|  | 

Sayasat

Kreml'diñ «jansızı» Bağlan Maylıbaevtıñ qwpiyaları

Memlekettik qwpiyanı jariyalağanı üşin sottalğan QR Prezidenti Äkimşiligi basşısınıñ orınbasarı Bağlan Maylıbaev şet memlekettiñ ökilderimen tığız qarım-qatınasta bolğanı barşağa mälim. Alayda osı ıntımaqtastıqtıñ egjey-tegjeyin köpşilik bile bermeydi. Al däl osı aqparat soñğı jıldarda orın alğan köptegen oqiğalardı ayqınday tüser edi. 

QR QK 361-babınıñ 4-böligimen jäne 185-babınıñ 3-böligimen közdelgen qılmıstardı jasağanı üşin 2017 jıldıñ mausım ayında bes jılğa bas bostandığınan ayıruğa sottalğannan keyin QR Prezidenti Äkimşiligi basşısınıñ bwrınğı orınbasarı Bağlan Maylıbaev baspasöz nazarınan tıs qaldı. Degenmen, onıñ rezonanstı isi äli de köñil böluge twrarlıq, öytkeni, birinşiden, Kreml'diñ teris reakciyasına qaramastan, tipti öte joğarı deñgeydegi qazaqstandıq memlekettik qızmetkerlerdiñ reseylik äriptesterimen qajetsiz baylanıstarın toqtatuğa Aqordanıñ qabiletin körsetedi, jäne, ekinşiden, Qazaqstanda bilik basındağılarmen janjaldasudıñ jaqsılıqqa aparmaytının rastaydı.

Osı tezistiñ däleli retinde insayderlerden alınğan aqparatqa jügineyik.

Biz Maylıbaevtıñ standarttı emes scenariy boyınşa wstalğanın anıqtadıq (Bağlan Maylıbaev pen onıñ bağınıştı qızmetkeri, QR Prezidenti Äkimşiliginiñ sektor meñgeruşisi Nikolay Galihinniñ QR QK 185 «Memlekettik qwpiyanı zañsız jinau, taratu, jariya etu» babınıñ 1 jäne 3-böligimen közdelgen qılmıstı jasadı degen küdik boyınşa QR Wlttıq qauipsizdik komitetiniñ qızmetkerlerimen  2017 jıldıñ 12 qañtarında wstalğanın eske salamız).

Oqiğa barısı mınaday bolğan. QR WQK törağası Kärim Mäsimov QR Prezidenti Äkimşiligi basşısı Ädilbek Jaqsıbekovke jeke özi telefon soğıp, arnayı qızmettiñ joğarı şendi qızmetkeriniñ qızmet ğimaratına kiruin jäne onıñ Prezident  äkimşiligi basşısınıñ orınbasarımen jüzdesuin qamtamasız etudi swrağan. Osınıñ nätijesinde kelgen qızmetker Aqordağa eş kedergisiz kirip, Maylıbaevtıñ kabinetine ötken jäne şaması, oğan qamauğa alu orderin wsınğan. Sosın, onımen birge kabinetten şığıp, soñğısınıñ «Mersedes» markalı qızmet avtoköligimen olar birge aumaqtan ketip qalğan. Al qaqpanıñ sırtında, avtotwraqta, olardı jedel maşina kütip twrğan, oğan Maylıbaevtı endi wstalğan adam retinde otırğızğan.

Bağlan Maylıbaevtıñ özine ayıp retinde tağılğan qılmıstardı jasaudağı kinäsin moyındağanına, al onıñ üyinde jürgizilgen tintu kezinde kinäsiniñ tolıq dälelderi tabılğanına qarağanda, ol öz tağdırında osınday betbwrıs boladı dep kütpegen jäne tipti öziniñ qağazdarı men jazbaları sayasi qarsılastarı men qastıq oylauşılardıñ qolına tüsetinin oylamağan. Degenmen, olardıñ mazmwnı Maylıbaevtıñ qwldırauınıñ bastı sebebi bolğan siyaqtı. Mäskeudegi kuratorlarına jazğan hattarında ol retin tauıp, Aqordadağı barlıq negizgi twlğalar turalı, sonıñ işinde Ädilbek Jaqsıbekov pen onıñ aldında bolğan basşılar, QR Parlamenti Mäjilisiniñ spikeri Nwrlan Nığmatulin jäne QR WQK törağası Kärim Mäsimov turalı jağımsız pikir bildirgen äri dörekilik tanıtatın sözderdi qoldanudan tartınbağan.

Insayderlerden alınğan aqparat boyınşa, QR Prezidenti Äkimşiligi basşısınıñ bwrınğı orınbasarı kinäsi däleliniñ kölemi asa qomaqtı bolğanı sonşa, qwjattardı jäne basqa da aqparat nwsqaların tasımaldau üşin birneşe mikroavtobus qajet bolğan. Bağlan Maylıbaevtıñ qılmıstıq isi qwpiya bolğanmen, al sot procesi jabıq tärtipte ötkenmen, aqparattıñ jayılıp ketui bäribir orın aldı. Maylıbaev öz jazbalarında Aqorda men onıñ köptegen mekendeuşileri üşin eleuli aqparatpen böliskeni, özine qarsı sayasi klandardıñ ökilderine şağımdanğanı, olarğa jağımsız sipattamalar bergeni  jäne olardı beytaraptandıruğa kömek swrağanı anıqtaldı.

Soñğısı Aqordada erekşe alañdauşılıq bildiruge twrarlıq, sebebi reseylik BAQ pen internet-resurstarı Qazaqstan men respublikadağı işki sayasi procesterge nazarın köp audarmaydı. Säykesinşe, olardıñ tarapınan tım köp köñil bölu, sonday-aq erkin tüsiniktemeler beru, ädette tapsırıs berudiñ nätijesi bolıp tabıladı. Tapsırıs beruşi köbinese däl osı Maylıbaev bolıp şıqtı.

Jekelep aytqanda, ol Memleket basşısı Keñsesiniñ basşısı Mahmwd Qasımbekovti Nwrswltan Nazarbaevtıñ üsteline tüsetin jäne odan şığatın barlıq qwjattarğa şekteusiz qol jetkize alatın adam retinde sipattağan jäne onı basqa ikemdi adamğa auıstırudı wsınğan. Sonımen qatar mwnı Mahmwd Qasımbekovtiñ wlı Jeñis Qasımbekovtiñ bedelin tüsiru arqılı jasaudı wsınğan. Bwl kezeñde osı jas ministrge onıñ jwmısınıñ aviaciyadan bastap avtokölik joldarına deyingi ärtürli salalar boyınşa aqparattıq şabuıldar jasalğanın ayta ketu kerek. Aqparattıq materialdardıñ tizbegin qadağalaytın bolsaq, ol RIA «Novosti» qazaqstandıq byurosınıñ newskaz.ru saytına äkeletini tañdanarlıq. Mümkin bwl kezdeysoqtıq şığar, biraq biz bwğan kämil senbeymiz.

Alayda, barlıq mälimetterge qarağanda, Bağlan Maylıbaevtıñ qwldırauına onıñ Kärim Mäsimov turalı, äsirese ol QR Prezidentiniñ Äkimşiligin basqarıp twrğan şağında, sonday-aq onıñ aynalasındağı QR Wlttıq ekonomika ministrliginiñ bwrınğı ministri Quandıq Bişimbaev sekildi adamdar turalı pikirleri şeşuşi röl atqarğan.

Soñğısınıñ tağdırı qalay bolğanın eske saludıñ qajeti joq. Quandıq Bişimbaevqa qatıstı tergeu barısın jariyalauda däl osı RIA «Novosti» tağı da nelikten ekeni belgisiz, erekşe jigerlilik tanıtqanın atap ötken jön. Al Kärim Mäsimovke kelsek, Maylıbaev onıñ Prezident Äkimşiliginiñ basşısı retinde tağayındaluına köñili tolmağanın jasırmağan.  Osı orındı özi iemdenuge ümittenip, ol jaña basşısına sipattama beru kezinde dörekilik tanıtatın sözderdi qoldanudan tartınbağan.

Maylıbaevqa wnamağan basqa twlğalardıñ işinen QR Mädeniet jäne sport ministri Arıstanbek Mwhamediwlın atap ötken jön. Onı Maylıbaev öziniñ aldına qoyğan maqsattarına qol jetkizu üşin eleuli kedergi dep atağan. Sondıqtan ol reseylik baylanıstarınan ministrdi beytaraptandıru üşin oğan qarsı şaralar qabıldaudı tezdetudi swrağan.

Bwl tağı da RIA «Novosti» küşimen aytarlıqtay jariya etilgen Mäskeudegi qırğız gastarbayterleri turalı mälimdemeniñ töñireginde bolğan janjalmen säykes kelui tañdanarlıq.  Sonımen qatar, däl osı reseylik media «Jamanqwlov Mwhamediwlına qarsı» aqparattıq soğısına (erikti nemese eriksiz türde?) qatısqan. Onda bir kezderi tanımal akter bögde adamdardıñ oyınındağı soqır qwral retinde äreket ete otırıp, öz mansabındağı jağımsız, mümkin soñğı rölin oynağan bolatın.

Bwğan qosa, Bağlan Maylıbaevtıñ üyinen tergeuşiler tärkilengen qwjattardan onıñ eñ keminde QR Memlekettik hatşısı boludı añsağanı anıqtaldı. Esteriñizge sala keteyik, Konstituciyalıq tabel'de bwl lauazım besinşi nömirmen berilgen, yağni qazirgi prezident uäkilettikterin merziminen bwrın toqtatsa, memleket basşısınıñ mindetterin zañdı türde orındaudağı kezekte besinşi orınğa ie boladı. Barlıq mälimetterge qarağanda, Bağlan Maylıbaev qolaylı sätte jäne reseylik baylanıstarınıñ qoldauımen «Qazaqstandağı işki sayasat jönindegi basşı» lauazımınan joğarı sekire alatınına ümittengen.

Qalay bolğanda da, QR Prezidenti Äkimşiligi basşısınıñ bwrınğı orınbasarınıñ osı jäne basqa da josparları iske aspadı, al Maylıbaevtıñ qağazdarı jäne onıñ hattarı qazaqstandıq arnayı qızmetterdiñ qolına tüsti jäne onıñ memlekettik qızmette lauazımğa ie bolu qwqığınan ömir boyına ayırumen birge bes jılğa bas bostandığınan ayıruğa sottaluına negiz boldı.

Alayda, Maylıbaev belsendi türde qoldağan reseylik BAQ qazaqstandıq «enşilesterimen» birge Aqordadan bir şaqırımdıq qaşıqtıqta jwmıs isteuin jalğastıruda. Olar  Maylıbaev kezeñinde qazaqstandıq sarapşılar alañın iemdengen. Al ol «sarapşılar» tranzit kezeñinde ıqpal jasau üşin qoldanıluı mümkin ekendigi tağı ras.

Abai.kz

Related Articles

  • DAUDIÑ BASI DAEŞ-ten 2

    Eldes Orda Esteriñizde bolsa ötken jıldıñ qazan ayında atalmış taqırıp ayasında alğaşqı postımdı jariyalağan edim. Odan beri bir jıldıñ köleminde aymaqtıq strategiyalıq sayasatta köp özgerister tübegeyli orın alıp jatır… Siriya aumağındağı DAEŞ-tiñ negizgi qarulı küşteri däl bügingi uaqıtta Auğanıstan aymağına toptalıp bolıp qaldı desek te boladı. Siriyadağı DAEŞ küşi soñğı kezderi älsiredi de, negizgi qarulı toptar Ortalıq Aziyanı betke alıp Auğan topırağına ağılıp kete bardı. DAEŞ-tiñ Siriya aumağındağı osı bir ölara älsiz twsın jiti baqılap otırğan Qazaqstan “Jusan” jobasın wyımdastıra qoydı da öñirdegi qandastarımızdı elge äkelip aldı. Biraq, mınanı anıq biluimiz kerek, öñirdegi sayasi oyın bwnımen bitken joq, öñirdegi sayasi oyın endi bastaluı bek mümkin… 2017′den beri Siriya aumağınan jäne

  • Äkejan Qajıgeldin: “Nazarbaev menen keşirim swradı

    Qasım AMANJOL Qazaqstannıñ bwrınğı prem'er-ministri Äkejan Qajıgeldin (oñ jaqta) jäne jurnalist Qasım Amanjol. Skayp-swhbat. 6 qırküyek 2019 jıl. 1994-1997 jıldarı Qazaqstan prem'er-ministri bolıp, 1998 jılı elden ketken Äkejan Qajıgeldin Azattıqqa bergen swhbatında şetelde birneşe ret Qazaqstannıñ eks-prezidenti Nwrswltan Nazarbaevpen kezdeskenin ayttı. 6 qırküyekte Almatıda «Aqiqat» jalpıwlttıq social-demokratiyalıq partiyasınıñ 15-s'ezinde partiya basşıcı Ermwrat Bapiğa JSDP müşeleri senimsizdik bildirip, aqırında Bapi törağalıqtan ketip, partiyadan da şığarıldı. Jiında keybir partiya müşeleri Bapidıñ biıl köktemde bir top belsendimen Parijge barıp, Qazaqstannıñ bwrınğı prem'eri Äkejan Qajıgeldinmen partiya rwqsatınsız kezdeskenin ayıptadı. Bapidiñ ornına Ashat Raqımjanov partiya jetekşisi bolıp saylandı. Däl osı küni Nwr-Swltanda prezident Qasım-Jomart Toqaevtıñ qatısuımen Wlttıq senim keñesiniñ alğaşqı jiını ötti. Bwl keñesti Toqaev halıq pen

  • QITAY EKSPANSIYASINIÑ QATERİ

    Jazuşı-publicist Marat Bäydildäwlı (Toqaşbaev): Qıtaylıq 51 (55) zauıttı Qazaqstanğa köşiru jobası halqımızğa mäñgi qwtılmaytın bodandıq qamıtın kigizui ıqtimal. Qıtay beredi dep ümittenip otırğan 26,5 mlrd dollar Qazaqstan tağdırın tälkekke salatın qaqpan tilşigindegi «dämdi sırğa» wqsaydı. Qazaqstanğa köşiriletin 51 zauıtpen keletin qıtaylar qazaqtardı bayıtadı deu aqılğa sıymaydı! İs jüzinde 51 qıtay zauıtın köşirip kelu Qazaqstan ükimetiniñ el ekonomikasın basqaruğa mülde qabiletsiz ekendigin körsetetin därmensiz äreket. Memleket reyderlik basqınşılıqsız, korrupciyasız jağday tuğızıp berse öz biznesmenderimiz-aq 50 emes 500 zauıt salıp beruge qwmıl. Qazaqstanda jalpı işki önim nege jıldan jılğa örlemeydi? Bwğan osı kezge deyin birde bir ükimet jauap bergen emes. Bwrın eşqanday ükimettik bağdarlamalarda közdelmegen, eşqaşan talqılanbağan «51 qıtay kompaniyasın Qazaqstanğa köşiru

  • AQŞ memlekettik hatşısınıñ orınbasarı Devid Heyl Nwr-Swltandağı sammitke qatısadı

    AQŞ memlekettik hatşısınıñ orınbasarı Devid Heyl. AQŞ memlekettik hatşısınıñ sayasi mäseleler jönindegi orınbasarı Devid Heyl 20-23 tamız aralığında Ortalıq Aziya elderine resmi saparmen keledi. Sapardıñ negizgi maqsatı – 21 tamızda Nwr-Swltanda ötetin Ortalıq Aziyadağı bes eldiñ joğarı deñgeydegi jiınına qatısu. S5+1 degen ataumen belgili jiın barısında Heyl Qazaqstan, Qırğızstan, Özbekstan, Täjikstan men Türkimenstan sırtqı ister ministrlikteri ökilderimen kelissözder ötkizedi. “Olar Ortalıq Aziyadağı qauipsizdik, damu jäne qarım-qatınastı birlesip nığaytu jayın talqılaydı” dep habarladı AQŞ memlekettik departamenti 19 tamızda. S5+1 formatı 2015 jılı qaraşada AQŞ pen Ortalıq Aziyanıñ bes eli arasında ekonomikalıq integraciyanı damıtu, qorşağan ortanı qorğau men qauipsizdik mäselelerin birlesip şeşu maqsatında qwrılğan. Bwğan qosa Heyl Qazaqstannıñ joğarı lauazımdı şeneunikterimen “ekijaqtı keñeytilgen

  • Şarqi Türkistanşıl men Çin Türkistanşıl arasındağı qaqtığıs

    1947-1948 jıldıñ örara kezeñinde Ürimjidegi qazaq igi-jaqsıları men ziyalıları, sayasatkerleri ölkelik ükimettiñ törağa, hatşılarımen birlesip Ürimji qalasına qarastı Qaratau (qıtayşa 南山) baurayında Naurız merekesin toylap şağın qwrıltay jinalısın ötkizedi. Naurız merekesine tigilgen onşaqtı kigiz üydiñ jäne ölkelik ükimet törağaları men äskeri adamdardıñ (qazaq äskeri de bar) suretin anıq köre alasız. 1947-1948 jıldarı Şarqi Türkistanşıl küşter men Çin Türkistanşıl küşter arasındağı qırğiqabaq qaqtığıs qattı uşığıp twrğan kez edi. 1946-1947-1948 jıldarı Manas, Qwtıbi, Böken (Fukañ), Jemsarı, Şonjı, Mori audandarınan qazaq äskeri jasaqtalıp Manas özeniniñ künbatıs betindegi Şarqi Türkistan äskerine arnayı qarulı qorğanısqa ötken kezeñ edi. Sonımen Manastı şekara etken Şarqi Türkistanşıl küşter men Çin Türkistanşıl küşter bolıp eki jaqqa bölingen qazaqtardıñ sayasi

Pikir qaldıru

Elektorndı poştañız sırtqa jariyalanbaydı. Belgi qoyılğan öristi toltıru mindetti *

Atı-jöni *

Email *

Saytı

Kerey.kz/Kerey.kz

Biz turalı:

Tel: +7 7071039161
Email: kerey.qazaq@gmail.com

Kerey.kz tiñ bwrınğı nwsqasın http://old.kerey.kz ten oqi alasızdar!

KEREY.KZ

Sayt materialdarın paydalanğanda derekközge silteme körsetu mindetti. Avtorlar pikiri men redakciya közqarası säykes kele bermeui mümkin. Jarnama men habarlandırulardıñ mazmwnına jarnama beruşi jauaptı.

Sayt sanağı: