|  | 

ساياسات

دوسىم ساتپاەۆ: “قازاقستاننىڭ رەسەيگە قاتىستى ساياساتى ينەرتسيالىق سيپاتتا بولماق”


قازاقستان پرەزيدەنتى قاسىم-جومارت توقاەۆتىڭ ماسكەۋدەگى "ۆنۋكوۆو" اۋەجايىنا كەلگەن ءساتى. ماسكەۋ، 3 ءساۋىر 2019 جىل.

قازاقستان پرەزيدەنتى قاسىم-جومارت توقاەۆتىڭ ماسكەۋدەگى “ۆنۋكوۆو” اۋەجايىنا كەلگەن ءساتى. ماسكەۋ، 3 ءساۋىر 2019 جىل.

قازاقستان پرەزيدەنتى قاسىم-جومارت توقاەۆ العاشقى رەسمي شەتەلدىك ساپارمەن رەسەيگە باردى. ازاتتىققا بەرگەن سۇحباتىندا ساياساتتانۋشى دوسىم ساتپاەۆ توقاەۆتىڭ ماسكەۋدە رەسەي پرەزيدەنتى ۆلاديمير پۋتينمەن كەزدەسۋىندە قانداي ماسەلەلەر قوزعالۋى مۇمكىن ەكەنى، قازاقستاننىڭ قىتاي جانە رەسەيمەن قارىم-قاتىناسى تۋرالى ايتتى.

قازاقستان پرەزيدەنتى قاسىم-جومارت توقاەۆ ءساۋىردىڭ 3-ءى كۇنى رەسەي استاناسىنا ساپارمەن باردى. ماسكەۋدىڭ “ۆنۋكوۆو-2″ اۋەجايىندا ونى رەسەي سىرتقى ىستەر ءمينيسترىنىڭ ورىنباسارى الەكساندر پانكين مەن مينيسترلىكتىڭ حاتتاما دەپارتامەنتىنىڭ باسشىسى يگور بوگداشەۆ كۇتىپ الدى.

بۇل – توقاەۆتىڭ قازاقستان پرەزيدەنتى قىزمەتىنە كىرىسكەلى بەرى شەتەلگە العاشقى ساپارى.

اقوردانىڭ حابارلاۋىنشا، توقاەۆ ماسكەۋدە رەسەي پرەزيدەنتى ۆلاديمير پۋتينمەن كەزدەسىپ، ساياسي، ساۋدا-ەكونوميكالىق جانە مادەني-گۋمانيتارلىق سالالارداعى ەكىجاقتى سەرىكتەستىك ماسەلەلەرى مەن حالىقارالىق تاقىرىپتاردى تالقىلاماق.

كرەملدىڭ ءباسپاسوز قىزمەتى وسى ساپار جايلى حابارلاماسىندا “پرەزيدەنتتەر ەكى ەل قاتىناسىنىڭ نەگىزگى تۇستارىن، ەۋرازيا كەڭىستىگىندە ينتەگراتسيا پروتسەسىن جۇرگىزۋ جوسپارىن قاراپ، وڭىردەگى كەيبىر ماڭىزدى ماسەلەلەر تالقىلايدى” دەپ حابارلادى.

ماسكەۋدە جوعارى ءبىلىم العان، بۇرىن قازاقستان پارلمامەنتى سەناتىنىڭ توراعاسى، پرەمەر-مينيستر جانە سىرتقى ىستەر ءمينيسترى بولعان 65 جاستاعى توقاەۆ بيىل ناۋرىزدىڭ 20-سىندا قازاقستاندى 30 جىلعا جۋىق باسقارعان نۇرسۇلتان نازارباەۆ پرەزيدەنتتىك وكىلەتىن توقتاتقان سوڭ ۋاقىتشا پرەزيدەنت بولىپ تاعايىندالعان.

ازاتتىققا بەرگەن سۇحباتىندا ساياساتتانۋشى دوسىم ساتپاەۆ توقاەۆ پەن ءپۋتيننىڭ كەزدەسۋىندە قانداي ماسەلەلەر قوزعالۋى مۇمكىن ەكەنى، قازاقستاننىڭ قىتاي جانە رەسەيمەن قارىم-قاتىناسى تۋرالى ايتتى.

ازاتتىق: قازاقستان پرەزيدەنتى قىزمەتىندەگى العاشقى رەسمي شەتەلدىك ساپارىن قاسىم-جومارت توقاەۆ ماسكەۋدەن باستادى. بۇرىنعى پرەزيدەنت نۇرسۇلتان نازارباەۆ تا ءار يناۋگۋراتسيادان كەيىن سولاي ىستەيتىن. توقاەۆتىڭ بۇل ساپارىنىڭ ءمانىسى قانداي، كرەملدە شىنىمەن دە ماڭىزدى ساياسي ماسەلە قوزعالا ما؟

ساياساتتانۋشى دوسىم ساتپاەۆ.

ساياساتتانۋشى دوسىم ساتپاەۆ.

دوسىم ساتپاەۆ: كەتەر الدىندا نازارباەۆ پۋتينمەن تەلەفون ارقىلى سويلەستى، وعان [بيلىك ءترانزيتى جايلى] شەشىمىن حابارلاپ، ورنىنا قوياتىن ادام تۋرالى ايتقان بولار. مەنىڭشە، بۇل ەڭ الدىمەن ساياسي ءادىس، ياعني سىرتقى ساياساتتى ارى قاراي قولىنا الاتىن توقاەۆتى تانىستىرۋ بولدى. ناۋرىزدىڭ 20-سى كۇنى، توقاەۆتىڭ يناۋگۋراتسياسى كەزىندە قازاقستان سىرتقى ىستەر مينيسترلىگى رەسمي مالىمدەمە جاساپ، رەسپۋبليكانىڭ كوپۆەكتورلى سىرتقى ساياساتى وزگەرمەيتىنىن مالىمدەدى. بۇل تاعى دا ماسكەۋدى “قازاقستان باسشىلىعى ەشقانداي تۇبەگەيلى وزگەرىس جاسامايدى، جاڭا پرەزيدەنتتەن رەسەيدى الاڭداتاتىنداي توسىن ءىس-ارەكەت كۇتۋدىڭ كەرەگى جوق” دەپ سەندىرۋگە تىرىسۋ دەپ ويلايمىن.

رەسەي دە، قىتاي دا، اقش تا قازاقستاندا نازارباەۆ قالاپ كەتكەن كوپۆەكتورلى ساياساتتى جالعاستىراتىن كەز كەلگەن ىقتيمال باسشىنى قولدايدى. بىراق بۇل ارادا قىتاي جانە رەسەيمەن جاقىن قارىم-قاتىناس ورناتقان قازاقستان باسشىلىعى مەن قازاقستان قوعامىنىڭ وعان دەگەن كوزقاراسى اراسىندا ۇلكەن قاراما-قايشىلىق بار. قوعامدا قىتايعا دا، رەسەيگە دە قارسى كوڭىل-كۇي كۇشەيگەن. ول ۋاقىت وتە كەلە ارتا بەرەدى.

ازاتتىق: قازاقستان-رەسەي قارىم-قاتىناسىن قانداي بولاشاق كۇتىپ تۇر؟

قاسىم-جومارت توقاەۆ.

قاسىم-جومارت توقاەۆ.

دوسىم ساتپاەۆ: قازاقستاننىڭ رەسەيگە قاتىستى سىرتقى ساياساتى ءبىراز ۋاقىت ينەرتسيالىق سيپاتتا بولماق. سەبەبى قازاقستان ەۋرازيا ەكونوميكالىق وداعىنىڭ (ەەو) مۇشەسى رەتىندە وزىنە كوپ مىندەتتەر العان. ءوز باسىم رەسپۋبليكامىز ءۇشىن سول جوبا ۇلكەن قاتەلىك بولدى دەپ سانايمىن. بۇل ىسكە اسپايتىن ءولى جوبا، بىراق رەسەي ەكونوميكالىق ەمەس، گەوساياسي مۇددەنى العا قويىپ، وعان جان بىتىرۋگە تىرىسىپ جاتىر.

ازاتتىق: گەوساياسات تۋرالى ايتار بولساق، 2014 جىلى رەسەي-ۋكراينا جانجالى باستالعاندا قازاقستاندا “ورىس ماسەلەسى” قىلاڭ بەردى. رەسەيدە كەي قوعامدىق تۇلعالار قازاقستاننىڭ سولتۇستىك ايماقتارىن قايتارۋ تۋرالى توسىن مالىمدەمەلەر جاساپ، ونى سوۆەتتىك كەزەڭدە “سىيعا بەرگەن” دەگەندى ايتتى. نازارباەۆ كەتكەن سوڭ “ورىس ماسەلەسى” جايلى قوعامدىق پىكىرتالاس قايتا ءوربۋى مۇمكىن بە؟

رەسەي پرەزيدەنتى ۆلاديمي پۋتين مەن سول كەزدەگى قازاقستان پرەزيدەنتى نۇرسۇلتان نازارباەۆ ءپۋتيننىڭ قازاقستانعا ساپارى كەزىندە. پەتروپاۆل، 9 قاراشا 2018 جىل.

رەسەي پرەزيدەنتى ۆلاديمي پۋتين مەن سول كەزدەگى قازاقستان پرەزيدەنتى نۇرسۇلتان نازارباەۆ ءپۋتيننىڭ قازاقستانعا ساپارى كەزىندە. پەتروپاۆل، 9 قاراشا 2018 جىل.

دوسىم ساتپاەۆ: وكىنىشكە قاراي، رەسەيدىڭ سىرتقى ساياساتىنان ىشكى ساياسي ترەندى ايقىن كورىنەدى، مەن ونى “رەتروسپەكتيۆتى پاتريوتيزم” دەپ اتايمىن. ول وتكەندى اڭسايتىن كۇشتى يدەولوگيالىق قوسپاعا نەگىزدەلگەن.

پۋتين جاڭا يدەولوگيالىق مودەل قۇرعان جوق، رەسەي قوعامىن جۇمىلدىرۋعا ءۇزىپ-جۇلىپ پاتشالىق رەجيم تۇسىنداعى كەيبىر نارسەلەردى (پراۆوسلاۆيە، سامودەرجاۆيە، حالىقتىق), سول ءتارىزدى سوۆەتتىك سيمۆوليكانى ء(انۇران) دا پايدالاندى. ول ەكونوميكالىق تابىس جولىمەن ەمەس، سسسر تۇسىنداعىداي جاۋ ىزدەپ، ۇرەي تۋدىرۋ ەسەبىنەن ارەكەت ەتىپ جاتىر. كرەمل ءوز ساياسي ۇرەيىنىڭ شىرماۋىنا ءوزى ءتۇستى، وعان بارلىق جەردە باتىس ەلەستەيدى.

رەسەي پرەزيدەنتى ۆلاديمير پۋتين (ورتادا).
وقي وتىرىڭىز

ءپۋتيننىڭ “كەك الۋى” جانە رەسەيدىڭ “بۋفەر ايماعى”

ەڭ قىزىعى، ۋكرايناداعى وقيعالاردان كەيىن رەسەي اسكەري دوكتريناسىن جاڭارتتى، ونىڭ تارماقتارىنىڭ بىرىندە “رەسەيدىڭ سىرتقى قاۋىپسىزدىگىنە، وزگەلەرمەن قاتار، كورشى ەلدەردە قاس رەجيم ورناۋى دا قاۋىپ توندىرەدى” دەپ جازىلعان. ال “قاس رەجيم” دەگەن وتە سۋبەكتيۆتى انىقتاما، كوڭىلىڭ قالاعان ساتتە كەز كەلگەن رەجيمدى وزىڭە قاس دەپ اتايسىڭ. بۇعان قوسا دوكترينادا (تاعى دا سول ۋكراينا مەن گرۋزياداعى جانجالداردان كەيىن) ورىس ءتىلدى تۇرعىنداردىڭ قۇقىعى بۇزىلاتىن بولسا رەسەي وزگە مەملەكەتتەردىڭ ىشكى ىسىنە ارالاسۋعا تولىق قۇقىلى دەپ ناقتى جازىلعان.

سوندىقتان الدا-جالدا قانداي دا ءبىر تەرىس جاعداي تۋىنداپ، قازاقستاندى تۇراقسىزدىق جايلايتىن بولسا، ىشكى ىسىمىزگە ارالاسىپ، ىقپال جاساۋعا تىرىساتىن جالعىز مەملەكەت رەسەي بولماق. ول ۇزاق جىلدار بويى اسكەري كۇش قولدانىپ، تىكەلەي ارالاسۋدى دا، اقپاراتتىق شابۋىل ءتارىزدى گيبريدتىك ادىستەردى دە جاقسى مەڭگەرگەن. ءبىز اۋقىمدى ىشكى جانجالدارعا دا، ءۇشىنشى تاراپتان بولۋى ىقتيمال كەز كەلگەن اگرەسسيالىق ءىس-ارەكەتكە دە ء(تىپتى اسكەري ەمەس، اقپاراتتىق بولسا دا) ءتيىمدى تويتارىس بەرۋگە دايىن ەمەسپىز دەپ ايتار ەدىم.

ازاتتىق: قازاقستاننىڭ قىتايمەن قارىم-قاتىناسى تۋرالى ايتساق، ونىڭ ناشارلاۋى مۇمكىن بە (مىسالى، شىڭجاڭداعى ەتنيكالىق قازاقتار وتىرعان “قايتا تاربيەلەۋ لاگەرلەرى” تۋرالى ايتىلىپ جاتقاندا)?

دوسىم ساتپاەۆ: قاسىم-جومارت توقاەۆ ەلدىڭ [بۇعان دەيىنگى] ەكونوميكالىق ساياساتىن جالعاستىراتىن باسشى رەتىندە قازاقستانعا قىتايدىڭ نەسيەسى مەن ينۆەستيتسياسى كەرەك دەگەن ۇستانىمنان اينىمايدى. بىراق قازاقستاندا قىتايعا قارسى كوڭىل-كۇي تەگىننەن بار. بولاشاقتا ەليتانىڭ قىتايمەن تىعىز قارىم-قاتىناس جاساۋ نيەتى (نازارباەۆ ساياساتىنىڭ مۇراسى رەتىندە) مەن قوعامدا شىڭجاڭداعى لاگەرلەردەن سوڭ كۇشەيىپ كەتكەن قىتايعا قارسى كوڭىل-كۇيدىڭ اراسىندا ەگەس تۋى مۇمكىن.

قازاقستان سىرتقى ىستەر ءمينيسترى بەيبىت اتامقۇلوۆ (سول جاقتا) پەن قىتاي سىرتقى ىستەر ءمينيسترى ۆان ي. پەكين، 28 ناۋرىز 2019 جىل.
وقي وتىرىڭىز

قىتاي “راديكالدارمەن” كۇرەسىن قولداعان قازاقستانعا العىس ايتتى

قىتاي شىڭجاڭدى تولىق باقىلاۋدا ۇستايتىن ايماققا اينالدىرۋدى كوزدەيتىن ساياساتتى باياعىدان ۇستانىپ وتىر. ول ايماقتى ء“بىر بەلدەۋ – ءبىر جول” جوباسىنداعى ماڭىزدى كولىك-لوگيستيكالىق حابىنىڭ ءبىر بولىگىنە اينالدىرعىسى كەلەدى. سوندىقتان، بىرىنشىدەن، شىڭجاڭدا حانداردىڭ (حان – قىتايداعى سانى ەڭ كوپ ەتنيكالىق توپ) سانىن كوبەيتۋ ارقىلى دەموگرافيالىق قىسىم كۇشەيمەك; ەكىنشىدەن، تۇرعىنداردىڭ ءومىر ءسۇرۋ دەڭگەيىن ارتتىرۋ ماقساتىندا شىڭجاڭعا كوبىرەك ينۆەستيتسيا قۇيىلادى، سولايشا سەپاراتيستىك كوڭىل-كۇيدى باسادى; ۇشىنشىدەن، ىقتيمال قاۋىپتى ەلەمەنتتەرمەن كۇرەستى قاتايتىپ، مۇسىلمانداردى باقىلاۋدى كۇشەيتەدى. قازاقستاندا (تۇتاس ورتالىق ازياداعىداي) قىتايدىڭ مۇنداي پوزيتسياسى قارسىلىققا كەزىگەدى. بولاشاقتا ايماقتا ءدىني باعدار ۇستانعان كوشباسشىلار پايدا بولادى دەپ ەلەستەتسەك (ونىڭ العىشارتى بار) قىتاي ايماقتاعى پوزيتسياسىن جوعالتا باستايدى.

ازاتتىق: ورتالىق ازيا اۋماعىندا رەسەي مۇددەسى شيەلەنىسەتىن الاڭ قازاقستان بولۋى مۇمكىن بە؟

دوسىم ساتپاەۆ: قازىردىڭ وزىندە رەسەيلىك ساراپشىلار ورتالىق ازيا كەڭىستىگىندە ەكونوميكا سالاسىندا قىتايدىڭ ىقپالى ارتىپ، رەسەيدىڭ پوزيتسياسىن جوعالتا باستاعانىنا الاڭداپ جاتىر. ءتىپتى لۋكاشەنكونىڭ ءوزى بەلارۋس ءۇشىن قىتاي ء“نومىر ءبىرىنشى سەرىكتەس”، بەلورۋس تاۋار وندىرۋشىلەرى رەسەيدىڭ ەمەس، قىتاي نارىعىنا شىعۋى كەرەك دەپ مالىمدەدى.

ەسەسىنە رەسەي ازىرگە اسكەري-ساياسي سالادا ۇستەمدىك ورناتقان. ول ۇجىمدىق قاۋىپسىزدىك تۋرالى شارت ۇيىمىندا (قازاقستان، رەسەي، ارمەنيا، بەلارۋس، قىرعىزستان مەن تاجىكستان كىرەدى) جەتەكشى رولگە يە. الايدا ورتالىق ازيادا ەكونوميكالىق ىقپالى ارتقان سايىن قىتاي ەرتە مە، كەش پە اسكەري مۇددەسىن دە قورعاۋعا كوشەدى دەۋگە نەگىز بار.

مۋرگاب اۋدانى
وقي وتىرىڭىز

تاجىكستاندا قىتايدىڭ “قۇپيا” اسكەري نىسانى بار

تاجىكستاندا قىزىق جاعداي قالىپتاسقان: تاجىك-اۋعان شەكاراسى ماڭىندا (تاراپتاردىڭ كەلىسىمى بويىنشا) شىڭجاڭعا اسكەريلەردى ەنگىزبەۋ ءۇشىن شاعىن قىتاي اسكەري بازاسى پايدا بولدى. بۇل قىتايدىڭ ءوز مۇددەسى بار ايماقتاردا بىرتىندەپ اسكەري بازا سالا باستايتىنىنىڭ بەلگىسى، سونىڭ العاشقى قادامى.

قازاقستان-قىتاي ىنتىماقتاستىعىنىڭ تاعى ءبىر ماڭىزدى تارماعى – “استانا” حالىقارالىق قارجى ورتالىعى، ول بۇكىل الەمنەن ينۆەستور تارتۋ ءۇشىن قۇرىلدى. بىراق ول جەرگە نەگىزىنەن قىتاي قارجى قۇرىلىمدارى كەلەتىن ءتارىزدى. وعان سەبەپ، قازىر قازاقستاندا نەسيە الۋ كوزدەرى سونشالىقتى كوپ ەمەس. قىتاي ونى تۇسىنەدى، سوندىقتان ەكونوميكالىق تۇرعىدا بىرنەشە باعىتتا: شيكىزات، اۋىلشارۋاشىلىق، كولىك-لوگيستيكا جانە قارجى سەكتورىندا ۇلەسىن ارتتىرۋى مۇمكىن. بىراق ونىڭ ءبارى “قارجى بازاسىن يەمدەنۋ ءتيىمدى بولاتىن قىتايلىق كومپانيالار كوبەيسىن” دەگەن شارتپەن جاسالۋى ىقتيمال.

ەندى ەڭ باستى ساۋال: قىتاي نەسيەسى مەن ينۆەستيتسياسى قازاقستاننىڭ باسەكەگە قابىلەتتىگىن ارتتىرىپ، جوعارى تەحنولوگيالاردى الۋىنا قالاي كومەكتەسپەك؟ ءبىز بۇل جەردە دىم ۇتپايمىز دەپ ويلايمىن، قىتاي بىزگە جوعارى تەحنولوگيا اكەلمەيدى. ول جاھاندىق دەڭگەيدە بارلىق تەحنيكالىق نوۋ-حاۋدى پاتەنت نەگىزىندە ءوز قولىنا شوعىرلاندىرعاننىڭ ءتيىمدى ەكەنىن جاقسى بىلەدى.

سوندىقتان قىتاي ءبىزدى مىقتى ءارى باسەكەگە قابىلەتتى سەرىكتەسكە اينالدىرعىسى كەلەدى دەگەن قيالدان ارىلۋىمىز كەرەك. ول اڭىز. قىتاي دا، اقش تا، رەسەي دە ولاي ىستەگىسى كەلمەيدى.

Related Articles

  • ازيا سوقپاعى قايدا اپارادى؟

    قۋانىشبەك قاري سولدان وڭعا قاراي: ازەربايجان پرەزيدەنتى يلحام اليەۆ، رەسەي پرەزيدەنتى ۆلاديمير پۋتين، قازاقستان پرەزيدەنتى قاسىم-جومارت توقاەۆ جانە فيليپپين پرەزيدەنتى رودريگو دۋتەرتە. ۆالداي پىكىرتالاس كلۋبى، سوچي، رەسەي، 3 قازان 2019 جىل. اقوردا سايتىنداعى سۋرەت. قازاقستان پرەزيدەنتىنىڭ سوچيدە ايتقان رەسەيدىڭ ورتالىق ازياداعى ورنى تۋرالى پىكىرىن ەلدەگى رەسمي ءباسپاسوز جاريالامادى. ساراپشىلاردىڭ كەيبىرى توقاەۆتىڭ ايتقاندارىن قىتايعا ساپاردان كەيىنگى اقتالۋ رەتىندە باعالاسا، كەيبىرى ديپلوماتيالىق ىلتيپاتپەن بايلانىستىرادى. وتكەن اپتادا رەسەيدىڭ سوچي قالاسىندا حالىقارالىق “ۆالداي” پىكىرتالاس كلۋبىندا سويلەگەن سوزىندە قازاقستان پرەزيدەنتى قاسىم-جومارت توقاەۆ رەسەيدى “ۇلى مەملەكەت” دەپ اتادى. قازاقستان باسشىسى ورتالىق ازيانىڭ رەسەي يمپەرياسىنىڭ ءبىر “بولىگى” بولعانىن ايتىپ، قازىر دە ماسكەۋدىڭ ورتالىق ازيادا “جەتەكشى ورىنعا يە بولۋى كەرەكتىگىنە” توقتالدى. الايدا ونىڭ رەسەي تۋرالى پىكىرى قازاقستانداعى رەسمي

  • نىگماتۋللينگە حات

    قۇرمەتتى نۇرلان زايرۋللاۇلى! تۇرىك پارلامەنتىنىڭ سپيكەرى م.شەنتوپ مىرزا ءبىزدىڭ ەلگە كەلىپ كەتكەننەن كەيىن ءبىراز ماسەلەنىڭ ءالى كۇنگە دەيىن باسى اشىلماي قالىپ وتىر. قازىرگە دەيىن نۇرشىلار مەن گۇلەنشىلەر سەكتاسى تۋرالى از جازىلعان جوق. فەتكۋللاح گۇلەننىڭ جۇمىسىنا ساراپتاما جاساپ قاراساق، ونىڭ جاماعاتىنداعى كاپيتالدىڭ جالپى كولەمى 50 ملرد دوللاردان اسىپ كەتەدى ەكەن. بۇل اقشانىڭ ءبارىن ولار زاڭدى جولمەن تاۋىپ وتىرعان جوق. «نۇرشىلاردىڭ» ەسىرتكى تاسىمالى مەن قارۋ- جاراق ساۋداسى سياقتى تابىسى كوپ كاسىپكە دە قاتىسى بولۋى مۇمكىن. تۇرىك ءباسپاسوزى وسىعان دەيىن ولاردىڭ تۇركياداعى بار كاپيتالدىڭ 30 پايىزىنا («يسلام كاپيتالى») دەيىن يەلىك ەتىپ وتىرعانىن تالاي رەت جازدى. مەملەكەت تاراپىنان قىسىم كورگەننەن كەيىن نۇرشىلار استىرتىن ارەكەتكە كوشىپ، سپەتسسلۋجباعا ۇقسايتىن ارناۋلى قىزمەتتى دە قۇرىپتى. ولار تۇركىتىلدەس حالىقتار

  • داۋدىڭ باسى داەش-تەن 2

    Eldes Orda ەستەرىڭىزدە بولسا وتكەن جىلدىڭ قازان ايىندا اتالمىش تاقىرىپ اياسىندا العاشقى پوستىمدى جاريالاعان ەدىم. ودان بەرى ءبىر جىلدىڭ كولەمىندە ايماقتىق ستراتەگيالىق ساياساتتا كوپ وزگەرىستەر تۇبەگەيلى ورىن الىپ جاتىر… سيريا اۋماعىنداعى داەش-ءتىڭ نەگىزگى قارۋلى كۇشتەرى ءدال بۇگىنگى ۋاقىتتا اۋعانىستان ايماعىنا توپتالىپ بولىپ قالدى دەسەك تە بولادى. سيرياداعى داەش كۇشى سوڭعى كەزدەرى السىرەدى دە، نەگىزگى قارۋلى توپتار ورتالىق ازيانى بەتكە الىپ اۋعان توپىراعىنا اعىلىپ كەتە باردى. داەش-ءتىڭ سيريا اۋماعىنداعى وسى ءبىر ءولارا ءالسىز تۇسىن ءجىتى باقىلاپ وتىرعان قازاقستان “جۋسان” جوباسىن ۇيىمداستىرا قويدى دا وڭىردەگى قانداستارىمىزدى ەلگە اكەلىپ الدى. بىراق، مىنانى انىق ءبىلۋىمىز كەرەك، وڭىردەگى ساياسي ويىن بۇنىمەن بىتكەن جوق، وڭىردەگى ساياسي ويىن ەندى باستالۋى بەك مۇمكىن… 2017′دەن بەرى سيريا اۋماعىنان جانە

  • اكەجان قاجىگەلدين: “نازارباەۆ مەنەن كەشىرىم سۇرادى

    قاسىم امانجول قازاقستاننىڭ بۇرىنعى پرەمەر-ءمينيسترى اكەجان قاجىگەلدين (وڭ جاقتا) جانە جۋرناليست قاسىم امانجول. سكايپ-سۇحبات. 6 قىركۇيەك 2019 جىل. 1994-1997 جىلدارى قازاقستان پرەمەر-ءمينيسترى بولىپ، 1998 جىلى ەلدەن كەتكەن اكەجان قاجىگەلدين ازاتتىققا بەرگەن سۇحباتىندا شەتەلدە بىرنەشە رەت قازاقستاننىڭ ەكس-پرەزيدەنتى نۇرسۇلتان نازارباەۆپەن كەزدەسكەنىن ايتتى. 6 قىركۇيەكتە الماتىدا «اقيقات» جالپىۇلتتىق سوتسيال-دەموكراتيالىق پارتياسىنىڭ 15-سەزىندە پارتيا باسشىcى ەرمۇرات باپيعا جسدپ مۇشەلەرى سەنىمسىزدىك ءبىلدىرىپ، اقىرىندا باپي توراعالىقتان كەتىپ، پارتيادان دا شىعارىلدى. جيىندا كەيبىر پارتيا مۇشەلەرى باپيدىڭ بيىل كوكتەمدە ءبىر توپ بەلسەندىمەن پاريجگە بارىپ، قازاقستاننىڭ بۇرىنعى پرەمەرى اكەجان قاجىگەلدينمەن پارتيا رۇقساتىنسىز كەزدەسكەنىن ايىپتادى. باپيدىڭ ورنىنا اسحات راقىمجانوۆ پارتيا جەتەكشىسى بولىپ سايلاندى. ءدال وسى كۇنى نۇر-سۇلتاندا پرەزيدەنت قاسىم-جومارت توقاەۆتىڭ قاتىسۋىمەن ۇلتتىق سەنىم كەڭەسىنىڭ العاشقى جيىنى ءوتتى. بۇل كەڭەستى توقاەۆ حالىق پەن

  • قىتاي ەكسپانسياسىنىڭ قاتەرى

    جازۋشى-پۋبليتسيست مارات ءبايدىلداۇلى (توقاشباەۆ): قىتايلىق 51 (55) زاۋىتتى قازاقستانعا كوشىرۋ جوباسى حالقىمىزعا ماڭگى قۇتىلمايتىن بوداندىق قامىتىن كيگىزۋى ىقتيمال. قىتاي بەرەدى دەپ ۇمىتتەنىپ وتىرعان 26,5 ملرد دوللار قازاقستان تاعدىرىن تالكەككە سالاتىن قاقپان تىلشىگىندەگى «ءدامدى سىرعا» ۇقسايدى. قازاقستانعا كوشىرىلەتىن 51 زاۋىتپەن كەلەتىن قىتايلار قازاقتاردى بايىتادى دەۋ اقىلعا سىيمايدى! ءىس جۇزىندە 51 قىتاي زاۋىتىن كوشىرىپ كەلۋ قازاقستان ۇكىمەتىنىڭ ەل ەكونوميكاسىن باسقارۋعا مۇلدە قابىلەتسىز ەكەندىگىن كورسەتەتىن دارمەنسىز ارەكەت. مەملەكەت رەيدەرلىك باسقىنشىلىقسىز، كوررۋپتسياسىز جاعداي تۋعىزىپ بەرسە ءوز بيزنەسمەندەرىمىز-اق 50 ەمەس 500 زاۋىت سالىپ بەرۋگە قۇمىل. قازاقستاندا جالپى ىشكى ءونىم نەگە جىلدان جىلعا ورلەمەيدى؟ بۇعان وسى كەزگە دەيىن بىردە ءبىر ۇكىمەت جاۋاپ بەرگەن ەمەس. بۇرىن ەشقانداي ۇكىمەتتىك باعدارلامالاردا كوزدەلمەگەن، ەشقاشان تالقىلانباعان «51 قىتاي كومپانياسىن قازاقستانعا كوشىرۋ

پىكىر قالدىرۋ

ەلەكتورندى پوشتاڭىز سىرتقا جاريالانبايدى. بەلگى قويىلعان ءورىستى تولتىرۋ مىندەتتى *

اتى-ءجونى *

Email *

سايتى

Kerey.kz/كەرەي.كز

ءبىز تۋرالى:

تەل: +7 7071039161
Email: kerey.qazaq@gmail.com

Kerey.kz ءتىڭ بۇرىنعى نۇسقاسىن http://old.kerey.kz تەن وقي الاسىزدار!

KEREY.KZ

سايت ماتەريالدارىن پايدالانعاندا دەرەككوزگە سىلتەمە كورسەتۋ مىندەتتى. اۆتورلار پىكىرى مەن رەداكتسيا كوزقاراسى سايكەس كەلە بەرمەۋى مۇمكىن. جارناما مەن حابارلاندىرۋلاردىڭ مازمۇنىنا جارناما بەرۋشى جاۋاپتى.

سايت ساناعى: