|  |  | 

Köz qaras Sayasat

28 PANFILOVŞILAR TURALI AÑIZDIÑ AQIQATI

Marat Baidildauly

Özimiz kişkentayımızdan erligin mektepte oqıp ösken 28 panfilovşı turalı anıqtalğan aqiqat bwrınnan qalıptasqan wğımmen mülde üylespeydi. Ol oydan şığarılğan añız ğana bolıp şıqtı. İs jüzinde ol “Krasnoy zvezda” gazetiniñ ädebi hatşısı YU.A.Krivickiydiñ qiyalınan tuğan dünie eken. Daqpırt osı jurnalistiñ 1942 jılı 22-qañtarda «Krasnaya zvezda» gazetinde jariyalanğan «28 panfilovşınıñ ösieti» degen materialınan bastau alğan. 1942 jılı mausım ayında Batıs maydan komandovaniesiniñ wsınuımen 1942 jılı 21-şildede Krivickiydiñ materialında atı-jönderi atalğan 28 jauıngerdiñ bärine Keñes Odağınıñ Batırı atağı berilgen. Keyin köp närseniñ beti aşıla bastadı.

Alğaşında tügel jer jastandı delinip jürgen 28 batırdıñ beseui: Vasil'ev Illarion Romanoviç, Şemyakin Grigoriy Melent'eviç, Şadrin Ivan Demidoviç, Dobrobabin Ivan Evstaf'eviç pen Kujebergenov Daniil Aleksandroviç tirilerdiñ qatarınan tabıldı. Masqara bolğanda bwlardıñ işinde «Keñes Odağınıñ Batırı» atanğan Dobrobabin Ivan Evstaf'eviç satqın bolıp şıqtı. Har'kov garnizonı Äskeri prokuraturası jürgizgen tergeu materialdarı onıñ 1942 jıldıñ kökteminde nemisterge öz erkimen berilip, qızmet etkenin anıqtağan. Nemister uaqıtşa okkupaciyalağan Har'kov oblısı Val'kov audanı Perekop selosında policiya bastığı bolıp istegen. 1947 jılı qaraşa ayında Dobrobabin qamauğa alınıp, sottaldı.

1942 jıldıñ mamır ayında Batıs maydannıñ ayırıqşa bölimi nemisterge öz erkimen berilgeni üşin 8-gvardiyalıq panfilovşılar diviziyası 1075 polki 2-batal'onı 4-rotasınıñ jauıngeri Kujebergenov Daniil Aleksandroviçti twtqınğa aldı. Ol öziniñ 1941 jılı Dubosekovo tübindegi şayqasqa qatıspağandığın, «qatısqan erlikterin» gazetten oqıp alğandığın aytıp bergen. Resmi tüsiniktemesinde YU.A.Krivickiydiñ özi 28-panfilovşınıñ erligi öziniñ jurnalistik qiyalınan tuğandığın jasırmay aytıp bergen.

1075 polktiñ bwrınğı komandiri Karpov Il'ya Vasil'eviç te Dubosekovo raz'ezdi tübinde 1941 jılı 16-qaraşada nemis tankilerimen eşqanday soğıs bolmağandığın, bwl oqiğanıñ tügelimen oydan şığarılğandığın köldeneñ tartqan. Aumağında Duboskovo selosı bar Nelidov selolıq sovetiniñ törayımı N. Smirnova 1942 jıldıñ aqpan ayınıñ basında üş jauıngerdiñ denesin, qar eri bastağan soñ naurız ayında tağı üş jauınger denesin (onıñ biri soldattar tanığan politruk Kloçkov denesi) tauıp jerlegen. Basqa ölgen sovet jauıngerleriniñ denesi bolmağan.

Kloçkov «Şeginetin jer joq, artımızda Moskva!» degen sözdi aytpağan. Ol sözdi Kloçkovtıñ auzına jurnalist salğan bolıp şıqtı.

Osı keltirilgen derektiñ bäri 28 panfilovşılar erligi oydan şığarılğan añız ekendigin körsetip twr. Sonda Almatıdağı 28 panfilovşılar memorialı oydan şığarılğan añızğa qoyılğan bolıp şığadı. Bwl aytılğannıñ bäri qazaqstandıqtardıñ Ekinşi jahan soğısındağı erlikterin kemsitu üşin emes aqiqattıñ orın aluı üşin jazılıp otır.

Sondıqtan «28 gvardiyalıq panfilovşılar atındağı park atauı «Otan qorğauşılar parki» bolıp özgertiluge tiis. Al «28-panfilovşılar monumenti» bwzılıp, ol jerge «Otan qorğauşılar» monumenti orın alsa qwba qwp. «Otan qorğauşılar» monumentine Abılay han, Qarakerey Qabanbay, Qanjığalı Bögembay, Şapıraştı Qarasay, Naurızbay, Qañlı Sarbwqa, Rayımbek, han Kene jäne t.b. Otanımızdı şınayı qorğağan batırlarımız beynesi twruı kerek!

Oydan şığarılğan qaharmandıqqa tabınudıñ eşqanday reti joq!

Marat Baidildauly sureti.

Related Articles

  • BOLATTI BOSQA JAMANDAMAYIQ…

    Päter jaldap twratın 5 balası bar jesir äyeldi tanitınmın. Sol kisige köpten beri kömekteskim kep jürgen. Aqşalay bereyin desem, sol sätte bere qoyatın artıq aqşam da bolmadı. Jağdayı auır bolatın. Sodan ol kisige qayırımdılıqpen aynalısatın wyımdardan bir kömek alıp bereyinşi dep sonday qorlardı izdestire bastadım. İzdep jürip jağdayı joq otbasılarğa järdemdesetin bir qordı taptım. Men barğan kezde kömekke mwqtaj adamdardıñ tizimin jasap jattı. Tizimi tolıp qalıptı. Olarğa jañağı äyeldiñ jağdayın aytıp, ay sayın 30-40 mıñ teñgeniñ azıq-tüligin tegin alıp twratınday qılıp tizimge engizdim. Iığımnan bir jük tüsip, älgi jerden jeñildep qalğanday bolıp şığıp kele jatır edim, sırtta sonday bir kisiler qap-qap kartop pen makarondı mäşinesine tiep jatır eken. Äñgimelesip twrsaq,

  • Aziya soqpağı qayda aparadı?

    Quanışbek QARI Soldan oñğa qaray: Äzerbayjan prezidenti Ilham Äliev, Resey prezidenti Vladimir Putin, Qazaqstan prezidenti Qasım-Jomart Toqaev jäne Filippin prezidenti Rodrigo Duterte. Valday pikirtalas klubı, Soçi, Resey, 3 qazan 2019 jıl. Aqorda saytındağı suret. Qazaqstan prezidentiniñ Soçide aytqan Reseydiñ Ortalıq Aziyadağı ornı turalı pikirin eldegi resmi baspasöz jariyalamadı. Sarapşılardıñ keybiri Toqaevtıñ aytqandarın Qıtayğa sapardan keyingi aqtalu retinde bağalasa, keybiri diplomatiyalıq iltipatpen baylanıstıradı. Ötken aptada Reseydiñ Soçi qalasında halıqaralıq “Valday” pikirtalas klubında söylegen sözinde Qazaqstan prezidenti Qasım-Jomart Toqaev Reseydi “wlı memleket” dep atadı. Qazaqstan basşısı Ortalıq Aziyanıñ Resey imperiyasınıñ bir “böligi” bolğanın aytıp, qazir de Mäskeudiñ Ortalıq Aziyada “jetekşi orınğa ie boluı kerektigine” toqtaldı. Alayda onıñ Resey turalı pikiri Qazaqstandağı resmi

  • Nıgmatullinge hat

    Qwrmetti Nwrlan Zayrullawlı! Türik parlamentiniñ spikeri M.Şentop mırza bizdiñ elge kelip ketkennen keyin biraz mäseleniñ äli künge deyin bası aşılmay qalıp otır. Qazirge deyin nwrşılar men gülenşiler sektası turalı az jazılğan joq. Fetkullah Gülenniñ jwmısına saraptama jasap qarasaq, onıñ jamağatındağı kapitaldıñ jalpı kölemi 50 mlrd dollardan asıp ketedi eken. Bwl aqşanıñ bärin olar zañdı jolmen tauıp otırğan joq. «Nwrşılardıñ» esirtki tasımalı men qaru- jaraq saudası siyaqtı tabısı köp käsipke de qatısı boluı mümkin. Türik baspasözi osığan deyin olardıñ Türkiyadağı bar kapitaldıñ 30 payızına («islam kapitalı») deyin ielik etip otırğanın talay ret jazdı. Memleket tarapınan qısım körgennen keyin nwrşılar astırtın äreketke köşip, specslujbağa wqsaytın arnaulı qızmetti de qwrıptı. Olar türkitildes halıqtar

  • Terrorşıl Çelahtıñ qaytalanbauına kim kepil?!

    2019 jıldıñ 8-21 qırküyeginiñ aralığında, reseylik Ekaterinburg qalasında äuesqoy bokstan kezekti älem birinşiligi ötti. Men osı jahandıq dodağa jurnalis retinde akkreditaciyalanğan edim. Altı medal' jeñip alğan qazaq qwrama komandası tağı da jer jüzindegi jwdırıqtasudıñ köşbasşısı ekendigin däleldedi. Satqın qazı-bilerdiñ zımiyandığı bolmağan jağdayda, Sverdlovsk aymağı şarşı alañındağı bılğarı qolğap şeberlerimizdiñ jetistikteri odan äri wlğaya tüser edi. Degenmen, 81 kelige deyin salmaq därejesindegi jaña älem jeñimpazı, soqqıları joyqın mañğıstaulıq Bekzat Nwrdäuletovtıñ qarqındı örleuine eşkim twsau sala almadı. Är qarsılasın eseñgiretip jiberdi jas çempionımız! Tipti, atı añızğa aynalğan kubalıq Olimpiya jeñimpazı Hulio La Krustıñ özi bizdiñ boksşıdan oysırata wtıldı. Bir qızığı, şirek finalındağı jeñisinen keyin La Krustıñ qoltañbasın aldım jäne aqtıq sındağı jeñisinen

  • Sibir jwrtı nemese KÖŞİM handığı qwlağannan keyin Batıs Sibir aymağında özgeriske wşırağan jer-sulardıñ bayırğı atauları.

    Şarlaq uezindegi el, jer, su ataularınıñ şığu törkini Qazirgi Soltüstik Qazaqstan oblısınıñ Uälihanov jäne Aqjar audanınıñ jeri Sovet ükimeti ornağan alğaşqı jiırmasınşı jıldarı Aqmola guberniyasına qarastı Orehov audanınıñ negizinde qwrılğan Şarlaq ueziniñ qaramağına qaradı. Onıñ qwramında on bes bolıstıq äkimşilik boldı. Osı on bes bolıstıñ işinde Alabota, Qoytas, Qorğan (keyinnen Qara Oy bolısı atandı), Qızılağaş, Kerey, Teke, Qarauıl (bwrınğı Nikolaev bolısı) bolıstarınıñ negizgi böligi qazaqtar bolğandıqtan köşpeli bolıstar atanğan edi. Bwl bolıstar qazirgi körşiles Uälihanov jäne Aqjar audandarınıñ aumağı. Qalğandarı: Dobrovol'skaya, Drobışev, Kotel'nikovo, Orehovo, Pokrov, Russkaya Polyana, Stepanov, Çernousov bolıstarı Ombı oblısına berildi. Bwlanbay auılınıñ tuması Zeynolla Ospanwlın auıl balaları «Zäken ätäy» dep ataytın edik. El men jerdiñ tarihın, osığan

Pikir qaldıru

Elektorndı poştañız sırtqa jariyalanbaydı. Belgi qoyılğan öristi toltıru mindetti *

Atı-jöni *

Email *

Saytı

Kerey.kz/Kerey.kz

Biz turalı:

Tel: +7 7071039161
Email: kerey.qazaq@gmail.com

Kerey.kz tiñ bwrınğı nwsqasın http://old.kerey.kz ten oqi alasızdar!

KEREY.KZ

Sayt materialdarın paydalanğanda derekközge silteme körsetu mindetti. Avtorlar pikiri men redakciya közqarası säykes kele bermeui mümkin. Jarnama men habarlandırulardıñ mazmwnına jarnama beruşi jauaptı.

Sayt sanağı: