20 naurızda Astanada Qazaqstan parlamentiniñ birlesken otırısında senat törağası Qasım-Jomart Toqaev Qazaqstan prezidentiniñ ökilettigin qabıldap, ant berdi.
«Qazaqstan halqına adal qızmet etuge, Qazaqstan Respublikasınıñ Konstituciyası men zañdarın qatañ saqtauğa, azamattardıñ qwqıqtarı men bostandıqtarına kepildik beruge, Qazaqstan Respublikası Prezidentiniñ özime jüktelgen märtebeli mindetin adal atqaruğa saltanattı türde ant etemin», – dedi Qasım-Jomart Toqaev.
Birlesken otırısqa eldiñ twñğış prezidenti Nwrswltan Nazarbaev, Ükimet müşeleri, prezidentke tikeley bağınatın jäne esep beretin memlekettik organdardıñ basşıları, Qazaqstanda tirkelgen şeteldik missiyalardıñ basşıları, senat deputattarı, Mäjilis deputattarı qatıstı.
Konstituciyanıñ 48-babınıñ 2-tarmağına say, Toqaevtıñ ant beru räsimi, Ortalıq saylau komissiyasınıñ kelisimimen ötti.
19 naurızda Qazaqstannıñ twñğış prezidenti Nwrswltan Nazarbaev respublikalıq telearnalardan halıqqa ündeu jasap, prezidenttik ökilettigin toqtatatının mälimdegen edi.
Nazarbaev ündeu jasap jatqanda qol qoyğan “Qazaqstan Respublikası prezidentiniñ ökilettigin atqaru turalı” jarlıqqa säykes, onıñ prezidenttik ökilettigi 20 naurızda toqtatıladı.
El konstituciyasınıñ 48-babınıñ 1-tarmağına säykes, Qazaqstan prezidentiniñ ökilettigi merziminen bwrın toqtatılğandıqtan qalğan merzimde onıñ ökilettigi parlament senatınıñ törağası Qasım-Jomart Toqaevqa köşedi. Ol bwl qızmetti jaña prezident saylanğanğa deyin atqaradı.
Pikir qaldıru