|  |  |  | 

Көз қарас Оқиға Саясат

МӘУЛЕН ӘШІМБАЕВ: ҚАЗАҚ ХАЛҚЫНЫҢ МЕМЛЕКЕТ ҚҰРАУШЫ ҰЛТ ЕКЕНІН АШЫҚ АЙТУЫМЫЗ КЕРЕК

Қарағанды – талай талант пен дарындардың кіндігін кесіп, томағасын сыпырған, қазақ үшін құт дарып, бақ қонған қастерлі мекен. Соңғы аптада осы бір өлкеге елдің назары ерекше ауды. Мәселенің мәнісі де баршаға мәлім.

Бүгін Ішкі істер министрінің бірінші орынбасары Жанат Сүлейменов арнайы баспасөз мәслихатын өткізіп, мәселенің мән-жайын түсіндіріп берді. Аталған іс бойынша нақты шаралар қолға алынып, тергеу амалдарының жүйелі түрде жүргізіліп жатқандығын да айтты. Қазірдің өзінде осы іске қатысы бар деген күдікпен 8 адамның ұсталғаны, тағы біреуіне іздеу жарияланғаны белгілі болып отыр. Бұл кешенді жұмыстар нақты нәтижесін беріп, жауапты адамдар заңға сәйкес жазаларын алады.

Осы ретте, орын алған жайтқа қатысты аз-кем өз ойымызды білдіріп, үн қосқанды жөн көріп отырмын. Бұған дейін тергеу амалдары басталып кеткендіктен, іске кедергі келтірмеудің қамын жасап, сабыр сақтаған едік.

Алдымен, бұл оқиға біздің де жанымызға аяздай батып, өрімдей жігіттің қазасы қабырғамызды қайыстырып кеткенін айтқым келеді. Соған байланысты қайтыс болған азаматтың отбасына қайғыларына ортақтасып, облыстық филиалымыз арқылы көңілімізді білдірдік.

Жалпы осы бір жайт қоғамымызда татулық пен тұрақтылықты сақтауға қатысты әлі де жетілдіруді қажет ететін тұстардың бар екенін көрсетіп берді. Біз мұндай жағдайда, ең біріншіден, барлық іс-әрекетімізді елдің бірлігін сақтауға бағыттауымыз керек. Өйткені қазіргідей әлемдік геосаяси жағдайдың ушығып тұрған шағында осындай кикілжіңдерді өз мүддесіне пайдаланып кеткісі келетін күштердің бар екені белгілі. Олардың көздейтіні біздің бүгінгі біртұтастығымызға жік түсіріп, іргемізді ыдырату. Сондықтан осындай айтақтарға ермей, ең әуелі ішкі тұрақтылығымызды сақтауға, оны одан әрі нығайтуға аса мән беруіміз керек деп есептеймін.

Осы тұста осалдық танытқандардың ғұмыр бойы тірнектеп жиған-тергенін бір-ақ күнде жоғалтып, бірлігі мен берекесінен айырылып қалғанын да көзіміз көріп жүр. Ал сол бірлік пен берекенің ар жағында елдік, мемлекеттілік, тәуелсіздік дейтін қастерлі ұғымдар тұр. Сондықтан қасықтап жиғанымызды шелектеп төгіп алмау үшін бірлігімізді бекемдеп, тұрақтылығымызды сақтауды бірінші кезекке шығаруымыз керек. Бұл – Қазақстанда тұратын барлық халыққа жүктелер жауапкершілік.

Әрине, осы жағдайға байланысты кейбіреулер әлеуметтік мәселелерді де көтеріп, істің байыбын басқа бағытқа қарай бұруды көздейтіндерін білдіріп қалып жатыр. Десек те, елімізде әлеуметтік саланы жақсарту үшін қыруар шаруаның атқарылғанын, өзекті деген мәселелердің өзі оң шешімін тауып, көп түйіннің күрмеуі шешіле бастағанын айтуымыз керек. Сол бастаған істі жалғастыру үшін де біз бірлігімізден айырылмай, оны қайта күшейте түсуге тиіспіз.

Сондай-ақ Қазақстандағы әлеуметтік ахуалға тек қазақ ұлты емес, елдегі барлық этнос өкілдері де жауапты екенін және соны сезінуі керектігін ерекше атап өткім келеді. Сол себепті барлық халық ортақ мақсатқа ұйысуы қажет. Бірлік пен тұрақтылықты дәріптеп, кез келген мәселені ақылға салып шешуге машықтануымыз керек. Бұл – біз ұмтылған дамыған, бәсекеге қабілетті қоғамның бейнесі.

Біздің кез келген уақытта күн тәртібінен түспейтін тағы бір ең басты мәселеміз – тәуелсіздігімізді нығайту. Оның кілті бірлік пен ынтымақта екенін ата-бабамыз әу бастан айтып кеткен. Соның арқасында, яғни Қазақстанды мекендеген барлық халықтың басын бір арнаған тоғыстыру арқылы біз бүгінгі жетістіктерге қол жеткіздік.

Біз көпэтносты ел болуды өзіміз таңдап алғанымыз жоқ. Бұл – тарихтың тартуы. Сондықтан осы басымдығымызды өз пайдамызға жарата білудің маңызы зор. Осы ретте барлық азаматтарға бірдей мүмкіндіктер қалыптастыру арқылы еліміздегі әр ұлт өкіліне жауапкершілік жүктелетінін ескеруіміз керек. Сондай-ақ қазақ халқының да жауапкершілігі арта түсетіні анық.

Тағы бір маңызды жайт, Қазақстан көпэтносты мемлекет болғанымен, қазақ халқының мемлекет құраушы ұлт екенін ашық айтуымыз керек. Оған ешкімнің күмәні де болмауы тиіс. Тіпті қазақ тілінің мемлекеттік тіл болуының өзінде де үлкен мән жатыр. Бірақ ешкімді алаламай, барлық азаматқа ортақ мүмкіндік қалыптастыру өркениеттің белгісі және тұрақты дамудың кепілі екенін ұмытпайық.

Сонымен қатар Елбасының «Рухани жаңғыру» бағдарламасы, «Ұлы даланың жеті қыры» атты бағдарламалық мақаласы, ұлттық кодты сақтау, ата-бабамыздың дәстүрін дәріптеп, кең жазира даламыздың әлемдік өркениеттегі үлесі сияқты ауқымды жұмыстар ұлттық санамызды жаңғыртуға бағытталғаны белгілі. Осы жұмыстардың барлығы ата-бабамыздың арманы болған мемлекеттігімізді күшейтуге және тәуелсіздігімізді мәңгілік етуге арналғанын естен шығармауымыз керек.

Сондықтан біз бірлікті ту етіп, елдіктің іргесіне сызат түсіретін кез келген қауіпке қарсы тұратын иммунитет қалыптастыруымыз қажет. Ұлтымыздың ертеңіне жанымыз шын ашыса, ұрпаққа бірлігі бекем, ынтымағы жарасқан мемлекет қалдыруды ойлауымыз керек. Осы жолда бәріміз бір кісідей атсалысып, ақылмен әрекет етейік.

Мәулен Әшімбаев,

«Нұр Отан» партиясы төрағасының бірінші орынбасары 

ult.kz

Related Articles

  • Самат Әбіш қалай “сүттен ақ, судан таза” болып шықты?

    Азаттық радиосы Саясаттанушы Досым Сәтпаев ҰҚК төрағасының бұрынғы бірінші орынбасары, экс-президент Нұрсұлтан Назарбаевтың немере інісі Самат Әбішке шыққан үкім “Қазақстандағы режим болашақты ойламайтынын көрсетті” дейді қазақстандық саясаттанушы Досым Сәтпаев. Сарапшының пайымдауынша, билеуші “элита” жеке істерімен және тасадағыкелісімдермен әуре болып жатқанда елде тағы бір жаңа әлеуметтік жарылысқа әкелуі мүмкін факторлар күшейіп келеді. СаясаттанушыРесей өзінің экономикалық мүдделері мен геосаяси жоспарларын кеңінен жүзеге асыру үшін Қазақстанның ішкі саясатына тікелей әсер етуге тырысып жатуы мүмкін деп те топшылайды. ПУТИН “ҚАУІПСІЗДІК КЕПІЛІ” МЕ? Азаттық: Сонымен ұзақ демалыс алдында осындай үлкен жаңалық жарияланды. Мейрам алдында, 19 наурызда қазақстандықтар мәжіліс депутатының постынан Самат Әбішке шыққан үкім жайлы білді. Мұның бәрінің байланысы бар ма әлде кездейсоқтық па? Досым Сәтпаев: Әңгімені бұл істің құпия

  • Христиан миссионерлерінің құмдағы іздері

    Орыны: Қашқар қ-сы; Жылы: 1933 ж; Аты-жөні: Қабыл Ахонд; Діні: христиан; Түсініктеме: Бұл жігіттің кейінгі есімі Қабыл Ахонд, христиан дінін қабылдаған алғашқы ұйғыр. Кейін діни сеніміне байланысты өлтірілген. Сурет еуропадағы миссионерлік музей архивінде сақтаулы. Аталған музейде жүздеген христиан ұйғыр өкілдерінің суреті сақталған. 1930 жылдары христиан ұйғырларына тұрғылықты мұсылмандар мен әкімшілік билік тарапынан қысым көрсетіле бастаған соң бір бөлімі миссионерлерге ілесіп еуропа елдеріне “һижраға” кетті. Алқисса Христиан әлемінің Қашқарияға баса мән беруі әсіресе Яқұп Бек мемлекеті кезеңінде жаңа мүмкіндіктерді қолға келтірді. 1860-70 жж. Қашқарияның Цин империясына байланысты көңіл күйін жақсы пайдаланған Христиан әлемі Үндістан мен Тибет арқылы Қашқарияға мәдени ықпалын жүргізе бастады. Олардың мақсаты бұл аймақты Ресей империясынан бұрын өз ықпалына

  • Демографиялық сараптама

    1-ші сурет қазақтар; Демографиялық ахуал 1949-2020 жж. аралығын салыстырмалы көрсеткен. 1949 жылға дейін, атап айтқанда коммунистік қытай үкіметі орнағанға дейін Шынжаң өлкесінің солтүстік бөлігінде қазақтар, оңтүстік бөлігі Қашқарияда ұйғырлар басым санды ұстады. 1951-54 жылдары ұлттық межелеу кезінде орталық үкімет құрған комиссия сараптамасы бойынша ұлттық автономиялық территорияны анықтау мына екі бағытта жүргізілді. Олар: БІРІНШІ, ұлттық автономияны межелеу бойынша оның атауын тұрақтандыру. Осы бойынша үш атау ұсынылды: *ШЫғыс Түркістан автономиялық федерациялық респубиликасы; *Ұйғырстан автономиялық респубиликасы; *Шынжаң автономиялы респубиликасы. ЕКІНШІ, автономияның әкімшілік тұрпатын анықтау; Осы бойынша: *Федерециялық тұрпат; *Автономиялық облыс және окург тұрпат; *Аймақ және аудан дәрежелі автономиялық окург тұрпаты. Межелеу комиссиясы аталған екі бағытта сараптама нәтижесін қорытындылады. Комиссия қорытындысы бойынша Шынжаң өлкесінің

  • …ойы бөлек болғанымен ол да осы елдің тумасы, біздің отандасымыз.

    Әлеуметтік желіде осы отандасымызды қызу талқылап жатыр екен. Көбі сын айтып жатыр. Видео жазбаның толық нұсқасы жоқ, пікір-талас тудырған бөлігі ғана тарап жатыр екен. Соған байланысты өз ойымды айта кетпекшімін: Бірінші, отандасымыздың видеосы, фотосы әлеуметтік желіде желдей есіп тарап жатыр. Ол азаматтың (азаматшаның) жеке құпиясы саналатын фотосы, видео жазбасы кімнің рұқсатымен тарап жатыр екен? Өз басым осы постты жазу үшін ол азаматтың (азаматшаның) видеодағы бейнесін қара бояумен өшіріп тастауды жөн көрдім. Және рұқсатынсыз фото бейнесін жеке парақшама салғаным үшін одан кешірім сұраймын. Діни ұстанымы, ойы бөлек болғанымен ол да осы елдің тумасы, біздің отандасымыз. Екінші, отандасымыздың діни ұстанымына байланысты айтқан сөздері қоғамда қатты пікір тудырған екен. Тіпті оны “ұлт дұшпаны”

  • “Геосаясат илеуіне түсіп қалуымыз мүмкін”. Қазақстанда АЭС салуға қатысты сарапшы пікірі

    Елена ВЕБЕР Атом электр стансасын салу және пайдалану экологиялық қатер және төтенше жағдайда адам денсаулығына қауіпті ғана емес, оған қоса соғыс барысында Украинаның Запорожье АЭС-індегі болған оқиға сияқты бопсалау құралы дейді әлеуметтік-экологиялық қордың басшысы Қайша Атаханова. Ол мұның артында көптеген проблема тұрғанын, қазақстандықтарға АЭС салу жөніндегі референдум қарсаңында біржақты ақпарат беріліп, онда тек пайдалы жағы сөз болып жатқанын айтады. Сарапшы АЭС-тің қаупі мен салдары қандай болатыны жайында ақпарат өте аз деп есептейді. Голдман атындағы халықаралық экологиялық сыйлықтың лауреаты, биолог Қайша Атаханова – радиацияның адамдарға және қоршаған ортаға әсерін ширек ғасырдан астам зерттеп жүр. Ол бұрынғы Семей полигонында және оған іргелес жатқан аудандарда зерттеу жүргізген. Қарағанды университетінің генетика кафедрасында оқытушы болған.

Пікір қалдыру

Электорнды поштаңыз сыртқа жарияланбайды. Белгі қойылған өрісті толтыру міндетті *

Аты-жөні *

Email *

Сайты

Kerey.kz/Керей.кз

Біз туралы:

Тел: +7 7071039161
Email: kerey.qazaq@gmail.com

Kerey.kz тің бұрынғы нұсқасын http://old.kerey.kz тен оқи аласыздар!

KEREY.KZ

Сайт материалдарын пайдаланғанда дереккөзге сілтеме көрсету міндетті. Авторлар пікірі мен редакция көзқарасы сәйкес келе бермеуі мүмкін. Жарнама мен хабарландырулардың мазмұнына жарнама беруші жауапты.

Сайт санағы: