|  |  | 

كوز قاراس ساياسات

سوعىس كەزىندەگى وكىلەتتىكتى “انىقتايتىن” تۇجىرىمداما 


ۇجىمدىق قاۋىپسىزدىك شارتى ۇيىمى ەلدەرىنىڭ بىرلەسكەن اسكەري جاتتىعۋى. الماتى وبلىسى، 22 مامىر 2018 جىل.

ۇجىمدىق قاۋىپسىزدىك شارتى ۇيىمى ەلدەرىنىڭ بىرلەسكەن اسكەري جاتتىعۋى. الماتى وبلىسى، 22 مامىر 2018 جىل.

ەكى اپتا بۇرىن قوعامدىق تالقىلاۋعا ۇسىنىلعان “سوعىس جاعدايى ماسەلەلەرى جونىندەگى” زاڭناماعا تۇزەتۋ ەنگىزۋ تۋرالى جوبا تۇجىرىمداماسىنا (وندا قازاقستاندا تۇراقسىزدىق بولسا، ونىمەن كۇرەسۋ ءۇشىن “گيبريدتىك” ءادىس قولدانۋ مۇمكىندىگى تۋرالى جازىلعان) ەشبىر پىكىر ايتىلمادى. كەي ساراپشىلار پرەزيدەنتكە قوسىمشا وكىلەتتىك بەرۋ قاراستىرىلعان قۇجاتتا ساياسي كونتەكست بار دەيدى.

وكىلەتتىكتى “انىقتاۋ”

“قازاقستان رەسپۋبليكاسىنىڭ سوعىس جاعدايى ماسەلەلەرى جونىندەگى كەيبىر زاڭنامالىق اكتىلەرىنە وزگەرىستەر مەن تولىقتىرۋلار ەنگىزۋ تۋرالى” زاڭ جوباسىنىڭ تۇجىرىمداماسى سوعىس بولا قالعان جاعدايدا پرەزيدەنتتىڭ، ۇكىمەت پەن بيلىك ورگاندارىنىڭ وكىلەتتىگىن “ناقتىلاۋدى” ۇسىنادى. قۇجات تامىزدىڭ 22-ءسى كۇنى نورماتيۆتىك-قۇقىقتىق اكتىلەر سايتىنا شىقتى – قوعامدىق تالقىلاۋعا بولىنگەن ەكى اپتادا (قىركۇيەكتىڭ 5-ىندە اياقتالعان) ول بويىنشا ەشكىم پىكىر جازىپ، رەاكتسيا بىلدىرمەگەن.

تۇجىرىمداما ەڭ الدىمەن 2003 جىلى قابىلدانعان “سوعىس جاعدايى تۋرالى” زاڭعا جانە تاعى 13 زاڭعا وزگەرىس پەن تولىقتىرۋ ەنگىزۋ قاجەتتىگىنە نەگىزدەلگەن.

تۇجىرىمداما اۆتورلارىنىڭ پىكىرىنشە، زاڭنامامى وزگەرتۋ قاجەتتىگى قازىرگى زامانعى اسكەري جانجالدار سيپاتىنان تۋىندايتىن، ىقتيمال قارسىلاس ەلدە تۇراقسىزدىق جاساۋ جانە اسكەري-ساياسي ماقساتىنا جەتۋ ءۇشىن “گيبريدتىك” كۇرەس ادىستەرىن قولدانۋى مۇمكىن دەگەنگە نەگىزدەلگەن. سوندىقتان، تۇجىرىمداما ازىرلەۋشىلەردىڭ سوزىنشە، قازاقستاننىڭ اسكەري قاۋىپسىزدىگى مەن قورعانىسى ءۇشىن “مەملەكەتتىڭ جيىنتىق كۇش-قۋاتىن پايدالانۋ ءۇشىن بيلىك ورگاندارىنىڭ “وكىلەتتىگىن ناقتىلاۋ” قاجەت.

تۇجىرىمداما پرەزيدەنتتىڭ وكىلەتتىگىن كەڭەيتۋدى – وعان سوعىس جاعدايى كەزىندە ۇكىمەتتىك ەمەس ۇيىمداردىڭ، سونىڭ ىشىندە “سوعىس جاعدايىندا ەلدىڭ قاۋىپسىزدىگى مەن قورعانىسىن بۇزاتىن ءىس-ارەكەت پەن ۇگىت-ناسيحات جۇرگىزەتىن ساياسي پارتيالار، وزگە دە قوعامدىق جانە ءدىني بىرلەستىكتەر، ولاردىڭ وداقتارى (قاۋىمداستىقتار), سونداي-اق، شەتەلدىك جانە حالىقارالىق ۇيىمداردىڭ” قىزمەتىن توقتاتۋ قۇقىعىن بەرۋدى ۇسىنادى.

تۇجىرىمدامادا ۇكىمەتكە، مىسالى، جەكەلەگەن قارجىلىق-ەكونوميكالىق قىزمەت تۇرلەرىنە، ونىڭ ىشىندە تاۋار، قىزمەت پەن قاراجاتتى ورنالاستىرۋعا شەكتەۋ قوياتىن قۇقىق بەرۋ قاجەت دەپ كورسەتىلگەن.

تۇجىرىمدامانى دايىنداعاندار “سوعىس جاعدايى كەزىندە ازاماتتاردىڭ قۇقىعى مەن بوستاندىعى توتەنشە جاعداي كەزىندەگىنەن دە ۇلكەن اۋقىمدا شەكتەلۋى ىقتيمال ” دەگەن قورىتىندى جاساعان. قۇجاتتا اقپاراتتى ىزدەۋ، الۋ، بەرۋ، ءوندىرۋ جانە تاراتۋ قۇقىعىن ۋاقىتشا شەكتەۋ تۋرالى تارماق بار.

كۇشكە عانا جۇگىنۋ مە؟

ادام قۇقىعى جونىندەگى قازاقستاندىق بيۋرونىڭ ديرەكتورى ەۆگەني جوۆتيس سوعىس جاعدايى تۋرالى زاڭدا جانە ونى دامىتاتىن تۇجىرىمدامادا سوعىس بولا قالعان كۇندە مەملەكەتتەگى كۇش قۇرىلىمدارىنىڭ ۇستەمدىگىنە ەرەكشە اكتسەنت بەرىلگەن دەيدى. بىراق، ونىڭ ايتۋىنشا، اقيقاتىنا كەلسەك، ەلدە بەيبىت كۇننىڭ وزىندە كۇش قۇرىلىمدارى دە-يۋرە جانە دە-فاكتو ۇستەمدىك ەتىپ وتىر. جوۆتيس ۇسىنىلعان تۇجىرىمداما ىشكى ساياسي باعىتتى كوبىرەك كوزدەيدى دەپ سانايدى.

ادام قۇقىعى جونىندەگى قازاقستاندىق بيۋرونىڭ ديرەكتورى ەۆگەني جوۆتيس. الماتى، 17 قازان 2016 جىل.

ادام قۇقىعى جونىندەگى قازاقستاندىق بيۋرونىڭ ديرەكتورى ەۆگەني جوۆتيس. الماتى، 17 قازان 2016 جىل.

– بۇل تۇجىرىمداما بيلىكتەگىلەردى جۇباتۋ ءۇشىن كەرەك، ولار ءبارىن قاراستىرىپ، الدىن الا جازىپ قويساق دەيدى. ەكىنشىدەن، قوعامعا جاناما تۇردە بولسا دا ەسكەرتۋ جاساپ، قورقىتىپ قويعىلارى كەلەدى، – دەيدى قۇقىق قورعاۋشى.

تۇجىرىمداماعا بايلانىستى بيلىكتىڭ ءوز-ءوزىن قايراپ، ىلە-شالا “ادەمى جازىلعان قاعازدىڭ” كومەگىمەن تاعى دا ءوزىن تىنىشتاندىرىپ وتىرعانى بايقالادى دەپ قورىتادى ادام قۇقىعى جونىندەگى قازاقستاندىق بيۋرونىڭ ديرەكتورى ەۆگەني جوۆتيس.

قازاقستاندىق ساياساتتانۋشى، تاۋەكەلدى باعالاۋ توبىنىڭ ديرەكتورى دوسىم ساتپاەۆ اسا ۇلكەن اۋماقتا ورنالاسقان، شەكاراسى سوزىلىڭقى، حالقىنىڭ سانى از قازاقستان سىندى مەملەكەت ارمياسىن حالقى ءسوزسىز قولداسا عانا اگرەسسياعا توتەپ بەرە الادى دەيدى. ساتپاەۆتىڭ پىكىرىنشە، قارجىلىق جاعدايى ناشارلاي تۇسكەن ەل بيلىگى جەمقورلىعىمەن، اۆتوريتارلىق ءىس-ارەكەتىمەن، قۇقىق پەن ەركىندىككە پوليتسيانىڭ تىزە باتىرۋىمەن ىقتيمال پاتريوتتاردى وزىنە قارسى قويىپ وتىر.

تاۋەكەلدى باعالاۋ توبىنىڭ ديرەكتورى دوسىم ساتپاەۆ.

تاۋەكەلدى باعالاۋ توبىنىڭ ديرەكتورى دوسىم ساتپاەۆ.

– ەليتانىڭ باسىندا پايدا بولعان داعدارىس كەيىن قوعامعا اۋىسادى، ونى سىرتقى ويىنشىلار ماقساتىنا پايدالانىپ، مەملەكەتتى قيراتا باستايدى. بىزدە رەسمي قۇرىلىم دەڭگەيىندە قاۋىپسىزدىك ماسەلەسىنە تىم نەمقۇرايلى قارايدى – تەك كۇش بلوگىن نىعايتقان ءجون دەپ ويلايدى، مۇنداي جاعدايدا قوعامدىق پىكىرمەن، قوعام ساناسىمەن ەش ساناسپايدى. سونىڭ سالدارىنان قازاقستان تۇرعىندارىنىڭ بەلگىلى ءبىر بولىگى قازىرگى بيلىككە بەيىل ەمەس – ونى بيلىك ءوز قولىمەن جاسادى، – دەيدى دوسىم ساتپاەۆ.

“گيبريدتىك” ءادىس دوكتريناسىن جالعاستىرۋ

ساياساتتانۋشى ءبورىحان نۇرمۇحامەدوۆ تۇجىرىمدامانى قازىرگى زامان تالابىنا ساي جانە ەلدىڭ قاۋىپسىزدىك قورعانىسىن نىعايتۋ ءۇشىن قاجەت قۇجات دەپ سانايدى.

“2014 جىلى ۋكراينانىڭ قىرىمنان ايرىلۋى جانە، شىندىعىندا سىرتقى اگرەسسيا كەسىرىنەن ەلدىڭ وڭتۇستىك-شىعىسىنداعى جانجال، 2016 جىلى تۇركيادا اسكەري توڭكەرىس جاساماق بولعان ارەكەت – وسىعان ۇقساس جايتتار مەن قازىرگى زاماننىڭ وزگە دە سىرتقى جانە ىشكى قاۋىپ-قاتەرلەرىن تەرەڭ تالداپ، سولاردىڭ ناتيجەسىندە دۇرىس قورىتىندى جاساپ، ونى زاڭنامادا بەكىتۋ كەرەك”، – دەيدى نۇرمۇحامەدوۆ.

رەسەيدەگى اسكەري ويىندارعا قاتىسۋشى قازاقستاندىق ساربازدار. ماسكەۋ وبلىسىنداعى الابينو پوليگونى. 11 تامىز 2018 جىل.

رەسەيدەگى اسكەري ويىندارعا قاتىسۋشى قازاقستاندىق ساربازدار. ماسكەۋ وبلىسىنداعى الابينو پوليگونى. 11 تامىز 2018 جىل.

سوۆەت وداعى اۋعانستاندا جۇرگىزگەن سوعىسقا قاتىسقان زاپاستاعى پولكوۆنيك سەرگەي پاشەۆيچ سوڭعى ۋاقىتتا قازاقستان زاڭناماسىندا “اگرەسسور” دەگەن تەرميننىڭ پايدا بولعانىن، بىراق اسكەري دوكترينادا دا، سوعىس جاعدايى تۋرالى زاڭدا دا، تۇجىرىمدامادا دا “اگرەسسوردىڭ” كىم ەكەنى كورسەتىلمەگەنىن ايتادى. تۇجىرىمدامادا (رەسەي قىرىم تۇبەگىن اننەكسيا جاساعالى بەرى وزەكتى بولعان) “گيبريدتىك” سوعىس ادىستەرى تۋرالى تۇسىنىك قامتىلعانىنا قاراپ پولكوۆنيك پاشەۆيچ اگرەسسور دەپ رەسەيدى ايتاتىن بولار دەپ بولجايدى. ونىڭ ويىنشا، بۇل تۇجىرىمدامانىڭ اسكەري ەمەس، سىرتقى ساياسي مانگە يە ەكەنىن مەڭزەيدى.

قازاقستاندا العاش رەت “گيبريدتىك” كۇرەس ادىستەرى تۋرالى ەسكەرتۋ بىلتىرعى جىلدىڭ سوڭىندا قابىلدانعان اسكەري دوكترينادا ايتىلعان. وندا ىقتيمال قارسىلاستاردىڭ “مەملەكەتتەگى جاعدايدى تۇراقسىزداندىرۋدى كوزدەيتىن استىرتىن ءىس-ارەكەتتەر، سونىڭ ىشىندە …سەپاراتيستىك قوزعالىستاردى” قولدانۋى مۇمكىن ەكەنى ايتىلعان. دوكترينا قىرىمدى اننەكسيا جاساعان سوڭ ءۇش جارىم جىلدان كەيىن ازىرلەنگەن، بىراق وندا ۋكرايناداعى وقيعاعا تىكەلەي سىلتەمە جاسالماعان.

قازاقستاندا وتكەن حالىقارالىق جاتتىعۋلار كەزىندە قويىلعان تاريحي پەرفورمانستىڭ جانىندا تۇرعان قازاقستاندىق پوليتسەي. وتار، 2 تامىز 2016 جىل.

اسكەري دوكتريناعا كۇرەستىڭ «گيبريد» تاسىلدەرى ۇعىمى ەنگىزىلدى

قازاقستان رەسەيدىڭ ءسوزى جۇرەتىن ۇجىمدىق قاۋىپسىزدىك شارتى ۇيىمىنا (ۇقشۇ) مۇشە. وسى ەكى ەلمەن بىرگە قۇرامىندا ارمەنيا، بەلورۋسسيا، قىرعىزستان مەن تاجىكستان بار ۇيىمنىڭ مىندەتى – مەملەكەتتەردىڭ اۋماقتىق-ەكونوميكالىق كەڭىستىگىن حالىقارالىق تەررورشىلار، اۋقىمدى تابيعي اپاتتار جانە “كەز كەلگەن اسكەري-ساياسي اگرەسسوردان ارميا مەن قوسىمشا بولىمشەلەردىڭ كومەگىمەن بىرلەسە قورعاۋ” دەپ جاريالانعان.

 

ازاتتىق راديوسى

Related Articles

  • ءدارى-دارمەكتىڭ باعاسى قاشان رەتتەلەدى، ءبىرتانوۆ مىرزا؟

    ءبىر وتباسى ءبىر جىلدا 26300 تەڭگەگە ءدارى-دارمەك الادى. جالپى قازاقستان بويىنشا بۇل شىعىننىڭ جىلدىق كولەمى 120 ملرد. تەڭگە. ۇستىمىزدەگى جىلدىڭ العاشقى توقسانىندا ءدارى-دارمەك باعاسىنىڭ 8,4 پايىزعا وسۋىنە بايلانىستى ول تاعى دا 10 ملرد. تەڭگەگە ارتقان. ءماجىلىس دەپۋتاتى ايقىن قوڭىروۆ تۇتاس ەمەس، تاڭداپ الىنعاندىقتان ستاتيستيكا ورگاندارىنىڭ بۇل كورسەتكىشى جاعدايدىڭ تولىق سيپاتىن بەرە المايدى دەيدى. ونىڭ ايتۋى بويىنشا حالىقتىڭ ءدارى-دارمەككە شىعاراتىن شىعىنى شىن مانىندە بۇدان الدەقايدا كوپ. جۋىردا مەملەكەتتىڭ ءدارى-دارمەكتەر باعاسىن رەتتەۋىنە مۇمكىندىك بەرەتىن زاڭ قابىلداندى. الايدا ءتيىستى مەملەكەتتىك ورگان زاڭدى ىسكە اسىرۋدىڭ تەتىكتەرىن ويلاستىرىپ، ونى ىرعالىپ- جىرعالىپ ەنگىزگەنشە ءدارى-دارمەك ساتۋشىلار باعانى شارىقتاتىپ جىبەرگەن. سوندىقتان ءدارىنىڭ ەڭ ۇلكەن شەكتى كورسەتكىشىن مەملەكەت جاڭا باعانىڭ دەڭگەيىنەن انىقتاۋعا ءماجبۇر بولادى. وسىعان الاڭداۋشىلىق بىلدىرگەن دەپۋتات ا.قوڭىروۆ

  • “العاشقى جانە سوڭعى دەموكراتيالىق سايلاۋ”

    اسىلحان ماماشۇلى الاش وردا ۇلتتىق-تەرريتوريالىق اۆتونومياسى ۇكىمەتىنىڭ مۇشەلەرى الاش قالاسىنا (زارەچنايا سلوبودكا، سەمەي) كوشىپ كەلىپ قونىستانعان 1918 جىلى. قازاقستان بيلىگى بيىل ماۋسىمدا تاعى ءبىر كەزەكتەن تىس پرەزيدەنت سايلاۋىن وتكىزگەلى جاتىر. پوستسوۆەتتىك ەلدەگى بۇعان دەيىنگى سايلاۋلاردىڭ ەشبىرىن حالىقارالىق ۇيىمدار «ەركىن» دەپ تانىعان ەمەس. وسى تۇستا ازاتتىق سوۆەتتىك كەزەڭگە دەيىنگى قازاقستاندا وتكەن العاشقى جانە سوڭعى اشىق سايلاۋدىڭ تاريحىنا ءۇڭىلىپ كوردى. 1917 جىلى جەلتوقسان ايىندا «قازاق-قىرعىز بيلىگىن قولىنا العانىن» مالىمدەگەن الاش وردا ۇكىمەتى – ۇلت كەڭەسىنىڭ توراعاسىن سايلادى. كوپشىلىك داۋىس العان ءاليحان بوكەيحان ۇكىمەت پەن كەڭەس توراعاسى بولىپ سايلاندى. ازاتتىق تىلشىسىمەن سويلەسكەن زەرتتەۋشىلەردىڭ ايتۋىنشا بۇل سايلاۋ «بۇرىنعى حاندىق داستۇرگە سۇيەنبەگەن، پاتشالىق رەسەيدىڭ ەسكى زاڭدارىنان قۇتىلعان، قازاق حالقىنا سايلاۋ قۇقىعىن بەرىپ، دەموكراتيالىق داستۇرمەن وتكىزگەن

  • قازاق پرەزيدەنتى توقاەۆ جانە وزبەك پرەزيدەنتى ميرزيوەۆتىڭ بىرلەسكەن مالىمدەمەسى

    2019 جىلعى 14-15 ساۋىردە وزبەكستان رەسپۋبليكاسىنىڭ پرەزيدەنتى شاۆكات ميرزيوەۆتىڭ شاقىرۋىمەن قازاقستان رەسپۋبليكاسىنىڭ پرەزيدەنتى قاسىم-جومارت توقاەۆتىڭ وزبەكستانعا مەملەكەتتىك ساپارى ءوتتى. وزبەكستان رەسپۋبليكاسىنىڭ پرەزيدەنتى شاۆكات ميرزيوەۆ قاسىم-جومارت توقاەۆتى قازاقستان رەسپۋبليكاسىنىڭ پرەزيدەنتى لاۋازىمىنا كىرىسۋىمەن جىلى جانە شىن كوڭىلمەن قۇتتىقتاپ،  قازاقستاننىڭ قازىرگى زامانعى دامۋىنا جانە شەت مەملەكەتتەرمەن كوپجاقتى بايلانىستارىنا لايىقتى ۇلەس قوسقان حالىقارالىق اۋقىمداعى ساياساتكەر جانە مەملەكەتتىك قايراتكەر رەتىندەگى مول تاجىريبەسىن اتاپ ءوتتى. مەملەكەت باسشىلارى قازاقستان رەسپۋبليكاسىنىڭ تۇڭعىش پرەزيدەنتى – ەلباسى نۇرسۇلتان ءابىشۇلى نازارباەۆتىڭ ەكى ەل اراسىنداعى باۋىرلاستىق بايلانىستار مەن ستراتەگيالىق سەرىكتەستىكتى، ونىڭ ىشىندە ورتالىق ازياداعى بەيبىتشىلىكتى، تۇراقتىلىق پەن قاۋىپسىزدىكتى قامتاماسىز ەتۋدەگى ىنتىماقتاستىقتى دامىتۋعا قوسقان كورنەكتى ءرولىن ايرىقشا اتاپ كورسەتتى. وسى تۇرعىدا، پرەزيدەنت ق.توقاەۆ پرەزيدەنت ش.ميرزيوەۆتى قازاقستان-وزبەكستان قاتىناستارى مەن وڭىرلىك ىقپالداستىقتى كەڭەيتۋگە جانە نىعايتۋعا

  • اەس سالۋ رەسەيدىڭ قالاۋى عانا – بوزىمباەۆ

     © تۇرار قازانعاپوۆ ەنەرگەتيكا ءمينيسترى قانات بوزىمباەۆ قازاقستانداعى اەس قۇرىلىسىنا قاتىستى پىكىر ءبىلدىردى، – دەپ حابارلايدى Tengrinews.kz ءتىلشىسى. بۇل تۋرالى ول پرەزيدەنت تەلەراديوكەشەنىنە بەرگەن سۇحباتىندا ايتتى. “قازىر قوعامدا وسى ماسەلە تۋرالى قىزۋ پىكىرتالاس ءجۇرىپ جاتقانىن تۇسىنەمىز. ارينە، سەمەي يادرولىق پوليگونىنا بايلانىستى قورقىنىش تۋىپ جاتىر. زارداپ شەككەن حالىق ول وقيعانى ۇمىتقان جوق. سونداي شەشىم قابىلدانىپ جاتسا، بارلىعى زاڭ بويىنشا قابىلدانادى. قانداي جاعداي بولسىن حالىق پىكىرى ەسكەرىلەدى. سەبەبى قوعامدىق تىڭدالىمدار وتەدى. جەرگىلىكتى اتقارۋشى ورگاندارمەن كەڭەس وتكىزىلەدى. ۆلاديمير ۆلاديميروۆيچ ءپۋتيننىڭ ايتقانى – رەسەيلىك تاراپتىڭ قالاۋى عانا. ءبىز وسى ماسەلە جايلى حالىققا ايتىپ وتىرامىز، بارلىعى ۇكىمەت باسشىلىعىنىڭ، سونداي-اق، مەملەكەت باسشىسىنىڭ باقىلاۋىندا بولادى”، – دەدى مينيستر سۇحباتىندا. ەسكە سالايىق، وسىعان دەيىن الماتى وبلىسىندا اەس قۇرىلىسىنا ارنالعان جەردىڭ انىقتالعانى جايلى

  • جوعارى قولباسشىلىقتىڭ پرەزيدەنتتىك رەزەرۆى كىم ءۇشىن قۇرىلماق؟

    قازيس توعىزباەۆ وتاردا وتكەن اسكەري پاراد. جامبىل وبلىسى، 7 مامىر 2018 جىل. ۇكىمەت قارۋلى كۇشتەر جوعارى قولباسشىلىعىنىڭ پرەزيدەنتتىك رەزەرۆىن قۇرۋ تۋرالى جارلىق جوباسىن ازىرلەدى. وعان سايكەس اسكەري قىزمەتكەرلەر اراسىنان ارنايى توپ جاساقتالىپ، كەيىن ونىڭ مۇشەلەرىن جوعارى قولباسشىلىقتاعى قىزمەتتەرگە ۇسىنۋ جوسپارلانعان. ساراپشىلار باستامانىڭ قاعاز جۇزىندەگى نۇسقاسىن قۇپتاعانمەن يدەيانىڭ ءساتتى جۇزەگە اسىرىلاتىنىنا كۇماندانادى. ناۋرىز ايىنىڭ سوڭىندا «اشىق ۇكىمەت» سايتىندا قۇجاتتار ءتىزىمى جاريالانىپ، قوعامدىق تالقىلاۋعا ۇسىنىلدى. وندا ۇكىمەتتىڭ قارۋلى كۇشتەر پرەزيدەنتتىك رەزەرۆىن قۇرۋ ۇسىنىسى جايلى ايتىلعان. جوبا بويىنشا، بۇل توپقا «ەرەكشە سۇرىپتاۋدان» وتكەن اسكەري قىزمەتكەرلەردى ەنگىزۋ كوزدەلگەن، كەيىن ولاردى جوعارى قولباسشىلىق لاۋازىمىنا ۇسىنباق (قورعانىس ءمينيسترى قىزمەتى وعان كىرمەيدى). باستامانى قازىر نۇرلان ەرمەكباەۆ باسقارىپ وتىرعان قورعانىس مينيسترلىگى كوتەرگەن. جارلىق جوباسى اتالعان جارلىق جوباسى قارۋلى كۇشتەرگە اسكەري

پىكىر قالدىرۋ

ەلەكتورندى پوشتاڭىز سىرتقا جاريالانبايدى. بەلگى قويىلعان ءورىستى تولتىرۋ مىندەتتى *

اتى-ءجونى *

Email *

سايتى

Kerey.kz/كەرەي.كز

ءبىز تۋرالى:

تەل: +7 7071039161
Email: kerey.qazaq@gmail.com

Kerey.kz ءتىڭ بۇرىنعى نۇسقاسىن http://old.kerey.kz تەن وقي الاسىزدار!

KEREY.KZ

سايت ماتەريالدارىن پايدالانعاندا دەرەككوزگە سىلتەمە كورسەتۋ مىندەتتى. اۆتورلار پىكىرى مەن رەداكتسيا كوزقاراسى سايكەس كەلە بەرمەۋى مۇمكىن. جارناما مەن حابارلاندىرۋلاردىڭ مازمۇنىنا جارناما بەرۋشى جاۋاپتى.

سايت ساناعى: