|  |  | 

سپورت شوۋ-بيزنيس

حورۆاتيا – انگليا 1:1 (قوسىمشا تايمدا 2:1)

60bcc-Khorvatiya-Angliya

العاشقى تايمنىڭ بەسىنشى مينۋتىندا-اق انگليا حورۆاتيانىڭ ايىپ الاڭى سىرتىنان دوپ سوقتى. جاس جارتىلاي قورعاۋشى تريپپەردىڭ ۇلتتىق قۇراماسى ءۇشىن سوققان العاشقى گولى. ايىپ دوبىن شەبەر ورىنداپ، وڭ جاق توعىزدىقتى الا توپ ەتكىزدى. ەرتە گولدان سوڭ انگليا الدىڭعى شەپتە ارقاسىن بوساتىپ، وتكىر كونترشابۋىلدارعا كوشتى. جان سالىپ، تەر سورعالاتىپ جۇگىرۋدى ازايتتى. كەين مەن لينگارد بىرنەشە وڭتايلى ساتتە قاپى قالدى. ستەرلينگ سول باياعىشا دالاڭداپ بوس شاپتى. ماگۋاير مەن يانگ تاس قامال بولىپ تۇردى، پيكفورد وتە سەنىمدى وينادى. شارشاڭقى حورۆاتيا قاتتى پرەسسينگكە جارامادى، دورەكىلەۋ وينادى، ءجيى ەرەجە بۇزدى. ادەتتەگىدەي مودريچ، راكيتيچ پەن پەريشيچ شەبەر ويناپ، ەرەكشە كوزگە ءتۇستى. ءبىرىنشى تايمدا كوڭىلىمدە ءۇش سۇراق تۋدى: 1. نەگە توتتەنحەمدىك كەين-اللي دۋەتى ءاچ-تە مۇلدەم كورىنبەيدى؟ 2. نەگە ستەرلينگتىڭ ورنىنا راشفورد نەگىزگى قۇرامدا شىقپايدى؟ 3. نەگە ماندجۋكيچ الاڭنان “جوعالىپ” كەتتى؟

ويىننىڭ ەكىنشى بولىگىن حورۆاتيا بەلسەندىرەك باستادى. ماندجۋكيچ دورەكى ويىن مانەرىمەن كوزگە ءتۇسىپ، سارى قاعازىن الىپ، قايتا “پايدا” بولدى. ۆيدانىڭ عاجاپ قورعاۋشى ەكەنىن جانە ءبىر كوردىك. ال انگليالىق قورعاۋشى ۋوكەردىڭ جىلدام بولسا دا، روۋزدان كەيىن قالىپ بارا جاتقانى بايقالدى. جوق جەردەن دوپ ۇستاپ، سارى قاعاز دا الدى. بىراق ستوۋنستان الدەقايدا جاقسى. گارري كەين مىقتى كاپيتان بولعانىمەن سوڭعى ۋاقىتتا دوپقا تالاسقان جەكپە-جەك كەزىندە كەلسىن-كەلمەسىن قۇلاي بەرەتىن ادەت تاپتى. انگليانىڭ كونترشابۋىلى ماندىماي بارا جاتقان تۇستا ۆرسالكونىڭ تاماشا كولدەنەڭ پاسىنان سوڭ پەريشيچ ەسەپ تەڭەستىردى. بۇدان سوڭ حورۆاتيا دۇركىرەي كوتەرىلىپ، اتوي سالدى. انگليانىڭ قورعانىسى قوجىراي باستادى دا، پەريشيچتىڭ كونترشابۋىل كەزىندەگى سوققىسى باعانعا ءتيىپ قايتتى. ەكىنشى تايمنىڭ سوڭىنا قاراي شىققان راشفورد بىردەن قارسىلاس ءۇشىن قاتەرگە اينالدى. ميۋ-ءدىڭ جاس جۇلدىزى سوڭعى مينۋتتا ايىپ الاڭى سىرتىنان ءبىر ايىپ دوبىن الىپ بەرىپ، كەين باسپەن سوعا الماي ءمۇلت كەتتى.

وسىلايشا ءىس قوسىمشا تايمعا جەتتى. ارداگەر يانگتىڭ ورنىن روۋز باستى. انگليا قايتا سەنىمدى ويناي باستادى. ءۇشىنشى مارتە وۆەرتايم ويناپ جاتقان حورۆات ويىنشىلارىنىڭ الدى اقساي باستادى. سترينيچ كەتىپ، پيۆاريچ شىقتى. جىلدام دا جاس اعىلشىنداردى شالىپ قۇلاتۋ قايتا كوبەيدى. از قاتەلەسكەن تۇركيالىق باس تورەشى چاكىردىڭ قىزىل ءتۇستى ىسقىرىعىن قايتا-قايتا قىزىل قاعاز ەكەن دەپ سەلك ەتە قالىپ وتىردىق. سىلبىرلاۋ حەندەرسوندى دايەر الماستىردى. اعىلشىندار شابۋىلدى ۇدەتتى. بۇرىشتاما دوبىن باسپەن توعىزدىققا بۇرعان ستوۋنستىڭ تاماشا دوبىنا قاقپاشى قايران قىلا الماي، سوڭعى ساتتە قورعاۋشى ارەڭ قايتاردى. ودان كەيىن ماندجۋكيچتىڭ قاۋىپتى سوققىسىنا پيكفورد توسقاۋىل بولدى. انگليانىڭ جاس قاقپاشىسى قىسىلتاياڭ شاقتا كوماندالاستارىن سابىرعا شاقىرىپ جاتتى. وسى جولعى ءاچ جۇلدىزدارىنىڭ ءبىرى دەر ەدىم. ماتچتىڭ باسىم بولىگىندە ويىنى جۇرمەگەن ماندجۋكيچ وۆەرتايمنىڭ ەكىنشى بولىگىندە جەڭىس گولىن سوعىپ، قۇراماسىن العا شىعاردى دا، كوپ كەشىكپەي اۋىستىرىلدى.

سونىمەن ءاچ باستالا سالىسىمەن “چەمپيون بولادى-اۋ” دەگەن بولجامدار ايتقىزعان، توپتىق كەزەڭدە ارگەنتينانى تالقانداعان شەبەر دە ۇيىمشىل حورۆاتيا قۋاتىنىڭ جارتىلاي فينالدا ءبىرجولا سارقىلماعانىن پاش ەتتى. ويىنشىلارى ءبىر-ءبىرىنىڭ ويىن وقىپ تۇراتىن اقىلدى، شىمىر، ۇشقىر كوماندا.

بۇعان دەيىن ءبىر مارتە وۆەرتايم ويناپ ۇلگەرسە دە، جارتىلاي فينالعا ەنتىكپەي جەتكەن انگليانىڭ جاستىعى مەن تاجىريبەسىزدىگى، امبيتسياسى وزىنەن ۇلكەن جاس ميلليونەرلەرىنىڭ اۋىزبىرلىگىنىڭ جوقتىعى، ءھام باس باپكەرىنىڭ اسىرە ساق، قورقاق ستراتەگياسى قولبايلاۋ بولدى. بەلگيادان وتىرىك جەڭىلىپ، وزىنە ىڭعايلى جەرەبە جولىن تاڭداپ الىپ، ءبۇيتىپ جارتىلاي فينالعا جەتكەنشە، مىقتىلارمەن قايمىقپاي ويناپ، شيرەك فينالدان جاپونيا سياقتى ماڭدايى جارقىراپ قايتقاندارى ارتىق ەدى. بىراق گارەت ساۋتگەيت باپتاعان جاس تا تالانتتى قۇرامانىڭ 1990 جىلدان بەرى انگليانى ءبىرىنشى رەت جارتىلاي فينالعا شىعارعان ەڭبەگىن اتاپ ءوتۋ قاجەت.

فينالدا – فرانتسيا مەن حورۆاتيا. عاجاپ باسەكەگە كۋا بولماقپىز. ال انگليا مەن بەلگيا ەندى نەگىزگى قۇرامدارىن شىعارىپ، قولاعا قالاي تالاسسا دا، وزدەرى ءبىلسىن

Galym Bokash تىڭ facebook پاراقشاسىنان الىندى

Related Articles

  • “ساياسي ۇپاي جيناۋعا تىرىسىپ جاتىر”. ساراپشى توقاەۆتىڭ ەاەو جيىنىندا ايتقانى جايلى

    ايان قالمۇرات قازاقستان پرەزيدەنتى قاسىم-جومارت توقاەۆ ۆيدەوكونفەرەنتسيا ارقىلى وتكەن ەاەو جيىنىنا قاتىسىپ وتىر. 19 مامىر 2020 جىل. مامىردىڭ 19-ىندا ەۋرازيا ەكونوميكالىق وداعىنا (ەاەو) مۇشە ەلدەردىڭ پرەزيدەنتتەرى ۆيدەوكونفەرەنتسيا ارقىلى وتكەن جيىندا ۇيىمنىڭ الداعى بەس جىلعا ارنالعان دامۋ ستراتەگياسىن قابىلداعان جوق. جيىن كەزىندە قازاقستان پرەزيدەنتى قاسىم-جومارت توقاەۆتىڭ ستراتەگيا جوباسىن «ەل ۇكىمەتتەرى مەن پارلامەنتىنىڭ دەربەستىگىن شەكتەيدى» دەپ، كەيبىر تۇسىن قايتا قاراۋ قاجەت دەگەن ۇسىنىس ايتتى. تاۋەكەلدى باعالاۋ توبىنىڭ ديرەكتورى، ساياساتتانۋشى دوسىم ساتپاەۆ ازاتتىققا بەرگەن سۇحباتىندا ەكونوميكالىق كەڭەس وتىرىسىنداعى توقاەۆ ءسوزىنىڭ استارى جايلى، نۇرسۇلتان نازارباەۆتىڭ اقىرى تاياعان ءداۋىرى، ەۋرازيا ەكونوميكالىق وداعى ىشىندەگى قوردالانىپ قالعان قايشىلىقتار جايلى ايتتى.  ەاەو ىشىندەگى جوعارعى ەۋرازيالىق ەكونوميكالىق كەڭەستىڭ وتىرىسىندا قازاقستان پرەزيدەنتى قاسىم-جومارت توقاەۆ جوبانىڭ ىشىندە “ەۋرازيالىق ەكونوميكالىق ينتەگراتسيانىڭ 2025

  • مەنىڭ كورىكسىز قىتاي ايەلىم

    كوپ ادامدار مەنەن شەكسىز بايلىق يەسى بولا تۇرا نەگە قىتايلىق ءارى ادەمى ەمەس (ولاردىڭ ويىنشا) قالىڭدىق تاڭداعانىمدى سۇرايدى. مەن (ولاردىڭ ويىنشا) كازىرگى ايەلىم پريسيللا چاننان دا “ارتىق” ايەلمەن ۇيلەنە الادى ەكەنمىن. ەڭ الدىمەن بۇل سۇراققا جاۋاپ بەرمەس بۇرىن سۇلۋ ايەل دەگەن قانداي جانە سۇلۋ ەمەس ايەلدىڭ قانداي بولاتىنىن تالقىلاعىم كەلەدى. شىندىعىندا، مەنىڭ ادەمى ايەلدەرمەن كەزدەسۋ مۇمكىندىگىم كوپ، ولاردىڭ كوبىسى مەنىڭ جارىم بولعىسى كەلەدى. الايدا، “سۇلۋ” ايەلدەردىڭ كوبىسىنىڭ جۇرەگى شاعىلىپ قالاتىن اينەك ءتارىزدى. ەگەر سەن حاننىڭ قىزىنداي تاكاپپار اشۋشاڭ بولىپ اۋرىپ تۇرساڭ ونىڭ سەنىمەن شارۋاسى جوق براق باي بولا تۇرا نەگە ماشيناڭدى اۋىستىرمايسىڭ دەپ سۇراۋمەن بولادى. ولار مەنىڭ جارىم بولعىلارى كەلۋىنىڭ ماقساتى تىك ۇشاقتارىممەن ماقتانۋ. ودان كەينگى كەزەكتە ولاردىڭ بايدىڭ ايەلى

  • وتاندىق سپورتشىلار دارىگەرلەر مەن اسكەري قىزمەتكەرلەرگە العىس ايتتى

      ەلىمىزدىڭ اتىن الەمدىك ارەنالاردا تانىتىپ، ءانۇرانىمىزدى اسقاقتاتىپ   جۇرگەن سپورتشىلار قاۋىمى ءدال قازىرگى قيىن كەزەڭدە جۇمىستا قالىپ، ەل ءۇشىن قىزمەت ەتىپ  جاتقان ماماندارعا شىنايى ىقىلاستارىن جەتكىزدى. “وتانداستارىمىزدىڭ اماندىعى ءۇشىن ءوز ءومىرىن قاۋىپكە تىگىپ جۇرگەن اق حالاتتى ابزال جاندار مەن اسكەري قىزمەتكەرلەرگە قۇرمەتىمىزدى بىلدىرەمىز”- دەلىنگەن سپورتشىلار ۇندەۋىندە. https://www.instagram.com/p/B-wQguapjwv/?igshid=1cn1z56sxuhgy   https://www.instagram.com/tv/B_SqcxPhRMs/?igshid=1ux784e6u3xi8   https://www.instagram.com/tv/B_UOVWAJ_Sk/?igshid=uaxs4ahqajnw ايبەك نۇعىماروۆ، ەلدوس سمەتوۆ، نۇرباقىت تەڭىزباەۆ، الەكساندر ۆينوكۋروۆ، ءمولدىر مەكەنباەۆا، دارحان نورتاەۆ سىندى الەم چەمپيوناتتارىنىڭ جۇلدەگەرلەرى مەن وليمپيادا چەمپيوندارى وتانداستارىمىزدى ۇيدە بولۋعا جانە كارانتين ۋاقىتىن ءتيىمدى پايدالانۋعا شاقىرادى. ەستەرىڭىزگە سالا كەتەيىك، قازىرگى تاڭدا مادەنيەت جانە سپورت مينيسترلىگىنىڭ باستاماسىمەن تانىمال سپورتشىلار مەن سپورت قايراتكەرلەرىنىڭ قاتىسۋىمەن ونلاين-ساباقتار، جاتتىعۋلار جانە دارىستەرى قامتىلعان #بىزبىرگەمىز #العاقازاقستان جوباسى ءجۇرىپ جاتىر.  

  • اقسەلەۋ سەيدىمبەك سىناعان فيلم

    اقسەلەۋ سەيدىمبەكتىڭ كۇندەلىگىنەن: “قۇلاگەر” ءفيلمى جايىندا كينو ۇيىنەن «قۇلاگەر» ءفيلمىن كورىپ قايتتىم. ءى.جانسۇگىروۆتىڭ ايگىلى «قۇلاگەر» پوەماسىنىڭ ىزىمەن دەپتى. ونەر اتاۋلى، ونىڭ ىشىندە كينو ونەرىنە نە ءۇشىن كەرەك؟ كىم ءۇشىن كەرەك؟ اسىرەسە بەلگىلى ءبىر ۇلت ونەرى الدىمەن سول ۇلتتىڭ وزىنە كەرەك پە، جوق الدە وزگە ۇلتقا كەرەك پە؟ بەلگىلى ءبىر ۇلتتىڭ ونەرى الدىمەن ءوز بولمىسىن كورسەتۋى كەرەك پە، جوق الدە ءوز بولمىسىنان كىندىك ءۇزىپ، جالپىادامزاتتىق ءوز بولمىسىن كورسەتۋى كەرەك پە، جوق الدە ءوز بولمىسىنان كىندىك ءۇزىپ، جالپىادامزاتتىق دەيتىن اسىرە پاتەتيكاعا بوي الدىرعانى ءجون بە؟ ونەردىڭ پارقى مەن نارقى ۇلتتىق تالعام تارازىسىنا تۇسكەنى ءجون بە، جوق الدە سىرت كوز سىنشىنىڭ ايتقانىنا كونىپ، ايداۋىنا جۇرگەنى دۇرىس پا؟ تاريحي تۇلعالاردىڭ ءومىربايانى قاي شەك-شەكاراعا دەيىن

  • حالىقتان سالىعىن جاسىرعان مادەنيەت ءمينيسترى وتستاۆكا كەتسىن…

            مادەنيەت پەن رۋحانيات، سپورت سالالارى – ەلىمىزدى الەم الدىندا تانىتاتىن بىردەن ءبىر التىن كوپىر سانالادى. تورتكۇل دۇنيەنى ءدۇر سىلكىندىرەر ونەر، سپورت  دودالارىندا اتالعان قوس سالانىڭ اسىعى الشىسىنان تۇسسە ەلىمىزدىڭ بايراعىن جەلبىرەتىپ، نامىسىن اسقاقتاتاتىنى ءسوزسىز. وكىنىشكە وراي، سوڭعى ۋاقىتتا  مادەنيەت پەن سپورت سالالارىنىڭ سالى سۋعا كەتە باستادى. مادەنيەتتى دامىتۋدىڭ  باعىتى ماردىمسىز، ءىسى قارقىنسىز، ال ونەر مەن ونەرپازدار قورعاۋسىز كۇيگە ءتۇستى.            قازاق ونەرى مەن مادەنيەتىنىڭ سوعىستان قالعان جاپان دالاداي حالگە ەنۋى مادەنيەت جانە سپورت ءمينيسترى اقتوتى رايىمقۇلوۆانىڭ جانىن اۋىرتپايتىن سەكىلدى. ساۋساقپەن سانارلىقتاي از عانا ۋاقىتتىڭ ىشىندە قالىڭ ەلدىڭ كوز الدىندا ءوتىپ جاتقان قانشاما وقيعالار حالىق پەن مادەنيەت سالاسى اراسىن جاقىنداتۋدىڭ ورنىنا الىستاتا تۇسكەنىن مويىنداماسقا امال جوق. تەاتردى تاربيە

پىكىر قالدىرۋ

ەلەكتورندى پوشتاڭىز سىرتقا جاريالانبايدى. بەلگى قويىلعان ءورىستى تولتىرۋ مىندەتتى *

اتى-ءجونى *

Email *

سايتى

Kerey.kz/كەرەي.كز

ءبىز تۋرالى:

تەل: +7 7071039161
Email: kerey.qazaq@gmail.com

Kerey.kz ءتىڭ بۇرىنعى نۇسقاسىن http://old.kerey.kz تەن وقي الاسىزدار!

KEREY.KZ

سايت ماتەريالدارىن پايدالانعاندا دەرەككوزگە سىلتەمە كورسەتۋ مىندەتتى. اۆتورلار پىكىرى مەن رەداكتسيا كوزقاراسى سايكەس كەلە بەرمەۋى مۇمكىن. جارناما مەن حابارلاندىرۋلاردىڭ مازمۇنىنا جارناما بەرۋشى جاۋاپتى.

سايت ساناعى: