|  | 

ساياسات

كرەملدىڭ «جانسىزى» باعلان مايلىباەۆتىڭ قۇپيالارى

مەملەكەتتىك قۇپيانى جاريالاعانى ءۇشىن سوتتالعان قر پرەزيدەنتى اكىمشىلىگى باسشىسىنىڭ ورىنباسارى باعلان مايلىباەۆ شەت مەملەكەتتىڭ وكىلدەرىمەن تىعىز قارىم-قاتىناستا بولعانى بارشاعا ءمالىم. الايدا وسى ىنتىماقتاستىقتىڭ ەگجەي-تەگجەيىن كوپشىلىك بىلە بەرمەيدى. ال ءدال وسى اقپارات سوڭعى جىلداردا ورىن العان كوپتەگەن وقيعالاردى ايقىنداي تۇسەر ەدى. 

قر قك 361-بابىنىڭ 4-بولىگىمەن جانە 185-بابىنىڭ 3-بولىگىمەن كوزدەلگەن قىلمىستاردى جاساعانى ءۇشىن 2017 جىلدىڭ ماۋسىم ايىندا بەس جىلعا باس بوستاندىعىنان ايىرۋعا سوتتالعاننان كەيىن قر پرەزيدەنتى اكىمشىلىگى باسشىسىنىڭ بۇرىنعى ورىنباسارى باعلان مايلىباەۆ ءباسپاسوز نازارىنان تىس قالدى. دەگەنمەن، ونىڭ رەزونانستى ءىسى ءالى دە كوڭىل بولۋگە تۇرارلىق، ويتكەنى، بىرىنشىدەن، كرەملدىڭ تەرىس رەاكتسياسىنا قاراماستان، ءتىپتى وتە جوعارى دەڭگەيدەگى قازاقستاندىق مەملەكەتتىك قىزمەتكەرلەردىڭ رەسەيلىك ارىپتەستەرىمەن قاجەتسىز بايلانىستارىن توقتاتۋعا اقوردانىڭ قابىلەتىن كورسەتەدى، جانە، ەكىنشىدەن، قازاقستاندا بيلىك باسىنداعىلارمەن جانجالداسۋدىڭ جاقسىلىققا اپارمايتىنىن راستايدى.

وسى تەزيستىڭ دالەلى رەتىندە ينسايدەرلەردەن الىنعان اقپاراتقا جۇگىنەيىك.

ءبىز مايلىباەۆتىڭ ستاندارتتى ەمەس ستسەناري بويىنشا ۇستالعانىن انىقتادىق (باعلان مايلىباەۆ پەن ونىڭ باعىنىشتى قىزمەتكەرى، قر پرەزيدەنتى اكىمشىلىگىنىڭ سەكتور مەڭگەرۋشىسى نيكولاي گاليحيننىڭ قر قك 185 «مەملەكەتتىك قۇپيانى زاڭسىز جيناۋ، تاراتۋ، جاريا ەتۋ» بابىنىڭ 1 جانە 3-بولىگىمەن كوزدەلگەن قىلمىستى جاسادى دەگەن كۇدىك بويىنشا قر ۇلتتىق قاۋىپسىزدىك كوميتەتىنىڭ قىزمەتكەرلەرىمەن  2017 جىلدىڭ 12 قاڭتارىندا ۇستالعانىن ەسكە سالامىز).

وقيعا بارىسى مىناداي بولعان. قر ۇقك توراعاسى كارىم ءماسىموۆ قر پرەزيدەنتى اكىمشىلىگى باسشىسى ادىلبەك جاقسىبەكوۆكە جەكە ءوزى تەلەفون سوعىپ، ارنايى قىزمەتتىڭ جوعارى شەندى قىزمەتكەرىنىڭ قىزمەت عيماراتىنا كىرۋىن جانە ونىڭ پرەزيدەنت  اكىمشىلىگى باسشىسىنىڭ ورىنباسارىمەن جۇزدەسۋىن قامتاماسىز ەتۋدى سۇراعان. وسىنىڭ ناتيجەسىندە كەلگەن قىزمەتكەر اقورداعا ەش كەدەرگىسىز كىرىپ، مايلىباەۆتىڭ كابينەتىنە وتكەن جانە شاماسى، وعان قاماۋعا الۋ وردەرىن ۇسىنعان. سوسىن، ونىمەن بىرگە كابينەتتەن شىعىپ، سوڭعىسىنىڭ «مەرسەدەس» ماركالى قىزمەت اۆتوكولىگىمەن ولار بىرگە اۋماقتان كەتىپ قالعان. ال قاقپانىڭ سىرتىندا، اۆتوتۇراقتا، ولاردى جەدەل ماشينا كۇتىپ تۇرعان، وعان مايلىباەۆتى ەندى ۇستالعان ادام رەتىندە وتىرعىزعان.

باعلان مايلىباەۆتىڭ وزىنە ايىپ رەتىندە تاعىلعان قىلمىستاردى جاساۋداعى كىناسىن مويىنداعانىنا، ال ونىڭ ۇيىندە جۇرگىزىلگەن ءتىنتۋ كەزىندە كىناسىنىڭ تولىق دالەلدەرى تابىلعانىنا قاراعاندا، ول ءوز تاعدىرىندا وسىنداي بەتبۇرىس بولادى دەپ كۇتپەگەن جانە ءتىپتى ءوزىنىڭ قاعازدارى مەن جازبالارى ساياسي قارسىلاستارى مەن قاستىق ويلاۋشىلاردىڭ قولىنا تۇسەتىنىن ويلاماعان. دەگەنمەن، ولاردىڭ مازمۇنى مايلىباەۆتىڭ قۇلدىراۋىنىڭ باستى سەبەبى بولعان سياقتى. ماسكەۋدەگى كۋراتورلارىنا جازعان حاتتارىندا ول رەتىن تاۋىپ، اقورداداعى بارلىق نەگىزگى تۇلعالار تۋرالى، سونىڭ ىشىندە ادىلبەك جاقسىبەكوۆ پەن ونىڭ الدىندا بولعان باسشىلار، قر پارلامەنتى ءماجىلىسىنىڭ سپيكەرى نۇرلان نىعماتۋلين جانە قر ۇقك توراعاسى كارىم ءماسىموۆ تۋرالى جاعىمسىز پىكىر بىلدىرگەن ءارى دورەكىلىك تانىتاتىن سوزدەردى قولدانۋدان تارتىنباعان.

ينسايدەرلەردەن الىنعان اقپارات بويىنشا، قر پرەزيدەنتى اكىمشىلىگى باسشىسىنىڭ بۇرىنعى ورىنباسارى كىناسى دالەلىنىڭ كولەمى اسا قوماقتى بولعانى سونشا، قۇجاتتاردى جانە باسقا دا اقپارات نۇسقالارىن تاسىمالداۋ ءۇشىن بىرنەشە ميكرواۆتوبۋس قاجەت بولعان. باعلان مايلىباەۆتىڭ قىلمىستىق ءىسى قۇپيا بولعانمەن، ال سوت پروتسەسى جابىق تارتىپتە وتكەنمەن، اقپاراتتىڭ جايىلىپ كەتۋى ءبارىبىر ورىن الدى. مايلىباەۆ ءوز جازبالارىندا اقوردا مەن ونىڭ كوپتەگەن مەكەندەۋشىلەرى ءۇشىن ەلەۋلى اقپاراتپەن بولىسكەنى، وزىنە قارسى ساياسي كلانداردىڭ وكىلدەرىنە شاعىمدانعانى، ولارعا جاعىمسىز سيپاتتامالار بەرگەنى  جانە ولاردى بەيتاراپتاندىرۋعا كومەك سۇراعانى انىقتالدى.

سوڭعىسى اقوردادا ەرەكشە الاڭداۋشىلىق بىلدىرۋگە تۇرارلىق، سەبەبى رەسەيلىك باق پەن ينتەرنەت-رەسۋرستارى قازاقستان مەن رەسپۋبليكاداعى ىشكى ساياسي پروتسەستەرگە نازارىن كوپ اۋدارمايدى. سايكەسىنشە، ولاردىڭ تاراپىنان تىم كوپ كوڭىل ءبولۋ، سونداي-اق ەركىن تۇسىنىكتەمەلەر بەرۋ، ادەتتە تاپسىرىس بەرۋدىڭ ناتيجەسى بولىپ تابىلادى. تاپسىرىس بەرۋشى كوبىنەسە ءدال وسى مايلىباەۆ بولىپ شىقتى.

جەكەلەپ ايتقاندا، ول مەملەكەت باسشىسى كەڭسەسىنىڭ باسشىسى ماحمۇد قاسىمبەكوۆتى نۇرسۇلتان نازارباەۆتىڭ ۇستەلىنە تۇسەتىن جانە ودان شىعاتىن بارلىق قۇجاتتارعا شەكتەۋسىز قول جەتكىزە الاتىن ادام رەتىندە سيپاتتاعان جانە ونى باسقا يكەمدى ادامعا اۋىستىرۋدى ۇسىنعان. سونىمەن قاتار مۇنى ماحمۇد قاسىمبەكوۆتىڭ ۇلى جەڭىس قاسىمبەكوۆتىڭ بەدەلىن ءتۇسىرۋ ارقىلى جاساۋدى ۇسىنعان. بۇل كەزەڭدە وسى جاس مينيسترگە ونىڭ جۇمىسىنىڭ اۆياتسيادان باستاپ اۆتوكولىك جولدارىنا دەيىنگى ءارتۇرلى سالالار بويىنشا اقپاراتتىق شابۋىلدار جاسالعانىن ايتا كەتۋ كەرەك. اقپاراتتىق ماتەريالداردىڭ تىزبەگىن قاداعالايتىن بولساق، ول ريا «نوۆوستي» قازاقستاندىق بيۋروسىنىڭ newskaz.ru سايتىنا اكەلەتىنى تاڭدانارلىق. مۇمكىن بۇل كەزدەيسوقتىق شىعار، بىراق ءبىز بۇعان كامىل سەنبەيمىز.

الايدا، بارلىق مالىمەتتەرگە قاراعاندا، باعلان مايلىباەۆتىڭ قۇلدىراۋىنا ونىڭ كارىم ءماسىموۆ تۋرالى، اسىرەسە ول قر پرەزيدەنتىنىڭ اكىمشىلىگىن باسقارىپ تۇرعان شاعىندا، سونداي-اق ونىڭ اينالاسىنداعى قر ۇلتتىق ەكونوميكا مينيسترلىگىنىڭ بۇرىنعى ءمينيسترى قۋاندىق بيشىمباەۆ سەكىلدى ادامدار تۋرالى پىكىرلەرى شەشۋشى ءرول اتقارعان.

سوڭعىسىنىڭ تاعدىرى قالاي بولعانىن ەسكە سالۋدىڭ قاجەتى جوق. قۋاندىق بيشىمباەۆقا قاتىستى تەرگەۋ بارىسىن جاريالاۋدا ءدال وسى ريا «نوۆوستي» تاعى دا نەلىكتەن ەكەنى بەلگىسىز، ەرەكشە جىگەرلىلىك تانىتقانىن اتاپ وتكەن ءجون. ال كارىم ماسىموۆكە كەلسەك، مايلىباەۆ ونىڭ پرەزيدەنت اكىمشىلىگىنىڭ باسشىسى رەتىندە تاعايىندالۋىنا كوڭىلى تولماعانىن جاسىرماعان.  وسى ورىندى ءوزى يەمدەنۋگە ۇمىتتەنىپ، ول جاڭا باسشىسىنا سيپاتتاما بەرۋ كەزىندە دورەكىلىك تانىتاتىن سوزدەردى قولدانۋدان تارتىنباعان.

مايلىباەۆقا ۇناماعان باسقا تۇلعالاردىڭ ىشىنەن قر مادەنيەت جانە سپورت ءمينيسترى ارىستانبەك مۇحامەديۇلىن اتاپ وتكەن ءجون. ونى مايلىباەۆ ءوزىنىڭ الدىنا قويعان ماقساتتارىنا قول جەتكىزۋ ءۇشىن ەلەۋلى كەدەرگى دەپ اتاعان. سوندىقتان ول رەسەيلىك بايلانىستارىنان ءمينيستردى بەيتاراپتاندىرۋ ءۇشىن وعان قارسى شارالار قابىلداۋدى تەزدەتۋدى سۇراعان.

بۇل تاعى دا ريا «نوۆوستي» كۇشىمەن ايتارلىقتاي جاريا ەتىلگەن ماسكەۋدەگى قىرعىز گاستاربايتەرلەرى تۋرالى مالىمدەمەنىڭ توڭىرەگىندە بولعان جانجالمەن سايكەس كەلۋى تاڭدانارلىق.  سونىمەن قاتار، ءدال وسى رەسەيلىك مەديا «جامانقۇلوۆ مۇحامەديۇلىنا قارسى» اقپاراتتىق سوعىسىنا (ەرىكتى نەمەسە ەرىكسىز تۇردە؟) قاتىسقان. وندا ءبىر كەزدەرى تانىمال اكتەر بوگدە ادامداردىڭ ويىنىنداعى سوقىر قۇرال رەتىندە ارەكەت ەتە وتىرىپ، ءوز مانسابىنداعى جاعىمسىز، مۇمكىن سوڭعى ءرولىن ويناعان بولاتىن.

بۇعان قوسا، باعلان مايلىباەۆتىڭ ۇيىنەن تەرگەۋشىلەر تاركىلەنگەن قۇجاتتاردان ونىڭ ەڭ كەمىندە قر مەملەكەتتىك حاتشىسى بولۋدى اڭساعانى انىقتالدى. ەستەرىڭىزگە سالا كەتەيىك، كونستيتۋتسيالىق تابەلدە بۇل لاۋازىم بەسىنشى نومىرمەن بەرىلگەن، ياعني قازىرگى پرەزيدەنت ۋاكىلەتتىكتەرىن مەرزىمىنەن بۇرىن توقتاتسا، مەملەكەت باسشىسىنىڭ مىندەتتەرىن زاڭدى تۇردە ورىنداۋداعى كەزەكتە بەسىنشى ورىنعا يە بولادى. بارلىق مالىمەتتەرگە قاراعاندا، باعلان مايلىباەۆ قولايلى ساتتە جانە رەسەيلىك بايلانىستارىنىڭ قولداۋىمەن «قازاقستانداعى ىشكى ساياسات جونىندەگى باسشى» لاۋازىمىنان جوعارى سەكىرە الاتىنىنا ۇمىتتەنگەن.

قالاي بولعاندا دا، قر پرەزيدەنتى اكىمشىلىگى باسشىسىنىڭ بۇرىنعى ورىنباسارىنىڭ وسى جانە باسقا دا جوسپارلارى ىسكە اسپادى، ال مايلىباەۆتىڭ قاعازدارى جانە ونىڭ حاتتارى قازاقستاندىق ارنايى قىزمەتتەردىڭ قولىنا ءتۇستى جانە ونىڭ مەملەكەتتىك قىزمەتتە لاۋازىمعا يە بولۋ قۇقىعىنان ءومىر بويىنا ايىرۋمەن بىرگە بەس جىلعا باس بوستاندىعىنان ايىرۋعا سوتتالۋىنا نەگىز بولدى.

الايدا، مايلىباەۆ بەلسەندى تۇردە قولداعان رەسەيلىك باق قازاقستاندىق «ەنشىلەستەرىمەن» بىرگە اقوردادان ءبىر شاقىرىمدىق قاشىقتىقتا جۇمىس ىستەۋىن جالعاستىرۋدا. ولار  مايلىباەۆ كەزەڭىندە قازاقستاندىق ساراپشىلار الاڭىن يەمدەنگەن. ال ول «ساراپشىلار» ترانزيت كەزەڭىندە ىقپال جاساۋ ءۇشىن قولدانىلۋى مۇمكىن ەكەندىگى تاعى راس.

Abai.kz

Related Articles

  • اكەجان قاجىگەلدين: “نازارباەۆ مەنەن كەشىرىم سۇرادى

    قاسىم امانجول قازاقستاننىڭ بۇرىنعى پرەمەر-ءمينيسترى اكەجان قاجىگەلدين (وڭ جاقتا) جانە جۋرناليست قاسىم امانجول. سكايپ-سۇحبات. 6 قىركۇيەك 2019 جىل. 1994-1997 جىلدارى قازاقستان پرەمەر-ءمينيسترى بولىپ، 1998 جىلى ەلدەن كەتكەن اكەجان قاجىگەلدين ازاتتىققا بەرگەن سۇحباتىندا شەتەلدە بىرنەشە رەت قازاقستاننىڭ ەكس-پرەزيدەنتى نۇرسۇلتان نازارباەۆپەن كەزدەسكەنىن ايتتى. 6 قىركۇيەكتە الماتىدا «اقيقات» جالپىۇلتتىق سوتسيال-دەموكراتيالىق پارتياسىنىڭ 15-سەزىندە پارتيا باسشىcى ەرمۇرات باپيعا جسدپ مۇشەلەرى سەنىمسىزدىك ءبىلدىرىپ، اقىرىندا باپي توراعالىقتان كەتىپ، پارتيادان دا شىعارىلدى. جيىندا كەيبىر پارتيا مۇشەلەرى باپيدىڭ بيىل كوكتەمدە ءبىر توپ بەلسەندىمەن پاريجگە بارىپ، قازاقستاننىڭ بۇرىنعى پرەمەرى اكەجان قاجىگەلدينمەن پارتيا رۇقساتىنسىز كەزدەسكەنىن ايىپتادى. باپيدىڭ ورنىنا اسحات راقىمجانوۆ پارتيا جەتەكشىسى بولىپ سايلاندى. ءدال وسى كۇنى نۇر-سۇلتاندا پرەزيدەنت قاسىم-جومارت توقاەۆتىڭ قاتىسۋىمەن ۇلتتىق سەنىم كەڭەسىنىڭ العاشقى جيىنى ءوتتى. بۇل كەڭەستى توقاەۆ حالىق پەن

  • قىتاي ەكسپانسياسىنىڭ قاتەرى

    جازۋشى-پۋبليتسيست مارات ءبايدىلداۇلى (توقاشباەۆ): قىتايلىق 51 (55) زاۋىتتى قازاقستانعا كوشىرۋ جوباسى حالقىمىزعا ماڭگى قۇتىلمايتىن بوداندىق قامىتىن كيگىزۋى ىقتيمال. قىتاي بەرەدى دەپ ۇمىتتەنىپ وتىرعان 26,5 ملرد دوللار قازاقستان تاعدىرىن تالكەككە سالاتىن قاقپان تىلشىگىندەگى «ءدامدى سىرعا» ۇقسايدى. قازاقستانعا كوشىرىلەتىن 51 زاۋىتپەن كەلەتىن قىتايلار قازاقتاردى بايىتادى دەۋ اقىلعا سىيمايدى! ءىس جۇزىندە 51 قىتاي زاۋىتىن كوشىرىپ كەلۋ قازاقستان ۇكىمەتىنىڭ ەل ەكونوميكاسىن باسقارۋعا مۇلدە قابىلەتسىز ەكەندىگىن كورسەتەتىن دارمەنسىز ارەكەت. مەملەكەت رەيدەرلىك باسقىنشىلىقسىز، كوررۋپتسياسىز جاعداي تۋعىزىپ بەرسە ءوز بيزنەسمەندەرىمىز-اق 50 ەمەس 500 زاۋىت سالىپ بەرۋگە قۇمىل. قازاقستاندا جالپى ىشكى ءونىم نەگە جىلدان جىلعا ورلەمەيدى؟ بۇعان وسى كەزگە دەيىن بىردە ءبىر ۇكىمەت جاۋاپ بەرگەن ەمەس. بۇرىن ەشقانداي ۇكىمەتتىك باعدارلامالاردا كوزدەلمەگەن، ەشقاشان تالقىلانباعان «51 قىتاي كومپانياسىن قازاقستانعا كوشىرۋ

  • اقش مەملەكەتتىك حاتشىسىنىڭ ورىنباسارى دەۆيد حەيل نۇر-سۇلتانداعى سامميتكە قاتىسادى

    اقش مەملەكەتتىك حاتشىسىنىڭ ورىنباسارى دەۆيد حەيل. اقش مەملەكەتتىك حاتشىسىنىڭ ساياسي ماسەلەلەر جونىندەگى ورىنباسارى دەۆيد حەيل 20-23 تامىز ارالىعىندا ورتالىق ازيا ەلدەرىنە رەسمي ساپارمەن كەلەدى. ساپاردىڭ نەگىزگى ماقساتى – 21 تامىزدا نۇر-سۇلتاندا وتەتىن ورتالىق ازياداعى بەس ەلدىڭ جوعارى دەڭگەيدەگى جيىنىنا قاتىسۋ. س5+1 دەگەن اتاۋمەن بەلگىلى جيىن بارىسىندا حەيل قازاقستان، قىرعىزستان، وزبەكستان، تاجىكستان مەن تۇركىمەنستان سىرتقى ىستەر مينيسترلىكتەرى وكىلدەرىمەن كەلىسسوزدەر وتكىزەدى. “ولار ورتالىق ازياداعى قاۋىپسىزدىك، دامۋ جانە قارىم-قاتىناستى بىرلەسىپ نىعايتۋ جايىن تالقىلايدى” دەپ حابارلادى اقش مەملەكەتتىك دەپارتامەنتى 19 تامىزدا. س5+1 فورماتى 2015 جىلى قاراشادا اقش پەن ورتالىق ازيانىڭ بەس ەلى اراسىندا ەكونوميكالىق ينتەگراتسيانى دامىتۋ، قورشاعان ورتانى قورعاۋ مەن قاۋىپسىزدىك ماسەلەلەرىن بىرلەسىپ شەشۋ ماقساتىندا قۇرىلعان. بۇعان قوسا حەيل قازاقستاننىڭ جوعارى لاۋازىمدى شەنەۋنىكتەرىمەن “ەكىجاقتى كەڭەيتىلگەن

  • شارقي تۇركىستانشىل مەن چين تۇركىستانشىل اراسىنداعى قاقتىعىس

    1947-1948 جىلدىڭ ءورارا كەزەڭىندە ۇرىمجىدەگى قازاق يگى-جاقسىلارى مەن زيالىلارى، ساياساتكەرلەرى ولكەلىك ۇكىمەتتىڭ توراعا، حاتشىلارىمەن بىرلەسىپ ءۇرىمجى قالاسىنا قاراستى قاراتاۋ (قىتايشا 南山) باۋرايىندا ناۋرىز مەرەكەسىن تويلاپ شاعىن قۇرىلتاي جينالىسىن وتكىزەدى. ناۋرىز مەرەكەسىنە تىگىلگەن ونشاقتى كيگىز ءۇيدىڭ جانە ولكەلىك ۇكىمەت توراعالارى مەن اسكەري ادامداردىڭ (قازاق اسكەرى دە بار) سۋرەتىن انىق كورە الاسىز. 1947-1948 جىلدارى شارقي تۇركىستانشىل كۇشتەر مەن چين تۇركىستانشىل كۇشتەر اراسىنداعى قىرعيقاباق قاقتىعىس قاتتى ۋشىعىپ تۇرعان كەز ەدى. 1946-1947-1948 جىلدارى ماناس، قۇتىبي، بوكەن (فۋكاڭ), جەمسارى، شونجى، موري اۋداندارىنان قازاق اسكەرى جاساقتالىپ ماناس وزەنىنىڭ كۇنباتىس بەتىندەگى شارقي تۇركىستان اسكەرىنە ارنايى قارۋلى قورعانىسقا وتكەن كەزەڭ ەدى. سونىمەن ماناستى شەكارا ەتكەن شارقي تۇركىستانشىل كۇشتەر مەن چين تۇركىستانشىل كۇشتەر بولىپ ەكى جاققا بولىنگەن قازاقتاردىڭ ساياسي

  • قاراقالپاقتار جاپپاي قازاق بوپ جازىلىپ جاتىر

    وزبەكستان رەسپۋبليكاسىنىڭ قۇرامىنا كىرەتىن قاراقالپاقستان ازاماتتارى جاپپاي قازاق بولىپ جازىلىپ جاتىر. بۇل تۋرالى  IWPR باسىلىمىنىڭ تىلشىسى ولگا بوريسوۆا حابارلايدى.. جۋىردا قاراقالپاقستان استاناسى نۇكىس قالاسىندا ءبىزدىڭ تىلمەن ايتقاندا حقو سياقتى مەكەمەنىڭ باسشىسى تۇتقىندالعان. ول پارا الىپ ادامداردىڭ ۇلتىن وزگەرتىپ وتىرىپتى. ياعني قاراقالپاقتاردى قازاققا اينالدىرعان. جەرگىلىكتى پوليتسيانىڭ ايتۋىنشا، سوڭعى كەزدەرى وسىنداي قىلمىستار كوپتەن تىركەلۋدە. دەموگرافيا جانە ميگراتسيا اگەنتتىگىنىڭ اقپاراتىنا سۇيەنسەك 1991 جىلدان بەرى قاراقالپاقستاننان قازاقستانعا 100 مىڭ ادام كوشىپ كەتكەن. حالىقارالىق ارالدى قۇتقارۋ قورىنىڭ مالىمەتىنشە سوڭعى جەتى جىلدىڭ ىشىندە 250 مىڭ ادام قازاقستانعا قونىس اۋدارعان ەكەن. 1 ملن 842 مىڭ حالقى بار قاراقالپاقستان ءۇشىن بۇل ۇلكەن كورسەتكىش. سونداي-اق، قازىر ول جەرگە وزبەكتەر سانىنىڭ ارتىپ كەلە جاتقانىن دا ەسكەرۋ قاجەت. 2018 جىلعى ستاتيستيكاعا سۇيەنسەك

پىكىر قالدىرۋ

ەلەكتورندى پوشتاڭىز سىرتقا جاريالانبايدى. بەلگى قويىلعان ءورىستى تولتىرۋ مىندەتتى *

اتى-ءجونى *

Email *

سايتى

Kerey.kz/كەرەي.كز

ءبىز تۋرالى:

تەل: +7 7071039161
Email: kerey.qazaq@gmail.com

Kerey.kz ءتىڭ بۇرىنعى نۇسقاسىن http://old.kerey.kz تەن وقي الاسىزدار!

KEREY.KZ

سايت ماتەريالدارىن پايدالانعاندا دەرەككوزگە سىلتەمە كورسەتۋ مىندەتتى. اۆتورلار پىكىرى مەن رەداكتسيا كوزقاراسى سايكەس كەلە بەرمەۋى مۇمكىن. جارناما مەن حابارلاندىرۋلاردىڭ مازمۇنىنا جارناما بەرۋشى جاۋاپتى.

سايت ساناعى: