|  | 

جاھان جاڭالىقتارى

دونالد ترامپ قاسىم-جومارت توقاەۆتى قۇتتىقتادى

B4900329-280C-42F2-9074-D0C335753C4C_w1023_r1_sقازاقستان رەسپۋبليكاسىنىڭ پرەزيدەنتى لاۋازىمىنا كىرىسۋىنە وراي، قاسىم-جومارت توقاەۆتىڭ اتىنا قۇتتىقتاۋ جەدەلحاتتارى مەن حاتتار كەلىپ تۇسۋدە-دەپ حابارلايدى aqorda.

امەريكا قۇراما شتاتتارىنىڭ پرەزيدەنتى دونالد ترامپ قازاقستاننىڭ تۇڭعىش پرەزيدەنتى – ەلباسى نۇرسۇلتان نازارباەۆپەن بىرلەسكەن جۇمىسىن جوعارى باعالاي كەلىپ، قاسىم-جومارت توقاەۆپەن دە وسىنداي جەمىستى قارىم-قاتىناس قالىپتاساتىنىن اسىعا كۇتەتىنىن اتاپ وتكەن.

«مەن ءسىزدى ەلىڭىزدىڭ پرەزيدەنتى لاۋازىمىنا كىرىسۋىڭىزبەن قۇتتىقتاعىم كەلەدى، سونداي-اق ناۋرىز مەيرامىندا سىزگە، وتباسىڭىز بەن قازاقستان حالقىنا قۋانىش پەن ءوسىپ-وركەندەۋ تىلەيمىن. وسى كۇندەرى كوپتەگەن امەريكالىقتار مەن الەم حالىقتارى دا وسى تاماشا جاڭارۋ مەيرامىن اتاپ وتۋدە. ءبىز ەلدەرىمىز اراسىنداعى قاتىناستاردا ۇلكەن تابىستارعا قول جەتكىزدىك جانە مەن ولاردىڭ دامۋى جالعاساتىنىنا قۋانىشتىمىن. امەريكا حالقى مەن بيزنەسىنىڭ قازاقستانمەن ەكونوميكالىق ىنتىماقتاستىقتى دامىتۋ ءۇشىن جاڭا باعىتتاردى ىزدەۋىن جالعاستىرىپ جاتقانىن دا  العاۋسىز اق كوڭىلىممەن باقىلاپ وتىرامىن. ناۋرىز قۇتتى بولسىن!»، – دەلىنگەن جەدەلحاتتا.

بەلگيا كورولى فيليپپ قاسىم-جومارت توقاەۆتى قازاقستان پرەزيدەنتى لاۋازىمىنا كىرىسۋىمەن قۇتتىقتايدى جانە جوعارى مەملەكەتتىك قىزمەتتە ۇلكەن تابىستارعا جەتۋىنە شىن جۇرەكتەن تىلەكتەستىگىن بىلدىرەدى.

اقش مەملەكەتتىك دەپارتامەنتى رەسمي وكىلىنىڭ ورىنباسارى روبەرت پاللادينو ءوزىنىڭ مالىمدەمەسىندە قازاقستاننىڭ تۇڭعىش پرەزيدەنتى – ەلباسى نۇرسۇلتان نازارباەۆتىڭ اقش پەن قازاقستان اراسىنداعى بەرىك تە سەرپىندى قاتىناستارىنىڭ قالىپتاسۋى مەن دامۋىنا قوسقان ۇلەسىن جوعارى باعالايدى.

«قازاقستان ءۇشىن وسىنداي تاريحي كۇندە ءبىز زاماناۋي، ەگەمەن جانە ءوسىپ-وركەندەگەن قازاقستاننىڭ نەگىزىن قالاۋشى رەتىندەگى ەڭبەگى زور دەپ سانايمىز جانە ونىڭ ۇلگىلى وڭىرلىك جانە جاھاندىق اۋقىمدا كورسەتكەن جاۋاپكەرشىلىكتى باسشىلىعىن مويىندايمىز.

ءبىز سونىمەن قاتار ونىڭ يادرولىق تاراتپاۋ سالاسىنداعى ايتارلىقتاي ەڭبەگىنە، دەنۋكلەاريزاتسيا جونىندەگى جاھاندىق كۇش-جىگەر جۇمساۋداعى كوشباسشىلىعىنا، بيلىكتى بەيبىت جولمەن بەرۋدەگى ۇلگىلى ءىس-ارەكەتىنە جانە قازاقستانداعى، سونداي-اق تۇتاستاي وڭىردەگى بەيبىتشىلىك پەن ءوسىپ-وركەندەۋدى قامتاماسىز ەتۋ ىسىنە قوسقان ۇلەسىنە تاڭعالا وتىرىپ ريزاشىلىعىمىزدى بىلدىرەمىز.

ءبىز قازاقستاننىڭ جاڭا پرەزيدەنتى قاسىم-جومارت توقاەۆتى قۇتتىقتايمىز جانە ەكى مەملەكەت اراسىنداعى كەڭ كولەمدى ستراتەگيالىق ارىپتەستىكتى تەرەڭدەتۋ بويىنشا بىرلەسكەن جۇمىستار جالعاسادى دەپ ۇمىتتەنەمىز. سونداي-اق بىزدەردىڭ ەكونوميكالىق دامۋ، ساۋدا-ساتتىق پەن ينۆەستيتسيالار، وڭىرلىك جانە جاھاندىق قاۋىپسىزدىكتى قامتاماسىز ەتۋدەگى ۇزاق مەرزىمدى ءوزارا مۇددەلەرىمىز جالعاسادى دەپ سەنەمىز»، – دەلىنگەن مالىمدەمەدە.

گەرمانيا فەدەراتيۆتىك رەسپۋبليكاسىنىڭ پرەزيدەنتى فرانك-ۆالتەر شتاينمايەر قازاقستان مەن گەرمانيانى ارىپتەستىك قاتىناستار بايلانىستىراتىنىن، ال ەكىجاقتى ىنتىماقتاستىق كوپقىرلى جانە سەرپىندى بايلانىستاردىڭ بەرىك ىرگەتاسىنا نەگىزدەلگەنىن اتاپ كورسەتەدى. گفر پرەزيدەنتى قازاقستاننىڭ وڭىردە ايتارلىقتاي جانە جاۋاپكەرشىلىكتى ءرول اتقارۋىن جالعاستىراتىنىنا جانە گەرمانيانىڭ سەرىكتەسى بولىپ قالاتىنىنا سەنىم بىلدىرەدى.

يتاليا رەسپۋبليكاسىنىڭ پرەزيدەنتى سەردجو ماتتارەللا يتاليا حالقىنىڭ جانە جەكە ءوزىنىڭ اتىنان قاسىم-جومارت توقاەۆتى قازاقستان رەسپۋبليكاسىنىڭ پرەزيدەنتى لاۋازىمىنا تاعايىندالۋىمەن قۇتتىقتاپ، قازاقستان ءۇشىن ماڭىزدى وسى تاريحي كەزەڭدە جوعارى مانداتىن تابىستى ورىنداۋعا تىلەكتەستىگىن بىلدىرەدى.

«ءسىزدىڭ مانداتىڭىز بارىسىندا قازاقستان مەن يتاليا اراسىنداعى قاتىناستار ەكىجاقتى فورماتتا دا، سونداي-اق ەۋرووداقپەن قاتىناستار اياسىندا دا كەڭ ءارى كوپقىرلى نەگىزدە نىعايا بەرەدى دەپ ۇمىتتەنەمىن»، دەلىنگەن قۇتتىقتاۋ حاتىندا.

ماجارستان پرەزيدەنتى يانوش ادەر ءوزىنىڭ جەدەلحاتىندا ماجار جانە قازاق حالىقتارى اراسىنداعى ىزگى دوستىقتى ساقتاۋ مەن نىعايتۋ ءبىرىنشى كەزەكتەگى ماڭىزعا يە ەكەنىن ايتا كەلىپ، ماجارستاننىڭ ەكى ەل اراسىنداعى جاقىن قاتىناستار مەن ءوزارا قۇرمەتكە قۇرىلعان ىنتىماقتاستىقتى ءارى قاراي دامىتۋعا دايىن ەكەنىن اتاپ كورسەتەدى.

ۋكراينا پرەزيدەنتى پەتر پوروشەنكو قاسىم-جومارت توقاەۆتىڭ كاسىبيلىگى مەن ومىرلىك تاجىريبەسى قازاقستاننىڭ ءارى قاراي دامۋىنا، مەملەكەت رەتىندە ىرگەسى بەكي تۇسۋىنە جانە حالىقارالىق ارەناداعى بەدەلىن بەكەمدەۋگە ىقپال ەتەتىنىن اتاپ وتەدى.

«ورتاق كۇش-جىگەر ناتيجەسىندە قول جەتكىزىلگەن دوستىق پەن ءوزارا قۇرمەت ءبىزدىڭ ەلدەرىمىزدى ءارى قاراي دا ءوزارا ءتيىمدى ىنتىماقتاستىققا جەتەلەپ، ەكىجاقتى جانە حالىقارالىق مىندەتتەمەلەرىمىزدى ناقتى ورىنداۋعا العىشارت جاسايتىنىنا سەنەمىن»، – دەلىنگەن جەدەلحاتتا.

ماجارستان پرەمەر-ءمينيسترى ۆيكتور وربان ءوزىنىڭ حاتىندا ماجار ۇكىمەتى الداعى ۋاقىتتا دا قازاقستانمەن كوپجاقتى ستراتەگيالىق ىنتىماقتاستىقتى دامىتۋعا باعىت ۇستاناتىنىنا سەندىرەدى.

بىرىككەن ۇلتتار ۇيىمىنىڭ  باس حاتشىسى انتونيۋ گۋتەرريش قاسىم-جومارت توقاەۆتى قازاقستان رەسپۋبليكاسىنىڭ پرەزيدەنتى لاۋازىمىنا كىرىسۋىمەن قۇتتىقتاي كەلىپ، بۇۇ جۇيەسىندە ۇلكەن قۇرمەتكە يە ادامنىڭ وسىنداي لاۋازىمعا تاعايىندالعانى تەك ريزاشىلىق سەزىمىن تۋدىراتىنىن ەرەكشە اتايدى.

«سىزبەن تىعىز ىنتىماقتاستىقتى اسىعا كۇتەمىن. ءوزارا تۇسىنىستىگىمىز قازاقستاننىڭ سىرتقى ىستەر ءمينيسترى بولىپ تۇرعان كەزىڭىزدە قۇرىلۋىنا ءوزىڭىز اتسالىسقان بۇۇ-نىڭ ورتالىق ازياداعى وڭىرلىك ورتالىعى قىزمەتى اياسىندا دا جالعاساتىنىنا ەش كۇمان كەلتىرمەيمىن. قازاقستان ءوز حالقى مەن ورتالىق ازيا حالىقتارىنىڭ ءوسىپ-وركەندەۋى ءۇشىن دە ورنىقتى دامۋ ماقساتتارىنىڭ بەلسەندى جاقتاۋشىسى ءرولىن ساقتاپ قالادى دەپ ۇمىتتەنەمىن»، – دەلىنگەن قۇتتىقتاۋ حاتىندا.

سونداي-اق قاسىم-جومارت توقاەۆتىڭ اتىنا قازاقستان پرەزيدەنتىنىڭ لاۋازىمىنا كىرىسۋىنە وراي قۇتتىقتاۋ حاتتارى مەن جەدەلحاتتارىن پولشا رەسپۋبليكاسىنىڭ بۇرىنعى پرەزيدەنتى الەكساندر كۆاسنەۆسكي، ۇقشۇ باس حاتشىسىنىڭ مىندەتىن اتقارۋشى ۆالەري سەمەريكوۆ، بۇۇ باس حاتشىسىنىڭ ورىنباسارى يۋري فەدوتوۆ، تۇركى تىلدەس مەملەكەتتەر ىنتىماقتاستىق كەڭەسىنىڭ باس حاتشىسى باعدات امىرەەۆ، يادرولىق سىناقتارعا جاپپاي تىيىم سالۋ تۋرالى شارت ۇيىمىنىڭ اتقارۋشى حاتشىسى لاسسينا زەربو، حالىقارالىق ەنەرگەتيكا حارتياسىنىڭ باس حاتشىسى ۋربان رۋسناك، حورۆاتيانىڭ بۇرىنعى سىرتقى ىستەر ءمينيسترى بۋديمير لونچار، رۋمىنيا پارلامەنتى دەپۋتاتتارى پالاتاسى توراعاسىنىڭ ورىنباسارى فلورين يورداكە، بۇكىلالەمدىك ونەر جانە عىلىم اكادەمياسىنىڭ قۇرمەتتى پرەزيدەنتى يۆو شپاۋس، جەنەۆا ديپلوماتيا جانە حالىقارالىق قاتىناستار مەكتەبىنىڭ پرەزيدەنتى كولۋم مەرفي، سونداي-اق بۇۇ-نىڭ ورتالىق ازيا بويىنشا بوسقىندار ىستەرى جونىندەگى اگەنتتىگىنىڭ وڭىرلىك وكىلدىگىنىڭ بۇرىنعى وڭىرلىك ۇيلەستىرۋشىسى سابەر ازام دا جولدادى.

Related Articles

  • 2003 جىلى SARS قالاي تىيىلدى؟ 2020 جىلى COVID-19 نەگە ىرىق بەرمەي تۇر؟

    2003 جىلى قاۋىپتى كوروناۆيرۋس جۇققان ءار ونىنشى ادام قايتىس بولدى. قىتايدا باستالعان بۇل دەرت بىرنەشە ەلگە تارادى. سەگىز ايدان سوڭ ۆيرۋستى توقتاتۋدىڭ ءساتى ءتۇستى. ازاتتىق الەمدەگى جەتەكشى ۆيرۋسولوگتاردىڭ بىرىنەن سول كەزدە بۇل كەسەلدى تىيۋعا نە كومەكتەستى جانە 2020 جىلى جاڭا كوروناۆيرۋستىڭ دۇنيەجۇزىنە تاراۋىنا نە سەبەپ بولدى دەپ سۇرادى. قىتايدىڭ ۋحان قالاسىندا ەسىنەن تانىپ قۇلاعان ادامنىڭ قاسىندا تۇرعان دارىگەرلەر. ناۋقاس اتيپيالىق پنەۆمونيا (SARS دەگەن اتاۋمەن بەلگىلى) جۇقتىرعان بولۋى مۇمكىن. بۇل سۋرەت 2003 جىلى ءساۋىردىڭ 29-ى كۇنى تۇسىرىلگەن. ول كەزدە الەم 21 عاسىرداعى العاشقى پاندەمياعا اينالا جازداۋعا شاق قالعان ۆيرۋسقا جولىققان ەدى. SARS اتتى جاڭا جۇمباق كوروناۆيرۋس جۇقتىرعانداردىڭ ون پايىزعا جۋىعى قايتىس بولدى. ناۋقاستاردىڭ كوبى دەم جەتپەي قينالىپ، وكپەسى سۇيىققا تولىپ قايتىس

  • ءۇستىرت ماۋگليى جانە تاعدىرى

    1957 جىلى تىكۇشاقپەن شىققان ءبىر توپ گەولوگتار ءۇستىرت جازىعىندا (تۇركىمەنستان مەن قاراقالپاقستاننىڭ شەكاراسىنداعى سارىقامىس كولىنىڭ جانىندا) قاسقىر اتۋمەن اينالىسقان. گەولوگتار قاسقىرلاردى ىزىنەن قۋىپ كەلە جاتىپ ولاردىڭ اراسىندا شامامەن بەس جاسار قالىسپاي جۇگىرگەن بالانى كورىپ تاڭ قالادى. بالا قاسقىرلارمەن بىرگە اسپاننان تونگەن جاۋدان قاشۋعا تىرىسىپ كەلەدى. ولار بارلىق قاسقىرلاردى اتىپ، بالانى قۇتقارۋدى ۇيعارادى. تىكۇشاقتى جەرگە قوندىرىپ بالانى ۇستاۋعا ارەكەتتەنەدى. الايدا بۇل ويلاعانداي وڭايعا سوقپادى. بالا قاسقىردىڭ بولتىرىگى قۇساپ ادامدارعا قاراي تىستەنىپ ايبات كورسەتكەن. دەگەنمەن گەولوگتار ونى قولعا ءتۇسىرىپ ، دارىگەردىڭ قاراۋىنا تاپسىرادى. بالانىڭ قاسقىر ۇيىرىنە قالاي تۇسكەنىن جانە اتا-اناسى كىم ەكەنى بەيمالىم. اۋرۋحانادا وعان وليگوفرەنيا دياگنوزى قويىلىپ، تاشاۋزداعى پسيحياتريالىق اۋرۋحاناعا ورنالاستىرىلعان. ونىڭ ومىرىندە ادام قاتارىنا قوسىلۋدىڭ قيىن جانە قايعىلى كەزەڭى باستالادى.

  • اقش بارلاۋ قىزمەتى: قىتاي كوروناۆيرۋس ىندەتىنىڭ شىنايى تارالۋ اۋقىمىن جاسىردى

    02 ءساۋىر، 2020 ماسكا تاققان ادام. قىتاي، ۋحان قالاسى، 31 ناۋرىز 2020 جىل. قىتاي بيلىگى كوروناۆيرۋس ىندەتىنەن كوز جۇمعاندار مەن ۆيرۋس جۇقتىرعاندار تۋرالى رەسمي دەرەكتى بۇرمالاعان. Bloomberg اگەنتتىگىنىڭ حابارلاۋىنشا، اق ۇيگە قۇپيا بايانداماسىن تانىستىرعان امەريكا بارلاۋ قىزمەتى وسىنداي قورىتىندىعا كەلگەن. Bloomberg اگەنتتىگىنىڭ دەرەككوزى بايانداما تۋرالى قوسىمشا اقپارات بەرمەگەن. قىتاي بيلىگى ۋحان قالاسىندا جەلتوقسان ايىندا تاراعان ۆيرۋستان 3300 ادام كوز جۇمدى، 82 مىڭنان استام ادامعا ۆيرۋس جۇقتى دەپ مالىمدەگەن ەدى. اقش-تا 200 مىڭنان استام ادامعا ۆيرۋس جۇققان، ءتورت مىڭنان استام ادام قايتىس بولعان. “قىتاي اشىق بولعاندا جاعداي الدەقايدا جاقسىراق بولار ما ەدى. قىتايدا ۆيرۋس پايدا بولعانى تۋرالى اقپارات الەمگە تارالعانعا دەيىن ەپيدەميا ءبىر اي بۇرىن باستالعان بولۋى مۇمكىن” دەدى سارسەنبى كۇنى اقش

  • قىتاي كوروناۆيرۋستى شىنىمەن جەڭدى مە؟

    ەندي حەيل بەيجىڭ مەتروسىنا جۇرگەن تۇرعىندار. 10 ناۋرىز 2020 جىل. قىتايدا كوروناۆيرۋسقا قارسى ءۇش ايعا سوزىلعان كۇرەستىڭ العاشقى ناتيجەسى ناۋرىزدىڭ 18-ءى كۇنى بايقالدى. وسى كۇنى ەلدىڭ ىشىندە ۆيرۋس جۇقتىرعان ادام تىركەلمەدى. قىتايدىڭ ۆيرۋستى توقتاتۋ ءۇشىن جاساعان شارالارى شىنىمەن ءتيىمدى بولدى ما؟ «ايداھاردىڭ باقىلاۋى» نەمەسە «ماو ستيلىندەگى الەۋمەتتىك باقىلاۋ». قىتاي شەنەۋنىكتەرى ەلدىڭ ورتالىق بولىگىندە ەنگىزگەن، كوروناۆيرۋستىڭ تاراۋىن توقتاتۋ ءۇشىن جاساعان شارالارى حالىق اراسىندا وسىنداي اتاۋعا يە بولدى. قىتاي بيلىگى كوروناۆيرۋس پەن ونىڭ سالدارىنان تۋىندايتىن COVID-19 اۋرۋىنىڭ قاۋپىن تۇسىنگەن بويدا جۇزدەگەن ميلليون ادامدى كارانتينگە جاۋىپ، باقىلاۋعا الدى. دۇنيەجۇزىلىك دەنساۋلىق ساقتاۋ ۇيىمى مەن قىتاي ەپيدەميولوگتارى ميسسياسىنىڭ دەرەگىنشە، ەلدە «اۋرۋدى توقتاتۋ ءۇشىن بۇرىن-سوڭدى بولماعان ەڭ قاتال ءارى جەدەل شارالار جۇزەگە اسقان». مۇنداي شارالاردى جۇزەگە

  • “يسپان پاندەمياسى” نەمەسە “يسپانكا”.

    ‎قانات ەسكەندىردىڭ facebook پاراقشاسىنان الىندى 1918-1919 جىلدار ارالىعىندا ميلليونداعان ادام كوز جۇمعان الاپات تۇماۋ. عىلىمي اتاۋى – La Grippe Espagnole نەمەسە يسپانشا La Pesadilla. 18 ايدىڭ ىشىندە الەم بويىنشا 550 ميلليون ادام “يسپانكاعا” شالدىققان، ياعني، پلانەتانىڭ 29,5% حالقى جۇقتىرعان. 18 ايدا 50-100 ميلليون ادام وسى اۋرۋدان كوز جۇمعان، ياعني، پلانەتانىڭ 2,7-5,3% حالقى ءشايىت بولعان. ءبىرىنشى دۇنيەجۇزىلىك سوعىستىڭ سوڭعى ايلارىندا باستالعان بۇل قاۋىپتى ىندەتتىڭ تەز تاراۋىنا پوەزد، ديريجابل، كەمە ترانسپورتى سەكىلدى زاماناۋي تەحنيكانىڭ جەدەل دامۋى كوپ ىقپال ەتكەن. سول سەبەپتى، الەمدە بارلىق مەملەكەتتەر سوت قىزمەتى، مەكتەپتەر مەن بالاباقشالاردى، شىركەۋ، تەاتر، مەيرامحانالار مەن حالىققا قىزمەت كورسەتۋ ورىندارىن جاۋىپ تاستاعان. دۇكەندەر ءوز تۇتىنۋشىلارىن سىرتتان قابىلداپ، ساتۋشىلار ءتىپتى ءوز تۋىستارىن دا كىرگىزبەي قويعان. بارلىق

1 پىكىر

  1. Ğaliy Baysımaq

    Nazarbayevdin kezenindegi Qazaq-American araqatinasi jaqsi qalliptasti. Ogan sòz joq. Elimizge san turli AQS càpitali jetkizilip ishki economykan’in damiwina ulken septigin tiygizdi. Jàne de erkin sawda-sattiqqa jol ashielip bizneske còptegen mumkindikter qaliptasti. Osin’in bari tounqysh prezident sayasati jemisi. Al càzirgi prezidentimiz de àlemdik sayasatta òzindik salmaqy bar dyplomatialiq jolda càsiby qalieptasqan toulga. Sondiqtan Qasim Jomart Toqaydin àlemdik sayasatta jaqsi joldan shataspasina senim bar. D.Trump basshieliqy men Aq Orda ortaq màmilede jumis jasay bereri aniq. Ekeuara ortaq jobalardi àri qaray damita beriwge qos tarap ta dayin dep sanaymin. Àsirese mounay-gaz salasinda Chevron Extion mobil taqy basqa còptegen awqimdi jobalar jetkilikti-aq. Qazaq Eli àrqashanda Qourama Stattarmen intimaqtastiq ornatiwga interes tanitadi. D.Trumpdin Qazaqstanga keliwin asiega cuterimiz aniq. Washington-Nour Soultan araqatinasi jogari dengeyde damy tussin dep tileymin.

پىكىر قالدىرۋ

ەلەكتورندى پوشتاڭىز سىرتقا جاريالانبايدى. بەلگى قويىلعان ءورىستى تولتىرۋ مىندەتتى *

اتى-ءجونى *

Email *

سايتى

Kerey.kz/كەرەي.كز

ءبىز تۋرالى:

تەل: +7 7071039161
Email: kerey.qazaq@gmail.com

Kerey.kz ءتىڭ بۇرىنعى نۇسقاسىن http://old.kerey.kz تەن وقي الاسىزدار!

KEREY.KZ

سايت ماتەريالدارىن پايدالانعاندا دەرەككوزگە سىلتەمە كورسەتۋ مىندەتتى. اۆتورلار پىكىرى مەن رەداكتسيا كوزقاراسى سايكەس كەلە بەرمەۋى مۇمكىن. جارناما مەن حابارلاندىرۋلاردىڭ مازمۇنىنا جارناما بەرۋشى جاۋاپتى.

سايت ساناعى: