|  | 

الەۋمەت

اۋىل تويى – دارحاندىقتىڭ بەلگىسى

شىعىس قازاقستان وبلىسى كۇرشىم اۋنىنىڭ مارالدى اۋىلىندا
دۇركىرەگەن توي ءوتتى.IMG_6482
نارىق زامانىندا جۇمىسسىزدىقتىڭ سالدارىنان كەرقۇلانداي
جوسىلىپ، قالاعا كوشكەندەر اۋىلعا دەگەن ىستىق ىقىلاسىن، ساعىنىشتى
سەزىمىن تىلمەن جەتكىزە المايدى. سەبەبى، كىندىك قانى تامعان توپىراقتىڭ
قاسيەتى تىم بولەك. وسىندايدا جالپاق جۇرتقا جار سالماي، ۇندەمەي ۇلكەن ءىس
تىندىراتىن اۋىل ازاماتتارىن القالاۋعا تۇرارلىق. مارالدىنىڭ
مارقاسقالارى 15 جىلدان بەرى «اۋىل كۇنى» مەرەكەسىن تويلاۋدان جالىققان
ەمەس. وسى ەرەكشەلىگىمەن اۋىل ازاماتتارى شىعىس جۇرتىنا ۇلگى بولىپ
كەلەدى.
اۋىل كلۋبىندا الدىمەن اس بەرىلىپ، مارقۇمدارعا قۇران باعىشتالدى.
رەسمي جينالىستا وكرۋگ اكىمى فارحات وجىكەنوۆكە وبلىس اكىمى دانيال
احمەتوۆتىڭ، قر دەنساۋلىق ساقتاۋ سالاسىنىڭ ۇزدىگى 35 جىل قىزمەت ەتىپ،
زەينەتكە شىققان جوعارى ساناتتى پەدياتر كۇلزيكەن اناپيەۆاعا اۋدان اكىمى
دۋلات قاجانوۆتىڭ قۇرمەت گراموتاسى تابىس ەتىلدى.
ءىس-شاراعا «Nur otan» پارتياسى اۋداندىق فيليالى توراعاسىنىڭ
ءبىرىنشى ورىنباسارى مامىربەك قالەلوۆ، اۋداندىق مادەنيەت، تىلدەردى
دامىتۋ، دەنە شىنىقتىرۋ جانە سپورت ءبولىمىنىڭ باسشىسى باقىتقان
ولمەسەكوۆ، «Altai» تەلەارناسىنىڭ ديرەكتورى ايدا جاباگيەۆا قاتىسىپ،
حالىقتىڭ بەرەكەسىنە ءتانتى بولعاندىقتارىن جاسىرمادى. اۋىل تويىنا نۇر-
سۇلتان، الماتى، سەمەي، وسكەمەن، زايسان، ريددەر قالاسىنا قونىس اۋدارعان
اۋىلدىڭ تۋمالارى الىستان ات تەرلەتىپ جەتتى. ساۋىن ايتۋمەن قۇرىلعان قورعا
اركىم جاعدايىنا قاراي قولىندا بارىن سالىپ، دۋماندى شارانىڭ سالتاناتتى
تۇردە وتۋىنە اتسالىستى.IMG_6467
اۋىل ساياباعىنا وسكەمەندىك مارات ۋاليەۆ، مەلسەرحان ابدراحمانوۆ،
توقتاسىن نابيەۆتەردىڭ دەمەۋشىلىگىمەن جاسالعان ساحنا ورناتىلدى. ساياباق
ىشىندە قالىڭ ءنوپىر ادام سىركىرەگەن جاۋىنعا قاراماي، جۇزدەرى جايناپ،
قۋانىشتىڭ لەبى ەسىپ، ويىنداردى تاماشالادى. وتكەن سپورتتىق جارىسقا
وسكەمەننەن، اۋداندانعا قاراستى وزگە اۋىل كوماندالارىنان 200-گە جۋىق
سپورتشى قاتىستى. فۋتبولدان كۇرشىم I ورىن، II ورىندى ۇشبۇلاق، III
ورىندى كۇرشىم-2 كومانداسى يەلەندى. ۆولەيبولدان اقسۋات اۋىلى I ورىن،
قايىڭدى اۋىلى II ورىن، توي يەسى مارالدىلىقتار III ورىننان كورىندى. گىر
كوتەرۋ، گورودكي، ۆولەيبول، ەرلەر جانە قىزدار اراسىندا ارقان تارتۋ، ۇلتتىق
ات سپورت ويىندارىنان الامان بايگە، قۇنان بايگە، جورعا، تاي جارىسىن
وتكىزىلدى. 1963 جىلعىلار جەرلەستەرى مەكەن قىرامباەۆ اتىندا گىر تاسىن

كوتەرۋدەن جارىس ۇيىمداستىرىپ، استانالىق تالعات ءيسيننىڭ دەمەۋىمەن
ارنايى دايىندالعان مەدال مەن قوسا باس جۇلدەگە 150 مىڭ تەڭگە اقشالاي
سىيلىق تاعايىندادى. لوتورەيا ويناتىلىپ، بيلەتكە باعالى جۇلدە
موتوتسيكلدەن باستاپ، ۆەلوسيپەد، تۇرمىستىق زاتتار تىگىلدى. ۇتىس بيلەتتەرىنەن
تۇسكەن قارجى اۋىلدى اباتتاندىرۋعا جۇمسالاتىن بولدى.
الماتى قالاسىنىڭ تۇرعىنى بەلگىلى كاسىپكەر، مەرەكەنى
ۇيىمداستىرۋشى مارالدىنىڭ تۋماسى، سەيسەباەۆ ەرگەن
قاجىمحانۇلى: –اۋىل مەرەكەسى – بۇل تۋعان جەرگە تاعزىم، مارالدىعا دەگەن
ساعىنشتىڭ مەرەكەسى. اتا-بابانى ەسكە الىپ ۇلكەن اس بەرەتىن كۇن. وسى
شارانىڭ باسى-قاسىندا جۇرگەن ءادىل قوجاقوۆ، قۋات ەسيموۆ، جاندوس
تولەباەۆ جانە الىستان كەلگەن ازاماتتار بولسا، قوماقتى قارجىلاي كومەك
اتاعاندار جانات نۇرسەيىتقىزى، ەربول توقتاعۇلوۆ، مۇراتحان وردابەۆ
قاتارلى ازاماتتار قولداۋ كورسەتتى. ەشكىمنەن شەن-شەكپەن دامەتپەي،
«جالعىز اعاش ورمان بولماس»،-دەپ، تۋعان اۋىلىنىڭ قۋانىشىنا ورتاقتاسىپ،
بەرەكەنىڭ وزىق ۇلگىسىن كورسەتكەن ازاماتتارعا العىسىم شەكسىز. اۋىل
ءومىرىمنىڭ ايناسى، باقىتىمنىڭ باستاۋى، قايدا جۇرسەم دە تۋعان اۋىلعا
اڭسارىم اۋىپ تۇراتىنى سوندىقتان.IMG_6524
اۋىل تويىنا ارنايى كەلگەن «مۋزارت» توبىنىڭ ءانشىسى كەنجەبەك
ءجانابىلوۆ: –شىعىسقا سان مارتە كەلسەم دە، مارالدىعا ءبىرىنشى رەت تابان
تيگىزدىم. قانداي تاماشا تابيعات، ساف اۋا، جانىڭدى جادىراتىپ، كوكىرەك
سارايىڭدى اشىپ جىبەرەدى ەكەن. اۋىل حالقىنىڭ ىنتىماعى مەن بەرەكەسىنە
ەرەكشە ءتانتى بولدىم. ءوزىمىز دە اۋىلدا وسكەندىكتەن، اۋىلدا ات ءمىنىپ، سۋعا
شومىلىپ، كۇنىنە قاقتالىپ، دارحان كوڭىلدى جۇرتپەن ەمەن-جارقىن
اڭگىمەلەسىپ قايتۋدان اسقان دەمالىس جوق. اركىمنىڭ تۋعان توپىراعى وتتاي
ىستىق دەسەك تە، مەن ءۇشىن قازاق دالاسىنىڭ ءاربىر تاۋى مەن تاسى كوزىمنىڭ
قاراشىعى سەكىلدى. ەشقاشان ءبولىپ-جارىپ قارامايمىن. اۋىل تويى
مەرەكەسىنەن كوپ نارسەنى اڭعاردىم، اس بەرىپ، وتكەندەردى ەسكە الىپ،
اقساقالداردىڭ باتاسىنا قول جايۋ-ءار پەرزەنتتىڭ بورىشى. توي تەك ءىشىپ-
جەۋدەن، كوڭىل كوتەرۋدەن تۇرمايتىنىن مارالدىلىقتار دالەلدەدى. ءداستۇردى
جاڭعىرتىپ، ۇلتتىق ات سپورت ويىندارىن وتكىزگەندە، اتقا مىنگەن بارلىق
شاباندوزعا سىياقى بەرگەندى ءبىرىنشى رەت كورۋىم.
تۇمادان قايناپ شىققان تاۋ سۋىنىڭ سىلدىرى، جايقالعان جاسىل
مايسا، ءبۇر جارعان توبىلعىلار، مويىل مەن اق قايىڭدار ادامنىڭ جان-
دۇنيەسىن سەرپىلتپەي قويمايدى. حالقىمىزدىڭ سانى ارتىپ، قۇتتى مەكەن
اۋىلدىڭ اجارى تايماسىن!

كوگەداي شامەرحان

سۋرەتتەر اۆتوردىكى.

kerey.kz

Related Articles

  • دەرتىنە شيپا ىزدەگەن الماتىلىقتار بۋدديسكە اعىلىپ جاتىر

    موڭعوليانىڭ اتاقتى حالىق ەمشىسى، بۋدديست قازاقتاردى ەمدەۋ ءۇشىن الماتىعا كەلدى. لامايزم ءدىنىنىڭ وكىلى وزدەرىنىڭ قۇدايى بۋرحانعا سيىناتىنىن ايتادى. قازاقتار 80 جاستاعى بۋدديستەن شيپا الۋ ءۇشىن كەزەكتە تۇر. ءبوحچۋلۋن دامدين قازاقستانعا ارنايى شاقىرتۋمەن كەلگەن. ءتورت كۇننەن بەرى الدىنان ادام ۇزىلمەي جاتقان 80 جاستاعى اقساقال، 2 جارىم مىڭ شاقىرىم جولدان شارشاپ كەلسە دە ءبىر كۇننەن سوڭ جۇمىسىنا كىرىسىپ كەتتى. مي شايقالۋ، ءتۇرلى باس اۋرۋلارى، بۇيرەكتىڭ سوزىلۋى، بۋىن اۋرۋلارى، كوز تيۋ، بالا كوتەرمەۋ سىندى وزگە دە دەنساۋلىعىندا كىناراتتارى بار ادامداردى قارايدى. موڭعولداردىڭ ۋرانحاي رۋىنان شىققان ءبوحچۋلۋن اقساقالدى ءوزىنىڭ جولىن قۋعان، 12 جاسىنان لامالىق جولعا تۇسكەن 40 جاستاعى ۇلى گالوروگ ەرتىپ ءجۇر. اقساقال ەمشىلىك قاسيەتتىڭ اتا-باباسىنان بەرى جالعاسىپ كەلە جاتقانىن ايتادى. ەمشىلىك ءتورتىنشى اتالارىمنان بەرى كەلە جاتقانىن بىلەم، بۇل قاسيەت 8

  • تالدىقورعان-وسكەمەن تاس جولى «تاسباقاعا» ارنالعان با؟

    رەسپۋبليكالىق ماڭىزى بار اۆتوموبيل جولىنىڭ  313,5 شاقىرىمى  الماتى وبلىسىنا تيەسىلى. «قازاۆتوجول» ۇك» اق» وبلىستىق فيليالى باسشىلىعى جول ۇستىندە جىلدامدىقتى ساعاتىنا 40 كيلومەتردەن اسىرماۋ كەرەك دەپ وتىر. تالدىقورعان-وسكەمەن تاس جولى شىعىستا الاكولمەن شەكتەسەدى. وسى باعىتتا  «قازاۆتوجول» ۇك» اق» الماتى وبلىستىق فيليالىنىڭ تاپسىرىسىمەن  ۋاقىتشا جول سالىنعان. ۋاقىتشا دەگەن اتى بولماسا، ويدىم-ويدىم جولمەن جولاۋشىلار بەس جىل جۇرە تۇرۋى ءتيىس. بىلتىر توسەلگەن جاڭا جول ارقىلى كۇنىنە ورتاشا ەسەپپەن 3 جارىم مىڭ كولىك وتەدى ەكەن. ساپارعا شىققاندار دىتتەگەن جەرىنە دىڭكەسى قۇرىپ ارەڭ جەتەدى. كوپشىلىگى الاكولدىڭ شيپالى سۋىنا شومىلۋعا اسىققان تۋريستەر. «قازاۆتوجول» ۇك» اق» الماتى وبلىستىق فيليالىنىڭ ديرەكتورى جاناباي قوبىلانديننىڭ سوزىنە سەنسەك، كولىك جۇرگىزۋشىلەرى جول بويىنا قويىلعان بەلگىلەردى ەسكەرۋى ءتيىس. «سىزدەر بىرىنشىدەن جۋرناليست بولساڭىز ءوزىڭىزدىڭ ماشيناڭىزعا وتىرىڭىز

  • جاناشىر ازامات مولديار نۇرباەۆ مامانيا مەكتەبىن قايتا جاڭالادى

      ەلىمىزدىڭ ءار ايماعىنداعى اۋىلداردا توزىعى جەتىپ قاڭىراپ قالعان نىساندار جەتەرلىك. سودان با كەزىندە تىرشىلىكتىڭ قىز-قىز قايناعان ورداسىنا اينالعان ولكەلەر بۇل كۇندە سۇرقاي تارتىپ، سۋىقتانىپ بارا جاتىر. ارينە، ونى قايتا ءتىرىلتۋ، ءوڭى قاشقان ولكەنىڭ شىرايىن كىرگىزۋ – ءبىز بەن ءسىزدىڭ، ەل ازاماتتارىنىڭ مىندەتى. «ەلىم ماعان نە بەرەدى ەمەس، مەن ەلىمە نە بەرەمىن» دە­­گەن ۇستانىم، وسى جولى دا ال­دان شىعادى. مەملەكەت قام­­قورلىعى جەتپەي جاتقان شال­عاي اۋىلدارعا سول جەردەن شىق­قان، بۇگىندە كاسىبى مەن ءناسىبى تاسىعان ازاماتتار كو­مەك قولىن سوزىپ جاتسا، بۇل ءال­بەتتە، قۇپتارلىق ءىس. ەلباسى «بولاشاققا باعدار: رۋحاني جاڭعىرۋ» باعدارلاماسىندا «قازاق «تۋعان جەرگە تۋىڭدى تىك» دەپ بەكەر ايتپاعان. پات­ريو­تيزم كىندىك قانىڭ تامعان جەرىڭە، وسكەن اۋىلىڭا، قالاڭ مەن وڭىرىڭە، ياعني تۋعان جەرىڭە دەگەن

  • قازاقستان ازاماتتىعىن العان 11 مىڭعا جۋىق ەتنيكالىق قازاقتىڭ كوبى وزبەكستان مەن قىتايدان كەلگەن

    كورنەكى سۋرەت. جىل باسىنان بەرى 10,7 مىڭنان استام ەتنيكالىق قازاق قازاقستان ازاماتتىعىن العان. بۇل اقپاراتتى 5 قىركۇيەكتە قازاقستاننىڭ ەڭبەك جانە حالىقتى الەۋمەتتىك قورعاۋ مينيسترلىگى حابارلادى. اقپارات بويىنشا، ازاماتتىق العانداردىڭ باسىم بولىگى (48,5 پايىز نەمەسە شامامەن بەس مىڭنان استام ادام) وزبەكستان جانە قىتايدان (36 پايىز) كەلگەن. قازاقستان تولقۇجاتىن العاندار اراسىندا بۇعان قوسا، موڭعوليا (6,2 پايىز), تۇركىمەنستان (5,4 پايىز), رەسەي فەدەراتسياسى (1,1 پايىز), يران (0,5 پايىز) جانە وزگە ەلدەردەن كەلگەندەر دە بار. مينيسترلىك دەرەگىنشە، كەلگەن ازاماتتار نەگىزىنەن اقمولا جانە ماڭعىستاۋ، جامبىل وبلىستارىنا شوعىرلانعان. “1991 جىلدان باستاپ 300 مىڭنان استام وتباسى نەمەسە ميلليوننان استام ەتنيكالىق قازاق تاريحي وتانىنا ورالىپ، ورالمان مارتەبەسىن العان” دەلىنگەن مينيسترلىك حابارلاماسىندا. ەڭبەك جانە حالىقتى الەۋمەتتىك قورعاۋ ۆيتسە-ءمينيسترى احمادي سارباسوۆتىڭ

  • تۇركىستان وبلىسىنىڭ تۇلكىباس اۋدانىندا جاڭا سپورت كەشەنى اشىلدى.

    «ەر جانىبەك» اتىنداعى 240 ادامعا ارنالعان شىنىقتىرۋ-ساۋىقتىرۋ ورتالىعى  ساستوبە كەنتىندە پايدالانۋعا بەرىلدى.  نىسان مەملەكەتتىك-جەكەمەنشىك ارىپتەستىك اياسىندا جۇزەگە استى. قۇنى 454 ملن تەڭگە بولاتىن سپورت كەشەنىندە بوكس، دزيۋدو، ۇستەل تەننيسى، باسكەتبول، ەركىن كۇرەس جانە تاعى دا باسقا سپورت تۇرلەرىمەن اينالىسۋعا بولادى. كەلۋشىلەرگە ىڭعايلى بولۋى ءۇشىن كيىم اۋىستىرىپ، دۋش قابىلداۋعا بولادى. بۇدان بولەك، باپكەرلەر مەن مەدبيكەلەرگە ارنالعان بولمەلەرمەن دە قامتىلعان. تۇركىستان وبلىسى، تۇلكىباس اۋدانى، ساستوبە ەلدىمەكەنىندە وتكەن “ەر جانىبەك” اتىنداعى سپورت كەشەنىنىڭ اشىلۋ مەرەي تويىنا “Tuǵurul han” Halyqaralyq Qoǵamdyq Birlestıgınıń اتىنان: قارجاۋباي سارتقوجا – پرەزيديۋم باسقارماسىنىڭ توراعاسى (قۇرىلتايشى); مامىرباەۆ راحيمبەك – پرەزيديۋم باسقارماسىنىڭ مۇشەسى (قۇرىلتايشى); يگباەۆ نۇرجان – “Tuǵurul han” Halyqaralyq Qoǵamdyq Birlestıgınıń پرەزيدەنتى قاتارلى ازاماتتار ارنايى قاتىسىپ قايتتى.   سالتاناتتى جيىننىڭ اشىلۋىنا

پىكىر قالدىرۋ

ەلەكتورندى پوشتاڭىز سىرتقا جاريالانبايدى. بەلگى قويىلعان ءورىستى تولتىرۋ مىندەتتى *

اتى-ءجونى *

Email *

سايتى

Kerey.kz/كەرەي.كز

ءبىز تۋرالى:

تەل: +7 7071039161
Email: kerey.qazaq@gmail.com

Kerey.kz ءتىڭ بۇرىنعى نۇسقاسىن http://old.kerey.kz تەن وقي الاسىزدار!

KEREY.KZ

سايت ماتەريالدارىن پايدالانعاندا دەرەككوزگە سىلتەمە كورسەتۋ مىندەتتى. اۆتورلار پىكىرى مەن رەداكتسيا كوزقاراسى سايكەس كەلە بەرمەۋى مۇمكىن. جارناما مەن حابارلاندىرۋلاردىڭ مازمۇنىنا جارناما بەرۋشى جاۋاپتى.

سايت ساناعى: