi “wlı memleket” dep atadı. Qazaqstan basşısı Ortalıq Aziyanıñ Resey imperiyasınıñ bir “böligi” bolğanın aytıp, qazir de Mäskeudiñ Ortalıq Aziyada “jetekşi orınğa ie boluı kerektigine” toqtaldı. Alayda onıñ Resey turalı pikiri Qazaqstandağı resmi

  • Nıgmatullinge hat

    Qwrmetti Nwrlan Zayrullawlı! Türik parlamentiniñ spikeri M.Şentop mırza bizdiñ elge kelip ketkennen keyin biraz mäseleniñ äli künge deyin bası aşılmay qalıp otır. Qazirge deyin nwrşılar men gülenşiler sektası turalı az jazılğan joq. Fetkullah Gülenniñ jwmısına saraptama jasap qarasaq, onıñ jamağatındağı kapitaldıñ jalpı kölemi 50 mlrd dollardan asıp ketedi eken. Bwl aqşanıñ bärin olar zañdı jolmen tauıp otırğan joq. «Nwrşılardıñ» esirtki tasımalı men qaru- jaraq saudası siyaqtı tabısı köp käsipke de qatısı boluı mümkin. Türik baspasözi osığan deyin olardıñ Türkiyadağı bar kapitaldıñ 30 payızına («islam kapitalı») deyin ielik etip otırğanın talay ret jazdı. Memleket tarapınan qısım körgennen keyin nwrşılar astırtın äreketke köşip, specslujbağa wqsaytın arnaulı qızmetti de qwrıptı. Olar türkitildes halıqtar

  • DAUDIÑ BASI DAEŞ-ten 2

    Eldes Orda Esteriñizde bolsa ötken jıldıñ qazan ayında atalmış taqırıp ayasında alğaşqı postımdı jariyalağan edim. Odan beri bir jıldıñ köleminde aymaqtıq strategiyalıq sayasatta köp özgerister tübegeyli orın alıp jatır… Siriya aumağındağı DAEŞ-tiñ negizgi qarulı küşteri däl bügingi uaqıtta Auğanıstan aymağına toptalıp bolıp qaldı desek te boladı. Siriyadağı DAEŞ küşi soñğı kezderi älsiredi de, negizgi qarulı toptar Ortalıq Aziyanı betke alıp Auğan topırağına ağılıp kete bardı. DAEŞ-tiñ Siriya aumağındağı osı bir ölara älsiz twsın jiti baqılap otırğan Qazaqstan “Jusan” jobasın wyımdastıra qoydı da öñirdegi qandastarımızdı elge äkelip aldı. Biraq, mınanı anıq biluimiz kerek, öñirdegi sayasi oyın bwnımen bitken joq, öñirdegi sayasi oyın endi bastaluı bek mümkin… 2017′den beri Siriya aumağınan jäne

  • Äkejan Qajıgeldin: “Nazarbaev menen keşirim swradı

    Qasım AMANJOL Qazaqstannıñ bwrınğı prem'er-ministri Äkejan Qajıgeldin (oñ jaqta) jäne jurnalist Qasım Amanjol. Skayp-swhbat. 6 qırküyek 2019 jıl. 1994-1997 jıldarı Qazaqstan prem'er-ministri bolıp, 1998 jılı elden ketken Äkejan Qajıgeldin Azattıqqa bergen swhbatında şetelde birneşe ret Qazaqstannıñ eks-prezidenti Nwrswltan Nazarbaevpen kezdeskenin ayttı. 6 qırküyekte Almatıda «Aqiqat» jalpıwlttıq social-demokratiyalıq partiyasınıñ 15-s'ezinde partiya basşıcı Ermwrat Bapiğa JSDP müşeleri senimsizdik bildirip, aqırında Bapi törağalıqtan ketip, partiyadan da şığarıldı. Jiında keybir partiya müşeleri Bapidıñ biıl köktemde bir top belsendimen Parijge barıp, Qazaqstannıñ bwrınğı prem'eri Äkejan Qajıgeldinmen partiya rwqsatınsız kezdeskenin ayıptadı. Bapidiñ ornına Ashat Raqımjanov partiya jetekşisi bolıp saylandı. Däl osı küni Nwr-Swltanda prezident Qasım-Jomart Toqaevtıñ qatısuımen Wlttıq senim keñesiniñ alğaşqı jiını ötti. Bwl keñesti Toqaev halıq pen

  • QITAY EKSPANSIYASINIÑ QATERİ

    Jazuşı-publicist Marat Bäydildäwlı (Toqaşbaev): Qıtaylıq 51 (55) zauıttı Qazaqstanğa köşiru jobası halqımızğa mäñgi qwtılmaytın bodandıq qamıtın kigizui ıqtimal. Qıtay beredi dep ümittenip otırğan 26,5 mlrd dollar Qazaqstan tağdırın tälkekke salatın qaqpan tilşigindegi «dämdi sırğa» wqsaydı. Qazaqstanğa köşiriletin 51 zauıtpen keletin qıtaylar qazaqtardı bayıtadı deu aqılğa sıymaydı! İs jüzinde 51 qıtay zauıtın köşirip kelu Qazaqstan ükimetiniñ el ekonomikasın basqaruğa mülde qabiletsiz ekendigin körsetetin därmensiz äreket. Memleket reyderlik basqınşılıqsız, korrupciyasız jağday tuğızıp berse öz biznesmenderimiz-aq 50 emes 500 zauıt salıp beruge qwmıl. Qazaqstanda jalpı işki önim nege jıldan jılğa örlemeydi? Bwğan osı kezge deyin birde bir ükimet jauap bergen emes. Bwrın eşqanday ükimettik bağdarlamalarda közdelmegen, eşqaşan talqılanbağan «51 qıtay kompaniyasın Qazaqstanğa köşiru

Pikir qaldıru

Elektorndı poştañız sırtqa jariyalanbaydı. Belgi qoyılğan öristi toltıru mindetti *

Atı-jöni *

Email *

Saytı

Kerey.kz/Kerey.kz

Biz turalı:

Tel: +7 7071039161
Email: kerey.qazaq@gmail.com

Kerey.kz tiñ bwrınğı nwsqasın http://old.kerey.kz ten oqi alasızdar!

KEREY.KZ

Sayt materialdarın paydalanğanda derekközge silteme körsetu mindetti. Avtorlar pikiri men redakciya közqarası säykes kele bermeui mümkin. Jarnama men habarlandırulardıñ mazmwnına jarnama beruşi jauaptı.

Sayt sanağı: