|  |  | 

Спорт Шоу-бизнис

Англия жанкүйерінің күйінішке толы күнделігі

1134636807Galym Bokash

22.06.1986 ӘЧ 1/8 финал Англия – Аргентина 1:2 (Марадона қолмен гол соғып, арамдық қылды. Ұялмай “Құдайдың қолы” деді ғой. Үштөбедегі нағашы әпкемнің үйінде отырып, фанат жездем екеуміз “күйіп кеттік” :) ) Линекер бастаған ең күшті құрамдардың бірі чемпион болуға лайық еді.

1988 жылдың жазы. Кировкадағы “Орленок” пионер лагерінде средний отрядтың “жігіттері” Англияның ЕЧ топтық кезеңінде үш рет ұтылғанын көріп тағы “күйдік”.

04.07.1990 ӘЧ Англия жартылай финалға шықты. Англия-Германия 1:1 (пенальтиден 3:4) Алматыда Нархозда оқитын студент ағама қонаққа кеп жатып көріп отырғамыз, қарғанып-сіленіп қалдық. Қола жүлде Италияға бұйырды.

1992 жылдың жазы. ЕЧ топтық кезеңі. Англия елдің бәрімен тең ойнап топтан шыға алмай қалды. Үржардағы бөлеме қонаққа кеп жатып көріп едім. Нервничать етіп, көзім тарта бастады:)

1994 жылы Англия ӘЧ-на мүлдем шыға алмай қалды. Студент кезімізде Алматыдағы “Тамостың” офисін күзететін курстас досым екеуміз жаз бойы түнімен дә-ә-әу телевизорлардан АҚШ-та тұңғыш өткен турнирді көріп рахаттандық. Бірақ Англиясыз қызықсыз болды.

26.06.1996 ЕЧ жартылай финалы. Англия-Германия 1:1 (пенальтиден 5-6). КазГУ-градтағы шығыстанудың жатақханасында күңіреніп жаттым. Ширерден күдер үздім. Саутгейтті әбден сыбадық.

30.06.1998 ӘЧ 1/8 финал. Англия – Аргентина 2:2 (пенальтиден 3-4). Диплом қорғап жанталасып жүріп көрген ойын еді. Бір жағынан өтпей қалғаны дұрыс болды ма дедім. Қорғауға алаңсыз дайындалдым. Бірақ жүйкемді әбден жұқартты. Өзімді Ширердің орнын басар Оуэн пайда болды деп жұбаттым.

2000 жылғы ЕЧ туралы үндемей-ақ қояйын. КАТАСТРОФА. Әйтеуір өз тобында Германия Англиядан да төмен 4-орында қалғаны ғана сәл “ләззат” берді.

21.06.2002 ӘЧ 1/4 финал Англия – Бразилия 1:2. Әйтеуір чемпиондардан ұтылды ғой деп Шагабутдиновтегі пәтерде жалғыз өзім шай ішіп отырдым.

24.06.2004 ЕЧ 1/4 финал Англия – Португалия 2:2 (пенальтиден 5-6). 11 метрден гол соға алмаған Бекхэмге не айтуға болады. “Іш киімнің рекламасына түскенше пенальти теуіп жаттықпадың ба?” деп Стокгольмдегі қонақ үйде түнгі бірде шығып кететін күнге қарап қайран қап отырдым.

01.07.2006 ӘЧ 1/4 финал Англия – Португалия 0:0 (пенальтиден 1-3). Кембридждің Арбери ауданында жергілікті жанкүйерлерге арнап орнатылған алып экранды қарап отырып еріксіз бас шайқадым. Төңірегімдегі ағылшындар көздеріне жас алды. Бірақ ешкім төбелеспейді екен. Бейбіт жұрт:) Бәрі “Руни бара алмай қалды. Екі жылдан соң Руни разы қылады бәрімізді. Мега жұлдыз өсіп келе жатыр” десті.

21.11.2007 Іріктеу кезеңі. Уэмбли. Англия – Хорватия 2:3. Еуроға мүлдем шыға алмай қалды. Қолынан келгеннің бәрін жасаған Бекхэм жасын сорғалатып жылады. Қартайып бара жатқанын, бұл ойын соңғы ресми матчы екенін сөйтіп сездірді. Оксфордтағы докторанттар жатақханасындағы пәтерімде отырып, BBC-дің комментаторларының үнсіз пыш-пыш еткенін естіп жүрегім сазып кетті:) Англияда официант боп күн көріп жүрген хорваттар стадионның жартысын толтырған екен. Лондонда түні бойы емін-еркін, емен-жарқын көшеде ән салып, кафелерде тойлап жатты. Ішімнен былай деп ойладым. Егер Ресей Тәжікстаннан Мәскеуде өте маңызды матчта ұтылса, бүкіл гастарбайтер тәжік Қызыл алаңға шығып алып тойласа, не болар еді деп:)

27.07.2010 ӘЧ 1/8 финал. Англия – Германия 1:4. Руниден түк шықпайтынын түсінген матч. Есеп 1:2 болып тұрғанда Лэмпардтың алыстан теуіп кіргізген анық голын судья есептемей тастады. Астанада Есілдің бойындағы әзірбайжан ресторанында кешкі ас батпай көріп отырғам. Бақсам, қасымдағы Үндістанның елшісі бал-бұл жайнайды. Сөйтсем, Германияға болысып мәз боп отыр екен. “Ештеңе етпейді, екі жылдан соң көрерміз Германияны” дедім ішімнен.

24.06.2012 ЕЧ 1/4 Англия – Италия 0:0 (пенальтиден 2:4) Есіме де түсіргім келмейді  :(  Сәл ес жиып алайын. Бірақ Италияның жеңгені әділ болды. “Еһ, шіркін, 21-ғасырдың Боб Чарльтоны қашан туар екен?” деп қиялдадым Прагада.

24.06.2014 ӘЧ Англия – Коста Рика 0:0. Топтық кезеңде Италия мен Уругвайдан (әлдеқайда басым ойнаса да) жеңіліп үлгерген ағылшындар бастары салбырап үйлеріне қайтты.

27.06.2016 ЕЧ 1/8 финал Англия – Исландия 1:2. Шағын аралдың шақар жігіттері сенсацияға айналды. Еріксіз қол соқтым. Бас бапкер Рой Ходжсон отставкаға кетті. Терри-Джерард-Лэмпард-Руни дәуірі аяқталды.

2018 жылғы чемпионатқа өте жас әрі жаңа құраммен келген Англия әдеттегідей іріктеу кезінде бір жеңілмей, жүгіріп-желіп өтті. Топтық кезеңнің алғашқы екі матчында сегіз гол соғып, екі жеңіске жетті де, Бельгиямен ойынға қосалқы құрамын шығарып, оңайырақ жеребе жолын таңдап, өтірік жеңілді. Жас бапкер Саутгейттің оңай деп таңдап алған жеребе жолы былай болып тұр: 1/8 финалда Колумбиядан өтсе, Швеция/Швейцарияның біреуімен, одан ары ұзаса, жартылай финалда не Хорватия, не Ресеймен. Соңғы һәм жалғыз мәрте 1966 жылы өздері ойлап тапқан спорт түрінен әлем чемпионы атанған Англия құрамасы мен жанкүйерлерінің арманы Ресейде орындалар ма екен? Бүгін кешке білеміз.

facebook парақшавсынан алынды

Related Articles

  • “Саяси ұпай жинауға тырысып жатыр”. Сарапшы Тоқаевтың ЕАЭО жиынында айтқаны жайлы

    Аян ҚАЛМҰРАТ Қазақстан президенті Қасым-Жомарт Тоқаев видеоконференция арқылы өткен ЕАЭО жиынына қатысып отыр. 19 мамыр 2020 жыл. Мамырдың 19-ында Еуразия экономикалық одағына (ЕАЭО) мүше елдердің президенттері видеоконференция арқылы өткен жиында ұйымның алдағы бес жылға арналған даму стратегиясын қабылдаған жоқ. Жиын кезінде Қазақстан президенті Қасым-Жомарт Тоқаевтың стратегия жобасын «ел үкіметтері мен парламентінің дербестігін шектейді» деп, кейбір тұсын қайта қарау қажет деген ұсыныс айтты. Тәуекелді бағалау тобының директоры, саясаттанушы Досым Сәтпаев Азаттыққа берген сұхбатында экономикалық кеңес отырысындағы Тоқаев сөзінің астары жайлы, Нұрсұлтан Назарбаевтың ақыры таяған дәуірі, Еуразия экономикалық одағы ішіндегі қордаланып қалған қайшылықтар жайлы айтты.  ЕАЭО ішіндегі Жоғарғы Еуразиялық экономикалық кеңестің отырысында Қазақстан президенті Қасым-Жомарт Тоқаев жобаның ішінде “Еуразиялық экономикалық интеграцияның 2025

  • Менің көріксіз қытай әйелім

    Көп адамдар менен шексіз байлық иесі бола тұра неге қытайлық әрі әдемі емес (олардың ойынша) қалыңдық таңдағанымды сұрайды. Мен (олардың ойынша) кәзіргі әйелім Присилла Чаннан да “артық” әйелмен үйлене алады екенмін. Ең алдымен бұл сұраққа жауап бермес бұрын сұлу әйел деген қандай және сұлу емес әйелдің қандай болатынын талқылағым келеді. Шындығында, менің әдемі әйелдермен кездесу мүмкіндігім көп, олардың көбісі менің жарым болғысы келеді. Алайда, “сұлу” әйелдердің көбісінің жүрегі шағылып қалатын әйнек тәрізді. Егер сен ханның қызындай тәкаппар ашушаң болып аурып тұрсаң оның сенімен шаруасы жоқ брақ бай бола тұра неге машинаңды ауыстырмайсың деп сұраумен болады. Олар менің жарым болғылары келуінің мақсаты тік ұшақтарыммен мақтану. Одан кейнгі кезекте олардың байдың әйелі

  • Отандық спортшылар дәрігерлер мен әскери қызметкерлерге алғыс айтты

      Еліміздің атын әлемдік ареналарда танытып, әнұранымызды асқақтатып   жүрген спортшылар қауымы дәл қазіргі қиын кезеңде жұмыста қалып, ел үшін қызмет етіп  жатқан мамандарға шынайы ықыластарын жеткізді. “Отандастарымыздың амандығы үшін өз өмірін қауіпке тігіп жүрген ақ халатты абзал жандар мен әскери қызметкерлерге құрметімізді білдіреміз”- делінген спортшылар үндеуінде. https://www.instagram.com/p/B-wQguapjwv/?igshid=1cn1z56sxuhgy   https://www.instagram.com/tv/B_SqcxPhRMs/?igshid=1ux784e6u3xi8   https://www.instagram.com/tv/B_UOVWAJ_Sk/?igshid=uaxs4ahqajnw Айбек Нұғымаров, Елдос Сметов, Нұрбақыт Теңізбаев, Александр Винокуров, Мөлдір Мекенбаева, Дархан Нортаев сынды әлем чемпионаттарының жүлдегерлері мен олимпиада чемпиондары отандастарымызды үйде болуға және карантин уақытын тиімді пайдалануға шақырады. Естеріңізге сала кетейік, қазіргі таңда Мәдениет және спорт министрлігінің бастамасымен танымал спортшылар мен спорт қайраткерлерінің қатысуымен онлайн-сабақтар, жаттығулар және дәрістері қамтылған #бізбіргеміз #алғақазақстан жобасы жүріп жатыр.  

  • АҚСЕЛЕУ СЕЙДІМБЕК СЫНАҒАН ФИЛЬМ

    Ақселеу Сейдімбектің күнделігінен: “Құлагер” фильмі жайында Кино үйінен «Құлагер» фильмін көріп қайттым. І.Жансүгіровтің әйгілі «Құлагер» поэмасының ізімен депті. Өнер атаулы, оның ішінде кино өнеріне не үшін керек? Кім үшін керек? Әсіресе белгілі бір ұлт өнері алдымен сол ұлттың өзіне керек пе, жоқ әлде өзге ұлтқа керек пе? Белгілі бір ұлттың өнері алдымен өз болмысын көрсетуі керек пе, жоқ әлде өз болмысынан кіндік үзіп, жалпыадамзаттық өз болмысын көрсетуі керек пе, жоқ әлде өз болмысынан кіндік үзіп, жалпыадамзаттық дейтін әсіре патетикаға бой алдырғаны жөн бе? Өнердің парқы мен нарқы ұлттық талғам таразысына түскені жөн бе, жоқ әлде сырт көз сыншының айтқанына көніп, айдауына жүргені дұрыс па? Тарихи тұлғалардың өмірбаяны қай шек-шекараға дейін

  • Халықтан салығын жасырған Мәдениет министрі отставка кетсін…

            Мәдениет пен руханият, спорт салалары – елімізді әлем алдында танытатын бірден бір алтын көпір саналады. Төрткүл дүниені дүр сілкіндірер өнер, спорт  додаларында аталған қос саланың асығы алшысынан түссе еліміздің байрағын желбіретіп, намысын асқақтататыны сөзсіз. Өкінішке орай, соңғы уақытта  мәдениет пен спорт салаларының салы суға кете бастады. Мәдениетті дамытудың  бағыты мардымсыз, ісі қарқынсыз, ал өнер мен өнерпаздар қорғаусыз күйге түсті.            Қазақ өнері мен мәдениетінің соғыстан қалған жапан даладай хәлге енуі Мәдениет және спорт министрі Ақтоты Райымқұлованың жанын ауыртпайтын секілді. Саусақпен санарлықтай аз ғана уақыттың ішінде қалың елдің көз алдында өтіп жатқан қаншама оқиғалар халық пен мәдениет саласы арасын жақындатудың орнына алыстата түскенін мойындамасқа амал жоқ. Театрды тәрбие

Пікір қалдыру

Электорнды поштаңыз сыртқа жарияланбайды. Белгі қойылған өрісті толтыру міндетті *

Аты-жөні *

Email *

Сайты

Kerey.kz/Керей.кз

Біз туралы:

Тел: +7 7071039161
Email: kerey.qazaq@gmail.com

Kerey.kz тің бұрынғы нұсқасын http://old.kerey.kz тен оқи аласыздар!

KEREY.KZ

Сайт материалдарын пайдаланғанда дереккөзге сілтеме көрсету міндетті. Авторлар пікірі мен редакция көзқарасы сәйкес келе бермеуі мүмкін. Жарнама мен хабарландырулардың мазмұнына жарнама беруші жауапты.

Сайт санағы: